| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[448] 10. гуггудаж̇аад̇агаван̣н̣анаа
[448] 10. Kukkuṭajātakavaṇṇanā
наасмасз гад̇абаабамхийд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса вад̇хааяа барисагганам̣ аараб̣бха гат̇зси. д̇хаммасабхааяан̃хи бхигкуу д̣̇звад̣̇ад̇д̇асса аг̇ун̣агат̇ам̣ самудтаабзсум̣ ‘‘аавусо, д̣̇звад̣̇ад̇д̇о д̇хануг̇г̇ахаад̣̇ибаяож̇анзна д̣̇асаб̣аласса вад̇хад̇т̇амзва убааяам̣ гарод̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби зса маяхам̣ вад̇хааяа барисаггиязваа’’д̇и вад̇ваа ад̇ийд̇ам̣ аахари.
Nāsmasekatapāpamhīti idaṃ satthā veḷuvane viharanto devadattassa vadhāya parisakkanaṃ ārabbha kathesi. Dhammasabhāyañhi bhikkhū devadattassa aguṇakathaṃ samuṭṭhāpesuṃ ‘‘āvuso, devadatto dhanuggahādipayojanena dasabalassa vadhatthameva upāyaṃ karotī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi esa mayhaṃ vadhāya parisakkiyevā’’ti vatvā atītaṃ āhari.
ад̇ийд̇з госамб̣ияам̣ госамб̣аго наама рааж̇аа раж̇ж̇ам̣ гаарзси. д̇ад̣̇аа б̣од̇хисад̇д̇о згасмим̣ взл̣уванз гуггудаяонияам̣ ниб̣б̣ад̇д̇ид̇ваа анзгасад̇агуггудабаривааро аран̃н̃з васад̇и, д̇ассаавид̣̇уурз зго сзно васад̇и . со убааязна згзгам̣ гуггудам̣ г̇ахзд̇ваа каад̣̇анд̇о табзд̇ваа б̣од̇хисад̇д̇ам̣ сзсз каад̣̇и, б̣од̇хисад̇д̇о згагова ахоси. со аббамад̇д̇о взлааяа г̇ожарам̣ г̇ахзд̇ваа взл̣уванам̣ бависид̇ваа васад̇и. со сзно д̇ам̣ г̇ан̣хид̇ум̣ асаггонд̇о ‘‘згзна нам̣ убааязна убалаабзд̇ваа г̇ан̣хиссаамий’’д̇и жинд̇зд̇ваа д̇ассаавид̣̇уурз саакааяа нилийяид̇ваа ‘‘самма гуггударааж̇а, д̇вам̣ маяхам̣ гасмаа бхааяаси, ахам̣ д̇аяаа сад̣̇д̇хим̣ виссаасам̣ гад̇д̇угаамо, асугасмим̣ наама бад̣̇зсз самбаннаг̇ожаро, д̇ад̇т̇а убхоби г̇ожарам̣ г̇ахзд̇ваа ан̃н̃аман̃н̃ам̣ бияасам̣ваасам̣ васиссаамаа’’д̇и ааха. ат̇а нам̣ б̣од̇хисад̇д̇о ааха ‘‘самма, маяхам̣ д̇аяаа сад̣̇д̇хим̣ виссаасо наама над̇т̇и, г̇ажча д̇ва’’нд̇и. ‘‘самма, д̇вам̣ маяаа буб̣б̣з гад̇абаабад̇ааяа на сад̣̇д̣̇ахаси, ид̇о бадтааяа зваруубам̣ на гариссаамий’’д̇и. ‘‘на маяхам̣ д̇аад̣̇исзна сахааязнад̇т̇о, г̇ажча д̇ва’’нд̇и. ид̇и нам̣ яаавад̇ад̇ияам̣ бадигкибид̇ваа ‘‘зд̇зхи ан̇г̇зхи саманнааг̇ад̇зна буг̇г̇алзна сад̣̇д̇хим̣ виссаасо наама гаад̇ум̣ на ваддад̇ий’’д̇и ванагхадам̣ уннаад̣̇знд̇о д̣̇звад̇аасу саад̇хугаарам̣ д̣̇ад̣̇амаанаасу д̇хаммагат̇ам̣ самудтаабзнд̇о –
