| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
13. гулад̣̇уусагасигкаабад̣̇аван̣н̣анаа
13. Kuladūsakasikkhāpadavaṇṇanā
431. д̇зна самаязна б̣уд̣̇д̇хо бхаг̇аваад̇и гулад̣̇уусагасигкаабад̣̇ам̣. д̇ад̇т̇а ассаж̇ибунаб̣б̣асугаа наамаад̇и ассаж̇и жзва бунаб̣б̣асуго жа. гийдааг̇ирисминд̇и звам̣наамагз ж̇анабад̣̇з. ааваасигаа хонд̇ийд̇и зд̇т̇а ааваасо зд̇зсам̣ ад̇т̇ийд̇и ааваасигаа. ‘‘ааваасо’’д̇и вихааро вужжад̇и. со язсам̣ ааяад̇д̇о навагаммагаран̣абураан̣абадисан̇каран̣аад̣̇ибхаарахаарад̇ааяа, д̇з ааваасигаа. яз бана гзвалам̣ вихаарз васанд̇и, д̇з нзваасигаад̇и вужжанд̇и. имз ааваасигаа ахзсум̣. алаж̇ж̇ино баабабхигкууд̇и ниллаж̇ж̇аа лаамагабхигкуу, д̇з хи чаб̣б̣аг̇г̇ияаанам̣ ж̇здтагачаб̣б̣аг̇г̇ияаа.
431.Tenasamayena buddho bhagavāti kuladūsakasikkhāpadaṃ. Tattha assajipunabbasukā nāmāti assaji ceva punabbasuko ca. Kīṭāgirisminti evaṃnāmake janapade. Āvāsikā hontīti ettha āvāso etesaṃ atthīti āvāsikā. ‘‘Āvāso’’ti vihāro vuccati. So yesaṃ āyatto navakammakaraṇapurāṇapaṭisaṅkharaṇādibhārahāratāya, te āvāsikā. Ye pana kevalaṃ vihāre vasanti, te nevāsikāti vuccanti. Ime āvāsikā ahesuṃ. Alajjino pāpabhikkhūti nillajjā lāmakabhikkhū, te hi chabbaggiyānaṃ jeṭṭhakachabbaggiyā.
саавад̇т̇ияам̣ гира ча ж̇анаа сахааяагаа ‘‘гасигаммаад̣̇ийни д̣̇уггараани, ханд̣̇а маяам̣ саммаа баб̣б̣аж̇аама! баб̣б̣аж̇анд̇зхи жа уббаннз гижжз нид̇т̇аран̣агадтаанз баб̣б̣аж̇ид̇ум̣ ваддад̇ий’’д̇и самманд̇аяид̇ваа д̣̇виннам̣ аг̇г̇асаавагаанам̣ санд̇игз баб̣б̣аж̇им̣су. д̇з бан̃жавассаа худ̇ваа маад̇игам̣ баг̇ун̣ам̣ гад̇ваа манд̇аяим̣су ‘‘ж̇анабад̣̇о наама гад̣̇аажи субхигко ход̇и гад̣̇аажи д̣̇уб̣бхигко, маяам̣ маа згадтаанз васимха, д̇ийсу таанзсу васаамаа’’д̇и. д̇ад̇о бан̣д̣угалохид̇агз аахам̣су – ‘‘аавусо, саавад̇т̇и наама сад̇д̇абан̃н̃аасааяа гуласад̇асахассзхи аж̇жхаавуд̇т̇аа, асийд̇иг̇аамасахассабадиман̣д̣ид̇аанам̣ д̇ияож̇анасад̇игаанам̣ д̣̇виннам̣ гаасигосаларадтаанам̣ ааяамукабхууд̇аа, д̇ад̇ра д̇умхз д̇хурадтаанзязва баривзн̣аани гаарзд̇ваа амб̣абанасанаал̣игзраад̣̇ийни робзд̇ваа бубпзхи жа палзхи жа гулаани сан̇г̇ан̣ханд̇аа гулад̣̇аарагз баб̣б̣ааж̇зд̇ваа барисам̣ вад̣дхзт̇аа’’д̇и.
Sāvatthiyaṃ kira cha janā sahāyakā ‘‘kasikammādīni dukkarāni, handa mayaṃ sammā pabbajāma! Pabbajantehi ca uppanne kicce nittharaṇakaṭṭhāne pabbajituṃ vaṭṭatī’’ti sammantayitvā dvinnaṃ aggasāvakānaṃ santike pabbajiṃsu. Te pañcavassā hutvā mātikaṃ paguṇaṃ katvā mantayiṃsu ‘‘janapado nāma kadāci subhikkho hoti kadāci dubbhikkho, mayaṃ mā ekaṭṭhāne vasimha, tīsu ṭhānesu vasāmā’’ti. Tato paṇḍukalohitake āhaṃsu – ‘‘āvuso, sāvatthi nāma sattapaññāsāya kulasatasahassehi ajjhāvutthā, asītigāmasahassapaṭimaṇḍitānaṃ tiyojanasatikānaṃ dvinnaṃ kāsikosalaraṭṭhānaṃ āyamukhabhūtā, tatra tumhe dhuraṭṭhāneyeva pariveṇāni kāretvā ambapanasanāḷikerādīni ropetvā pupphehi ca phalehi ca kulāni saṅgaṇhantā kuladārake pabbājetvā parisaṃ vaḍḍhethā’’ti.
мзд̇д̇ияабхуумаж̇агз аахам̣су – ‘‘аавусо, рааж̇аг̇ахам̣ наама адтаарасахи мануссагодийхи аж̇жхаавуд̇т̇ам̣ асийд̇иг̇аамасахассабадиман̣д̣ид̇аанам̣ д̇ияож̇анасад̇игаанам̣ д̣̇виннам̣ ан̇г̇амаг̇ад̇харадтаанам̣ ааяамукабхууд̇ам̣, д̇ад̇ра д̇умхз д̇хурадтаанзязва…бз… барисам̣ вад̣дхзт̇аа’’д̇и.
Mettiyabhūmajake āhaṃsu – ‘‘āvuso, rājagahaṃ nāma aṭṭhārasahi manussakoṭīhi ajjhāvutthaṃ asītigāmasahassapaṭimaṇḍitānaṃ tiyojanasatikānaṃ dvinnaṃ aṅgamagadharaṭṭhānaṃ āyamukhabhūtaṃ, tatra tumhe dhuraṭṭhāneyeva…pe… parisaṃ vaḍḍhethā’’ti.
ассаж̇ибунаб̣б̣асугз аахам̣су – ‘‘аавусо, гийдааг̇ири наама д̣̇вийхи мзгхзхи ануг̇г̇ахид̇о д̇ийн̣и сассаани басаванд̇и, д̇ад̇ра д̇умхз д̇хурадтаанзязва баривзн̣аани гаарзд̇ваа…бз… барисам̣ вад̣дхзт̇аа’’д̇и. д̇з д̇ат̇аа агам̣су. д̇зсу згамзгасса багкасса бан̃жа бан̃жа бхигкусад̇аани бариваараа, звам̣ самад̇хигам̣ д̣̇ияад̣дхабхигкусахассам̣ ход̇и. д̇ад̇ра бан̣д̣угалохид̇агаа сабариваараа сийлаванд̇ова бхаг̇авад̇аа сад̣̇д̇хим̣ ж̇анабад̣̇ажааригамби жаранд̇и, д̇з агад̇авад̇т̇ум̣ уббаад̣̇знд̇и, бан̃н̃ад̇д̇асигкаабад̣̇ам̣ бана на мад̣̇д̣̇анд̇и, ид̇арз саб̣б̣з алаж̇ж̇ино агад̇авад̇т̇ун̃жа уббаад̣̇знд̇и, бан̃н̃ад̇д̇асигкаабад̣̇ан̃жа мад̣̇д̣̇анд̇и, д̇зна вуд̇д̇ам̣ – ‘‘алаж̇ж̇ино баабабхигкуу’’д̇и.
Assajipunabbasuke āhaṃsu – ‘‘āvuso, kīṭāgiri nāma dvīhi meghehi anuggahito tīṇi sassāni pasavanti, tatra tumhe dhuraṭṭhāneyeva pariveṇāni kāretvā…pe… parisaṃ vaḍḍhethā’’ti. Te tathā akaṃsu. Tesu ekamekassa pakkhassa pañca pañca bhikkhusatāni parivārā, evaṃ samadhikaṃ diyaḍḍhabhikkhusahassaṃ hoti. Tatra paṇḍukalohitakā saparivārā sīlavantova bhagavatā saddhiṃ janapadacārikampi caranti, te akatavatthuṃ uppādenti, paññattasikkhāpadaṃ pana na maddanti, itare sabbe alajjino akatavatthuñca uppādenti, paññattasikkhāpadañca maddanti, tena vuttaṃ – ‘‘alajjino pāpabhikkhū’’ti.
зваруубанд̇и звам̣ж̇аад̇игам̣. анаажаарам̣ аажаранд̇ийд̇и анаажарид̇аб̣б̣ам̣ аажаранд̇и, агаад̇аб̣б̣ам̣ гаронд̇и. маалааважчанд̇и д̇арун̣абубпаругкам̣, д̇арун̣агаа хи бубпаругкааби бубпаг̇ажчааби маалааважчаа д̇взва вужжанд̇и, д̇з жа анзгаббагаарам̣ маалааважчам̣ саяамби робзнд̇и, ан̃н̃знаби робаабзнд̇и, д̇зна вуд̇д̇ам̣ – ‘‘маалааважчам̣ робзнд̇иби робаабзнд̇ибий’’д̇и. син̃жанд̇ийд̇и саяамзва уд̣̇агзна син̃жанд̇и. син̃жаабзнд̇ийд̇и ан̃н̃знаби син̃жаабзнд̇и.
Evarūpanti evaṃjātikaṃ. Anācāraṃ ācarantīti anācaritabbaṃ ācaranti, akātabbaṃ karonti. Mālāvacchanti taruṇapuppharukkhaṃ, taruṇakā hi puppharukkhāpi pupphagacchāpi mālāvacchā tveva vuccanti, te ca anekappakāraṃ mālāvacchaṃ sayampi ropenti, aññenapi ropāpenti, tena vuttaṃ – ‘‘mālāvacchaṃ ropentipi ropāpentipī’’ti. Siñcantīti sayameva udakena siñcanti. Siñcāpentīti aññenapi siñcāpenti.
зд̇т̇а бана агаббияавохааро габбияавохааро барияааяо обхаасо нимид̇д̇агамманд̇и имаани бан̃жа ж̇аанид̇аб̣б̣аани. д̇ад̇т̇а агаббияавохааро наама аллахарид̇аанам̣ годданам̣ годдаабанам̣, ааваадасса кан̣анам̣ кан̣аабанам̣, маалааважчасса робанам̣ робаабанам̣, аал̣ияаа б̣анд̇ханам̣ б̣анд̇хаабанам̣, уд̣̇агасса сзжанам̣ сзжаабанам̣, маад̇игааяа саммукагаран̣ам̣ габбияауд̣̇агасин̃жанам̣ хад̇т̇амукабаад̣̇ад̇ховананхаанод̣̇агасин̃жананд̇и. габбияавохааро наама ‘‘имам̣ ругкам̣ ж̇аана, имам̣ ааваадам̣ ж̇аана, имам̣ маалааважчам̣ ж̇аана, зд̇т̇а уд̣̇агам̣ ж̇аанаа’’д̇и важанам̣ сугкамаад̇игааяа уж̇угаран̣ан̃жа. барияааяо наама ‘‘бан̣д̣ид̇зна наама маалааважчаад̣̇аяо робаабзд̇аб̣б̣аа нажирассзва убагаарааяа сам̣вад̇д̇анд̇ий’’д̇иаад̣̇иважанам̣. обхаасо наама гуд̣̇аалакан̣ид̇д̇аад̣̇ийни жа маалааважчз жа г̇ахзд̇ваа таанам̣, звам̣ тид̇ан̃хи сааман̣зраад̣̇аяо д̣̇исваа т̇зро гаараабзд̇угаамод̇и г̇анд̇ваа гаронд̇и. нимид̇д̇агаммам̣ наама гуд̣̇аала-кан̣ид̇д̇и-вааси-парасу-уд̣̇агабхааж̇анаани аахарид̇ваа самийбз табанам̣.
Ettha pana akappiyavohāro kappiyavohāro pariyāyo obhāso nimittakammanti imāni pañca jānitabbāni. Tattha akappiyavohāro nāma allaharitānaṃ koṭṭanaṃ koṭṭāpanaṃ, āvāṭassa khaṇanaṃ khaṇāpanaṃ, mālāvacchassa ropanaṃ ropāpanaṃ, āḷiyā bandhanaṃ bandhāpanaṃ, udakassa secanaṃ secāpanaṃ, mātikāya sammukhakaraṇaṃ kappiyaudakasiñcanaṃ hatthamukhapādadhovananhānodakasiñcananti. Kappiyavohāro nāma ‘‘imaṃ rukkhaṃ jāna, imaṃ āvāṭaṃ jāna, imaṃ mālāvacchaṃ jāna, ettha udakaṃ jānā’’ti vacanaṃ sukkhamātikāya ujukaraṇañca. Pariyāyo nāma ‘‘paṇḍitena nāma mālāvacchādayo ropāpetabbā nacirasseva upakārāya saṃvattantī’’tiādivacanaṃ. Obhāso nāma kudālakhaṇittādīni ca mālāvacche ca gahetvā ṭhānaṃ, evaṃ ṭhitañhi sāmaṇerādayo disvā thero kārāpetukāmoti gantvā karonti. Nimittakammaṃ nāma kudāla-khaṇitti-vāsi-pharasu-udakabhājanāni āharitvā samīpe ṭhapanaṃ.
