| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. гуггудан̇г̇абан̃хо
2. Kukkuṭaṅgapañho
2. ‘‘бханд̇з нааг̇асзна, ‘гуггудасса бан̃жа ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани бан̃жа ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, гуггудо гаалзна самаязна бадисаллийяад̇и, звамзва ко, махаарааж̇а, яог̇инаа яог̇ааважарзна гаалзна самаязнзва жзд̇ияан̇г̇ан̣ам̣ саммаж̇ж̇ид̇ваа баанийяам̣ барибхож̇анийяам̣ убадтабзд̇ваа сарийрам̣ бадиж̇аг̇г̇ид̇ваа нахааяид̇ваа жзд̇ияам̣ ванд̣̇ид̇ваа вуд̣дхаанам̣ бхигкуунам̣ д̣̇ассанааяа г̇анд̇ваа гаалзна самаязна сун̃н̃ааг̇аарам̣ бависид̇аб̣б̣ам̣. ид̣̇ам̣, махаарааж̇а, гуггудасса батамам̣ ан̇г̇ам̣ г̇ахзд̇аб̣б̣ам̣.
2. ‘‘Bhante nāgasena, ‘kukkuṭassa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, kukkuṭo kālena samayena paṭisallīyati, evameva kho, mahārāja, yoginā yogāvacarena kālena samayeneva cetiyaṅgaṇaṃ sammajjitvā pānīyaṃ paribhojanīyaṃ upaṭṭhapetvā sarīraṃ paṭijaggitvā nahāyitvā cetiyaṃ vanditvā vuḍḍhānaṃ bhikkhūnaṃ dassanāya gantvā kālena samayena suññāgāraṃ pavisitabbaṃ. Idaṃ, mahārāja, kukkuṭassa paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, гуггудо гаалзна самаязнзва вудтаад̇и. звамзва ко, махаарааж̇а, яог̇инаа яог̇ааважарзна гаалзна самаязнзва вудтахид̇ваа жзд̇ияан̇г̇ан̣ам̣ саммаж̇ж̇ид̇ваа баанийяам̣ барибхож̇анийяам̣ убадтабзд̇ваа сарийрам̣ бадиж̇аг̇г̇ид̇ваа жзд̇ияам̣ ванд̣̇ид̇ваа бунад̣̇зва сун̃н̃ааг̇аарам̣ бависид̇аб̣б̣ам̣. ид̣̇ам̣, махаарааж̇а, гуггудасса д̣̇уд̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, kukkuṭo kālena samayeneva vuṭṭhāti. Evameva kho, mahārāja, yoginā yogāvacarena kālena samayeneva vuṭṭhahitvā cetiyaṅgaṇaṃ sammajjitvā pānīyaṃ paribhojanīyaṃ upaṭṭhapetvā sarīraṃ paṭijaggitvā cetiyaṃ vanditvā punadeva suññāgāraṃ pavisitabbaṃ. Idaṃ, mahārāja, kukkuṭassa dutiyaṃ aṅgaṃ gahetabbaṃ.
‘‘буна жабарам̣, махаарааж̇а, гуггудо бат̇авим̣ кан̣ид̇ваа кан̣ид̇ваа аж̇жхохаарам̣ аж̇жхохарад̇и. звамзва ко, махаарааж̇а, яог̇инаа яог̇ааважарзна бажжавзгкид̇ваа бажжавзгкид̇ваа аж̇жхохаарам̣ аж̇жхохарид̇аб̣б̣ам̣ ‘нзва д̣̇авааяа на мад̣̇ааяа на ман̣д̣анааяа на вибхуусанааяа, яаавад̣̇зва имасса гааяасса тид̇ияаа яаабанааяа вихим̣суубарад̇ияаа б̣рахмажарияаануг̇г̇ахааяа, ид̇и бураан̣ан̃жа взд̣̇анам̣ бадихан̇каами наван̃жа взд̣̇анам̣ на уббаад̣̇зссаами, яаад̇раа жа мз бхависсад̇и анаваж̇ж̇ад̇аа жа паасувихааро жаа’д̇и. ид̣̇ам̣, махаарааж̇а, гуггудасса д̇ад̇ияам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна –
‘‘Puna caparaṃ, mahārāja, kukkuṭo pathaviṃ khaṇitvā khaṇitvā ajjhohāraṃ ajjhoharati. Evameva kho, mahārāja, yoginā yogāvacarena paccavekkhitvā paccavekkhitvā ajjhohāraṃ ajjhoharitabbaṃ ‘neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya, iti purāṇañca vedanaṃ paṭihaṅkhāmi navañca vedanaṃ na uppādessāmi, yātrā ca me bhavissati anavajjatā ca phāsuvihāro cā’ti. Idaṃ, mahārāja, kukkuṭassa tatiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –
‘‘‘ганд̇аарз буд̇д̇амам̣сам̣ва, агкассаб̣бхан̃ж̇анам̣ яат̇аа;
‘‘‘Kantāre puttamaṃsaṃva, akkhassabbhañjanaṃ yathā;
звам̣ аахари аахаарам̣, яаабанад̇т̇амамужчид̇о’д̇и.
Evaṃ āhari āhāraṃ, yāpanatthamamucchito’ti.