Atīte kosambiyaṃ kosambako nāma rājā rajjaṃ kāresi. Tadā bodhisatto ekasmiṃ veḷuvane kukkuṭayoniyaṃ nibbattitvā anekasatakukkuṭaparivāro araññe vasati, tassāvidūre eko seno vasati . So upāyena ekekaṃ kukkuṭaṃ gahetvā khādanto ṭhapetvā bodhisattaṃ sese khādi, bodhisatto ekakova ahosi. So appamatto velāya gocaraṃ gahetvā veḷuvanaṃ pavisitvā vasati. So seno taṃ gaṇhituṃ asakkonto ‘‘ekena naṃ upāyena upalāpetvā gaṇhissāmī’’ti cintetvā tassāvidūre sākhāya nilīyitvā ‘‘samma kukkuṭarāja, tvaṃ mayhaṃ kasmā bhāyasi, ahaṃ tayā saddhiṃ vissāsaṃ kattukāmo, asukasmiṃ nāma padese sampannagocaro, tattha ubhopi gocaraṃ gahetvā aññamaññaṃ piyasaṃvāsaṃ vasissāmā’’ti āha. Atha naṃ bodhisatto āha ‘‘samma, mayhaṃ tayā saddhiṃ vissāso nāma natthi, gaccha tva’’nti. ‘‘Samma, tvaṃ mayā pubbe katapāpatāya na saddahasi, ito paṭṭhāya evarūpaṃ na karissāmī’’ti. ‘‘Na mayhaṃ tādisena sahāyenattho, gaccha tva’’nti. Iti naṃ yāvatatiyaṃ paṭikkhipitvā ‘‘etehi aṅgehi samannāgatena puggalena saddhiṃ vissāso nāma kātuṃ na vaṭṭatī’’ti vanaghaṭaṃ unnādento devatāsu sādhukāraṃ dadamānāsu dhammakathaṃ samuṭṭhāpento –
104.
104.
‘‘наасмасз гад̇абаабамхи, наасмасз алигаваад̣̇инз;
‘‘Nāsmase katapāpamhi, nāsmase alikavādine;
наасмасз ад̇д̇ад̇т̇абан̃н̃амхи, ад̇исанд̇зби наасмасз.
Nāsmase attatthapaññamhi, atisantepi nāsmase.
105.
105.
‘‘бхаванд̇и хзгз бурисаа, г̇обибаасигаж̇аад̇игаа;
‘‘Bhavanti heke purisā, gopipāsikajātikā;
гхасанд̇и ман̃н̃з мид̇д̇аани, ваажааяа на жа гаммунаа.
Ghasanti maññe mittāni, vācāya na ca kammunā.
106.
106.
‘‘сугкан̃ж̇алибаг̇г̇ахид̇аа , ваажааяа балиг̇ун̣тид̇аа;
‘‘Sukkhañjalipaggahitā , vācāya paliguṇṭhitā;
мануссапзг̇г̇уу наасийд̣̇з, яасмим̣ над̇т̇и гад̇ан̃н̃уд̇аа.
Manussapheggū nāsīde, yasmiṃ natthi kataññutā.
107.
107.
‘‘на хи ан̃н̃ан̃н̃ажид̇д̇аанам̣, ид̇т̇ийнам̣ бурисаана ваа;
‘‘Na hi aññaññacittānaṃ, itthīnaṃ purisāna vā;
наанаавигад̇ваа сам̣саг̇г̇ам̣, д̇аад̣̇исамби жа наасмасз.
Nānāvikatvā saṃsaggaṃ, tādisampi ca nāsmase.
108.
108.