имаани бан̃жаби гуласан̇г̇ахад̇т̇ааяа робанз на вадданд̇и, палабарибхог̇ад̇т̇ааяа габбияаагаббияавохаарад̣̇ваяамзва на ваддад̇и, ид̇арад̇д̇аяам̣ ваддад̇и. махаабажжарияам̣ бана ‘‘габбияавохаароби ваддад̇и. яан̃жа ад̇д̇ано барибхог̇ад̇т̇ааяа ваддад̇и, д̇ам̣ ан̃н̃абуг̇г̇аласса ваа сан̇гхасса ваа жзд̇ияасса ваа ад̇т̇ааяаби ваддад̇ий’’д̇и вуд̇д̇ам̣.
Imāni pañcapi kulasaṅgahatthāya ropane na vaṭṭanti, phalaparibhogatthāya kappiyākappiyavohāradvayameva na vaṭṭati, itarattayaṃ vaṭṭati. Mahāpaccariyaṃ pana ‘‘kappiyavohāropi vaṭṭati. Yañca attano paribhogatthāya vaṭṭati, taṃ aññapuggalassa vā saṅghassa vā cetiyassa vā atthāyapi vaṭṭatī’’ti vuttaṃ.
аараамад̇т̇ааяа бана ванад̇т̇ааяажа чааяад̇т̇ааяа жа агаббияавохаарамад̇д̇амзва на жа ваддад̇и, сзсам̣ ваддад̇и, на гзвалан̃жа сзсам̣ яам̣гин̃жи маад̇игамби уж̇ум̣ гаад̇ум̣ габбияауд̣̇агам̣ син̃жид̇ум̣ нхаанагодтагам̣ гад̇ваа нхааяид̇ум̣ хад̇т̇абаад̣̇амукад̇ховануд̣̇агаани жа д̇ад̇т̇а чад̣д̣зд̇умби ваддад̇и. махаабажжарияам̣ бана гурунд̣̇ияан̃жа ‘‘габбияабат̇авияам̣ саяам̣ робзд̇умби ваддад̇ий’’д̇и вуд̇д̇ам̣. аараамаад̣̇иад̇т̇ааяа бана робид̇асса ваа робаабид̇асса ваа палам̣ барибхун̃ж̇ид̇умби ваддад̇и.
Ārāmatthāya pana vanatthāyaca chāyatthāya ca akappiyavohāramattameva na ca vaṭṭati, sesaṃ vaṭṭati, na kevalañca sesaṃ yaṃkiñci mātikampi ujuṃ kātuṃ kappiyaudakaṃ siñcituṃ nhānakoṭṭhakaṃ katvā nhāyituṃ hatthapādamukhadhovanudakāni ca tattha chaḍḍetumpi vaṭṭati. Mahāpaccariyaṃ pana kurundiyañca ‘‘kappiyapathaviyaṃ sayaṃ ropetumpi vaṭṭatī’’ti vuttaṃ. Ārāmādiatthāya pana ropitassa vā ropāpitassa vā phalaṃ paribhuñjitumpi vaṭṭati.
ожинанаожинаабанз багад̇ияааби баажид̇д̇ияам̣. гулад̣̇уусанад̇т̇ааяа бана баажид̇д̇ияан̃жзва д̣̇уггадан̃жа. г̇ант̇анаад̣̇ийсу жа уражчад̣̇абарияосаанзсу гулад̣̇уусанад̇т̇ааяа ан̃н̃ад̇т̇ааяа ваа гаронд̇асса д̣̇уггадамзва . гасмаа? анаажаарад̇д̇аа, ‘‘баабасамаажааро’’д̇и зд̇т̇а вуд̇д̇абаабасамаажаарад̇д̇аа жа. аараамаад̣̇иад̇т̇ааяа ругкаробанз вияа вад̇т̇убууж̇анад̇т̇ааяа гасмаа на анаабад̇д̇ийд̇и жз? анаабад̇д̇иязва. яат̇аа хи д̇ад̇т̇а габбияавохаарзна барияааяаад̣̇ийхи жа анаабад̇д̇и д̇ат̇аа вад̇т̇убууж̇ад̇т̇ааяаби анаабад̇д̇иязва.
Ocinanaocināpane pakatiyāpi pācittiyaṃ. Kuladūsanatthāya pana pācittiyañceva dukkaṭañca. Ganthanādīsu ca uracchadapariyosānesu kuladūsanatthāya aññatthāya vā karontassa dukkaṭameva . Kasmā? Anācārattā, ‘‘pāpasamācāro’’ti ettha vuttapāpasamācārattā ca. Ārāmādiatthāya rukkharopane viya vatthupūjanatthāya kasmā na anāpattīti ce? Anāpattiyeva. Yathā hi tattha kappiyavohārena pariyāyādīhi ca anāpatti tathā vatthupūjatthāyapi anāpattiyeva.
нану жа д̇ад̇т̇а ‘‘габбияабат̇авияам̣ саяам̣ робзд̇умби ваддад̇ий’’д̇и вуд̇д̇анд̇и? вуд̇д̇ам̣, на бана махааадтагат̇ааяам̣. ат̇ааби ман̃н̃зяяааси ид̇араасу вуд̇д̇амби бамаан̣ам̣. махааадтагат̇ааяан̃жа габбияауд̣̇агасзжанам̣ вуд̇д̇ам̣, д̇ам̣ гат̇анд̇и? д̇амби на вируж̇жхад̇и. д̇ад̇ра хи ависзсзна ‘‘ругкам̣ робзнд̇иби робаабзнд̇иби, син̃жанд̇иби син̃жаабзнд̇ибий’’д̇и вад̇д̇аб̣б̣з ‘‘маалааважча’’нд̇и вад̣̇анд̇о н̃аабзд̇и ‘‘гуласан̇г̇ахад̇т̇ааяа бубпапалуубаг̇амзва санд̇хааязд̇ам̣ вуд̇д̇ам̣, ан̃н̃ад̇ра бана барияааяо ад̇т̇ий’’д̇и. д̇асмаа д̇ад̇т̇а барияааяам̣, ид̇ха жа барияааяаабхаавам̣ н̃ад̇ваа яам̣ адтагат̇аасу вуд̇д̇ам̣, д̇ам̣ сувуд̇д̇амзва. вуд̇д̇ан̃жзд̇ам̣ –
Nanu ca tattha ‘‘kappiyapathaviyaṃ sayaṃ ropetumpi vaṭṭatī’’ti vuttanti? Vuttaṃ, na pana mahāaṭṭhakathāyaṃ. Athāpi maññeyyāsi itarāsu vuttampi pamāṇaṃ. Mahāaṭṭhakathāyañca kappiyaudakasecanaṃ vuttaṃ, taṃ kathanti? Tampi na virujjhati. Tatra hi avisesena ‘‘rukkhaṃ ropentipi ropāpentipi, siñcantipi siñcāpentipī’’ti vattabbe ‘‘mālāvaccha’’nti vadanto ñāpeti ‘‘kulasaṅgahatthāya pupphaphalūpagameva sandhāyetaṃ vuttaṃ, aññatra pana pariyāyo atthī’’ti. Tasmā tattha pariyāyaṃ, idha ca pariyāyābhāvaṃ ñatvā yaṃ aṭṭhakathāsu vuttaṃ, taṃ suvuttameva. Vuttañcetaṃ –
‘‘б̣уд̣̇д̇хзна д̇хаммо винаяо жа вуд̇д̇о;
‘‘Buddhena dhammo vinayo ca vutto;
яо д̇асса буд̇д̇зхи д̇ат̇зва н̃аад̇о;
Yo tassa puttehi tatheva ñāto;
со язхи д̇зсам̣ мад̇имажжаж̇анд̇аа;
So yehi tesaṃ matimaccajantā;
яасмаа бурз адтагат̇аа агам̣су.
Yasmā pure aṭṭhakathā akaṃsu.
‘‘д̇асмаа хи яам̣ адтагат̇аасу вуд̇д̇ам̣;
‘‘Tasmā hi yaṃ aṭṭhakathāsu vuttaṃ;
д̇ам̣ важ̇ж̇аяид̇ваана бамаад̣̇алзкам̣;
Taṃ vajjayitvāna pamādalekhaṃ;
саб̣б̣амби сигкаасу саг̇аараваанам̣;
Sabbampi sikkhāsu sagāravānaṃ;
яасмаа бамаан̣ам̣ ид̇ха бан̣д̣ид̇аана’’нд̇и.
Yasmā pamāṇaṃ idha paṇḍitāna’’nti.
саб̣б̣ам̣ вуд̇д̇анаязнзва взд̣̇ид̇аб̣б̣ам̣. д̇ад̇т̇а сияаа яад̣̇и вад̇т̇убууж̇анад̇т̇ааяаби г̇ант̇аанаад̣̇ийсу аабад̇д̇и, харан̣аад̣̇ийсу гасмаа анаабад̇д̇ийд̇и? гулид̇т̇ийаад̣̇ийнам̣ ад̇т̇ааяа харан̣ад̇о харан̣аад̇хигаарз хи висзсзд̇ваа д̇з гулид̇т̇ийнанд̇иаад̣̇и вуд̇д̇ам̣, д̇асмаа б̣уд̣̇д̇хаад̣̇ийнам̣ ад̇т̇ааяа харанд̇асса анаабад̇д̇и.
Sabbaṃ vuttanayeneva veditabbaṃ. Tattha siyā yadi vatthupūjanatthāyapi ganthānādīsu āpatti, haraṇādīsu kasmā anāpattīti? Kulitthīādīnaṃ atthāya haraṇato haraṇādhikāre hi visesetvā te kulitthīnantiādi vuttaṃ, tasmā buddhādīnaṃ atthāya harantassa anāpatti.
д̇ад̇т̇а згад̇ован̣диганд̇и бубпаанам̣ ван̣дз згад̇о гад̇ваа гад̇амаалам̣. убхад̇ован̣диганд̇и убхохи бассзхи бубпаван̣дз гад̇ваа гад̇амаалам̣. ман̃ж̇ариганд̇иаад̣̇ийсу бана ман̃ж̇арий вияа гад̇аа бубпавигад̇и ман̃ж̇аригаад̇и вужжад̇и. вид̇хууд̇игаад̇и суужияаа ваа салаагааяа ваа синд̣̇уваарабубпаад̣̇ийни виж̇жхид̇ваа гад̇аа. вадам̣сагод̇и вад̇ам̣саго. аавзл̣аад̇и ган̣н̣игаа. уражчад̣̇од̇и хаарасад̣̇исам̣ урз табанагабубпад̣̇аамам̣. аяам̣ д̇аава зд̇т̇а бад̣̇аван̣н̣анаа.
Tattha ekatovaṇṭikanti pupphānaṃ vaṇṭe ekato katvā katamālaṃ. Ubhatovaṇṭikanti ubhohi passehi pupphavaṇṭe katvā katamālaṃ. Mañjarikantiādīsu pana mañjarī viya katā pupphavikati mañjarikāti vuccati. Vidhūtikāti sūciyā vā salākāya vā sinduvārapupphādīni vijjhitvā katā. Vaṭaṃsakoti vataṃsako. Āveḷāti kaṇṇikā. Uracchadoti hārasadisaṃ ure ṭhapanakapupphadāmaṃ. Ayaṃ tāva ettha padavaṇṇanā.
аяам̣ бана аад̣̇ид̇о бадтааяа вид̇т̇аарзна аабад̇д̇ивинижчаяо. гулад̣̇уусанад̇т̇ааяа агаббияабат̇авияам̣ маалааважчам̣ робзнд̇асса баажид̇д̇ияан̃жзва д̣̇уггадан̃жа, д̇ат̇аа агаббияавохаарзна робаабзнд̇асса. габбияабат̇авияам̣ робанзби робаабанзби д̣̇уггадамзва. убхаяад̇т̇ааби сагим̣ аан̣ад̇д̇ияаа б̣ахуннамби робанз згамзва сабаажид̇д̇ияад̣̇уггадам̣ ваа суд̣̇д̇хад̣̇уггадам̣ ваа ход̇и. барибхог̇ад̇т̇ааяа хи габбияабхуумияам̣ ваа агаббияабхуумияам̣ ваа габбияавохаарзна робаабанз анаабад̇д̇и. аараамаад̣̇иад̇т̇ааяаби агаббияабат̇авияам̣ робзнд̇асса ваа агаббияаважанзна робаабзнд̇асса ваа баажид̇д̇ияам̣. аяам̣ бана наяо махааадтагат̇ааяам̣ на судту вибхад̇д̇о, махаабажжарияам̣ вибхад̇д̇од̇и.
Ayaṃ pana ādito paṭṭhāya vitthārena āpattivinicchayo. Kuladūsanatthāya akappiyapathaviyaṃ mālāvacchaṃ ropentassa pācittiyañceva dukkaṭañca, tathā akappiyavohārena ropāpentassa. Kappiyapathaviyaṃ ropanepi ropāpanepi dukkaṭameva. Ubhayatthāpi sakiṃ āṇattiyā bahunnampi ropane ekameva sapācittiyadukkaṭaṃ vā suddhadukkaṭaṃ vā hoti. Paribhogatthāya hi kappiyabhūmiyaṃ vā akappiyabhūmiyaṃ vā kappiyavohārena ropāpane anāpatti. Ārāmādiatthāyapi akappiyapathaviyaṃ ropentassa vā akappiyavacanena ropāpentassa vā pācittiyaṃ. Ayaṃ pana nayo mahāaṭṭhakathāyaṃ na suṭṭhu vibhatto, mahāpaccariyaṃ vibhattoti.
