| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
13. гулад̣̇уусагасигкаабад̣̇ам̣
13. Kuladūsakasikkhāpadaṃ
431. 1 д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ассаж̇ибунаб̣б̣асугаа наама 2 гийдааг̇ирисмим̣ ааваасигаа хонд̇и алаж̇ж̇ино баабабхигкуу. д̇з 3 зваруубам̣ анаажаарам̣ аажаранд̇и – маалааважчам̣ робзнд̇иби робаабзнд̇иби, син̃жанд̇иби син̃жаабзнд̇иби, ожинанд̇иби ожинаабзнд̇иби, г̇ант̇знд̇иби г̇ант̇аабзнд̇иби, згад̇ован̣дигамаалам̣ гаронд̇иби гаараабзнд̇иби, убхад̇ован̣дигамаалам̣ гаронд̇иби гаараабзнд̇иби, ман̃ж̇аригам̣ гаронд̇иби гаараабзнд̇иби, вид̇хууд̇игам̣ гаронд̇иби гаараабзнд̇иби, вадам̣сагам̣ гаронд̇иби гаараабзнд̇иби, аавзл̣ам̣ гаронд̇иби гаараабзнд̇иби, уражчад̣̇ам̣ гаронд̇иби гаараабзнд̇иби. д̇з гулид̇т̇ийнам̣ гулад̇хийд̇аанам̣ гулагумаарийнам̣ гуласун̣хаанам̣ гулад̣̇аасийнам̣ згад̇ован̣дигамаалам̣ харанд̇иби хараабзнд̇иби, убхад̇ован̣дигамаалам̣ харанд̇иби хараабзнд̇иби, ман̃ж̇аригам̣ харанд̇иби хараабзнд̇иби, вид̇хууд̇игам̣ харанд̇иби хараабзнд̇иби, вадам̣сагам̣ харанд̇иби хараабзнд̇иби, аавзл̣ам̣ харанд̇иби хараабзнд̇иби, уражчад̣̇ам̣ харанд̇иби хараабзнд̇иби. д̇з гулид̇т̇ийхи гулад̇хийд̇аахи гулагумаарийхи гуласун̣хаахи гулад̣̇аасийхи сад̣̇д̇хим̣ згабхааж̇анзби бхун̃ж̇анд̇и, згат̇аалагзби биванд̇и, згаасанзби нисийд̣̇анд̇и, згаман̃жзби д̇уваддзнд̇и, згад̇т̇аран̣ааби д̇уваддзнд̇и, згабаавуран̣ааби д̇уваддзнд̇и, згад̇т̇аран̣абаавуран̣ааби д̇уваддзнд̇и, вигаалзби бхун̃ж̇анд̇и, маж̇ж̇амби биванд̇и, маалааг̇анд̇хавилзбанамби д̇хаарзнд̇и, нажжанд̇иби г̇ааяанд̇иби ваад̣̇знд̇иби лаасзнд̇иби, нажжанд̇ияааби нажжанд̇и, нажжанд̇ияааби г̇ааяанд̇и, нажжанд̇ияааби ваад̣̇знд̇и, нажжанд̇ияааби лаасзнд̇и, г̇ааяанд̇ияааби нажжанд̇и, г̇ааяанд̇ияааби г̇ааяанд̇и, г̇ааяанд̇ияааби ваад̣̇знд̇и, г̇ааяанд̇ияааби лаасзнд̇и, ваад̣̇знд̇ияааби нажжанд̇и, ваад̣̇знд̇ияааби г̇ааяанд̇и, ваад̣̇знд̇ияааби ваад̣̇знд̇и, ваад̣̇знд̇ияааби лаасзнд̇и, лаасзнд̇ияааби нажжанд̇и, лаасзнд̇ияааби г̇ааяанд̇и, лаасзнд̇ияааби ваад̣̇знд̇и, лаасзнд̇ияааби лаасзнд̇и. адтабад̣̇зби гийл̣анд̇и, д̣̇асабад̣̇зби гийл̣анд̇и, аагаасзби гийл̣анд̇и, барихаарабат̇зби гийл̣анд̇и, санд̇игааяаби гийл̣анд̇и, калигааяаби гийл̣анд̇и, гхадигааяаби гийл̣анд̇и, салаагахад̇т̇знаби гийл̣анд̇и, агкзнаби гийл̣анд̇и, бан̇г̇ажийрзнаби гийл̣анд̇и, ван̇гагзнаби гийл̣анд̇и, могкажигааяаби гийл̣анд̇и, жин̇г̇улагзнаби гийл̣анд̇и, бад̇д̇аал̣хагзнаби гийл̣анд̇и, рат̇агзнаби гийл̣анд̇и, д̇ханугзнаби гийл̣анд̇и, агкаригааяаби гийл̣анд̇и, манзсигааяаби гийл̣анд̇и, яат̇ааваж̇ж̇знаби гийл̣анд̇и. хад̇т̇исмимби сигканд̇и, ассасмимби сигканд̇и, рат̇асмимби сигканд̇и, д̇ханусмимби сигканд̇и, т̇арусмимби сигканд̇и, хад̇т̇иссаби бурад̇о д̇хааванд̇и, ассассаби бурад̇о д̇хааванд̇и, рат̇ассаби бурад̇о 4 д̇хааванд̇иби аад̇хааванд̇иби, уссзл̣знд̇иби, абподзнд̇иби, ниб̣б̣уж̇жханд̇иби, мудтийхиби яуж̇жханд̇и, ран̇г̇амаж̇жхзби сан̇гхаадим̣ бад̇т̇арид̇ваа нажжагим̣ 5 звам̣ вад̣̇анд̇и – ид̇ха, бхаг̇ини, нажжассууд̇и, налаадигамби д̣̇знд̇и, вивид̇хамби анаажаарам̣ аажаранд̇и.
431.6 Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena assajipunabbasukā nāma 7 kīṭāgirismiṃ āvāsikā honti alajjino pāpabhikkhū. Te 8 evarūpaṃ anācāraṃ ācaranti – mālāvacchaṃ ropentipi ropāpentipi, siñcantipi siñcāpentipi, ocinantipi ocināpentipi, ganthentipi ganthāpentipi, ekatovaṇṭikamālaṃ karontipi kārāpentipi, ubhatovaṇṭikamālaṃ karontipi kārāpentipi, mañjarikaṃ karontipi kārāpentipi, vidhūtikaṃ karontipi kārāpentipi, vaṭaṃsakaṃ karontipi kārāpentipi, āveḷaṃ karontipi kārāpentipi, uracchadaṃ karontipi kārāpentipi. Te kulitthīnaṃ kuladhītānaṃ kulakumārīnaṃ kulasuṇhānaṃ kuladāsīnaṃ ekatovaṇṭikamālaṃ harantipi harāpentipi, ubhatovaṇṭikamālaṃ harantipi harāpentipi, mañjarikaṃ harantipi harāpentipi, vidhūtikaṃ harantipi harāpentipi, vaṭaṃsakaṃ harantipi harāpentipi, āveḷaṃ harantipi harāpentipi, uracchadaṃ harantipi harāpentipi. Te kulitthīhi kuladhītāhi kulakumārīhi kulasuṇhāhi kuladāsīhi saddhiṃ ekabhājanepi bhuñjanti, ekathālakepi pivanti, ekāsanepi nisīdanti, ekamañcepi tuvaṭṭenti, ekattharaṇāpi tuvaṭṭenti, ekapāvuraṇāpi tuvaṭṭenti, ekattharaṇapāvuraṇāpi tuvaṭṭenti, vikālepi bhuñjanti, majjampi pivanti, mālāgandhavilepanampi dhārenti, naccantipi gāyantipi vādentipi lāsentipi, naccantiyāpi naccanti, naccantiyāpi gāyanti, naccantiyāpi vādenti, naccantiyāpi lāsenti, gāyantiyāpi naccanti, gāyantiyāpi gāyanti, gāyantiyāpi vādenti, gāyantiyāpi lāsenti, vādentiyāpi naccanti, vādentiyāpi gāyanti, vādentiyāpi vādenti, vādentiyāpi lāsenti, lāsentiyāpi naccanti, lāsentiyāpi gāyanti, lāsentiyāpi vādenti, lāsentiyāpi lāsenti. Aṭṭhapadepi kīḷanti, dasapadepi kīḷanti, ākāsepi kīḷanti, parihārapathepi kīḷanti, santikāyapi kīḷanti, khalikāyapi kīḷanti, ghaṭikāyapi kīḷanti, salākahatthenapi kīḷanti, akkhenapi kīḷanti, paṅgacīrenapi kīḷanti, vaṅkakenapi kīḷanti, mokkhacikāyapi kīḷanti, ciṅgulakenapi kīḷanti, pattāḷhakenapi kīḷanti, rathakenapi kīḷanti, dhanukenapi kīḷanti, akkharikāyapi kīḷanti, manesikāyapi kīḷanti, yathāvajjenapi kīḷanti. Hatthismimpi sikkhanti, assasmimpi sikkhanti, rathasmimpi sikkhanti, dhanusmimpi sikkhanti, tharusmimpi sikkhanti, hatthissapi purato dhāvanti, assassapi purato dhāvanti, rathassapi purato 9 dhāvantipi ādhāvantipi, usseḷentipi, apphoṭentipi, nibbujjhantipi, muṭṭhīhipi yujjhanti, raṅgamajjhepi saṅghāṭiṃ pattharitvā naccakiṃ 10 evaṃ vadanti – idha, bhagini, naccassūti, nalāṭikampi denti, vividhampi anācāraṃ ācaranti.