‘‘анарияагаммамогганд̇ам̣, ат̇зд̇ам̣ саб̣б̣агхаад̇инам̣;
‘‘Anariyakammamokkantaṃ, athetaṃ sabbaghātinaṃ;
нисид̇ам̣ва бадижчаннам̣, д̇аад̣̇исамби жа наасмасз.
Nisitaṃva paṭicchannaṃ, tādisampi ca nāsmase.
109.
109.
‘‘мид̇д̇аруубзнид̇хзгажжз, саакалязна ажзд̇асаа;
‘‘Mittarūpenidhekacce, sākhalyena acetasā;
вивид̇хзхи убааяанд̇и, д̇аад̣̇исамби жа наасмасз.
Vividhehi upāyanti, tādisampi ca nāsmase.
110.
110.
‘‘аамисам̣ ваа д̇ханам̣ вааби, яад̇т̇а бассад̇и д̇аад̣̇исо;
‘‘Āmisaṃ vā dhanaṃ vāpi, yattha passati tādiso;
д̣̇уб̣бхим̣ гарод̇и д̣̇уммзд̇хо, д̇ан̃жа ханд̇ваана г̇ажчад̇ий’’д̇и. – имаа г̇аат̇аа ааха;
Dubbhiṃ karoti dummedho, tañca hantvāna gacchatī’’ti. – imā gāthā āha;
д̇ад̇т̇а наасмасзд̇и наассасз. аяамзва ваа баато, на виссасзд̇и вуд̇д̇ам̣ ход̇и. гад̇абаабамхийд̇и батамам̣ гад̇абаабз буг̇г̇алз. алигаваад̣̇инзд̇и мусааваад̣̇имхиби на виссасз. д̇асса хи агад̇д̇аб̣б̣ам̣ наама баабам̣ над̇т̇и. наасмасз ад̇д̇ад̇т̇абан̃н̃амхийд̇и ад̇д̇ано ад̇т̇ааяа зва яасса бан̃н̃аа снзхавасзна на бхаж̇ад̇и, д̇ханад̇т̇игова бхаж̇ад̇и, д̇асмим̣ ад̇д̇ад̇т̇абан̃н̃зби на виссасз. ад̇исанд̇зд̇и анд̇о убасамз авиж̇ж̇амаанзязва жа б̣ахи убасамад̣̇ассанзна ад̇исанд̇з вияа бадижчаннагамманд̇зби б̣илабадижчаннааасийвисасад̣̇исз гухагабуг̇г̇алз. г̇обибаасигаж̇аад̇игаад̇и г̇уннам̣ бибаасагаж̇аад̇игаа вияа, бибаасид̇аг̇осад̣̇исаад̇и вуд̇д̇ам̣ ход̇и. яат̇аа бибаасид̇аг̇ааво д̇ид̇т̇ам̣ од̇арид̇ваа мукабуурам̣ уд̣̇агам̣ биванд̇и, на бана уд̣̇агасса гад̇д̇аб̣б̣аяуд̇д̇агам̣ гаронд̇и, звамзва згажжз ‘‘ид̣̇ан̃жид̣̇ан̃жа гариссаамаа’’д̇и мад̇хураважанзна мид̇д̇аани гхасанд̇и, бияаважанаанужчавигам̣ бана на гаронд̇и, д̇аад̣̇исзсу виссаасо махад̇о анад̇т̇ааяа ход̇ийд̇и д̣̇ийбзд̇и.
Tattha nāsmaseti nāssase. Ayameva vā pāṭho, na vissaseti vuttaṃ hoti. Katapāpamhīti paṭhamaṃ katapāpe puggale. Alikavādineti musāvādimhipi na vissase. Tassa hi akattabbaṃ nāma pāpaṃ natthi. Nāsmase attatthapaññamhīti attano atthāya eva yassa paññā snehavasena na bhajati, dhanatthikova bhajati, tasmiṃ attatthapaññepi na vissase. Atisanteti anto upasame avijjamāneyeva ca bahi upasamadassanena atisante viya paṭicchannakammantepi bilapaṭicchannaāsīvisasadise kuhakapuggale. Gopipāsikajātikāti gunnaṃ pipāsakajātikā viya, pipāsitagosadisāti vuttaṃ hoti. Yathā pipāsitagāvo titthaṃ otaritvā mukhapūraṃ udakaṃ pivanti, na pana udakassa kattabbayuttakaṃ karonti, evameva ekacce ‘‘idañcidañca karissāmā’’ti madhuravacanena mittāni ghasanti, piyavacanānucchavikaṃ pana na karonti, tādisesu vissāso mahato anatthāya hotīti dīpeti.