син̃жанасин̃жаабанз бана агаббияауд̣̇агзна саб̣б̣ад̇т̇а баажид̇д̇ияам̣, гулад̣̇уусанабарибхог̇ад̇т̇ааяа д̣̇уггадамби. габбиязна д̇зсам̣язва д̣̇виннамад̇т̇ааяа д̣̇уггадам̣. барибхог̇ад̇т̇ааяа жзд̇т̇а габбияавохаарзна син̃жаабанз анаабад̇д̇и. аабад̇д̇идтаанз бана д̇хаарааважчзд̣̇авасзна баяог̇аб̣ахулад̇ааяа аабад̇д̇иб̣ахулад̇аа взд̣̇ид̇аб̣б̣аа.
Siñcanasiñcāpane pana akappiyaudakena sabbattha pācittiyaṃ, kuladūsanaparibhogatthāya dukkaṭampi. Kappiyena tesaṃyeva dvinnamatthāya dukkaṭaṃ. Paribhogatthāya cettha kappiyavohārena siñcāpane anāpatti. Āpattiṭṭhāne pana dhārāvacchedavasena payogabahulatāya āpattibahulatā veditabbā.
гулад̣̇уусанад̇т̇ааяа ожинанз бубпаг̇ан̣анааяа д̣̇уггадабаажид̇д̇ияаани ан̃н̃ад̇т̇а баажид̇д̇ияаанзва. б̣ахууни бана бубпаани згабаяог̇зна ожинанд̇о баяог̇авасзна гаарзд̇аб̣б̣о. ожинаабанз гулад̣̇уусанад̇т̇ааяа сагим̣ аан̣ад̇д̇о б̣ахумби ожинад̇и, згамзва сабаажид̇д̇ияад̣̇уггадам̣, ан̃н̃ад̇ра баажид̇д̇ияамзва.
Kuladūsanatthāya ocinane pupphagaṇanāya dukkaṭapācittiyāni aññattha pācittiyāneva. Bahūni pana pupphāni ekapayogena ocinanto payogavasena kāretabbo. Ocināpane kuladūsanatthāya sakiṃ āṇatto bahumpi ocinati, ekameva sapācittiyadukkaṭaṃ, aññatra pācittiyameva.
г̇ант̇анаад̣̇ийсу саб̣б̣ааби ча бубпавигад̇ияо взд̣̇ид̇аб̣б̣аа – г̇ант̇имам̣, г̇обпимам̣, взд̇химам̣, взтимам̣, бууримам̣, вааяиманд̇и. д̇ад̇т̇а ‘‘г̇ант̇имам̣’’ наама сад̣̇ан̣д̣агзсу ваа уббалабад̣̇умаад̣̇ийсу ан̃н̃зсу ваа д̣̇ийгхаван̣дзсу бубпзсу д̣̇адтаб̣б̣ам̣. д̣̇ан̣д̣агзна д̣̇ан̣д̣агам̣ ван̣дзна ваа ван̣дам̣ г̇ант̇зд̇ваа гад̇амзва хи г̇ант̇имам̣. д̇ам̣ бхигкусса ваа бхигкунияаа ваа гаад̇умби агаббияаважанзна гаараабзд̇умби на ваддад̇и. звам̣ ж̇аана, звам̣ гад̇з собхзяяа, яат̇аа зд̇аани бубпаани на вигирияанд̇и д̇ат̇аа гарохийд̇иаад̣̇инаа бана габбияаважанзна гаарзд̇ум̣ ваддад̇и.
Ganthanādīsu sabbāpi cha pupphavikatiyo veditabbā – ganthimaṃ, gopphimaṃ, vedhimaṃ, veṭhimaṃ, pūrimaṃ, vāyimanti. Tattha ‘‘ganthimaṃ’’ nāma sadaṇḍakesu vā uppalapadumādīsu aññesu vā dīghavaṇṭesu pupphesu daṭṭhabbaṃ. Daṇḍakena daṇḍakaṃ vaṇṭena vā vaṇṭaṃ ganthetvā katameva hi ganthimaṃ. Taṃ bhikkhussa vā bhikkhuniyā vā kātumpi akappiyavacanena kārāpetumpi na vaṭṭati. Evaṃ jāna, evaṃ kate sobheyya, yathā etāni pupphāni na vikiriyanti tathā karohītiādinā pana kappiyavacanena kāretuṃ vaṭṭati.
‘‘г̇обпимам̣’’ наама суд̇д̇зна ваа ваагаад̣̇ийхи ваа вассигабубпаад̣̇ийнам̣ згад̇ован̣дигаубхад̇ован̣дигамаалаавасзна г̇обпанам̣, ваагам̣ ваа раж̇ж̇ум̣ ваа д̣̇иг̇ун̣ам̣ гад̇ваа д̇ад̇т̇а аван̣дагаани нийбабубпаад̣̇ийни бавзсзд̇ваа бадибаадияаа б̣анд̇ханд̇и, зд̇амби г̇обпимамзва. саб̣б̣ам̣ буриманаязнзва на ваддад̇и.
‘‘Gopphimaṃ’’ nāma suttena vā vākādīhi vā vassikapupphādīnaṃ ekatovaṇṭikaubhatovaṇṭikamālāvasena gopphanaṃ, vākaṃ vā rajjuṃ vā diguṇaṃ katvā tattha avaṇṭakāni nīpapupphādīni pavesetvā paṭipāṭiyā bandhanti, etampi gopphimameva. Sabbaṃ purimanayeneva na vaṭṭati.
‘‘взд̇химам̣’’ наама саван̣дагаани вассигабубпаад̣̇ийни ван̣дзсу, аван̣дагаани ваа вагулабубпаад̣̇ийни анд̇очид̣̇д̣̇з суужид̇аалахийраад̣̇ийхи винивиж̇жхид̇ваа аавунанд̇и, зд̇ам̣ взд̇химам̣ наама, д̇амби буриманаязнзва на ваддад̇и. гзжи бана гад̣̇алигканд̇хамхи ган̣дагз ваа д̇аалахийраад̣̇ийни ваа бавзсзд̇ваа д̇ад̇т̇а бубпаани виж̇жхид̇ваа табзнд̇и, гзжи ган̣дагасаакаасу, гзжи бубпажчад̇д̇абубпагуудааг̇аарагаран̣ад̇т̇ам̣ чад̇д̇з жа бхид̇д̇ияан̃жа бавзсзд̇ваа табид̇аган̣дагзсу, гзжи д̇хаммаасанавид̇аанз б̣ад̣̇д̇хаган̣дагзсу, гзжи ган̣игаарабубпаад̣̇ийни салаагаахи виж̇жханд̇и, чад̇д̇аад̇хичад̇д̇ам̣ вияа жа гаронд̇и, д̇ам̣ ад̇иол̣ааригамзва . бубпавиж̇жханад̇т̇ам̣ бана д̇хаммаасанавид̇аанз ган̣дагамби б̣анд̇хид̇ум̣ ган̣дагаад̣̇ийхи ваа згабубпамби виж̇жхид̇ум̣ бубпзязва ваа бубпам̣ бавзсзд̇ум̣ на ваддад̇и. ж̇аалавид̇аанавзд̣̇ига-нааг̇ад̣̇анд̇ага бубпабадижчагад̇аалабан̣н̣аг̇ул̣агаад̣̇ийнам̣ бана чид̣̇д̣̇зсу асогабин̣д̣ияаа ваа анд̇арзсу бубпаани бавзсзд̇ум̣ на д̣̇осо. зд̇ам̣ взд̇химам̣ наама на ход̇и. д̇хаммараж̇ж̇уяамби зсзва наяо.
‘‘Vedhimaṃ’’ nāma savaṇṭakāni vassikapupphādīni vaṇṭesu, avaṇṭakāni vā vakulapupphādīni antochidde sūcitālahīrādīhi vinivijjhitvā āvunanti, etaṃ vedhimaṃ nāma, tampi purimanayeneva na vaṭṭati. Keci pana kadalikkhandhamhi kaṇṭake vā tālahīrādīni vā pavesetvā tattha pupphāni vijjhitvā ṭhapenti, keci kaṇṭakasākhāsu, keci pupphacchattapupphakūṭāgārakaraṇatthaṃ chatte ca bhittiyañca pavesetvā ṭhapitakaṇṭakesu, keci dhammāsanavitāne baddhakaṇṭakesu, keci kaṇikārapupphādīni salākāhi vijjhanti, chattādhichattaṃ viya ca karonti, taṃ atioḷārikameva . Pupphavijjhanatthaṃ pana dhammāsanavitāne kaṇṭakampi bandhituṃ kaṇṭakādīhi vā ekapupphampi vijjhituṃ puppheyeva vā pupphaṃ pavesetuṃ na vaṭṭati. Jālavitānavedika-nāgadantaka pupphapaṭicchakatālapaṇṇaguḷakādīnaṃ pana chiddesu asokapiṇḍiyā vā antaresu pupphāni pavesetuṃ na doso. Etaṃ vedhimaṃ nāma na hoti. Dhammarajjuyampi eseva nayo.
‘‘взтимам̣’’ наама бубпад̣̇аамабубпахад̇т̇агзсу д̣̇адтаб̣б̣ам̣. гзжи хи мад̇т̇агад̣̇аамам̣ гаронд̇аа хздтаа гхадагаагаарам̣ д̣̇ассзд̇ум̣ бубпзхи взтзнд̇и, гзжи адтадта ваа д̣̇аса д̣̇аса ваа уббалабубпаад̣̇ийни суд̇д̇зна ваа ваагзна ваа д̣̇ан̣д̣агзсу б̣анд̇хид̇ваа уббалахад̇т̇агз ваа бад̣̇умахад̇т̇агз ваа гаронд̇и, д̇ам̣ саб̣б̣ам̣ буриманаязнзва на ваддад̇и. сааман̣зрзхи уббаадзд̇ваа т̇алз табид̇ауббалаад̣̇ийни гаасаавзна бхан̣д̣игамби б̣анд̇хид̇ум̣ на ваддад̇и. д̇зсам̣язва бана ваагзна ваа д̣̇ан̣д̣агзна ваа б̣анд̇хид̇ум̣ ам̣сабхан̣д̣игам̣ ваа гаад̇ум̣ ваддад̇и. ам̣сабхан̣д̣игаа наама канд̇хз табид̇агаасаавасса убхо анд̇з аахарид̇ваа бхан̣д̣игам̣ гад̇ваа д̇асмим̣ басиб̣б̣агз вияа бубпаани багкибанд̇и, аяам̣ вужжад̇и ам̣сабхан̣д̣игаа, зд̇ам̣ гаад̇ум̣ ваддад̇и. д̣̇ан̣д̣агзхи бад̣̇уминибан̣н̣ам̣ виж̇жхид̇ваа уббалаад̣̇ийни бан̣н̣зна взтзд̇ваа г̇ан̣ханд̇и, д̇ад̇рааби бубпаанам̣ убари бад̣̇уминибан̣н̣амзва б̣анд̇хид̇ум̣ ваддад̇и. хздтаа д̣̇ан̣д̣агам̣ бана б̣анд̇хид̇ум̣ на ваддад̇и.
‘‘Veṭhimaṃ’’ nāma pupphadāmapupphahatthakesu daṭṭhabbaṃ. Keci hi matthakadāmaṃ karontā heṭṭhā ghaṭakākāraṃ dassetuṃ pupphehi veṭhenti, keci aṭṭhaṭṭha vā dasa dasa vā uppalapupphādīni suttena vā vākena vā daṇḍakesu bandhitvā uppalahatthake vā padumahatthake vā karonti, taṃ sabbaṃ purimanayeneva na vaṭṭati. Sāmaṇerehi uppāṭetvā thale ṭhapitauppalādīni kāsāvena bhaṇḍikampi bandhituṃ na vaṭṭati. Tesaṃyeva pana vākena vā daṇḍakena vā bandhituṃ aṃsabhaṇḍikaṃ vā kātuṃ vaṭṭati. Aṃsabhaṇḍikā nāma khandhe ṭhapitakāsāvassa ubho ante āharitvā bhaṇḍikaṃ katvā tasmiṃ pasibbake viya pupphāni pakkhipanti, ayaṃ vuccati aṃsabhaṇḍikā, etaṃ kātuṃ vaṭṭati. Daṇḍakehi paduminipaṇṇaṃ vijjhitvā uppalādīni paṇṇena veṭhetvā gaṇhanti, tatrāpi pupphānaṃ upari paduminipaṇṇameva bandhituṃ vaṭṭati. Heṭṭhā daṇḍakaṃ pana bandhituṃ na vaṭṭati.