‘‘буна жабарам̣, махаарааж̇а, гуггудо сажагкугоби рад̇д̇им̣ анд̇хо ход̇и. звамзва ко, махаарааж̇а, яог̇инаа яог̇ааважарзна ананд̇хзнзва анд̇хзна вияа бхавид̇аб̣б̣ам̣, аран̃н̃зби г̇ожараг̇аамз бин̣д̣ааяа жаранд̇знаби раж̇анийязсу руубасад̣̇д̣̇аг̇анд̇харасаподтаб̣б̣ад̇хаммзсу анд̇хзна б̣ад̇хирзна мууг̇зна вияа бхавид̇аб̣б̣ам̣, на нимид̇д̇ам̣ г̇ахзд̇аб̣б̣ам̣, наануб̣яан̃ж̇анам̣ г̇ахзд̇аб̣б̣ам̣. ид̣̇ам̣, махаарааж̇а, гуггудасса жад̇уд̇т̇ам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, т̇зрзна махаагажжааяанзна –
‘‘Puna caparaṃ, mahārāja, kukkuṭo sacakkhukopi rattiṃ andho hoti. Evameva kho, mahārāja, yoginā yogāvacarena anandheneva andhena viya bhavitabbaṃ, araññepi gocaragāme piṇḍāya carantenapi rajanīyesu rūpasaddagandharasaphoṭṭhabbadhammesu andhena badhirena mūgena viya bhavitabbaṃ, na nimittaṃ gahetabbaṃ, nānubyañjanaṃ gahetabbaṃ. Idaṃ, mahārāja, kukkuṭassa catutthaṃ aṅgaṃ gahetabbaṃ. Bhāsitampetaṃ, mahārāja, therena mahākaccāyanena –
‘жагкумаасса яат̇аа анд̇хо, сод̇аваа б̣ад̇хиро яат̇аа;
‘Cakkhumāssa yathā andho, sotavā badhiro yathā;
бан̃н̃аваасса 1 яат̇аа мууг̇о, б̣алаваа д̣̇уб̣б̣алорива;
Paññavāssa 2 yathā mūgo, balavā dubbaloriva;
ад̇д̇аад̇т̇з 3 самуббаннз, саязт̇а мад̇асааяига’нд̇и.
Attaatthe 4 samuppanne, sayetha matasāyika’nti.
‘‘буна жабарам̣, махаарааж̇а, гуггудо лзд̣д̣уд̣̇ан̣д̣алаг̇ул̣амуг̇г̇арзхи барибаад̇ияанд̇оби сагам̣ г̇зхам̣ на виж̇ахад̇и. звамзва ко, махаарааж̇а, яог̇инаа яог̇ааважарзна жийварагаммам̣ гаронд̇знаби навагаммам̣ гаронд̇знаби вад̇д̇аббадивад̇д̇ам̣ гаронд̇знаби уд̣̇д̣̇исанд̇знаби уд̣̇д̣̇исаабзнд̇знаби яонисо манасигааро на виж̇ахид̇аб̣б̣о, сагам̣ ко банзд̇ам̣, махаарааж̇а, яог̇ино г̇зхам̣, яад̣̇ид̣̇ам̣ яонисо манасигааро . ид̣̇ам̣, махаарааж̇а, гуггудасса бан̃жамам̣ ан̇г̇ам̣ г̇ахзд̇аб̣б̣ам̣ . бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна ‘го жа, бхигкавз, бхигкуно г̇ожаро саго бзд̇д̇иго висаяо? яад̣̇ид̣̇ам̣ жад̇д̇ааро сад̇ибадтаанаа’д̇и. бхаасид̇амбзд̇ам̣, махаарааж̇а, т̇зрзна саарибуд̇д̇зна д̇хаммасзнаабад̇инааби –
‘‘Puna caparaṃ, mahārāja, kukkuṭo leḍḍudaṇḍalaguḷamuggarehi paripātiyantopi sakaṃ gehaṃ na vijahati. Evameva kho, mahārāja, yoginā yogāvacarena cīvarakammaṃ karontenapi navakammaṃ karontenapi vattappaṭivattaṃ karontenapi uddisantenapi uddisāpentenapi yoniso manasikāro na vijahitabbo, sakaṃ kho panetaṃ, mahārāja, yogino gehaṃ, yadidaṃ yoniso manasikāro . Idaṃ, mahārāja, kukkuṭassa pañcamaṃ aṅgaṃ gahetabbaṃ . Bhāsitampetaṃ, mahārāja, bhagavatā devātidevena ‘ko ca, bhikkhave, bhikkhuno gocaro sako pettiko visayo? Yadidaṃ cattāro satipaṭṭhānā’ti. Bhāsitampetaṃ, mahārāja, therena sāriputtena dhammasenāpatināpi –
‘‘‘яат̇аа суд̣̇анд̇о маад̇ан̇г̇о, сагам̣ сон̣д̣ам̣ на мад̣̇д̣̇ад̇и;
‘‘‘Yathā sudanto mātaṅgo, sakaṃ soṇḍaṃ na maddati;
бхагкаабхагкам̣ виж̇аанаад̇и, ад̇д̇ано вуд̇д̇игаббанам̣.
Bhakkhābhakkhaṃ vijānāti, attano vuttikappanaṃ.
‘‘‘д̇ат̇зва б̣уд̣̇д̇хабуд̇д̇зна, аббамад̇д̇зна ваа бана;
‘‘‘Tatheva buddhaputtena, appamattena vā pana;
ж̇инаважанам̣ на мад̣̇д̣̇ид̇аб̣б̣ам̣, манасигаараваруд̇д̇ама’’’нд̇и.
Jinavacanaṃ na madditabbaṃ, manasikāravaruttama’’’nti.
гуггудан̇г̇абан̃хо д̣̇уд̇ияо.
Kukkuṭaṅgapañho dutiyo.
Footnotes:
