| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
383. гуггудаж̇аад̇агам̣ (6-1-8)
383. Kukkuṭajātakaṃ (6-1-8)
57.
57.
сужид̇д̇абад̇д̇ачад̣̇ана , д̇амб̣ажуул̣а вихан̇г̇ама;
Sucittapattachadana , tambacūḷa vihaṅgama;
ороха д̣̇умасаакааяа, муд̇хаа бхарияаа бхаваами д̇з.
Oroha dumasākhāya, mudhā bhariyā bhavāmi te.
58.
58.
жад̇уббад̣̇ий д̇вам̣ галяаан̣и, д̣̇вибад̣̇аахам̣ манорамз;
Catuppadī tvaṃ kalyāṇi, dvipadāhaṃ manorame;
миг̇ий багкий асан̃н̃уд̇д̇аа, ан̃н̃ам̣ бариязса саамигам̣.
Migī pakkhī asaññuttā, aññaṃ pariyesa sāmikaṃ.
59.
59.
гомааригаа д̇з хзссаами, ман̃ж̇угаа бияабхаан̣иний;
Komārikā te hessāmi, mañjukā piyabhāṇinī;
винд̣̇а мам̣ ариязна взд̣̇зна, сааваяа мам̣ яад̣̇ижчаси.
Vinda maṃ ariyena vedena, sāvaya maṃ yadicchasi.
60.
60.
гун̣абаад̣̇ини лохид̇абз, жори гуггудабот̇ини;
Kuṇapādini lohitape, cori kukkuṭapothini;
на д̇вам̣ ариязна взд̣̇зна, мамам̣ бхад̇д̇аарамижчаси.
Na tvaṃ ariyena vedena, mamaṃ bhattāramicchasi.
61.
61.
нзнд̇и сан̣хаахи ваажаахи, б̣ил̣аарий вияа гуггудам̣.
Nenti saṇhāhi vācāhi, biḷārī viya kukkuṭaṃ.
62.
62.
яо жа уббад̇ид̇ам̣ ад̇т̇ам̣, на киббамануб̣уж̇жхад̇и;
Yo ca uppatitaṃ atthaṃ, na khippamanubujjhati;
амид̇д̇авасаманвзд̇и, бажчаа жа ануд̇аббад̇и.
Amittavasamanveti, pacchā ca anutappati.
63.
63.
яо жа уббад̇ид̇ам̣ ад̇т̇ам̣, киббамзва ниб̣од̇хад̇и;
Yo ca uppatitaṃ atthaṃ, khippameva nibodhati;
мужжад̇з сад̇д̇усамб̣аад̇хаа, гуггудова б̣ил̣аарияаад̇и.
Muccate sattusambādhā, kukkuṭova biḷāriyāti.
гуггудаж̇аад̇агам̣ адтамам̣.
Kukkuṭajātakaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [383] 8. гуггудаж̇аад̇агаван̣н̣анаа • [383] 8. Kukkuṭajātakavaṇṇanā