‘‘бууримам̣’’ наама маалааг̇ун̣з жа бубпабадз жа д̣̇адтаб̣б̣ам̣. яо хи маалааг̇ун̣зна жзд̇ияам̣ ваа б̣од̇хим̣ ваа взд̣̇игам̣ ваа баригкибанд̇о буна аанзд̇ваа бууриматаанам̣ ад̇иггаамзд̇и, зд̇д̇аавад̇ааби бууримам̣ наама ход̇и. го бана ваад̣̇о анзгагкад̇д̇ум̣ баригкибанд̇асса, нааг̇ад̣̇анд̇а-ганд̇арзхи бавзсзд̇ваа харанд̇о оламб̣агам̣ гад̇ваа буна нааг̇ад̣̇анд̇агам̣ баригкибад̇и, зд̇амби бууримам̣ наама. нааг̇ад̣̇анд̇агз бана бубпавалаяам̣ бавзсзд̇ум̣ ваддад̇и. маалааг̇ун̣зхи бубпабадам̣ гаронд̇и. д̇ад̇рааби згамзва маалааг̇ун̣ам̣ харид̇ум̣ ваддад̇и. буна бажжаахарад̇о бууримамзва ход̇и, д̇ам̣ саб̣б̣ам̣ буриманаязнзва на ваддад̇и. маалааг̇ун̣зхи бана б̣ахуухиби гад̇ам̣ бубпад̣̇аамам̣ лабхид̇ваа аасанамад̇т̇агаад̣̇ийсу б̣анд̇хид̇ум̣ ваддад̇и. ад̇ид̣̇ийгхам̣ бана маалааг̇ун̣ам̣ згаваарам̣ харид̇ваа ваа баригкибид̇ваа ваа буна ан̃н̃асса бхигкуно д̣̇аад̇ум̣ ваддад̇и. д̇знааби д̇ат̇зва гаад̇ум̣ ваддад̇и.
‘‘Pūrimaṃ’’ nāma mālāguṇe ca pupphapaṭe ca daṭṭhabbaṃ. Yo hi mālāguṇena cetiyaṃ vā bodhiṃ vā vedikaṃ vā parikkhipanto puna ānetvā pūrimaṭhānaṃ atikkāmeti, ettāvatāpi pūrimaṃ nāma hoti. Ko pana vādo anekakkhattuṃ parikkhipantassa, nāgadanta-kantarehi pavesetvā haranto olambakaṃ katvā puna nāgadantakaṃ parikkhipati, etampi pūrimaṃ nāma. Nāgadantake pana pupphavalayaṃ pavesetuṃ vaṭṭati. Mālāguṇehi pupphapaṭaṃ karonti. Tatrāpi ekameva mālāguṇaṃ harituṃ vaṭṭati. Puna paccāharato pūrimameva hoti, taṃ sabbaṃ purimanayeneva na vaṭṭati. Mālāguṇehi pana bahūhipi kataṃ pupphadāmaṃ labhitvā āsanamatthakādīsu bandhituṃ vaṭṭati. Atidīghaṃ pana mālāguṇaṃ ekavāraṃ haritvā vā parikkhipitvā vā puna aññassa bhikkhuno dātuṃ vaṭṭati. Tenāpi tatheva kātuṃ vaṭṭati.
‘‘вааяимам̣’’ наама бубпаж̇аалабубпабадабубпаруубзсу д̣̇адтаб̣б̣ам̣. жзд̇иязсу бубпаж̇аалам̣ гаронд̇асса згамзгамхи ж̇аалажчид̣̇д̣̇з д̣̇уггадам̣. бхид̇д̇ижчад̇д̇аб̣од̇хид̇т̇амбхаад̣̇ийсуби зсзва наяо. бубпабадам̣ бана барзхи буурид̇амби вааяид̇ум̣ на лаб̣бхад̇и. г̇обпимабубпзхзва хад̇т̇иассаад̣̇ируубагаани гаронд̇и, д̇ааниби вааяимадтаанз д̇идтанд̇и. буриманаязнзва саб̣б̣ам̣ на ваддад̇и. ан̃н̃зхи гад̇абарижчзд̣̇з бана бубпаани табзнд̇зна хад̇т̇иассаад̣̇ируубагамби гаад̇ум̣ ваддад̇и. махаабажжарияам̣ бана галамб̣агзна ад̣дхажанд̣̇агзна жа сад̣̇д̇хим̣ адтабубпавигад̇ияо вуд̇д̇аа. д̇ад̇т̇а галамб̣агод̇и ад̣дхажанд̣̇аганд̇арз гхадигад̣̇аамаоламб̣аго вуд̇д̇о. ‘‘ад̣дхажанд̣̇аго’’д̇и ад̣дхажанд̣̇аагаарзна маалааг̇ун̣абаригкзбо. д̇ад̣̇убхаяамби бууримзязва бавидтам̣. гурунд̣̇ияам̣ бана ‘‘д̣̇вз д̇аяо маалааг̇ун̣з згад̇о гад̇ваа бубпад̣̇аамагаран̣амби вааяимам̣язваа’’д̇и вуд̇д̇ам̣. д̇амби ид̇ха бууримадтаанзязва бавидтам̣, на гзвалан̃жа бубпаг̇ул̣ад̣̇аамамзва бидтамаяад̣̇аамамби г̇зн̣д̣угабубпад̣̇аамамби гурунд̣̇ияам̣ вуд̇д̇ам̣, карабад̇д̇ад̣̇аамамби сигкаабад̣̇асса саад̇хааран̣ад̇д̇аа бхигкуунамби бхигкунийнамби нзва гаад̇ум̣ на гаараабзд̇ум̣ ваддад̇и. бууж̇аанимид̇д̇ам̣ бана габбияаважанам̣ саб̣б̣ад̇т̇а вад̇д̇ум̣ ваддад̇и. барияааяаобхаасанимид̇д̇агаммаани вадданд̇иязва.
‘‘Vāyimaṃ’’ nāma pupphajālapupphapaṭapuppharūpesu daṭṭhabbaṃ. Cetiyesu pupphajālaṃ karontassa ekamekamhi jālacchidde dukkaṭaṃ. Bhitticchattabodhitthambhādīsupi eseva nayo. Pupphapaṭaṃ pana parehi pūritampi vāyituṃ na labbhati. Gopphimapuppheheva hatthiassādirūpakāni karonti, tānipi vāyimaṭṭhāne tiṭṭhanti. Purimanayeneva sabbaṃ na vaṭṭati. Aññehi kataparicchede pana pupphāni ṭhapentena hatthiassādirūpakampi kātuṃ vaṭṭati. Mahāpaccariyaṃ pana kalambakena aḍḍhacandakena ca saddhiṃ aṭṭhapupphavikatiyo vuttā. Tattha kalambakoti aḍḍhacandakantare ghaṭikadāmaolambako vutto. ‘‘Aḍḍhacandako’’ti aḍḍhacandākārena mālāguṇaparikkhepo. Tadubhayampi pūrimeyeva paviṭṭhaṃ. Kurundiyaṃ pana ‘‘dve tayo mālāguṇe ekato katvā pupphadāmakaraṇampi vāyimaṃyevā’’ti vuttaṃ. Tampi idha pūrimaṭṭhāneyeva paviṭṭhaṃ, na kevalañca pupphaguḷadāmameva piṭṭhamayadāmampi geṇḍukapupphadāmampi kurundiyaṃ vuttaṃ, kharapattadāmampi sikkhāpadassa sādhāraṇattā bhikkhūnampi bhikkhunīnampi neva kātuṃ na kārāpetuṃ vaṭṭati. Pūjānimittaṃ pana kappiyavacanaṃ sabbattha vattuṃ vaṭṭati. Pariyāyaobhāsanimittakammāni vaṭṭantiyeva.
д̇уваддзнд̇ийд̇и нибаж̇ж̇анд̇и. лаасзнд̇ийд̇и бийд̇ияаа уббилавамаанаа вияа удтахид̇ваа лаасияанаадагам̣ наадзнд̇и, рзжагам̣ д̣̇знд̇и. нажжанд̇ияааби нажжанд̇ийд̇и яад̣̇аа наадагид̇т̇ий нажжад̇и, д̇ад̣̇аа д̇зби д̇ассаа бурад̇о ваа бажчад̇о ваа г̇ажчанд̇аа нажжанд̇и. нажжанд̇ияааби г̇ааяанд̇ийд̇и яад̣̇аа саа нажжад̇и, д̇ад̣̇аа нажжаануруубам̣ г̇ааяанд̇и. зса наяо саб̣б̣ад̇т̇а. адтабад̣̇зби гийл̣анд̇ийд̇и адтабад̣̇апалагз ж̇ууд̇ам̣ гийл̣анд̇и. д̇ат̇аа д̣̇асабад̣̇з, аагаасзбийд̇и адтабад̣̇ад̣̇асабад̣̇зсу вияа аагаасзязва гийл̣анд̇и. барихаарабат̇збийд̇и бхуумияам̣ наанаабат̇аман̣д̣алам̣ гад̇ваа д̇ад̇т̇а барихарид̇аб̣б̣абат̇ам̣ барихаранд̇аа гийл̣анд̇и. санд̇игааяаби гийл̣анд̇ийд̇и санд̇игагийл̣ааяа гийл̣анд̇и, згаж̇жхам̣ табид̇аа саарияо ваа баасаан̣асагкарааяо ваа ажаалзнд̇аа накзнзва абанзнд̇и жа убанзнд̇и жа, сажз д̇ад̇т̇а гаажи жалад̇и, барааж̇аяо ход̇и. калигааяаад̇и ж̇ууд̇апалагз баасагагийл̣ааяа гийл̣анд̇и. гхадигааяаад̇и гхадигаа вужжад̇и д̣̇ан̣д̣агагийл̣аа, д̇ааяа гийл̣анд̇и. д̣̇ийгхад̣̇ан̣д̣агзна рассад̣̇ан̣д̣агам̣ бахаранд̇аа вижаранд̇и.
Tuvaṭṭentīti nipajjanti. Lāsentīti pītiyā uppilavamānā viya uṭṭhahitvā lāsiyanāṭakaṃ nāṭenti, recakaṃ denti. Naccantiyāpi naccantīti yadā nāṭakitthī naccati, tadā tepi tassā purato vā pacchato vā gacchantā naccanti. Naccantiyāpi gāyantīti yadā sā naccati, tadā naccānurūpaṃ gāyanti. Esa nayo sabbattha. Aṭṭhapadepi kīḷantīti aṭṭhapadaphalake jūtaṃ kīḷanti. Tathā dasapade, ākāsepīti aṭṭhapadadasapadesu viya ākāseyeva kīḷanti. Parihārapathepīti bhūmiyaṃ nānāpathamaṇḍalaṃ katvā tattha pariharitabbapathaṃ pariharantā kīḷanti. Santikāyapi kīḷantīti santikakīḷāya kīḷanti, ekajjhaṃ ṭhapitā sāriyo vā pāsāṇasakkharāyo vā acālentā nakheneva apanenti ca upanenti ca, sace tattha kāci calati, parājayo hoti. Khalikāyāti jūtaphalake pāsakakīḷāya kīḷanti. Ghaṭikāyāti ghaṭikā vuccati daṇḍakakīḷā, tāya kīḷanti. Dīghadaṇḍakena rassadaṇḍakaṃ paharantā vicaranti.
салаагахад̇т̇знаад̇и лаакааяа ваа ман̃ж̇адтияаа ваа бидтауд̣̇агз ваа салаагахад̇т̇ам̣ д̇змзд̇ваа ‘‘гим̣ ход̇уу’’д̇и бхуумияам̣ ваа бхид̇д̇ияам̣ ваа д̇ам̣ бахарид̇ваа хад̇т̇иассаад̣̇ийруубаани д̣̇ассзнд̇аа гийл̣анд̇и. агкзнаад̇и г̇ул̣зна. бан̇г̇ажийрзнаад̇и бан̇г̇ажийрам̣ вужжад̇и бан̣н̣анаал̣игаа, д̇ам̣ д̇хаманд̇аа гийл̣анд̇и. ван̇гагзнаад̇и г̇аамад̣̇аарагаанам̣ гийл̣анагзна куд̣̇д̣̇аганан̇г̇алзна. могкажигааяаад̇и могкажигаа вужжад̇и самбаривад̇д̇агагийл̣аа, аагаасз ваа д̣̇ан̣д̣ам̣ г̇ахзд̇ваа, бхуумияам̣ ваа сийсам̣ табзд̇ваа хздтубарияабхаавзна баривад̇д̇анд̇аа гийл̣анд̇ийд̇и ад̇т̇о. жин̇г̇улагзнаад̇и жин̇г̇улагам̣ вужжад̇и д̇аалабан̣н̣аад̣̇ийхи гад̇ам̣ ваад̇аббахаарзна бариб̣бхаманажаггам̣, д̇зна гийл̣анд̇и. бад̇д̇аал̣хагзнаад̇и бад̇д̇аал̣хагам̣ вужжад̇и бан̣н̣анаал̣и, д̇ааяа ваалигаад̣̇ийни минанд̇аа гийл̣анд̇и. рат̇агзнаад̇и куд̣̇д̣̇агарат̇зна. д̇ханугзнаад̇и куд̣̇д̣̇агад̇ханунаа.
Salākahatthenāti lākhāya vā mañjaṭṭhiyā vā piṭṭhaudake vā salākahatthaṃ temetvā ‘‘kiṃ hotū’’ti bhūmiyaṃ vā bhittiyaṃ vā taṃ paharitvā hatthiassādīrūpāni dassentā kīḷanti. Akkhenāti guḷena. Paṅgacīrenāti paṅgacīraṃ vuccati paṇṇanāḷikā, taṃ dhamantā kīḷanti. Vaṅkakenāti gāmadārakānaṃ kīḷanakena khuddakanaṅgalena. Mokkhacikāyāti mokkhacikā vuccati samparivattakakīḷā, ākāse vā daṇḍaṃ gahetvā, bhūmiyaṃ vā sīsaṃ ṭhapetvā heṭṭhupariyabhāvena parivattantā kīḷantīti attho. Ciṅgulakenāti ciṅgulakaṃ vuccati tālapaṇṇādīhi kataṃ vātappahārena paribbhamanacakkaṃ, tena kīḷanti. Pattāḷhakenāti pattāḷhakaṃ vuccati paṇṇanāḷi, tāya vālikādīni minantā kīḷanti. Rathakenāti khuddakarathena. Dhanukenāti khuddakadhanunā.
агкаригааяаад̇и агкаригаа вужжад̇и аагаасз ваа бидтияам̣ ваа агкараж̇аананагийл̣аа, д̇ааяа гийл̣анд̇и. манзсигааяаад̇и манзсигаа вужжад̇и манасаа жинд̇ид̇аж̇аананагийл̣аа, д̇ааяа гийл̣анд̇и. яат̇ааваж̇ж̇знаад̇и яат̇ааваж̇ж̇ам̣ вужжад̇и гаан̣агун̣игакан̃ж̇аад̣̇ийнам̣ яам̣ яам̣ важ̇ж̇ам̣ д̇ам̣ д̇ам̣ баяож̇зд̇ваа д̣̇ассанагийл̣аа д̇ааяа гийл̣анд̇и, взламбхагаа вияа. хад̇т̇исмимби сигканд̇ийд̇и хад̇т̇инимид̇д̇ам̣ яам̣ сиббам̣ сигкид̇аб̣б̣ам̣, д̇ам̣ сигканд̇и. зсзва наяо ассаад̣̇ийсу. д̇хааванд̇ибийд̇и бараммукаа г̇ажчанд̇аа д̇хааванд̇и. аад̇хааванд̇ибийд̇и яад̇д̇агам̣ д̇хааванд̇и, д̇ад̇д̇агамзва абхимукаа буна ааг̇ажчанд̇аа аад̇хааванд̇и. ниб̣б̣уж̇жханд̇ийд̇и маллаяуд̣̇д̇хам̣ гаронд̇и. налаадигамби д̣̇знд̇ийд̇и ‘‘саад̇ху, саад̇ху, бхаг̇иний’’д̇и ад̇д̇ано налаадз ан̇г̇улим̣ табзд̇ваа д̇ассаа налаадз табзнд̇и. вивид̇хамби анаажаарам̣ аажаранд̇ийд̇и ан̃н̃амби баал̣ияам̣ анааг̇ад̇ам̣ мукад̣ин̣д̣имаад̣̇ививид̇хам̣ анаажаарам̣ аажаранд̇и.
Akkharikāyāti akkharikā vuccati ākāse vā piṭṭhiyaṃ vā akkharajānanakīḷā, tāya kīḷanti. Manesikāyāti manesikā vuccati manasā cintitajānanakīḷā, tāya kīḷanti. Yathāvajjenāti yathāvajjaṃ vuccati kāṇakuṇikakhañjādīnaṃ yaṃ yaṃ vajjaṃ taṃ taṃ payojetvā dassanakīḷā tāya kīḷanti, velambhakā viya. Hatthismimpi sikkhantīti hatthinimittaṃ yaṃ sippaṃ sikkhitabbaṃ, taṃ sikkhanti. Eseva nayo assādīsu. Dhāvantipīti parammukhā gacchantā dhāvanti. Ādhāvantipīti yattakaṃ dhāvanti, tattakameva abhimukhā puna āgacchantā ādhāvanti. Nibbujjhantīti mallayuddhaṃ karonti. Nalāṭikampi dentīti ‘‘sādhu, sādhu, bhaginī’’ti attano nalāṭe aṅguliṃ ṭhapetvā tassā nalāṭe ṭhapenti. Vividhampi anācāraṃ ācarantīti aññampi pāḷiyaṃ anāgataṃ mukhaḍiṇḍimādivividhaṃ anācāraṃ ācaranti.
432. баасаад̣̇игзнаад̇и басаад̣̇аавахзна, сааруббзна саман̣аанужчавигзна. абхигганд̇знаад̇и г̇аманзна. бадигганд̇знаад̇и нивад̇д̇анзна. аалогид̇знаад̇и бурад̇о д̣̇ассанзна. вилогид̇знаад̇и ид̇о жид̇о жа д̣̇ассанзна. самин̃ж̇ид̇знаад̇и баб̣б̣асан̇гожанзна. басаарид̇знаад̇и д̇зсам̣язва басааран̣зна. саб̣б̣ад̇т̇а ид̇т̇амбхууд̇аакяаанад̇т̇з гаран̣аважанам̣, сад̇исамбаж̇ан̃н̃зхи абхисан̇кад̇ад̇д̇аа баасаад̣̇ига абхигганд̇а-бадигганд̇а-аалогид̇а-вилогид̇а-самин̃ж̇ид̇а-басаарид̇о худ̇ваад̇и вуд̇д̇ам̣ ход̇и. огкид̇д̇ажагкууд̇и хздтаа-кид̇д̇ажагку . ирияаабат̇асамбаннод̇и д̇ааяа баасаад̣̇игаабхигганд̇аад̣̇ид̇ааяа самбаннаирияаабат̇о.
432.Pāsādikenāti pasādāvahena, sāruppena samaṇānucchavikena. Abhikkantenāti gamanena. Paṭikkantenāti nivattanena. Ālokitenāti purato dassanena. Vilokitenāti ito cito ca dassanena. Samiñjitenāti pabbasaṅkocanena. Pasāritenāti tesaṃyeva pasāraṇena. Sabbattha itthambhūtākhyānatthe karaṇavacanaṃ, satisampajaññehi abhisaṅkhatattā pāsādika abhikkanta-paṭikkanta-ālokita-vilokita-samiñjita-pasārito hutvāti vuttaṃ hoti. Okkhittacakkhūti heṭṭhā-khittacakkhu . Iriyāpathasampannoti tāya pāsādikaabhikkantāditāya sampannairiyāpatho.
гвааяанд̇и го аяам̣. аб̣алаб̣ало вияаад̇и аб̣ало гира б̣онд̣̇о вужжад̇и, ад̇исаяад̇т̇з жа ид̣̇ам̣ аамзд̣ид̇ам̣, д̇асмаа ад̇иб̣онд̣̇о вияаад̇и вуд̇д̇ам̣ ход̇и. манд̣̇аманд̣̇од̇и абхигганд̇аад̣̇ийнам̣ ануд̣̇д̇хад̇ад̇ааяа ад̇иманд̣̇о. ад̇исан̣ход̇и звам̣ г̇ун̣амзва д̣̇осад̇о д̣̇ассзнд̇и. бхаагудигабхаагудиго вияаад̇и огкид̇д̇ажагкуд̇ааяа бхагудим̣ гад̇ваа сан̇гудид̇амуко губид̇о вияа вижарад̇ийд̇и ман̃н̃амаанаа вад̣̇анд̇и. сан̣хаад̇и нибун̣аа, ‘‘амма д̇аад̇а бхаг̇иний’’д̇и звам̣ убаасагаж̇анам̣ яуд̇д̇адтаанз убанзд̇ум̣ чзгаа, на яат̇аа аяам̣; звам̣ аб̣алаб̣ало вияаад̇и ад̇хиббааяо. сакилаад̇и саакалязна яуд̇д̇аа. сукасамбхаасаад̇и ид̣̇ам̣ буримасса гааран̣аважанам̣. язсан̃хи сукасамбхаасаа саммод̣̇анийяагат̇аа нзлаа ход̇и ган̣н̣асукаа, д̇з сакилаад̇и вужжанд̇и. д̇знаахам̣су – ‘‘сакилаа сукасамбхаасаа’’д̇и. аяам̣ банзд̇т̇а ад̇хиббааяо – амхаагам̣ аяяаа убаасагз д̣̇исваа мад̇хурам̣ саммод̣̇анийяам̣ гат̇ам̣ гат̇знд̇и, д̇асмаа сакилаа сукасамбхаасаа, на яат̇аа аяам̣; звам̣ манд̣̇аманд̣̇аа вияаад̇и. михид̇абуб̣б̣ан̇г̇амаад̇и михид̇ам̣ буб̣б̣ан̇г̇амам̣ зд̇зсам̣ важанассаад̇и михид̇абуб̣б̣ан̇г̇амаа, батамам̣ сид̇ам̣ гад̇ваа бажчаа вад̣̇анд̇ийд̇и ад̇т̇о. зхисвааг̇ад̇аваад̣̇инод̇и убаасагам̣ д̣̇исваа ‘‘зхи свааг̇ад̇ам̣ д̇аваа’’д̇и звам̣ваад̣̇ино, на яат̇аа аяам̣; звам̣ сан̇гудид̇амукад̇ааяа бхаагудигабхаагудигаа вияа звам̣ михид̇абуб̣б̣ан̇г̇амаад̣̇ид̇ааяа абхаагудигабхаавам̣ ад̇т̇ад̇о д̣̇ассзд̇ваа буна саруубзнаби д̣̇ассзнд̇о аахам̣су – ‘‘абхаагудигаа уд̇д̇аанамукаа буб̣б̣абхаасино’’д̇и. уббадибаадияаа ваа д̇ин̣н̣амби аагаараанам̣ абхаавад̣̇ассанамзд̇анд̇и взд̣̇ид̇аб̣б̣ам̣. гат̇ам̣? зд̇т̇а хи ‘‘абхаагудигаа’’д̇и иминаа бхаагудигабхаагудигаагаарасса абхааво д̣̇ассид̇о. ‘‘уд̇д̇аанамукаа’’д̇и иминаа манд̣̇аманд̣̇аагаарасса, яз хи жагкууни уммилзд̇ваа аалоганзна уд̇д̇аанамукаа хонд̇и, на д̇з манд̣̇аманд̣̇аа. буб̣б̣абхаасинод̇и иминаа аб̣алаб̣алаагаарасса абхааво д̣̇ассид̇о, яз хи аабхаасанагусалад̇ааяа ‘‘амма д̇аад̇аа’’д̇и батамад̇арам̣ аабхаасанд̇и, на д̇з аб̣алаб̣алаад̇и.
Kvāyanti ko ayaṃ. Abalabalo viyāti abalo kira bondo vuccati, atisayatthe ca idaṃ āmeḍitaṃ, tasmā atibondo viyāti vuttaṃ hoti. Mandamandoti abhikkantādīnaṃ anuddhatatāya atimando. Atisaṇhoti evaṃ guṇameva dosato dassenti. Bhākuṭikabhākuṭiko viyāti okkhittacakkhutāya bhakuṭiṃ katvā saṅkuṭitamukho kupito viya vicaratīti maññamānā vadanti. Saṇhāti nipuṇā, ‘‘amma tāta bhaginī’’ti evaṃ upāsakajanaṃ yuttaṭṭhāne upanetuṃ chekā, na yathā ayaṃ; evaṃ abalabalo viyāti adhippāyo. Sakhilāti sākhalyena yuttā. Sukhasambhāsāti idaṃ purimassa kāraṇavacanaṃ. Yesañhi sukhasambhāsā sammodanīyakathā nelā hoti kaṇṇasukhā, te sakhilāti vuccanti. Tenāhaṃsu – ‘‘sakhilā sukhasambhāsā’’ti. Ayaṃ panettha adhippāyo – amhākaṃ ayyā upāsake disvā madhuraṃ sammodanīyaṃ kathaṃ kathenti, tasmā sakhilā sukhasambhāsā, na yathā ayaṃ; evaṃ mandamandā viyāti. Mihitapubbaṅgamāti mihitaṃ pubbaṅgamaṃ etesaṃ vacanassāti mihitapubbaṅgamā, paṭhamaṃ sitaṃ katvā pacchā vadantīti attho. Ehisvāgatavādinoti upāsakaṃ disvā ‘‘ehi svāgataṃ tavā’’ti evaṃvādino, na yathā ayaṃ; evaṃ saṅkuṭitamukhatāya bhākuṭikabhākuṭikā viya evaṃ mihitapubbaṅgamāditāya abhākuṭikabhāvaṃ atthato dassetvā puna sarūpenapi dassento āhaṃsu – ‘‘abhākuṭikā uttānamukhā pubbabhāsino’’ti. Uppaṭipāṭiyā vā tiṇṇampi ākārānaṃ abhāvadassanametanti veditabbaṃ. Kathaṃ? Ettha hi ‘‘abhākuṭikā’’ti iminā bhākuṭikabhākuṭikākārassa abhāvo dassito. ‘‘Uttānamukhā’’ti iminā mandamandākārassa, ye hi cakkhūni ummiletvā ālokanena uttānamukhā honti, na te mandamandā. Pubbabhāsinoti iminā abalabalākārassa abhāvo dassito, ye hi ābhāsanakusalatāya ‘‘amma tātā’’ti paṭhamataraṃ ābhāsanti, na te abalabalāti.
зхи, бханд̇з, гхарам̣ г̇амиссаамаад̇и со гира убаасаго ‘‘на ко, аавусо, бин̣д̣о лаб̣бхад̇ий’’д̇и вуд̇д̇з ‘‘д̇умхаагам̣ бхигкуухиязва зд̇ам̣ гад̇ам̣ , сагаламби г̇аамам̣ вижаранд̇аа на лажчат̇аа’’д̇и вад̇ваа бин̣д̣абаад̇ам̣ д̣̇аад̇угаамо ‘‘зхи, бханд̇з, гхарам̣ г̇амиссаамаа’’д̇и ааха. гим̣ банааяам̣ баяуд̇д̇аваажаа ход̇и, на ход̇ийд̇и? на ход̇и. бужчид̇абан̃хо наамааяам̣ гат̇зд̇ум̣ ваддад̇и. д̇асмаа ид̣̇аани жзби буб̣б̣ан̣хз ваа сааяанхз ваа анд̇арагхарам̣ бавидтам̣ бхигкум̣ гожи бужчзяяа – ‘‘гасмаа, бханд̇з, жарат̇аа’’д̇и? язнад̇т̇зна жарад̇и, д̇ам̣ аажигкид̇ваа ‘‘лад̣̇д̇хам̣ на лад̣̇д̇ха’’нд̇и вуд̇д̇з сажз на лад̣̇д̇хам̣, ‘‘на лад̣̇д̇ха’’нд̇и вад̇ваа яам̣ со д̣̇зд̇и, д̇ам̣ г̇ахзд̇ум̣ ваддад̇и.
Ehi, bhante, gharaṃ gamissāmāti so kira upāsako ‘‘na kho, āvuso, piṇḍo labbhatī’’ti vutte ‘‘tumhākaṃ bhikkhūhiyeva etaṃ kataṃ , sakalampi gāmaṃ vicarantā na lacchathā’’ti vatvā piṇḍapātaṃ dātukāmo ‘‘ehi, bhante, gharaṃ gamissāmā’’ti āha. Kiṃ panāyaṃ payuttavācā hoti, na hotīti? Na hoti. Pucchitapañho nāmāyaṃ kathetuṃ vaṭṭati. Tasmā idāni cepi pubbaṇhe vā sāyanhe vā antaragharaṃ paviṭṭhaṃ bhikkhuṃ koci puccheyya – ‘‘kasmā, bhante, carathā’’ti? Yenatthena carati, taṃ ācikkhitvā ‘‘laddhaṃ na laddha’’nti vutte sace na laddhaṃ, ‘‘na laddha’’nti vatvā yaṃ so deti, taṃ gahetuṃ vaṭṭati.
д̣̇удтод̇и на басаад̣̇аад̣̇ийнам̣ винаасзна д̣̇удто, буг̇г̇алавасзна д̣̇удто. д̣̇аанабат̇аанийд̇и д̣̇аанааниязва вужжанд̇и. ат̇а ваа д̣̇аанабат̇аанийд̇и д̣̇аананиб̣ад̣̇д̇хаани д̣̇аанавад̇д̇аанийд̇и вуд̇д̇ам̣ ход̇и. убажчиннаанийд̇и д̣̇ааяагзхи убажчиннаани, на д̇з д̇аани зд̇арахи д̣̇знд̇и. рин̃жанд̇ийд̇и висум̣ хонд̇и наанаа хонд̇и, баггаманд̇ийд̇и вуд̇д̇ам̣ ход̇и. сан̣тахзяяаад̇и саммаа д̇идтзяяа, бзсалаанам̣ бхигкуунам̣ бад̇идтаа бхавзяяа.
Duṭṭhoti na pasādādīnaṃ vināsena duṭṭho, puggalavasena duṭṭho. Dānapathānīti dānāniyeva vuccanti. Atha vā dānapathānīti dānanibaddhāni dānavattānīti vuttaṃ hoti. Upacchinnānīti dāyakehi upacchinnāni, na te tāni etarahi denti. Riñcantīti visuṃ honti nānā honti, pakkamantīti vuttaṃ hoti. Saṇṭhaheyyāti sammā tiṭṭheyya, pesalānaṃ bhikkhūnaṃ patiṭṭhā bhaveyya.
звамаавусод̇и ко со бхигку сад̣̇д̇хасса басаннасса убаасагасса саасанам̣ самбадижчи. зваруубам̣ гира саасанам̣ габбияам̣ харид̇ум̣ ваддад̇и, д̇асмаа ‘‘мама важанзна бхаг̇авад̇о баад̣̇з ванд̣̇ат̇аа’’д̇и ваа ‘‘жзд̇ияам̣ бадимам̣ б̣од̇хим̣ сан̇гхад̇т̇зрам̣ ванд̣̇ат̇аа’’д̇и ваа ‘‘жзд̇ияз г̇анд̇хабууж̇ам̣ гарот̇а, бубпабууж̇ам̣ гарот̇аа’’д̇и ваа ‘‘бхигкуу саннибаад̇зт̇а, д̣̇аанам̣ д̣̇ассаама , д̇хаммам̣ соссаамаад̇и ваа ийд̣̇исзсу саасанзсу гуггужжам̣ на гаад̇аб̣б̣ам̣. габбияасаасанаани зд̇аани на г̇ихийнам̣ г̇ихигаммабадисам̣яуд̇д̇аанийд̇и. гуд̇о жа д̇вам̣, бхигку, ааг̇ажчасийд̇и нисинно со бхигку на ааг̇ажчад̇и ад̇т̇ад̇о бана ааг̇ад̇о ход̇и; звам̣ санд̇зби вад̇д̇амаанасамийбз вад̇д̇амаанаважанам̣ лаб̣бхад̇и, д̇асмаа на д̣̇осо. барияосаанз ‘‘д̇ад̇о ахам̣ бхаг̇аваа ааг̇ажчаамий’’д̇и зд̇т̇ааби важанз зсзва наяо.
Evamāvusoti kho so bhikkhu saddhassa pasannassa upāsakassa sāsanaṃ sampaṭicchi. Evarūpaṃ kira sāsanaṃ kappiyaṃ harituṃ vaṭṭati, tasmā ‘‘mama vacanena bhagavato pāde vandathā’’ti vā ‘‘cetiyaṃ paṭimaṃ bodhiṃ saṅghattheraṃ vandathā’’ti vā ‘‘cetiye gandhapūjaṃ karotha, pupphapūjaṃ karothā’’ti vā ‘‘bhikkhū sannipātetha, dānaṃ dassāma , dhammaṃ sossāmāti vā īdisesu sāsanesu kukkuccaṃ na kātabbaṃ. Kappiyasāsanāni etāni na gihīnaṃ gihikammapaṭisaṃyuttānīti. Kuto ca tvaṃ, bhikkhu, āgacchasīti nisinno so bhikkhu na āgacchati atthato pana āgato hoti; evaṃ santepi vattamānasamīpe vattamānavacanaṃ labbhati, tasmā na doso. Pariyosāne ‘‘tato ahaṃ bhagavā āgacchāmī’’ti etthāpi vacane eseva nayo.
433. батамам̣ ассаж̇ибунаб̣б̣асугаа бхигкуу жод̣̇зд̇аб̣б̣аад̇и ‘‘маяам̣ д̇умхз вад̇д̇угаамаа’’д̇и огаасам̣ гаарзд̇ваа вад̇т̇унаа жа аабад̇д̇ияаа жа жод̣̇зд̇аб̣б̣аа. жод̣̇зд̇ваа яам̣ на саранд̇и, д̇ам̣ саарзд̇аб̣б̣аа. сажз вад̇т̇ун̃жа аабад̇д̇ин̃жа бадиж̇аананд̇и, аабад̇д̇имзва ваа бадиж̇аананд̇и, на вад̇т̇ум̣, аабад̇д̇им̣ робзд̇аб̣б̣аа. ат̇а вад̇т̇умзва бадиж̇аананд̇и, наабад̇д̇им̣; звамби ‘‘имасмим̣ вад̇т̇усмим̣ аяам̣ наама аабад̇д̇ий’’д̇и робзд̇аб̣б̣аа зва. яад̣̇и нзва вад̇т̇ум̣, наабад̇д̇им̣ бадиж̇аананд̇и, аабад̇д̇им̣ на робзд̇аб̣б̣аа аяамзд̇т̇а винижчаяо. яат̇аабадин̃н̃ааяа бана аабад̇д̇им̣ робзд̇ваа; звам̣ баб̣б̣ааж̇анийяагаммам̣ гаад̇аб̣б̣анд̇и д̣̇ассзнд̇о ‘‘б̣яад̇д̇зна бхигкунаа’’д̇иаад̣̇имааха, д̇ам̣ уд̇д̇аанад̇т̇амзва.
433.Paṭhamaṃ assajipunabbasukā bhikkhū codetabbāti ‘‘mayaṃ tumhe vattukāmā’’ti okāsaṃ kāretvā vatthunā ca āpattiyā ca codetabbā. Codetvā yaṃ na saranti, taṃ sāretabbā. Sace vatthuñca āpattiñca paṭijānanti, āpattimeva vā paṭijānanti, na vatthuṃ, āpattiṃ ropetabbā. Atha vatthumeva paṭijānanti, nāpattiṃ; evampi ‘‘imasmiṃ vatthusmiṃ ayaṃ nāma āpattī’’ti ropetabbā eva. Yadi neva vatthuṃ, nāpattiṃ paṭijānanti, āpattiṃ na ropetabbā ayamettha vinicchayo. Yathāpaṭiññāya pana āpattiṃ ropetvā; evaṃ pabbājanīyakammaṃ kātabbanti dassento ‘‘byattena bhikkhunā’’tiādimāha, taṃ uttānatthameva.
звам̣ баб̣б̣ааж̇анийяагаммагад̇зна бхигкунаа яасмим̣ вихаарз васанд̇зна яасмим̣ г̇аамз гулад̣̇уусагагаммам̣ гад̇ам̣ ход̇и, д̇асмим̣ вихаарз ваа д̇асмим̣ г̇аамз ваа на васид̇аб̣б̣ам̣. д̇асмим̣ вихаарз васанд̇зна сааманд̇аг̇аамзби бин̣д̣ааяа на жарид̇аб̣б̣ам̣. сааманд̇авихаарзби васанд̇зна д̇асмим̣ г̇аамз бин̣д̣ааяа на жарид̇аб̣б̣ам̣. убад̇иссад̇т̇зро бана ‘‘бханд̇з наг̇арам̣ наама маханд̇ам̣ д̣̇ваад̣̇асаяож̇анигамби ход̇ий’’д̇и анд̇зваасигзхи вуд̇д̇о ‘‘яассаа вийт̇ияаа гулад̣̇уусагагаммам̣ гад̇ам̣ д̇ад̇т̇зва ваарид̇а’’нд̇и ааха. д̇ад̇о ‘‘вийт̇иби махад̇ий наг̇араббамаан̣аава ход̇ий’’д̇и вуд̇д̇о ‘‘яассаа гхарабадибаадияаа’’д̇и ааха, ‘‘гхарабадибаадийби вийт̇иббамаан̣аава ход̇ий’’д̇и вуд̇д̇о ид̇о жид̇о жа сад̇д̇а гхараани ваарид̇ааний’’д̇и ааха. д̇ам̣ бана саб̣б̣ам̣ т̇зрасса манорат̇амад̇д̇амзва. сажзби вихааро д̇ияож̇анабарамо ход̇и д̣̇ваад̣̇асаяож̇анабараман̃жа наг̇арам̣, нзва вихаарз васид̇ум̣ лаб̣бхад̇и, на наг̇арз жарид̇унд̇и.
Evaṃ pabbājanīyakammakatena bhikkhunā yasmiṃ vihāre vasantena yasmiṃ gāme kuladūsakakammaṃ kataṃ hoti, tasmiṃ vihāre vā tasmiṃ gāme vā na vasitabbaṃ. Tasmiṃ vihāre vasantena sāmantagāmepi piṇḍāya na caritabbaṃ. Sāmantavihārepi vasantena tasmiṃ gāme piṇḍāya na caritabbaṃ. Upatissatthero pana ‘‘bhante nagaraṃ nāma mahantaṃ dvādasayojanikampi hotī’’ti antevāsikehi vutto ‘‘yassā vīthiyā kuladūsakakammaṃ kataṃ tattheva vārita’’nti āha. Tato ‘‘vīthipi mahatī nagarappamāṇāva hotī’’ti vutto ‘‘yassā gharapaṭipāṭiyā’’ti āha, ‘‘gharapaṭipāṭīpi vīthippamāṇāva hotī’’ti vutto ito cito ca satta gharāni vāritānī’’ti āha. Taṃ pana sabbaṃ therassa manorathamattameva. Sacepi vihāro tiyojanaparamo hoti dvādasayojanaparamañca nagaraṃ, neva vihāre vasituṃ labbhati, na nagare caritunti.
435. д̇з сан̇гхзна баб̣б̣ааж̇анийяагаммагад̇аад̇и гат̇ам̣ сан̇гхо д̇зсам̣ гаммам̣ агааси? на г̇анд̇ваава аж̇жход̇т̇арид̇ваа агааси, ат̇а ко гулзхи ниманд̇зд̇ваа сан̇гхабхад̇д̇зсу гаяирамаанзсу д̇асмим̣ д̇асмим̣ таанз т̇зраа саман̣абадибад̣̇ам̣ гат̇зд̇ваа ‘‘аяам̣ саман̣о, аяам̣ ассаман̣о’’д̇и мануссз сан̃н̃аабзд̇ваа згам̣ д̣̇вз бхигкуу сиймам̣ бавз сзд̇ваа зд̇знзвубааязна саб̣б̣зсам̣ баб̣б̣ааж̇анийяагаммам̣ агам̣сууд̇и. звам̣ баб̣б̣ааж̇анийяагаммагад̇асса жа адтаараса вад̇д̇аани буурзд̇ваа яаажанд̇асса гаммам̣ бадиббассамбхзд̇аб̣б̣ам̣. бадиббассад̣̇д̇хагаммзнааби жа д̇зна язсу гулзсу буб̣б̣з гулад̣̇уусагагаммам̣ гад̇ам̣, д̇ад̇о бажжаяаа на г̇ахзд̇аб̣б̣аа, аасавагкаяаббад̇д̇знааби на г̇ахзд̇аб̣б̣аа, агаббияаава хонд̇и. ‘‘гасмаа на г̇ан̣хат̇аа’’д̇и бужчид̇зна ‘‘буб̣б̣з звам̣ гад̇ад̇д̇аа’’д̇и вуд̇д̇з, сажз вад̣̇анд̇и ‘‘на маяам̣ д̇зна гааран̣зна д̣̇зма ид̣̇аани сийлаванд̇ад̇ааяа д̣̇змаа’’д̇и г̇ахзд̇аб̣б̣аа. багад̇ияаа д̣̇аанадтаанзязва гулад̣̇уусагагаммам̣ гад̇ам̣ ход̇и. д̇ад̇о багад̇ид̣̇аанамзва г̇ахзд̇ум̣ ваддад̇и, яам̣ вад̣дхзд̇ваа д̣̇знд̇и, д̇ам̣ на ваддад̇и.