сугкан̃ж̇алибаг̇г̇ахид̇аад̇и баг̇г̇ахид̇ад̇ужчаан̃ж̇алино. ваажааяа балиг̇ун̣тид̇аад̇и ‘‘ид̣̇ам̣ д̣̇ассаама, ид̣̇ам̣ гариссаамаа’’д̇и важанзна бадижчаад̣̇игаа. мануссапзг̇г̇ууд̇и зваруубаа асаарагаа мануссаа мануссапзг̇г̇уу наама. наасийд̣̇зд̇и на аасийд̣̇з зваруубз на убаг̇ажчзяяа. яасмим̣ над̇т̇ийд̇и яасмин̃жа буг̇г̇алз гад̇ан̃н̃уд̇аа над̇т̇и, д̇амби наасийд̣̇зд̇и ад̇т̇о. ан̃н̃ан̃н̃ажид̇д̇аананд̇и ан̃н̃знан̃н̃зна жид̇д̇зна саманнааг̇ад̇аанам̣ , лахужид̇д̇аананд̇и ад̇т̇о. зваруубаанам̣ ид̇т̇ийнам̣ ваа бурисаанам̣ ваа на виссасзд̇и д̣̇ийбзд̇и. наанаавигад̇ваа сам̣саг̇г̇анд̇и яоби на саггаа анубаг̇анд̇ваа зд̇асса анд̇арааяам̣ гаад̇унд̇и анд̇арааяагаран̣ад̇т̇ам̣ наанаагааран̣зхи сам̣саг̇г̇амаавигад̇ваа д̣̇ал̣хам̣ гарид̇ваа бажчаа анд̇арааяам̣ гарод̇и, д̇аад̣̇исамби буг̇г̇алам̣ наасмасз на виссасзяяаад̇и д̣̇ийбзд̇и.
Sukkhañjalipaggahitāti paggahitatucchaañjalino. Vācāya paliguṇṭhitāti ‘‘idaṃ dassāma, idaṃ karissāmā’’ti vacanena paṭicchādikā. Manussapheggūti evarūpā asārakā manussā manussapheggū nāma. Nāsīdeti na āsīde evarūpe na upagaccheyya. Yasmiṃ natthīti yasmiñca puggale kataññutā natthi, tampi nāsīdeti attho. Aññaññacittānanti aññenaññena cittena samannāgatānaṃ , lahucittānanti attho. Evarūpānaṃ itthīnaṃ vā purisānaṃ vā na vissaseti dīpeti. Nānāvikatvā saṃsagganti yopi na sakkā anupagantvā etassa antarāyaṃ kātunti antarāyakaraṇatthaṃ nānākāraṇehi saṃsaggamāvikatvā daḷhaṃ karitvā pacchā antarāyaṃ karoti, tādisampi puggalaṃ nāsmase na vissaseyyāti dīpeti.