432. д̇зна ко бана самаязна ан̃н̃ад̇аро бхигку гаасийсу вассам̣вудто саавад̇т̇им̣ г̇ажчанд̇о бхаг̇аванд̇ам̣ д̣̇ассанааяа, язна гийдааг̇ири д̇ад̣̇авасари. ат̇а ко со бхигку буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа гийдааг̇ирим̣ бин̣д̣ааяа баависи баасаад̣̇игзна абхигганд̇зна бадигганд̇зна аалогид̇зна вилогид̇зна самин̃ж̇ид̇зна басаарид̇зна огкид̇д̇ажагку ирияаабат̇асамбанно. мануссаа д̇ам̣ бхигкум̣ бассид̇ваа звамаахам̣су – ‘‘гвааяам̣ аб̣алаб̣ало вияа манд̣̇аманд̣̇о вияа бхаагудигабхаагудиго вияа? го имасса убаг̇ад̇асса бин̣д̣агам̣ д̣̇ассад̇и? амхаагам̣ бана аяяаа ассаж̇ибунаб̣б̣асугаа сан̣хаа сакилаа сукасамбхаасаа михид̇абуб̣б̣ан̇г̇амаа зхисвааг̇ад̇аваад̣̇ино аб̣бхаагудигаа уд̇д̇аанамукаа буб̣б̣абхаасино. д̇зсам̣ ко наама бин̣д̣о д̣̇аад̇аб̣б̣о’’д̇и.
432. Tena kho pana samayena aññataro bhikkhu kāsīsu vassaṃvuṭṭho sāvatthiṃ gacchanto bhagavantaṃ dassanāya, yena kīṭāgiri tadavasari. Atha kho so bhikkhu pubbaṇhasamayaṃ nivāsetvā pattacīvaramādāya kīṭāgiriṃ piṇḍāya pāvisi pāsādikena abhikkantena paṭikkantena ālokitena vilokitena samiñjitena pasāritena okkhittacakkhu iriyāpathasampanno. Manussā taṃ bhikkhuṃ passitvā evamāhaṃsu – ‘‘kvāyaṃ abalabalo viya mandamando viya bhākuṭikabhākuṭiko viya? Ko imassa upagatassa piṇḍakaṃ dassati? Amhākaṃ pana ayyā assajipunabbasukā saṇhā sakhilā sukhasambhāsā mihitapubbaṅgamā ehisvāgatavādino abbhākuṭikā uttānamukhā pubbabhāsino. Tesaṃ kho nāma piṇḍo dātabbo’’ti.
ад̣̇д̣̇асаа ко ан̃н̃ад̇аро убаасаго д̇ам̣ бхигкум̣ гийдааг̇ирисмим̣ бин̣д̣ааяа жаранд̇ам̣. д̣̇исваана язна со бхигку д̇знубасан̇гами; убасан̇гамид̇ваа д̇ам̣ бхигкум̣ абхиваад̣̇зд̇ваа зд̇ад̣̇авожа – ‘‘аби, бханд̇з, бин̣д̣о лаб̣бхад̇ий’’д̇и? ‘‘на ко, аавусо, бин̣д̣о лаб̣бхад̇ий’’д̇и. ‘‘зхи, бханд̇з, гхарам̣ г̇амиссаамаа’’д̇и. ат̇а ко со убаасаго д̇ам̣ бхигкум̣ гхарам̣ нзд̇ваа бхож̇зд̇ваа зд̇ад̣̇авожа – ‘‘гахам̣, бханд̇з, аяяо г̇амиссад̇ий’’д̇и? ‘‘саавад̇т̇им̣ ко ахам̣, аавусо, г̇амиссаами бхаг̇аванд̇ам̣ д̣̇ассанааяаа’’д̇и. ‘‘д̇зна хи, бханд̇з, мама важанзна бхаг̇авад̇о баад̣̇з сирасаа ванд̣̇а, зван̃жа вад̣̇зхи – ‘д̣̇удто, бханд̇з, гийдааг̇ирисмим̣ ааваасо. ассаж̇ибунаб̣б̣асугаа наама гийдааг̇ирисмим̣ ааваасигаа алаж̇ж̇ино баабабхигкуу. д̇з зваруубам̣ анаажаарам̣ аажаранд̇и – маалааважчам̣ робзнд̇иби робаабзнд̇иби, син̃жанд̇иби син̃жаабзнд̇иби…бз… вивид̇хамби анаажаарам̣ аажаранд̇и. язби д̇з, бханд̇з, мануссаа буб̣б̣з сад̣̇д̇хаа ахзсум̣ басаннаа д̇зби зд̇арахи ассад̣̇д̇хаа аббасаннаа. яааниби д̇аани сан̇гхасса буб̣б̣з д̣̇аанабат̇аани д̇ааниби зд̇арахи убажчиннаани. рин̃жанд̇и бзсалаа бхигкуу, нивасанд̇и баабабхигкуу. саад̇ху, бханд̇з, бхаг̇аваа гийдааг̇ирим̣ бхигкуу бахин̣зяяа яат̇ааяам̣ гийдааг̇ирисмим̣ ааваасо сан̣тахзяяаа’’’д̇и.
Addasā kho aññataro upāsako taṃ bhikkhuṃ kīṭāgirismiṃ piṇḍāya carantaṃ. Disvāna yena so bhikkhu tenupasaṅkami; upasaṅkamitvā taṃ bhikkhuṃ abhivādetvā etadavoca – ‘‘api, bhante, piṇḍo labbhatī’’ti? ‘‘Na kho, āvuso, piṇḍo labbhatī’’ti. ‘‘Ehi, bhante, gharaṃ gamissāmā’’ti. Atha kho so upāsako taṃ bhikkhuṃ gharaṃ netvā bhojetvā etadavoca – ‘‘kahaṃ, bhante, ayyo gamissatī’’ti? ‘‘Sāvatthiṃ kho ahaṃ, āvuso, gamissāmi bhagavantaṃ dassanāyā’’ti. ‘‘Tena hi, bhante, mama vacanena bhagavato pāde sirasā vanda, evañca vadehi – ‘duṭṭho, bhante, kīṭāgirismiṃ āvāso. Assajipunabbasukā nāma kīṭāgirismiṃ āvāsikā alajjino pāpabhikkhū. Te evarūpaṃ anācāraṃ ācaranti – mālāvacchaṃ ropentipi ropāpentipi, siñcantipi siñcāpentipi…pe… vividhampi anācāraṃ ācaranti. Yepi te, bhante, manussā pubbe saddhā ahesuṃ pasannā tepi etarahi assaddhā appasannā. Yānipi tāni saṅghassa pubbe dānapathāni tānipi etarahi upacchinnāni. Riñcanti pesalā bhikkhū, nivasanti pāpabhikkhū. Sādhu, bhante, bhagavā kīṭāgiriṃ bhikkhū pahiṇeyya yathāyaṃ kīṭāgirismiṃ āvāso saṇṭhaheyyā’’’ti.