435.Tesaṅghena pabbājanīyakammakatāti kathaṃ saṅgho tesaṃ kammaṃ akāsi? Na gantvāva ajjhottharitvā akāsi, atha kho kulehi nimantetvā saṅghabhattesu kayiramānesu tasmiṃ tasmiṃ ṭhāne therā samaṇapaṭipadaṃ kathetvā ‘‘ayaṃ samaṇo, ayaṃ assamaṇo’’ti manusse saññāpetvā ekaṃ dve bhikkhū sīmaṃ pave setvā etenevupāyena sabbesaṃ pabbājanīyakammaṃ akaṃsūti. Evaṃ pabbājanīyakammakatassa ca aṭṭhārasa vattāni pūretvā yācantassa kammaṃ paṭippassambhetabbaṃ. Paṭippassaddhakammenāpi ca tena yesu kulesu pubbe kuladūsakakammaṃ kataṃ, tato paccayā na gahetabbā, āsavakkhayappattenāpi na gahetabbā, akappiyāva honti. ‘‘Kasmā na gaṇhathā’’ti pucchitena ‘‘pubbe evaṃ katattā’’ti vutte, sace vadanti ‘‘na mayaṃ tena kāraṇena dema idāni sīlavantatāya demā’’ti gahetabbā. Pakatiyā dānaṭṭhāneyeva kuladūsakakammaṃ kataṃ hoti. Tato pakatidānameva gahetuṃ vaṭṭati, yaṃ vaḍḍhetvā denti, taṃ na vaṭṭati.
на саммаа вад̇д̇анд̇ийд̇и д̇з бана ассаж̇ибунаб̣б̣асугаа адтаарасасу вад̇д̇зсу саммаа на вад̇д̇анд̇и. на ломам̣ баад̇знд̇ийд̇и ануломабадибад̣̇ам̣ аббадибаж̇ж̇анад̇ааяа на банналомаа хонд̇и. на нзд̇т̇аарам̣ вад̇д̇анд̇ийд̇и ад̇д̇ано нид̇т̇аран̣амаг̇г̇ам̣ на бадибаж̇ж̇анд̇и . на бхигкуу камаабзнд̇ийд̇и ‘‘д̣̇уггадам̣, бханд̇з, амхзхи, на буна звам̣ гариссаама, камат̇а амхаага’’нд̇и звам̣ бхигкуунам̣ камаабанам̣ на гаронд̇и. аггосанд̇ийд̇и гаарагасан̇гхам̣ д̣̇асахи аггосавад̇т̇уухи аггосанд̇и. барибхаасанд̇ийд̇и бхаяам̣ нзсам̣ д̣̇ассзнд̇и. чанд̣̇аг̇аамид̇аа…бз… бхаяаг̇аамид̇аа баабзнд̇ийд̇и зд̇з чанд̣̇аг̇аамино жа…бз… бхаяаг̇аамино жаад̇и звам̣ чанд̣̇аг̇аамид̇ааяаби…бз… бхаяаг̇аамид̇ааяаби баабзнд̇и, яож̇знд̇ийд̇и ад̇т̇о. баггаманд̇ийд̇и д̇зсам̣ бариваарзсу бан̃жасу саман̣асад̇зсу згажжз д̣̇исаа баггаманд̇и. виб̣бхаманд̇ийд̇и згажжз г̇ихий хонд̇и. гат̇ан̃хи наама ассаж̇ибунаб̣б̣асугаа бхигкууд̇и зд̇т̇а д̣̇виннам̣ бамогкаанам̣ васзна саб̣б̣зби ‘‘ассаж̇ибунаб̣б̣асугаа’’д̇и вуд̇д̇аа.
Na sammā vattantīti te pana assajipunabbasukā aṭṭhārasasu vattesu sammā na vattanti. Na lomaṃ pātentīti anulomapaṭipadaṃ appaṭipajjanatāya na pannalomā honti. Na netthāraṃ vattantīti attano nittharaṇamaggaṃ na paṭipajjanti . Na bhikkhū khamāpentīti ‘‘dukkaṭaṃ, bhante, amhehi, na puna evaṃ karissāma, khamatha amhāka’’nti evaṃ bhikkhūnaṃ khamāpanaṃ na karonti. Akkosantīti kārakasaṅghaṃ dasahi akkosavatthūhi akkosanti. Paribhāsantīti bhayaṃ nesaṃ dassenti. Chandagāmitā…pe… bhayagāmitā pāpentīti ete chandagāmino ca…pe… bhayagāmino cāti evaṃ chandagāmitāyapi…pe… bhayagāmitāyapi pāpenti, yojentīti attho. Pakkamantīti tesaṃ parivāresu pañcasu samaṇasatesu ekacce disā pakkamanti. Vibbhamantīti ekacce gihī honti. Kathañhi nāma assajipunabbasukā bhikkhūti ettha dvinnaṃ pamokkhānaṃ vasena sabbepi ‘‘assajipunabbasukā’’ti vuttā.
436-7. г̇аамам̣ ваад̇и зд̇т̇а наг̇арамби г̇аамаг̇г̇ахан̣знзва г̇ахид̇ам̣. д̇знасса бад̣̇абхааж̇анз ‘‘г̇аамоби ниг̇амоби наг̇арамби г̇аамо жзва ниг̇амо жаа’’д̇и вуд̇д̇ам̣. д̇ад̇т̇а абаагаарабаригкзбо сааабан̣о ниг̇амод̇и взд̣̇ид̇аб̣б̣о.
436-7.Gāmaṃ vāti ettha nagarampi gāmaggahaṇeneva gahitaṃ. Tenassa padabhājane ‘‘gāmopi nigamopi nagarampi gāmo ceva nigamo cā’’ti vuttaṃ. Tattha apākāraparikkhepo saāpaṇo nigamoti veditabbo.
гулаани д̣̇уусзд̇ийд̇и гулад̣̇уусаго. д̣̇уусзнд̇о жа на асужигад̣̇д̣̇амаад̣̇ийхи д̣̇уусзд̇и, ат̇а ко ад̇д̇ано д̣̇уббадибад̇д̇ияаа д̇зсам̣ басаад̣̇ам̣ винаасзд̇и. д̇знзвасса бад̣̇абхааж̇анз ‘‘бубпзна ваа’’д̇иаад̣̇и вуд̇д̇ам̣. д̇ад̇т̇а яо харид̇ваа ваа хараабзд̇ваа ваа баггосид̇ваа ваа баггосаабзд̇ваа ваа саяам̣ ваа убаг̇ад̇аанам̣ яам̣гин̃жи ад̇д̇ано санд̇агам̣ бубпам̣ гуласан̇г̇ахад̇т̇ааяа д̣̇зд̇и, д̣̇уггадам̣. барасанд̇агам̣ д̣̇зд̇и, д̣̇уггадамзва. т̇зяяажид̇д̇зна д̣̇зд̇и, бхан̣д̣аг̇гхзна гаарзд̇аб̣б̣о. зсзва наяо сан̇гхигзби. аяам̣ бана висзсо, сзнаасанад̇т̇ааяа нияаамид̇ам̣ иссаравад̇ааяа д̣̇ад̣̇ад̇о т̇уллажжаяам̣.
Kulāni dūsetīti kuladūsako. Dūsento ca na asucikaddamādīhi dūseti, atha kho attano duppaṭipattiyā tesaṃ pasādaṃ vināseti. Tenevassa padabhājane ‘‘pupphena vā’’tiādi vuttaṃ. Tattha yo haritvā vā harāpetvā vā pakkositvā vā pakkosāpetvā vā sayaṃ vā upagatānaṃ yaṃkiñci attano santakaṃ pupphaṃ kulasaṅgahatthāya deti, dukkaṭaṃ. Parasantakaṃ deti, dukkaṭameva. Theyyacittena deti, bhaṇḍagghena kāretabbo. Eseva nayo saṅghikepi. Ayaṃ pana viseso, senāsanatthāya niyāmitaṃ issaravatāya dadato thullaccayaṃ.
бубпам̣ наама гасса д̣̇аад̇ум̣ ваддад̇и, гасса на ваддад̇ийд̇и? маад̇аабид̇ууннам̣ д̇аава харид̇вааби хараабзд̇вааби баггосид̇вааби баггосаабзд̇вааби д̣̇аад̇ум̣ ваддад̇и, сзсан̃аад̇агаанам̣ баггосаабзд̇ваава. д̇ан̃жа ко вад̇т̇убууж̇анад̇т̇ааяа, ман̣д̣анад̇т̇ааяа бана сивалин̇г̇аад̣̇ибууж̇анад̇т̇ааяа ваа гассажиби д̣̇аад̇ум̣ на ваддад̇и. маад̇аабид̇уунан̃жа хараабзнд̇зна н̃аад̇исааман̣зрзхзва хараабзд̇аб̣б̣ам̣. ид̇арз бана яад̣̇и саяамзва ижчанд̇и, ваддад̇и. саммад̇зна бубпабхааж̇агзна бхааж̇анагаалз самбад̇д̇аанам̣ сааман̣зраанам̣ убад̣дхабхааг̇ам̣ д̣̇аад̇ум̣ ваддад̇и. гурунд̣̇ияам̣ самбад̇д̇аг̇ихийнам̣ убад̣дхабхааг̇ам̣. махаабажжарияам̣ ‘‘жуул̣агам̣ д̣̇аад̇ум̣ ваддад̇ий’’д̇и вуд̇д̇ам̣. асаммад̇зна абалогзд̇ваа д̣̇аад̇аб̣б̣ам̣.
Pupphaṃ nāma kassa dātuṃ vaṭṭati, kassa na vaṭṭatīti? Mātāpitūnnaṃ tāva haritvāpi harāpetvāpi pakkositvāpi pakkosāpetvāpi dātuṃ vaṭṭati, sesañātakānaṃ pakkosāpetvāva. Tañca kho vatthupūjanatthāya, maṇḍanatthāya pana sivaliṅgādipūjanatthāya vā kassacipi dātuṃ na vaṭṭati. Mātāpitūnañca harāpentena ñātisāmaṇereheva harāpetabbaṃ. Itare pana yadi sayameva icchanti, vaṭṭati. Sammatena pupphabhājakena bhājanakāle sampattānaṃ sāmaṇerānaṃ upaḍḍhabhāgaṃ dātuṃ vaṭṭati. Kurundiyaṃ sampattagihīnaṃ upaḍḍhabhāgaṃ. Mahāpaccariyaṃ ‘‘cūḷakaṃ dātuṃ vaṭṭatī’’ti vuttaṃ. Asammatena apaloketvā dātabbaṃ.
