| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๔๘. กุกฺกุฎชาตกํ (๑๐)
448. Kukkuṭajātakaṃ (10)
๑๐๔.
104.
นาสฺมเส กตปาปมฺหิ, นาสฺมเส อลิกวาทิเน;
Nāsmase katapāpamhi, nāsmase alikavādine;
นาสฺมเส อตฺตตฺถปญฺญมฺหิ, อติสเนฺตปิ นาสฺมเสฯ
Nāsmase attatthapaññamhi, atisantepi nāsmase.
๑๐๕.
105.
ฆสนฺติ มเญฺญ มิตฺตานิ, วาจาย น จ กมฺมุนาฯ
Ghasanti maññe mittāni, vācāya na ca kammunā.
๑๐๖.
106.
สุกฺขญฺชลิปคฺคหิตา, วาจาย ปลิคุณฺฐิตา;
Sukkhañjalipaggahitā, vācāya paliguṇṭhitā;
มนุสฺสเผคฺคู นาสีเท, ยสฺมิํ นตฺถิ กตญฺญุตาฯ
Manussapheggū nāsīde, yasmiṃ natthi kataññutā.
๑๐๗.
107.
น หิ อญฺญญฺญจิตฺตานํ, อิตฺถีนํ ปุริสาน วา;
Na hi aññaññacittānaṃ, itthīnaṃ purisāna vā;
๑๐๘.
108.
นิสิตํว ปฎิจฺฉนฺนํ, ตาทิสมฺปิ จ นาสฺมเสฯ
Nisitaṃva paṭicchannaṃ, tādisampi ca nāsmase.
๑๐๙.
109.
มิตฺตรูเปนิเธกเจฺจ, สาขเลฺยน อเจตสา;
Mittarūpenidhekacce, sākhalyena acetasā;
วิวิเธหิ อุปายนฺติ, ตาทิสมฺปิ จ นาสฺมเสฯ
Vividhehi upāyanti, tādisampi ca nāsmase.
๑๑๐.
110.
อามิสํ วา ธนํ วาปิ, ยตฺถ ปสฺสติ ตาทิโส;
Āmisaṃ vā dhanaṃ vāpi, yattha passati tādiso;
ทุพฺภิํ กโรติ ทุเมฺมโธ, ตญฺจ หนฺตฺวาน 9 คจฺฉติฯ
Dubbhiṃ karoti dummedho, tañca hantvāna 10 gacchati.
๑๑๑.
111.
มิตฺตรูเปน พหโว, ฉนฺนา เสวนฺติ สตฺตโว;
Mittarūpena bahavo, channā sevanti sattavo;
ชเห กาปุริเส เหเต, กุกฺกุโฎ วิย เสนกํฯ
Jahe kāpurise hete, kukkuṭo viya senakaṃ.
๑๑๒.
112.
อมิตฺตวสมเนฺวติ, ปจฺฉา จ อนุตปฺปติฯ
Amittavasamanveti, pacchā ca anutappati.
๑๑๓.
113.
โย จ อุปฺปติตํ อตฺถํ, ขิปฺปเมว นิโพธติ;
Yo ca uppatitaṃ atthaṃ, khippameva nibodhati;
มุจฺจเต สตฺตุสมฺพาธา, กุกฺกุโฎ วิย เสนกา;
Muccate sattusambādhā, kukkuṭo viya senakā;
๑๑๔.
114.
ตํ ตาทิสํ กูฎมิโวฑฺฑิตํ วเน, อธมฺมิกํ นิจฺจวิธํสการินํ;
Taṃ tādisaṃ kūṭamivoḍḍitaṃ vane, adhammikaṃ niccavidhaṃsakārinaṃ;
อารา วิวเชฺชยฺย นโร วิจกฺขโณ, เสนํ ยถา กุกฺกุโฎ วํสกานเนติฯ
Ārā vivajjeyya naro vicakkhaṇo, senaṃ yathā kukkuṭo vaṃsakānaneti.
กุกฺกุฎชาตกํ ทสมํฯ
Kukkuṭajātakaṃ dasamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๔๘] ๑๐. กุกฺกุฎชาตกวณฺณนา • [448] 10. Kukkuṭajātakavaṇṇanā