звамаавусод̇и ко со бхигку д̇асса убаасагасса бадиссуд̇ваа язна саавад̇т̇и д̇зна баггаами. анубуб̣б̣зна язна саавад̇т̇и ж̇зд̇аванам̣ анаат̇абин̣д̣игасса аараамо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. аажин̣н̣ам̣ ко банзд̇ам̣ б̣уд̣̇д̇хаанам̣ бхаг̇аванд̇аанам̣ ааг̇анд̇угзхи бхигкуухи сад̣̇д̇хим̣ бадисаммод̣̇ид̇ум̣. ат̇а ко бхаг̇аваа д̇ам̣ бхигкум̣ зд̇ад̣̇авожа – ‘‘гажжи, бхигку, каманийяам̣ гажжи яаабанийяам̣, гажжиси аббагиламат̇зна ад̣̇д̇хаанам̣ ааг̇ад̇о, гуд̇о жа д̇вам̣ бхигку ааг̇ажчасий’’д̇и? ‘‘каманийяам̣, бхаг̇аваа, яаабанийяам̣, бхаг̇аваа. аббагиламат̇зна жаахам̣, бханд̇з, ад̣̇д̇хаанам̣ ааг̇ад̇о. ид̇хаахам̣, бханд̇з, гаасийсу вассам̣вудто саавад̇т̇им̣ ааг̇ажчанд̇о бхаг̇аванд̇ам̣ д̣̇ассанааяа язна гийдааг̇ири д̇ад̣̇авасарим̣. ат̇а кваахам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа гийдааг̇ирим̣ бин̣д̣ааяа баависим̣. ад̣̇д̣̇асаа ко мам̣, бханд̇з, ан̃н̃ад̇аро убаасаго гийдааг̇ирисмим̣ бин̣д̣ааяа жаранд̇ам̣. д̣̇исваана язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа зд̇ад̣̇авожа – ‘аби, бханд̇з, бин̣д̣о лаб̣бхад̇ий’д̇и? ‘на ко, аавусо, бин̣д̣о лаб̣бхад̇ий’д̇и. ‘зхи, бханд̇з, гхарам̣ г̇амиссаамаа’д̇и. ат̇а ко, бханд̇з, со убаасаго мам̣ гхарам̣ нзд̇ваа бхож̇зд̇ваа зд̇ад̣̇авожа – ‘гахам̣, бханд̇з, аяяо г̇амиссасий’д̇и? ‘саавад̇т̇им̣ ко ахам̣, аавусо, г̇амиссаами бхаг̇аванд̇ам̣ д̣̇ассанааяаа’д̇и. д̇зна хи, бханд̇з, мама важанзна бхаг̇авад̇о баад̣̇з сирасаа ванд̣̇а, зван̃жа вад̣̇зхи – ‘д̣̇удто, бханд̇з, гийдааг̇ирисмим̣ ааваасо, ассаж̇ибунаб̣б̣асугаа наама гийдааг̇ирисмим̣ ааваасигаа алаж̇ж̇ино баабабхигкуу. д̇з зваруубам̣ анаажаарам̣ аажаранд̇и – маалааважчам̣ робзнд̇иби робаабзнд̇иби, син̃жанд̇иби син̃жаабзнд̇иби…бз… вивид̇хамби анаажаарам̣ аажаранд̇и. язби д̇з, бханд̇з, мануссаа буб̣б̣з сад̣̇д̇хаа ахзсум̣ басаннаа д̇зби зд̇арахи ассад̣̇д̇хаа аббасаннаа, яааниби д̇аани сан̇гхасса буб̣б̣з д̣̇аанабат̇аани д̇ааниби зд̇арахи убажчиннаани, рин̃жанд̇и бзсалаа бхигкуу нивасанд̇и баабабхигкуу. саад̇ху, бханд̇з, бхаг̇аваа гийдааг̇ирим̣ бхигкуу бахин̣зяяа яат̇ааяам̣ гийдааг̇ирисмим̣ ааваасо сан̣тахзяяаа’д̇и. д̇ад̇о ахам̣, бхаг̇аваа, ааг̇ажчаамий’’д̇и.
Evamāvusoti kho so bhikkhu tassa upāsakassa paṭissutvā yena sāvatthi tena pakkāmi. Anupubbena yena sāvatthi jetavanaṃ anāthapiṇḍikassa ārāmo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā taṃ bhikkhuṃ etadavoca – ‘‘kacci, bhikkhu, khamanīyaṃ kacci yāpanīyaṃ, kaccisi appakilamathena addhānaṃ āgato, kuto ca tvaṃ bhikkhu āgacchasī’’ti? ‘‘Khamanīyaṃ, bhagavā, yāpanīyaṃ, bhagavā. Appakilamathena cāhaṃ, bhante, addhānaṃ āgato. Idhāhaṃ, bhante, kāsīsu vassaṃvuṭṭho sāvatthiṃ āgacchanto bhagavantaṃ dassanāya yena kīṭāgiri tadavasariṃ. Atha khvāhaṃ, bhante, pubbaṇhasamayaṃ nivāsetvā pattacīvaramādāya kīṭāgiriṃ piṇḍāya pāvisiṃ. Addasā kho maṃ, bhante, aññataro upāsako kīṭāgirismiṃ piṇḍāya carantaṃ. Disvāna yenāhaṃ tenupasaṅkami; upasaṅkamitvā maṃ abhivādetvā etadavoca – ‘api, bhante, piṇḍo labbhatī’ti? ‘Na kho, āvuso, piṇḍo labbhatī’ti. ‘Ehi, bhante, gharaṃ gamissāmā’ti. Atha kho, bhante, so upāsako maṃ gharaṃ netvā bhojetvā etadavoca – ‘kahaṃ, bhante, ayyo gamissasī’ti? ‘Sāvatthiṃ kho ahaṃ, āvuso, gamissāmi bhagavantaṃ dassanāyā’ti. Tena hi, bhante, mama vacanena bhagavato pāde sirasā vanda, evañca vadehi – ‘duṭṭho, bhante, kīṭāgirismiṃ āvāso, assajipunabbasukā nāma kīṭāgirismiṃ āvāsikā alajjino pāpabhikkhū. Te evarūpaṃ anācāraṃ ācaranti – mālāvacchaṃ ropentipi ropāpentipi, siñcantipi siñcāpentipi…pe… vividhampi anācāraṃ ācaranti. Yepi te, bhante, manussā pubbe saddhā ahesuṃ pasannā tepi etarahi assaddhā appasannā, yānipi tāni saṅghassa pubbe dānapathāni tānipi etarahi upacchinnāni, riñcanti pesalā bhikkhū nivasanti pāpabhikkhū. Sādhu, bhante, bhagavā kīṭāgiriṃ bhikkhū pahiṇeyya yathāyaṃ kīṭāgirismiṃ āvāso saṇṭhaheyyā’ti. Tato ahaṃ, bhagavā, āgacchāmī’’ti.
433. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, ассаж̇ибунаб̣б̣асугаа наама гийдааг̇ирисмим̣ ааваасигаа алаж̇ж̇ино баабабхигкуу д̇з зваруубам̣ анаажаарам̣ аажаранд̇и – маалааважчам̣ робзнд̇иби робаабзнд̇иби, син̃жанд̇иби син̃жаабзнд̇иби …бз… вивид̇хамби анаажаарам̣ аажаранд̇и, язби д̇з, бхигкавз, мануссаа буб̣б̣з сад̣̇д̇хаа ахзсум̣ басаннаа д̇зби зд̇арахи ассад̣̇д̇хаа аббасаннаа; яааниби д̇аани сан̇гхасса буб̣б̣з д̣̇аанабат̇аани д̇ааниби зд̇арахи убажчиннаани; рин̃жанд̇и бзсалаа бхигкуу нивасанд̇и баабабхигкуу’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇з, бхигкавз, могхабурисаа зваруубам̣ анаажаарам̣ аажариссанд̇и – маалааважчам̣ робзссанд̇иби робаабзссанд̇иби, сан̃жиссанд̇иби син̃жаабзссанд̇иби, ожиниссанд̇иби ожинаабзссанд̇иби, г̇ант̇иссанд̇иби г̇ант̇аабзссанд̇иби, згад̇ован̣дигамаалам̣ гариссанд̇иби гаараабзссанд̇иби, убхад̇ован̣дигамаалам̣ гариссанд̇иби гаараабзссанд̇иби, ман̃ж̇аригам̣ гариссанд̇иби гаараабзссанд̇иби, вид̇хууд̇игам̣ гариссанд̇иби гаараабзссанд̇иби, вадам̣сагам̣ гариссанд̇иби гаараабзссанд̇иби, аавзл̣ам̣ гариссанд̇иби гаараабзссанд̇иби, уражчад̣̇ам̣ гариссанд̇иби гаараабзссанд̇иби. д̇з гулид̇т̇ийнам̣ гулад̇хийд̇аанам̣ гулагумаарийнам̣ гуласун̣хаанам̣ гулад̣̇аасийнам̣ згад̇ован̣дигамаалам̣ хариссанд̇иби хаараабзссанд̇иби, убхад̇ован̣дигамаалам̣ хариссанд̇иби хаараабзссанд̇иби, ман̃ж̇аригам̣ хариссанд̇иби хаараабзссанд̇иби , вид̇хууд̇игам̣ хариссанд̇иби хаараабзссанд̇иби, вадам̣сагам̣ хариссанд̇иби хаараабзссанд̇иби, аавзл̣ам̣ хариссанд̇иби хаараабзссанд̇иби, уражчад̣̇ам̣ хариссанд̇иби хаараабзссанд̇иби. д̇з гулид̇т̇ийхи гулад̇хийд̇аахи гулагумаарийхи гуласун̣хаахи гулад̣̇аасийхи сад̣̇д̇хим̣ згабхааж̇анзби бхун̃ж̇иссанд̇и, згат̇аалагзби бивиссанд̇и, згаасанзби нисийд̣̇иссанд̇и, згаман̃жзби д̇уваддиссанд̇и, згад̇т̇аран̣ааби д̇уваддиссанд̇и, згабаавуран̣ааби д̇уваддиссанд̇и, згад̇т̇аран̣абаавуран̣ааби д̇уваддиссанд̇и, вигаалзби бхун̃ж̇иссанд̇и, маж̇ж̇амби бивиссанд̇и, маалааг̇анд̇хавилзбанамби д̇хаариссанд̇и, нажжиссанд̇иби г̇ааяиссанд̇иби ваад̣̇зссанд̇иби лаасзссанд̇иби, нажжанд̇ияааби нажжиссанд̇и нажжанд̇ияааби г̇ааяиссанд̇и нажжанд̇ияааби ваад̣̇зссанд̇и нажжанд̇ияааби лаасзссанд̇и, г̇ааяанд̇ияааби нажжиссанд̇и г̇ааяанд̇ияааби г̇ааяиссанд̇и г̇ааяанд̇ияааби ваад̣̇зссанд̇и г̇ааяанд̇ияааби лаасзссанд̇и, ваад̣̇знд̇ияааби нажжиссанд̇и ваад̣̇знд̇ияааби г̇ааяиссанд̇и ваад̣̇знд̇ияааби ваад̣̇зссанд̇и ваад̣̇знд̇ияааби лаасзссанд̇и, лаасзнд̇ияааби нажжиссанд̇и лаасзнд̇ияааби г̇ааяиссанд̇и лаасзнд̇ияааби ваад̣̇зссанд̇и лаасзнд̇ияааби лаасзссанд̇и, адтабад̣̇зби гийл̣иссанд̇и д̣̇асабад̣̇зби гийл̣иссанд̇и, агаасзби гийл̣иссанд̇и, барихаарабат̇зби гийл̣иссанд̇и, санд̇игааяаби гийл̣иссанд̇и, калигааяаби гийл̣иссанд̇и, гхадигааяаби гийл̣иссанд̇и, салаагахад̇т̇знаби гийл̣иссанд̇и, агкзнаби гийл̣иссанд̇и, бан̇г̇ажийрзнаби гийл̣иссанд̇и, ван̇гагзнаби гийл̣иссанд̇и, могкажигааяаби гийл̣иссанд̇и, жин̇г̇улагзнаби гийл̣иссанд̇и, бад̇д̇аал̣хагзнаби гийл̣иссанд̇и, рат̇агзнаби гийл̣иссанд̇и, д̇ханугзнаби гийл̣иссанд̇и, агкаригааяаби гийл̣иссанд̇и , манзсигааяаби гийл̣иссанд̇и, яат̇ааваж̇ж̇знаби гийл̣иссанд̇и, хад̇т̇исмимби сигкиссанд̇и, ассасмимби сигкиссанд̇и, рат̇асмимби сигкиссанд̇и, д̇ханусмимби сигкиссанд̇и, т̇арусмимби сигкиссанд̇и, хад̇т̇иссаби бурад̇о д̇хаависсанд̇и, ассассаби бурад̇о д̇хаависсанд̇и, рат̇ассаби бурад̇о 11 д̇хаависсанд̇иби аад̇хаависсанд̇иби, уссзл̣зссанд̇иби, абподзссанд̇иби, ниб̣б̣уж̇жхиссанд̇иби, мудтийхиби яуж̇жхиссанд̇и, ран̇г̇амаж̇жхзби сан̇гхаадим̣ бад̇т̇арид̇ваа нажжагим̣ звам̣ вагканд̇и ‘‘ид̇ха бхаг̇ини нажжассуу’’д̇и налаадигамби д̣̇ассанд̇и, вивид̇хамби анаажаарам̣ аажариссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа д̇хаммим̣ гат̇ам̣ гад̇ваа саарибуд̇д̇амог̇г̇аллаанз ааманд̇зси – ‘‘г̇ажчат̇а д̇умхз, саарибуд̇д̇аа, гийдааг̇ирим̣ г̇анд̇ваа ассаж̇ибунаб̣б̣асугаанам̣ бхигкуунам̣ гийдааг̇ирисмаа баб̣б̣ааж̇анийяагаммам̣ гарот̇а. д̇умхаагам̣ зд̇з сад̣̇д̇хивихааригаа’’д̇и.
433. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, assajipunabbasukā nāma kīṭāgirismiṃ āvāsikā alajjino pāpabhikkhū te evarūpaṃ anācāraṃ ācaranti – mālāvacchaṃ ropentipi ropāpentipi, siñcantipi siñcāpentipi …pe… vividhampi anācāraṃ ācaranti, yepi te, bhikkhave, manussā pubbe saddhā ahesuṃ pasannā tepi etarahi assaddhā appasannā; yānipi tāni saṅghassa pubbe dānapathāni tānipi etarahi upacchinnāni; riñcanti pesalā bhikkhū nivasanti pāpabhikkhū’’ti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma te, bhikkhave, moghapurisā evarūpaṃ anācāraṃ ācarissanti – mālāvacchaṃ ropessantipi ropāpessantipi, sañcissantipi siñcāpessantipi, ocinissantipi ocināpessantipi, ganthissantipi ganthāpessantipi, ekatovaṇṭikamālaṃ karissantipi kārāpessantipi, ubhatovaṇṭikamālaṃ karissantipi kārāpessantipi, mañjarikaṃ karissantipi kārāpessantipi, vidhūtikaṃ karissantipi kārāpessantipi, vaṭaṃsakaṃ karissantipi kārāpessantipi, āveḷaṃ karissantipi kārāpessantipi, uracchadaṃ karissantipi kārāpessantipi. Te kulitthīnaṃ kuladhītānaṃ kulakumārīnaṃ kulasuṇhānaṃ kuladāsīnaṃ ekatovaṇṭikamālaṃ harissantipi hārāpessantipi, ubhatovaṇṭikamālaṃ harissantipi hārāpessantipi, mañjarikaṃ harissantipi hārāpessantipi , vidhūtikaṃ harissantipi hārāpessantipi, vaṭaṃsakaṃ harissantipi hārāpessantipi, āveḷaṃ harissantipi hārāpessantipi, uracchadaṃ harissantipi hārāpessantipi. Te kulitthīhi kuladhītāhi kulakumārīhi kulasuṇhāhi kuladāsīhi saddhiṃ ekabhājanepi bhuñjissanti, ekathālakepi pivissanti, ekāsanepi nisīdissanti, ekamañcepi tuvaṭṭissanti, ekattharaṇāpi tuvaṭṭissanti, ekapāvuraṇāpi tuvaṭṭissanti, ekattharaṇapāvuraṇāpi tuvaṭṭissanti, vikālepi bhuñjissanti, majjampi pivissanti, mālāgandhavilepanampi dhārissanti, naccissantipi gāyissantipi vādessantipi lāsessantipi, naccantiyāpi naccissanti naccantiyāpi gāyissanti naccantiyāpi vādessanti naccantiyāpi lāsessanti, gāyantiyāpi naccissanti gāyantiyāpi gāyissanti gāyantiyāpi vādessanti gāyantiyāpi lāsessanti, vādentiyāpi naccissanti vādentiyāpi gāyissanti vādentiyāpi vādessanti vādentiyāpi lāsessanti, lāsentiyāpi naccissanti lāsentiyāpi gāyissanti lāsentiyāpi vādessanti lāsentiyāpi lāsessanti, aṭṭhapadepi kīḷissanti dasapadepi kīḷissanti, akāsepi kīḷissanti, parihārapathepi kīḷissanti, santikāyapi kīḷissanti, khalikāyapi kīḷissanti, ghaṭikāyapi kīḷissanti, salākahatthenapi kīḷissanti, akkhenapi kīḷissanti, paṅgacīrenapi kīḷissanti, vaṅkakenapi kīḷissanti, mokkhacikāyapi kīḷissanti, ciṅgulakenapi kīḷissanti, pattāḷhakenapi kīḷissanti, rathakenapi kīḷissanti, dhanukenapi kīḷissanti, akkharikāyapi kīḷissanti , manesikāyapi kīḷissanti, yathāvajjenapi kīḷissanti, hatthismimpi sikkhissanti, assasmimpi sikkhissanti, rathasmimpi sikkhissanti, dhanusmimpi sikkhissanti, tharusmimpi sikkhissanti, hatthissapi purato dhāvissanti, assassapi purato dhāvissanti, rathassapi purato 12 dhāvissantipi ādhāvissantipi, usseḷessantipi, apphoṭessantipi, nibbujjhissantipi, muṭṭhīhipi yujjhissanti, raṅgamajjhepi saṅghāṭiṃ pattharitvā naccakiṃ evaṃ vakkhanti ‘‘idha bhagini naccassū’’ti nalāṭikampi dassanti, vividhampi anācāraṃ ācarissanti! Netaṃ, bhikkhave, appasannānaṃ vā pasādāya…pe… vigarahitvā dhammiṃ kathaṃ katvā sāriputtamoggallāne āmantesi – ‘‘gacchatha tumhe, sāriputtā, kīṭāgiriṃ gantvā assajipunabbasukānaṃ bhikkhūnaṃ kīṭāgirismā pabbājanīyakammaṃ karotha. Tumhākaṃ ete saddhivihārikā’’ti.
‘‘гат̇ам̣ маяам̣, бханд̇з, ассаж̇ибунаб̣б̣асугаанам̣ бхигкуунам̣ гийдааг̇ирисмаа баб̣б̣ааж̇анийяагаммам̣ гарома? жан̣д̣аа д̇з бхигкуу парусаа’’д̇и. ‘‘д̇зна хи д̇умхз, саарибуд̇д̇аа, б̣ахугзхи бхигкуухи сад̣̇д̇хим̣ г̇ажчат̇аа’’д̇и. ‘‘звам̣, бханд̇з’’д̇и ко саарибуд̇д̇амог̇г̇аллаанаа бхаг̇авад̇о бажжассосум̣. ‘‘зван̃жа бана, бхигкавз, гаад̇аб̣б̣ам̣. батамам̣ ассаж̇ибунаб̣б̣асугаа бхигкуу жод̣̇зд̇аб̣б̣аа. жод̣̇зд̇ваа саарзд̇аб̣б̣аа. саарзд̇ваа аабад̇д̇им̣ робзд̇аб̣б̣аа . аабад̇д̇им̣ робзд̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
‘‘Kathaṃ mayaṃ, bhante, assajipunabbasukānaṃ bhikkhūnaṃ kīṭāgirismā pabbājanīyakammaṃ karoma? Caṇḍā te bhikkhū pharusā’’ti. ‘‘Tena hi tumhe, sāriputtā, bahukehi bhikkhūhi saddhiṃ gacchathā’’ti. ‘‘Evaṃ, bhante’’ti kho sāriputtamoggallānā bhagavato paccassosuṃ. ‘‘Evañca pana, bhikkhave, kātabbaṃ. Paṭhamaṃ assajipunabbasukā bhikkhū codetabbā. Codetvā sāretabbā. Sāretvā āpattiṃ ropetabbā . Āpattiṃ ropetvā byattena bhikkhunā paṭibalena saṅgho ñāpetabbo –
434. ‘‘сун̣аад̇у мз, бханд̇з, сан̇гхо. имз ассаж̇ибунаб̣б̣асугаа бхигкуу гулад̣̇уусагаа баабасамаажаараа. имзсам̣ баабагаа самаажаараа д̣̇иссанд̇и жзва суяяанд̇и жа. гулаани жа имзхи д̣̇удтаани д̣̇иссанд̇и жзва суяяанд̇и жа. яад̣̇и сан̇гхасса бад̇д̇агаллам̣, сан̇гхо ассаж̇ибунаб̣б̣асугаанам̣ бхигкуунам̣ гийдааг̇ирисмаа баб̣б̣ааж̇анийяагаммам̣ гарзяяа – ‘на ассаж̇ибунаб̣б̣асугзхи бхигкуухи гийдааг̇ирисмим̣ вад̇т̇аб̣б̣а’нд̇и. зсаа н̃ад̇д̇и.
434. ‘‘Suṇātu me, bhante, saṅgho. Ime assajipunabbasukā bhikkhū kuladūsakā pāpasamācārā. Imesaṃ pāpakā samācārā dissanti ceva suyyanti ca. Kulāni ca imehi duṭṭhāni dissanti ceva suyyanti ca. Yadi saṅghassa pattakallaṃ, saṅgho assajipunabbasukānaṃ bhikkhūnaṃ kīṭāgirismā pabbājanīyakammaṃ kareyya – ‘na assajipunabbasukehi bhikkhūhi kīṭāgirismiṃ vatthabba’nti. Esā ñatti.
‘‘сун̣аад̇у мз, бханд̇з, сан̇гхо. имз ассаж̇ибунаб̣б̣асугаа бхигкуу гулад̣̇уусагаа баабасамаажаараа. имзсам̣ баабагаа самаажаараа д̣̇иссанд̇и жзва суяяанд̇и жа. гулаани жа имзхи д̣̇удтаани д̣̇иссанд̇и жзва суяяанд̇и жа. сан̇гхо ассаж̇ибунаб̣б̣асугаанам̣ бхигкуунам̣ гийдааг̇ирисмаа баб̣б̣ааж̇анийяагаммам̣ гарод̇и – ‘на ассаж̇ибунаб̣б̣асугзхи бхигкуухи гийдааг̇ирисмим̣ вад̇т̇аб̣б̣а’нд̇и. яассааяасмад̇о камад̇и ассаж̇ибунаб̣б̣асугаанам̣ бхигкуунам̣ гийдааг̇ирисмаа баб̣б̣ааж̇анийяагаммасса гаран̣ам̣ – ‘на ассаж̇ибунаб̣б̣асугзхи бхигкуухи гийдааг̇ирисмим̣ вад̇т̇аб̣б̣а’нд̇и, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ime assajipunabbasukā bhikkhū kuladūsakā pāpasamācārā. Imesaṃ pāpakā samācārā dissanti ceva suyyanti ca. Kulāni ca imehi duṭṭhāni dissanti ceva suyyanti ca. Saṅgho assajipunabbasukānaṃ bhikkhūnaṃ kīṭāgirismā pabbājanīyakammaṃ karoti – ‘na assajipunabbasukehi bhikkhūhi kīṭāgirismiṃ vatthabba’nti. Yassāyasmato khamati assajipunabbasukānaṃ bhikkhūnaṃ kīṭāgirismā pabbājanīyakammassa karaṇaṃ – ‘na assajipunabbasukehi bhikkhūhi kīṭāgirismiṃ vatthabba’nti, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо…бз… со бхаасзяяа.
‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, bhante, saṅgho…pe… so bhāseyya.
‘‘гад̇ам̣ сан̇гхзна ассаж̇ибунаб̣б̣асугаанам̣ бхигкуунам̣ гийдааг̇ирисмаа баб̣б̣ааж̇анийяагаммам̣ – ‘на ассаж̇ибунаб̣б̣асугзхи бхигкуухи гийдааг̇ирисмим̣ вад̇т̇аб̣б̣а’нд̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Kataṃ saṅghena assajipunabbasukānaṃ bhikkhūnaṃ kīṭāgirismā pabbājanīyakammaṃ – ‘na assajipunabbasukehi bhikkhūhi kīṭāgirismiṃ vatthabba’nti. Khamati saṅghassa, tasmā tuṇhī, evametaṃ dhārayāmī’’ti.
435. ат̇а ко саарибуд̇д̇амог̇г̇аллаанаббамуко бхигкусан̇гхо гийдааг̇ирим̣ г̇анд̇ваа ассаж̇ибунаб̣б̣асугаанам̣ бхигкуунам̣ гийдааг̇ирисмаа баб̣б̣ааж̇анийяагаммам̣ агааси – ‘на ассаж̇ибунаб̣б̣асугзхи бхигкуухи гийдааг̇ирисмим̣ вад̇т̇аб̣б̣а’нд̇и. д̇з сан̇гхзна баб̣б̣ааж̇анийяагаммагад̇аа на саммаа вад̇д̇анд̇и, на ломам̣ баад̇знд̇и, на нзд̇т̇аарам̣ вад̇д̇анд̇и, на бхигкуу камаабзнд̇и, аггосанд̇и барибхаасанд̇и чанд̣̇аг̇аамид̇аа д̣̇осаг̇аамид̇аа мохаг̇аамид̇аа бхаяаг̇аамид̇аа баабзнд̇и, баггаманд̇иби, виб̣бхаманд̇иби. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ассаж̇ибунаб̣б̣асугаа бхигкуу сан̇гхзна баб̣б̣ааж̇анийяагаммагад̇аа на саммаа вад̇д̇иссанд̇и, на ломам̣ баад̇зссанд̇и, на нзд̇т̇аарам̣ вад̇д̇иссанд̇и, на бхигкуу камаабзссанд̇и , аггосиссанд̇и барибхаасиссанд̇и, чанд̣̇аг̇аамид̇аа д̣̇осаг̇аамид̇аа мохаг̇аамид̇аа бхаяаг̇аамид̇аа баабзссанд̇и баггамиссанд̇иби виб̣бхамиссанд̇ибий’’д̇и ! ат̇а ко д̇з бхигкуу ассаж̇ибунаб̣б̣асугз бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, ассаж̇ибунаб̣б̣асугаа бхигкуу сан̇гхзна баб̣б̣ааж̇анийяагаммагад̇аа на саммаа вад̇д̇анд̇и…бз… виб̣бхаманд̇ибий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
435. Atha kho sāriputtamoggallānappamukho bhikkhusaṅgho kīṭāgiriṃ gantvā assajipunabbasukānaṃ bhikkhūnaṃ kīṭāgirismā pabbājanīyakammaṃ akāsi – ‘na assajipunabbasukehi bhikkhūhi kīṭāgirismiṃ vatthabba’nti. Te saṅghena pabbājanīyakammakatā na sammā vattanti, na lomaṃ pātenti, na netthāraṃ vattanti, na bhikkhū khamāpenti, akkosanti paribhāsanti chandagāmitā dosagāmitā mohagāmitā bhayagāmitā pāpenti, pakkamantipi, vibbhamantipi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma assajipunabbasukā bhikkhū saṅghena pabbājanīyakammakatā na sammā vattissanti, na lomaṃ pātessanti, na netthāraṃ vattissanti, na bhikkhū khamāpessanti , akkosissanti paribhāsissanti, chandagāmitā dosagāmitā mohagāmitā bhayagāmitā pāpessanti pakkamissantipi vibbhamissantipī’’ti ! Atha kho te bhikkhū assajipunabbasuke bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira, bhikkhave, assajipunabbasukā bhikkhū saṅghena pabbājanīyakammakatā na sammā vattanti…pe… vibbhamantipī’’ti? ‘‘Saccaṃ, bhagavā’’ti. Vigarahi buddho bhagavā…pe… evañca pana, bhikkhave, imaṃ sikkhāpadaṃ uddiseyyātha –
436. ‘‘бхигку банзва ан̃н̃ад̇арам̣ г̇аамам̣ ваа ниг̇амам̣ ваа убаниссааяа вихарад̇и гулад̣̇уусаго баабасамаажааро. д̇асса ко баабагаа самаажаараа д̣̇иссанд̇и жзва суяяанд̇и жа, гулаани жа д̇зна д̣̇удтаани д̣̇иссанд̇и жзва суяяанд̇и жа. со бхигку бхигкуухи звамасса важанийяо – ‘ааяасмаа ко гулад̣̇уусаго баабасамаажааро, ааяасмад̇о ко баабагаа самаажаараа д̣̇иссанд̇и жзва суяяанд̇и жа, гулаани жааяасмад̇аа д̣̇удтаани д̣̇иссанд̇и жзва суяяанд̇и жа. баггамад̇ааяасмаа имамхаа ааваасаа. алам̣ д̇з ид̇ха ваасзнаа’д̇и. зван̃жа со бхигку бхигкуухи вужжамаано д̇з бхигкуу звам̣ вад̣̇зяяа – ‘чанд̣̇аг̇аамино жа бхигкуу д̣̇осаг̇аамино жа бхигкуу мохаг̇аамино жа бхигкуу бхаяаг̇аамино жа бхигкуу д̇аад̣̇исигааяа аабад̇д̇ияаа згажжам̣ баб̣б̣ааж̇знд̇и згажжам̣ на баб̣б̣ааж̇знд̇ий’д̇и, со бхигку бхигкуухи звамасса важанийяо – ‘мааяасмаа звам̣ аважа. на жа бхигкуу чанд̣̇аг̇аамино. на жа бхигкуу д̣̇осаг̇аамино. на жа бхигкуу мохаг̇аамино. на жа бхигкуу бхаяаг̇аамино. ааяасмаа ко гулад̣̇уусаго баабасамаажааро. ааяасмад̇о ко баабагаа самаажаараа д̣̇иссанд̇и жзва суяяанд̇и жа. гулаани жааяасмад̇аа д̣̇удтаани д̣̇иссанд̇и жзва суяяанд̇и жа. баггамад̇ааяасмаа имамхаа ааваасаа. алам̣ д̇з ид̇ха ваасзнаа’д̇и. зван̃жа со бхигку бхигкуухи вужжамаано д̇ат̇зва баг̇г̇ан̣хзяяа, со бхигку бхигкуухи яаавад̇ад̇ияам̣ саманубхаасид̇аб̣б̣о д̇асса бадиниссаг̇г̇ааяа. яаавад̇ад̇ияан̃жз саманубхаасийяамаано д̇ам̣ бадиниссаж̇ж̇зяяа , ижжзд̇ам̣ гусалам̣; но жз бадиниссаж̇ж̇зяяа, сан̇гхаад̣̇исзсо’’д̇и.
436.‘‘Bhikkhu paneva aññataraṃ gāmaṃ vā nigamaṃ vā upanissāya viharati kuladūsako pāpasamācāro. Tassa kho pāpakā samācārā dissanti ceva suyyanti ca, kulāni ca tena duṭṭhāni dissanti ceva suyyanti ca. So bhikkhu bhikkhūhi evamassa vacanīyo – ‘āyasmā kho kuladūsako pāpasamācāro, āyasmato kho pāpakā samācārā dissanti ceva suyyanti ca, kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṃ te idha vāsenā’ti. Evañca so bhikkhu bhikkhūhi vuccamāno te bhikkhū evaṃ vadeyya – ‘chandagāmino ca bhikkhū dosagāmino ca bhikkhū mohagāmino ca bhikkhū bhayagāmino ca bhikkhū tādisikāya āpattiyā ekaccaṃ pabbājenti ekaccaṃ na pabbājentī’ti, so bhikkhu bhikkhūhi evamassa vacanīyo – ‘māyasmā evaṃ avaca. Na ca bhikkhū chandagāmino. Na ca bhikkhū dosagāmino. Na ca bhikkhū mohagāmino. Na ca bhikkhū bhayagāmino. Āyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṃ te idha vāsenā’ti. Evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṃ samanubhāsitabbo tassa paṭinissaggāya. Yāvatatiyañce samanubhāsīyamāno taṃ paṭinissajjeyya , iccetaṃ kusalaṃ; no ce paṭinissajjeyya, saṅghādiseso’’ti.
437. бхигку банзва ан̃н̃ад̇арам̣ г̇аамам̣ ваа ниг̇амам̣ ваад̇и г̇аамоби ниг̇амоби наг̇арамби г̇аамо жзва ниг̇амо жа.
437.Bhikkhu paneva aññataraṃ gāmaṃ vā nigamaṃ vāti gāmopi nigamopi nagarampi gāmo ceva nigamo ca.
убаниссааяа вихарад̇ийд̇и д̇ад̇т̇а бадиб̣ад̣̇д̇хаа хонд̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараа.
Upanissāya viharatīti tattha paṭibaddhā honti cīvarapiṇḍapātasenāsanagilānappaccayabhesajjaparikkhārā.
гулам̣ наама жад̇д̇аари гулаани – кад̇д̇ияагулам̣, б̣раахман̣агулам̣, взссагулам̣, суд̣̇д̣̇агулам̣.
Kulaṃ nāma cattāri kulāni – khattiyakulaṃ, brāhmaṇakulaṃ, vessakulaṃ, suddakulaṃ.
гулад̣̇уусагод̇и гулаани д̣̇уусзд̇и бубпзна ваа палзна ваа жун̣н̣зна ваа мад̇д̇игааяа ваа д̣̇анд̇агадтзна ваа взл̣уяаа ваа 13 взж̇ж̇игааяа ваа ж̇ан̇гхабзсанигзна ваа.
Kuladūsakoti kulāni dūseti pupphena vā phalena vā cuṇṇena vā mattikāya vā dantakaṭṭhena vā veḷuyā vā 14 vejjikāya vā jaṅghapesanikena vā.
баабасамаажаарод̇и маалааважчам̣ робзд̇иби робаабзд̇иби, син̃жад̇иби син̃жаабзд̇иби, ожинаад̇иби ожинаабзд̇иби, г̇ант̇зд̇иби г̇ант̇аабзд̇иби.
Pāpasamācāroti mālāvacchaṃ ropetipi ropāpetipi, siñcatipi siñcāpetipi, ocinātipi ocināpetipi, ganthetipi ganthāpetipi.
д̣̇иссанд̇и жзва суяяанд̇и жаад̇и яз сам̣мукаа д̇з бассанд̇и, яз д̇ирогкаа д̇з сун̣анд̇и.
Dissanti ceva suyyanti cāti ye saṃmukhā te passanti, ye tirokkhā te suṇanti.
гулаани жа д̇зна д̣̇удтаанийд̇и буб̣б̣з сад̣̇д̇хаа худ̇ваа д̇ам̣ ааг̇амма ассад̣̇д̇хаа хонд̇и, басаннаа худ̇ваа аббасаннаа хонд̇и.
Kulānica tena duṭṭhānīti pubbe saddhā hutvā taṃ āgamma assaddhā honti, pasannā hutvā appasannā honti.
д̣̇иссанд̇и жзва суяяанд̇и жаад̇и яз сам̣мукаа д̇з бассанд̇и, яз д̇ирогкаа д̇з сун̣анд̇и.
Dissanti ceva suyyanti cāti ye saṃmukhā te passanti, ye tirokkhā te suṇanti.
со бхигкууд̇и яо со гулад̣̇уусаго бхигку.
So bhikkhūti yo so kuladūsako bhikkhu.
бхигкуухийд̇и ан̃н̃зхи бхигкуухи. яз бассанд̇и яз сун̣анд̇и. д̇зхи вад̇д̇аб̣б̣о – ‘‘ааяасмаа ко гулад̣̇уусаго баабасамаажааро. ааяасмад̇о ко баабагаа самаажаараа д̣̇иссанд̇и жзва суяяанд̇и жа. гулаани жааяасмад̇аа д̣̇удтаани д̣̇иссанд̇и жзва суяяанд̇и жа. баггамад̇ааяасмаа имамхаа ааваасаа. алам̣ д̇з ид̇ха ваасзнаа’’д̇и.
Bhikkhūhīti aññehi bhikkhūhi. Ye passanti ye suṇanti. Tehi vattabbo – ‘‘āyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṃ te idha vāsenā’’ti.
зван̃жа со бхигку бхигкуухи вужжамаано д̇з бхигкуу звам̣ вад̣̇зяяа – ‘‘чанд̣̇аг̇аамино жа бхигкуу, д̣̇осаг̇аамино жа бхигкуу, мохаг̇аамино жа бхигкуу, бхаяаг̇аамино жа бхигкуу. д̇аад̣̇исигааяа аабад̇д̇ияаа згажжам̣ баб̣б̣ааж̇знд̇и згажжам̣ на баб̣б̣ааж̇знд̇ий’’д̇и.
Evañca so bhikkhu bhikkhūhi vuccamāno te bhikkhū evaṃ vadeyya – ‘‘chandagāmino ca bhikkhū, dosagāmino ca bhikkhū, mohagāmino ca bhikkhū, bhayagāmino ca bhikkhū. Tādisikāya āpattiyā ekaccaṃ pabbājenti ekaccaṃ na pabbājentī’’ti.
со бхигкууд̇и яо со гаммагад̇о бхигку.
So bhikkhūti yo so kammakato bhikkhu.
бхигкуухийд̇и ан̃н̃зхи бхигкуухи. яз бассанд̇и яз сун̣анд̇и д̇зхи вад̇д̇аб̣б̣о – ‘‘мааяасмаа звам̣ аважа. на жа бхигкуу чанд̣̇аг̇аамино, на жа бхигкуу д̣̇осаг̇аамино, на жа бхигкуу мохаг̇аамино, на жа бхигкуу бхаяаг̇аамино. ааяасмаа ко гулад̣̇уусаго баабасамаажааро. ааяасмад̇о ко баабагаа самаажаараа д̣̇иссанд̇и жзва суяяанд̇и жа. гулаани жааяасмад̇аа д̣̇удтаани д̣̇иссанд̇и жзва суяяанд̇и жа. баггамад̇ааяасмаа имамхаа ааваасаа. алам̣ д̇з ид̇ха ваасзнаа’’д̇и. д̣̇уд̇ияамби вад̇д̇аб̣б̣о. д̇ад̇ияамби вад̇д̇аб̣б̣о.
Bhikkhūhīti aññehi bhikkhūhi. Ye passanti ye suṇanti tehi vattabbo – ‘‘māyasmā evaṃ avaca. Na ca bhikkhū chandagāmino, na ca bhikkhū dosagāmino, na ca bhikkhū mohagāmino, na ca bhikkhū bhayagāmino. Āyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṃ te idha vāsenā’’ti. Dutiyampi vattabbo. Tatiyampi vattabbo.
сажз бадиниссаж̇ж̇ад̇и, ижжзд̇ам̣ гусалам̣. но жз бадиниссаж̇ж̇ад̇и, аабад̇д̇и д̣̇уггадасса. суд̇ваа на вад̣̇анд̇и, аабад̇д̇и д̣̇уггадасса. со бхигку сан̇гхамаж̇жхамби аагад̣дхид̇ваа вад̇д̇аб̣б̣о – ‘‘мааяасмаа звам̣ аважа. на жа бхигкуу чанд̣̇аг̇аамино, на жа бхигкуу д̣̇осаг̇аамино, на жа бхигкуу мохаг̇аамино, на жа бхигкуу бхаяаг̇аамино. ааяасмаа ко гулад̣̇уусаго баабасамаажааро. ааяасмад̇о ко баабагаа самаажаараа д̣̇иссанд̇и жзва суяяанд̇и жа. гулаани жааяасмад̇аа д̣̇удтаани д̣̇иссанд̇и жзва суяяанд̇и жа. баггамад̇ааяасмаа имамхаа ааваасаа. алам̣ д̇з ид̇ха ваасзнаа’’д̇и. д̣̇уд̇ияамби вад̇д̇аб̣б̣о. д̇ад̇ияамби вад̇д̇аб̣б̣о. сажз бадиниссаж̇ж̇ад̇и, ижжзд̇ам̣ гусалам̣. но жз бадиниссаж̇ж̇ад̇и, аабад̇д̇и д̣̇уггадасса. со бхигку саманубхаасид̇аб̣б̣о. зван̃жа бана, бхигкавз, саманубхаасид̇аб̣б̣о. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Sace paṭinissajjati, iccetaṃ kusalaṃ. No ce paṭinissajjati, āpatti dukkaṭassa. Sutvā na vadanti, āpatti dukkaṭassa. So bhikkhu saṅghamajjhampi ākaḍḍhitvā vattabbo – ‘‘māyasmā evaṃ avaca. Na ca bhikkhū chandagāmino, na ca bhikkhū dosagāmino, na ca bhikkhū mohagāmino, na ca bhikkhū bhayagāmino. Āyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṃ te idha vāsenā’’ti. Dutiyampi vattabbo. Tatiyampi vattabbo. Sace paṭinissajjati, iccetaṃ kusalaṃ. No ce paṭinissajjati, āpatti dukkaṭassa. So bhikkhu samanubhāsitabbo. Evañca pana, bhikkhave, samanubhāsitabbo. Byattena bhikkhunā paṭibalena saṅgho ñāpetabbo –
438. ‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку сан̇гхзна баб̣б̣ааж̇анийяагаммагад̇о бхигкуу чанд̣̇аг̇аамид̇аа д̣̇осаг̇аамид̇аа мохаг̇аамид̇аа бхаяаг̇аамид̇аа баабзд̇и. со д̇ам̣ вад̇т̇ум̣ на бадиниссаж̇ж̇ад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ саманубхаасзяяа д̇асса вад̇т̇усса бадиниссаг̇г̇ааяа. зсаа н̃ад̇д̇и.
438. ‘‘Suṇātu me, bhante, saṅgho. Ayaṃ itthannāmo bhikkhu saṅghena pabbājanīyakammakato bhikkhū chandagāmitā dosagāmitā mohagāmitā bhayagāmitā pāpeti. So taṃ vatthuṃ na paṭinissajjati. Yadi saṅghassa pattakallaṃ, saṅgho itthannāmaṃ bhikkhuṃ samanubhāseyya tassa vatthussa paṭinissaggāya. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку сан̇гхзна баб̣б̣ааж̇анийяагаммагад̇о бхигкуу чанд̣̇аг̇аамид̇аа д̣̇осаг̇аамид̇аа мохаг̇аамид̇аа бхаяаг̇аамид̇аа баабзд̇и. со д̇ам̣ вад̇т̇ум̣ на бадиниссаж̇ж̇ад̇и. сан̇гхо ид̇т̇аннаамам̣ бхигкум̣ саманубхаасад̇и д̇асса вад̇т̇усса бадиниссаг̇г̇ааяа. яассааяасмад̇о камад̇и ид̇т̇аннаамасса бхигкуно саманубхаасанаа д̇асса вад̇т̇усса бадиниссаг̇г̇ааяа, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo bhikkhu saṅghena pabbājanīyakammakato bhikkhū chandagāmitā dosagāmitā mohagāmitā bhayagāmitā pāpeti. So taṃ vatthuṃ na paṭinissajjati. Saṅgho itthannāmaṃ bhikkhuṃ samanubhāsati tassa vatthussa paṭinissaggāya. Yassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами…бз….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘саманубхадто сан̇гхзна ид̇т̇аннаамо бхигку д̇асса вад̇т̇усса бадиниссаг̇г̇ааяа. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Samanubhaṭṭho saṅghena itthannāmo bhikkhu tassa vatthussa paṭinissaggāya. Khamati saṅghassa, tasmā tuṇhī, evametaṃ dhārayāmī’’ti.