анарияагаммамогганд̇ад̇и анарияаанам̣ д̣̇уссийлаанам̣ гаммам̣ од̇арид̇ваа тид̇ам̣. ат̇зд̇анд̇и ат̇ирам̣ аббад̇идтид̇аважанам̣. саб̣б̣агхаад̇инанд̇и огаасам̣ лабхид̇ваа саб̣б̣зсам̣ убагхаад̇агарам̣. нисид̇ам̣ва бадижчаннанд̇и госияаа ваа билод̇игааяа ваа бадижчаннам̣ нисид̇акаг̇г̇амива. д̇аад̣̇исамбийд̇и зваруубамби амид̇д̇ам̣ мид̇д̇абад̇ируубагам̣ на виссасзяяа. саакалязнаад̇и мадтаважанзна. ажзд̇асаад̇и ажид̇д̇агзна. важанамзва хи нзсам̣ мадтам̣, жид̇д̇ам̣ бана т̇ад̣̇д̇хам̣ парусам̣. вивид̇хзхийд̇и вивид̇хзхи убааязхи од̇аараабзгкаа убаг̇ажчанд̇и. д̇аад̣̇исамбийд̇и яо зд̇зхи амид̇д̇зхи мид̇д̇абад̇ируубагзхи сад̣̇исо ход̇и, д̇амби на виссасзд̇и ад̇т̇о. аамисанд̇и каад̣̇анийяабхож̇анийяам̣. д̇хананд̇и ман̃жабадибаад̣̇агам̣ аад̣̇им̣ гад̇ваа авасзсам̣. яад̇т̇а бассад̇ийд̇и сахааяагаг̇зхз яасмим̣ таанз бассад̇и. д̣̇уб̣бхим̣ гарод̇ийд̇и д̣̇уб̣бхижид̇д̇ам̣ уббаад̣̇зд̇и, д̇ам̣ д̇ханам̣ харад̇и. д̇ан̃жа ханд̇ваанаад̇и д̇ан̃жа сахааяагамби чзд̇ваа г̇ажчад̇и. ид̇и имаа сад̇д̇а г̇аат̇аа гуггударааж̇аа гат̇зси.
Anariyakammamokkantati anariyānaṃ dussīlānaṃ kammaṃ otaritvā ṭhitaṃ. Athetanti athiraṃ appatiṭṭhitavacanaṃ. Sabbaghātinanti okāsaṃ labhitvā sabbesaṃ upaghātakaraṃ. Nisitaṃvapaṭicchannanti kosiyā vā pilotikāya vā paṭicchannaṃ nisitakhaggamiva. Tādisampīti evarūpampi amittaṃ mittapatirūpakaṃ na vissaseyya. Sākhalyenāti maṭṭhavacanena. Acetasāti acittakena. Vacanameva hi nesaṃ maṭṭhaṃ, cittaṃ pana thaddhaṃ pharusaṃ. Vividhehīti vividhehi upāyehi otārāpekkhā upagacchanti. Tādisampīti yo etehi amittehi mittapatirūpakehi sadiso hoti, tampi na vissaseti attho. Āmisanti khādanīyabhojanīyaṃ. Dhananti mañcapaṭipādakaṃ ādiṃ katvā avasesaṃ. Yattha passatīti sahāyakagehe yasmiṃ ṭhāne passati. Dubbhiṃ karotīti dubbhicittaṃ uppādeti, taṃ dhanaṃ harati. Tañca hantvānāti tañca sahāyakampi chetvā gacchati. Iti imā satta gāthā kukkuṭarājā kathesi.
111.
111.
‘‘мид̇д̇аруубзна б̣ахаво, чаннаа сзванд̇и сад̇д̇аво;
‘‘Mittarūpena bahavo, channā sevanti sattavo;
ж̇ахз гаабурисз хзд̇з, гуггудо вияа сзнагам̣.
Jahe kāpurise hete, kukkuṭo viya senakaṃ.
112.
112.
‘‘яо жа уббад̇ид̇ам̣ ад̇т̇ам̣, на киббамануб̣уж̇жхад̇и;
‘‘Yo ca uppatitaṃ atthaṃ, na khippamanubujjhati;
амид̇д̇авасаманвзд̇и, бажчаа жа мануд̇аббад̇и.
Amittavasamanveti, pacchā ca manutappati.
113.
113.
‘‘яо жа уббад̇ид̇ам̣ ад̇т̇ам̣, киббамзва ниб̣од̇хад̇и;
‘‘Yo ca uppatitaṃ atthaṃ, khippameva nibodhati;
мужжад̇з сад̇д̇усамб̣аад̇хаа, гуггудо вияа сзнагаа.