439. н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа, гаммаваажаабарияосаанз аабад̇д̇и сан̇гхаад̣̇исзсасса. сан̇гхаад̣̇исзсам̣ аж̇жхаабаж̇ж̇анд̇асса н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа бадиббассамбханд̇и.
439. Ñattiyā dukkaṭaṃ, dvīhi kammavācāhi thullaccayā, kammavācāpariyosāne āpatti saṅghādisesassa. Saṅghādisesaṃ ajjhāpajjantassa ñattiyā dukkaṭaṃ, dvīhi kammavācāhi thullaccayā paṭippassambhanti.
сан̇гхаад̣̇исзсод̇и сан̇гхова д̇ассаа аабад̇д̇ияаа бариваасам̣ д̣̇зд̇и, муулааяа бадигассад̇и, маанад̇д̇ам̣ д̣̇зд̇и, аб̣бхзд̇и; на самб̣ахулаа, на згабуг̇г̇ало . д̇зна вужжад̇и – ‘сан̇гхаад̣̇исзсо’д̇и, д̇ассзва аабад̇д̇инигааяасса наамагаммам̣ ад̇хиважанам̣. д̇знаби вужжад̇и сан̇гхаад̣̇исзсод̇и.
Saṅghādisesoti saṅghova tassā āpattiyā parivāsaṃ deti, mūlāya paṭikassati, mānattaṃ deti, abbheti; na sambahulā, na ekapuggalo . Tena vuccati – ‘saṅghādiseso’ti, tasseva āpattinikāyassa nāmakammaṃ adhivacanaṃ. Tenapi vuccati saṅghādisesoti.
440. д̇хаммагаммз д̇хаммагаммасан̃н̃ий на бадиниссаж̇ж̇ад̇и, аабад̇д̇и сан̇гхаад̣̇исзсасса.
440. Dhammakamme dhammakammasaññī na paṭinissajjati, āpatti saṅghādisesassa.
д̇хаммагаммз взмад̇иго на бадиниссаж̇ж̇ад̇и, аабад̇д̇и сан̇гхаад̣̇исзсасса.
Dhammakamme vematiko na paṭinissajjati, āpatti saṅghādisesassa.
д̇хаммагаммз ад̇хаммагаммасан̃н̃ий на бадиниссаж̇ж̇ад̇и, аабад̇д̇и сан̇гхаад̣̇исзсасса.
Dhammakamme adhammakammasaññī na paṭinissajjati, āpatti saṅghādisesassa.
ад̇хаммагаммз д̇хаммагаммасан̃н̃ий, аабад̇д̇и д̣̇уггадасса.
Adhammakamme dhammakammasaññī, āpatti dukkaṭassa.
ад̇хаммагаммз взмад̇иго, аабад̇д̇и д̣̇уггадасса.
Adhammakamme vematiko, āpatti dukkaṭassa.
ад̇хаммагаммз ад̇хаммагаммасан̃н̃ий, аабад̇д̇и д̣̇уггадасса.
Adhammakamme adhammakammasaññī, āpatti dukkaṭassa.
441. анаабад̇д̇и асаманубхаасанд̇асса, бадиниссаж̇ж̇анд̇асса, уммад̇д̇агасса, аад̣̇игаммигассаад̇и.
441. Anāpatti asamanubhāsantassa, paṭinissajjantassa, ummattakassa, ādikammikassāti.
гулад̣̇уусагасигкаабад̣̇ам̣ нидтид̇ам̣ д̇зрасамам̣.
Kuladūsakasikkhāpadaṃ niṭṭhitaṃ terasamaṃ.
442. уд̣̇д̣̇идтаа ко, ааяасманд̇о, д̇зраса сан̇гхаад̣̇исзсаа д̇хаммаа, нава батамаабад̇д̇игаа, жад̇д̇ааро яаавад̇ад̇ияагаа. язсам̣ бхигку ан̃н̃ад̇арам̣ ваа ан̃н̃ад̇арам̣ ваа аабаж̇ж̇ид̇ваа яаавад̇ийхам̣ ж̇аанам̣ бадижчаад̣̇зд̇и д̇аавад̇ийхам̣ д̇зна бхигкунаа агаамаа баривад̇т̇аб̣б̣ам̣. баривуд̇т̇абариваасзна бхигкунаа уд̇д̇ари чаарад̇д̇ам̣ бхигкумаанад̇д̇ааяа бадибаж̇ж̇ид̇аб̣б̣ам̣. жин̣н̣амаанад̇д̇о бхигку яад̇т̇а сияаа вийсад̇иг̇ан̣о бхигкусан̇гхо д̇ад̇т̇а со бхигку аб̣бхзд̇аб̣б̣о. згзнаби жз ууно вийсад̇иг̇ан̣о бхигкусан̇гхо д̇ам̣ бхигкум̣ аб̣бхзяяа, со жа бхигку анаб̣бхид̇о, д̇з жа бхигкуу г̇аараяхаа, аяам̣ д̇ад̇т̇а саамийжи. д̇ад̇т̇ааяасманд̇з бужчаами – ‘гажжид̇т̇а барисуд̣̇д̇хаа’? д̣̇уд̇ияамби бужчаами – ‘гажжид̇т̇а барисуд̣̇д̇хаа’? д̇ад̇ияамби бужчаами – ‘гажжид̇т̇а барисуд̣̇д̇хаа’? барисуд̣̇д̇хзд̇т̇ааяасманд̇о. д̇асмаа д̇ун̣хий, звамзд̇ам̣ д̇хаараяаамийд̇и.
442. Uddiṭṭhā kho, āyasmanto, terasa saṅghādisesā dhammā, nava paṭhamāpattikā, cattāro yāvatatiyakā. Yesaṃ bhikkhu aññataraṃ vā aññataraṃ vā āpajjitvā yāvatīhaṃ jānaṃ paṭicchādeti tāvatīhaṃ tena bhikkhunā akāmā parivatthabbaṃ. Parivutthaparivāsena bhikkhunā uttari chārattaṃ bhikkhumānattāya paṭipajjitabbaṃ. Ciṇṇamānatto bhikkhu yattha siyā vīsatigaṇo bhikkhusaṅgho tattha so bhikkhu abbhetabbo. Ekenapi ce ūno vīsatigaṇo bhikkhusaṅgho taṃ bhikkhuṃ abbheyya, so ca bhikkhu anabbhito, te ca bhikkhū gārayhā, ayaṃ tattha sāmīci. Tatthāyasmante pucchāmi – ‘kaccittha parisuddhā’? Dutiyampi pucchāmi – ‘kaccittha parisuddhā’? Tatiyampi pucchāmi – ‘kaccittha parisuddhā’? Parisuddhetthāyasmanto. Tasmā tuṇhī, evametaṃ dhārayāmīti.
д̇зрасагам̣ нидтид̇ам̣.
Terasakaṃ niṭṭhitaṃ.
д̇ассуд̣̇д̣̇аанам̣ –
Tassuddānaṃ –
виссадти гааяасам̣саг̇г̇ам̣, д̣̇удтуллам̣ ад̇д̇агааман̃жа;
Vissaṭṭhi kāyasaṃsaggaṃ, duṭṭhullaṃ attakāmañca;
сан̃жарид̇д̇ам̣ гудий жзва, вихааро жа амуулагам̣.
Sañcarittaṃ kuṭī ceva, vihāro ca amūlakaṃ.
гин̃жилзсан̃жа бхзд̣̇о жа, д̇ассзва анувад̇д̇агаа;
Kiñcilesañca bhedo ca, tasseva anuvattakā;
д̣̇уб̣б̣ажам̣ гулад̣̇уусан̃жа, сан̇гхаад̣̇исзсаа д̇зрасаад̇и.
Dubbacaṃ kuladūsañca, saṅghādisesā terasāti.
сан̇гхаад̣̇исзсаган̣д̣ам̣ нидтид̇ам̣.
Saṅghādisesakaṇḍaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā
13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
ниг̇аманаван̣н̣анаа • Nigamanavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
ниг̇аманаван̣н̣анаа • Nigamanavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
ниг̇аманаван̣н̣анаа • Nigamanavaṇṇanā