Muccate sattusambādhā, kukkuṭo viya senakā.
114.
114.
‘‘д̇ам̣ д̇аад̣̇исам̣ гуудамивод̣д̣ид̇ам̣ ванз, ад̇хаммигам̣ нижжавид̇хам̣сагааринам̣;
‘‘Taṃ tādisaṃ kūṭamivoḍḍitaṃ vane, adhammikaṃ niccavidhaṃsakārinaṃ;
аараа виваж̇ж̇зяяа наро вижагкан̣о, сзнам̣ яат̇аа гуггудо вам̣сагаананз’’д̇и. –
Ārā vivajjeyya naro vicakkhaṇo, senaṃ yathā kukkuṭo vaṃsakānane’’ti. –
имаа жад̇ассо д̇хаммарааж̇зна бхаасид̇аа абхисамб̣уд̣̇д̇хаг̇аат̇аа.
Imā catasso dhammarājena bhāsitā abhisambuddhagāthā.
д̇ад̇т̇а ж̇ахз гаабурисз хзд̇зд̇и бхигкавз, зд̇з гаабурисз бан̣д̣ид̇о ж̇ахзяяа. ха-гааро банзд̇т̇а нибаад̇амад̇д̇ам̣. бажчаа жа мануд̇аббад̇ийд̇и бажчаа жа ануд̇аббад̇и. гуудамивод̣д̣ид̇анд̇и ванз миг̇аанам̣ б̣анд̇ханад̇т̇ааяа гуудабаасам̣ вияа од̣д̣ид̇ам̣. нижжавид̇хам̣сагааринанд̇и нижжам̣ вид̣̇д̇хам̣санагарам̣. вам̣сагаананзд̇и яат̇аа вам̣саванз гуггудо сзнам̣ виваж̇ж̇зд̇и, звам̣ вижагкан̣о баабамид̇д̇з виваж̇ж̇зяяа.
Tattha jahe kāpurise heteti bhikkhave, ete kāpurise paṇḍito jaheyya. Ha-kāro panettha nipātamattaṃ. Pacchā ca manutappatīti pacchā ca anutappati. Kūṭamivoḍḍitanti vane migānaṃ bandhanatthāya kūṭapāsaṃ viya oḍḍitaṃ. Niccavidhaṃsakārinanti niccaṃ viddhaṃsanakaraṃ. Vaṃsakānaneti yathā vaṃsavane kukkuṭo senaṃ vivajjeti, evaṃ vicakkhaṇo pāpamitte vivajjeyya.
соби д̇аа г̇аат̇аа вад̇ваа сзнам̣ ааманд̇зд̇ваа ‘‘сажз имасмим̣ таанз васиссаси, ж̇ааниссаами д̇з гад̇д̇аб̣б̣а’’нд̇и д̇аж̇ж̇зси. сзно д̇ад̇о балааяид̇ваа ан̃н̃ад̇ра г̇ад̇о.
Sopi tā gāthā vatvā senaṃ āmantetvā ‘‘sace imasmiṃ ṭhāne vasissasi, jānissāmi te kattabba’’nti tajjesi. Seno tato palāyitvā aññatra gato.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣ бхигкавз д̣̇звад̣̇ад̇д̇о буб̣б̣зби маяхам̣ вад̇хааяа барисаггий’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа сзно д̣̇звад̣̇ад̇д̇о ахоси, гуггудо бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evaṃ bhikkhave devadatto pubbepi mayhaṃ vadhāya parisakkī’’ti vatvā jātakaṃ samodhānesi – ‘‘tadā seno devadatto ahosi, kukkuṭo pana ahameva ahosi’’nti.
гуггудаж̇аад̇агаван̣н̣анаа д̣̇асамаа.
Kukkuṭajātakavaṇṇanā dasamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 448. гуггудаж̇аад̇агам̣ • 448. Kukkuṭajātakaṃ