аажарияубаж̇жхааязсу саг̇аараваа сааман̣зраа б̣ахууни бубпаани аахарид̇ваа раасим̣ гад̇ваа табзнд̇и, т̇зраа баад̇ова самбад̇д̇аанам̣ сад̣̇д̇хивихааригаад̣̇ийнам̣ убаасагаанам̣ ваа ‘‘д̇вам̣ ид̣̇ам̣ г̇ан̣ха, д̇вам̣ ид̣̇ам̣ г̇ан̣хаа’’д̇и д̣̇знд̇и, бубпад̣̇аанам̣ наама на ход̇и. ‘‘жзд̇ияам̣ бууж̇зссаамаа’’д̇и г̇ахзд̇ваа г̇ажчанд̇ааби бууж̇ам̣ гаронд̇ааби д̇ад̇т̇а д̇ад̇т̇а самбад̇д̇аанам̣ жзд̇ияабууж̇анад̇т̇ааяа д̣̇знд̇и, зд̇амби бубпад̣̇аанам̣ наама на ход̇и. убаасагз аггабубпаад̣̇ийхи бууж̇знд̇з д̣̇исваа ‘‘вихаарз ган̣игаарабубпаад̣̇ийни ад̇т̇и, убаасагаа д̇аани г̇ахзд̇ваа бууж̇зт̇аа’’д̇и вад̇д̇умби ваддад̇и. бхигкуу бубпабууж̇ам̣ гад̇ваа д̣̇иваад̇арам̣ г̇аамам̣ бавидтз ‘‘гим̣, бханд̇з, ад̇ид̣̇иваа бавидтад̇т̇аа’’д̇и бужчанд̇и, ‘‘вихаарз б̣ахууни бубпаани бууж̇ам̣ агаримхаа’’д̇и вад̣̇анд̇и. мануссаа ‘‘б̣ахууни гира вихаарз бубпааний’’д̇и бунад̣̇ивасз бахууд̇ам̣ каад̣̇анийяам̣ бхож̇анийяам̣ г̇ахзд̇ваа вихаарам̣ г̇анд̇ваа бубпабууж̇ан̃жа гаронд̇и, д̣̇аанан̃жа д̣̇знд̇и, ваддад̇и. мануссаа ‘‘маяам̣, бханд̇з, асугад̣̇ивасам̣ наама бууж̇зссаамаа’’д̇и бубпаваарам̣ яаажид̇ваа анун̃н̃аад̇ад̣̇ивасз ааг̇ажчанд̇и, сааман̣зрзхи жа баг̇зва бубпаани ожинид̇ваа табид̇аани хонд̇и, д̇з ругкзсу бубпаани абассанд̇аа ‘‘гухим̣, бханд̇з, бубпааний’’д̇и вад̣̇анд̇и, сааман̣зрзхи ожинид̇ваа табид̇аани д̇умхз бана бууж̇зд̇ваа г̇ажчат̇а, сан̇гхо ан̃н̃ам̣ д̣̇ивасам̣ бууж̇зссад̇ийд̇и. д̇з бууж̇зд̇ваа д̣̇аанам̣ д̣̇ад̇ваа г̇ажчанд̇и, ваддад̇и. махаабажжарияам̣ бана гурунд̣̇ияан̃жа ‘‘т̇зраа сааман̣зрзхи д̣̇аабзд̇ум̣ на лабханд̇и. сажз саяамзва д̇аани бубпаани д̇зсам̣ д̣̇знд̇и, ваддад̇и. т̇зрзхи бана ‘сааман̣зрзхи ожинид̇ваа табид̇ааний’д̇и зд̇д̇агамзва вад̇д̇аб̣б̣а’’нд̇и вуд̇д̇ам̣. сажз бана бубпаваарам̣ яаажид̇ваа аножид̇зсу бубпзсу яааг̇убхад̇д̇аад̣̇ийни аад̣̇ааяа ааг̇анд̇ваа сааман̣зрз ‘‘ожинид̇ваа д̣̇зт̇аа’’д̇и вад̣̇анд̇и. н̃аад̇агасааман̣зраанам̣язва ожинид̇ваа д̣̇аад̇ум̣ ваддад̇и. ан̃н̃аад̇агз угкибид̇ваа ругкасаакааяа табзнд̇и, на орохид̇ваа балааяид̇аб̣б̣ам̣, ожинид̇ваа д̣̇аад̇ум̣ ваддад̇и. сажз бана гожи д̇хаммагат̇иго ‘‘б̣ахууни убаасагаа вихаарз бубпаани яааг̇убхад̇д̇аад̣̇ийни аад̣̇ааяа г̇анд̇ваа бубпабууж̇ам̣ гарот̇аа’’д̇и вад̣̇ад̇и, д̇ассзва на габбад̇ийд̇и махаабажжарияан̃жа гурунд̣̇ияан̃жа вуд̇д̇ам̣. махааадтагат̇ааяам̣ бана ‘‘зд̇ам̣ агаббияам̣ на ваддад̇ий’’д̇и ависзсзна вуд̇д̇ам̣.
Ācariyupajjhāyesu sagāravā sāmaṇerā bahūni pupphāni āharitvā rāsiṃ katvā ṭhapenti, therā pātova sampattānaṃ saddhivihārikādīnaṃ upāsakānaṃ vā ‘‘tvaṃ idaṃ gaṇha, tvaṃ idaṃ gaṇhā’’ti denti, pupphadānaṃ nāma na hoti. ‘‘Cetiyaṃ pūjessāmā’’ti gahetvā gacchantāpi pūjaṃ karontāpi tattha tattha sampattānaṃ cetiyapūjanatthāya denti, etampi pupphadānaṃ nāma na hoti. Upāsake akkapupphādīhi pūjente disvā ‘‘vihāre kaṇikārapupphādīni atthi, upāsakā tāni gahetvā pūjethā’’ti vattumpi vaṭṭati. Bhikkhū pupphapūjaṃ katvā divātaraṃ gāmaṃ paviṭṭhe ‘‘kiṃ, bhante, atidivā paviṭṭhatthā’’ti pucchanti, ‘‘vihāre bahūni pupphāni pūjaṃ akarimhā’’ti vadanti. Manussā ‘‘bahūni kira vihāre pupphānī’’ti punadivase pahūtaṃ khādanīyaṃ bhojanīyaṃ gahetvā vihāraṃ gantvā pupphapūjañca karonti, dānañca denti, vaṭṭati. Manussā ‘‘mayaṃ, bhante, asukadivasaṃ nāma pūjessāmā’’ti pupphavāraṃ yācitvā anuññātadivase āgacchanti, sāmaṇerehi ca pageva pupphāni ocinitvā ṭhapitāni honti, te rukkhesu pupphāni apassantā ‘‘kuhiṃ, bhante, pupphānī’’ti vadanti, sāmaṇerehi ocinitvā ṭhapitāni tumhe pana pūjetvā gacchatha, saṅgho aññaṃ divasaṃ pūjessatīti. Te pūjetvā dānaṃ datvā gacchanti, vaṭṭati. Mahāpaccariyaṃ pana kurundiyañca ‘‘therā sāmaṇerehi dāpetuṃ na labhanti. Sace sayameva tāni pupphāni tesaṃ denti, vaṭṭati. Therehi pana ‘sāmaṇerehi ocinitvā ṭhapitānī’ti ettakameva vattabba’’nti vuttaṃ. Sace pana pupphavāraṃ yācitvā anocitesu pupphesu yāgubhattādīni ādāya āgantvā sāmaṇere ‘‘ocinitvā dethā’’ti vadanti. Ñātakasāmaṇerānaṃyeva ocinitvā dātuṃ vaṭṭati. Aññātake ukkhipitvā rukkhasākhāya ṭhapenti, na orohitvā palāyitabbaṃ, ocinitvā dātuṃ vaṭṭati. Sace pana koci dhammakathiko ‘‘bahūni upāsakā vihāre pupphāni yāgubhattādīni ādāya gantvā pupphapūjaṃ karothā’’ti vadati, tasseva na kappatīti mahāpaccariyañca kurundiyañca vuttaṃ. Mahāaṭṭhakathāyaṃ pana ‘‘etaṃ akappiyaṃ na vaṭṭatī’’ti avisesena vuttaṃ.
паламби ад̇д̇ано санд̇агам̣ вуд̇д̇анаязнзва маад̇аабид̇уунам̣н̃жа сзсан̃аад̇агаанан̃жа д̣̇аад̇ум̣ ваддад̇и. гуласан̇г̇ахад̇т̇ааяа бана д̣̇знд̇асса вуд̇д̇анаязнзва ад̇д̇ано санд̇агз барасанд̇агз сан̇гхигз сзнаасанад̇т̇ааяа нияаамид̇з жа д̣̇уггадаад̣̇ийни взд̣̇ид̇аб̣б̣аани. ад̇д̇ано санд̇агам̣язва г̇илаанамануссаанам̣ ваа самбад̇д̇аиссараанам̣ ваа кийн̣абариб̣б̣аяаанам̣ ваа д̣̇аад̇ум̣ ваддад̇и, палад̣̇аанам̣ на ход̇и. палабхааж̇агзнааби саммад̇зна сан̇гхасса палабхааж̇анагаалз самбад̇д̇амануссаанам̣ убад̣дхабхааг̇ам̣ д̣̇аад̇ум̣ ваддад̇и. асаммад̇зна абалогзд̇ваа д̣̇аад̇аб̣б̣ам̣. сан̇гхаараамзби палабарижчзд̣̇зна ваа ругкабарижчзд̣̇зна ваа гад̇игаа гаад̇аб̣б̣аа. д̇ад̇о г̇илаанамануссаанам̣ ваа ан̃н̃зсам̣ ваа палам̣ яаажанд̇аанам̣ яат̇аабарижчзд̣̇зна жад̇д̇аари бан̃жа палаани д̣̇аад̇аб̣б̣аани. ругкаа ваа д̣̇ассзд̇аб̣б̣аа ‘‘ид̇о г̇ахзд̇ум̣ лаб̣бхад̇ий’’д̇и. ‘‘игха палаани сунд̣̇араани, ид̇о г̇ан̣хат̇аа’’д̇и звам̣ бана на вад̇д̇аб̣б̣ам̣.
Phalampi attano santakaṃ vuttanayeneva mātāpitūnaṃñca sesañātakānañca dātuṃ vaṭṭati. Kulasaṅgahatthāya pana dentassa vuttanayeneva attano santake parasantake saṅghike senāsanatthāya niyāmite ca dukkaṭādīni veditabbāni. Attano santakaṃyeva gilānamanussānaṃ vā sampattaissarānaṃ vā khīṇaparibbayānaṃ vā dātuṃ vaṭṭati, phaladānaṃ na hoti. Phalabhājakenāpi sammatena saṅghassa phalabhājanakāle sampattamanussānaṃ upaḍḍhabhāgaṃ dātuṃ vaṭṭati. Asammatena apaloketvā dātabbaṃ. Saṅghārāmepi phalaparicchedena vā rukkhaparicchedena vā katikā kātabbā. Tato gilānamanussānaṃ vā aññesaṃ vā phalaṃ yācantānaṃ yathāparicchedena cattāri pañca phalāni dātabbāni. Rukkhā vā dassetabbā ‘‘ito gahetuṃ labbhatī’’ti. ‘‘Igha phalāni sundarāni, ito gaṇhathā’’ti evaṃ pana na vattabbaṃ.
жун̣н̣знаад̇и зд̇т̇а ад̇д̇ано санд̇агам̣ сирийсажун̣н̣ам̣ ваа ан̃н̃ам̣ ваа гасаавам̣ яам̣гин̃жи гуласан̇г̇ахад̇т̇ааяа д̣̇зд̇и, д̣̇уггадам̣. барасанд̇агаад̣̇ийсуби вуд̇д̇анаязнзва винижчаяо взд̣̇ид̇аб̣б̣о. аяам̣ бана висзсо – ид̇ха сан̇гхасса рагкид̇аг̇обид̇ааби ругкажчалли г̇арубхан̣д̣амзва. мад̇д̇игад̣̇анд̇агадтавзл̣уусуби г̇арубхан̣д̣уубаг̇ам̣ н̃ад̇ваа жун̣н̣з вуд̇д̇анаязнзва винижчаяо взд̣̇ид̇аб̣б̣о. бан̣н̣ад̣̇аанам̣ бана зд̇т̇а на ааг̇ад̇ам̣, д̇амби вуд̇д̇анаязнзва взд̣̇ид̇аб̣б̣ам̣. барад̇оби г̇арубхан̣д̣авинижчаяз саб̣б̣ам̣ вид̇т̇аарзна ван̣н̣аяиссаама.
Cuṇṇenāti ettha attano santakaṃ sirīsacuṇṇaṃ vā aññaṃ vā kasāvaṃ yaṃkiñci kulasaṅgahatthāya deti, dukkaṭaṃ. Parasantakādīsupi vuttanayeneva vinicchayo veditabbo. Ayaṃ pana viseso – idha saṅghassa rakkhitagopitāpi rukkhacchalli garubhaṇḍameva. Mattikadantakaṭṭhaveḷūsupi garubhaṇḍūpagaṃ ñatvā cuṇṇe vuttanayeneva vinicchayo veditabbo. Paṇṇadānaṃ pana ettha na āgataṃ, tampi vuttanayeneva veditabbaṃ. Paratopi garubhaṇḍavinicchaye sabbaṃ vitthārena vaṇṇayissāma.
взж̇ж̇игааяа ваад̇и зд̇т̇а взж̇ж̇агаммавид̇хи д̇ад̇ияабаарааж̇игаван̣н̣анааяам̣ вуд̇д̇анаязнзва взд̣̇ид̇аб̣б̣о.
Vejjikāya vāti ettha vejjakammavidhi tatiyapārājikavaṇṇanāyaṃ vuttanayeneva veditabbo.
ж̇ан̇гхабзсанигзнаад̇и зд̇т̇а ж̇ан̇гхабзсанияанд̇и г̇ихийнам̣ д̣̇ууд̇зяяасаасанахаран̣агаммам̣ вужжад̇и, д̇ам̣ на гаад̇аб̣б̣ам̣. г̇ихийнан̃хи саасанам̣ г̇ахзд̇ваа г̇ажчанд̇асса бад̣̇з бад̣̇з д̣̇уггадам̣. д̇ам̣ гаммам̣ ниссааяа лад̣̇д̇хабхож̇анам̣ бхун̃ж̇анд̇ассааби аж̇жхохаарз аж̇жхохаарз д̣̇уггадам̣. батамам̣ саасанам̣ аг̇г̇ахзд̇вааби бажчаа ‘‘аяам̣ д̣̇аани со г̇аамо ханд̣̇а д̇ам̣ саасанам̣ аарожзмий’’д̇и маг̇г̇аа оггаманд̇ассааби бад̣̇з бад̣̇з д̣̇уггадам̣. саасанам̣ аарожзд̇ваа лад̣̇д̇хабхож̇анам̣ бхун̃ж̇ад̇о буриманаязнзва д̣̇уггадам̣. саасанам̣ аг̇г̇ахзд̇ваа ааг̇ад̇зна бана ‘‘бханд̇з д̇асмим̣ г̇аамз ид̇т̇аннаамасса гаа бавад̇д̇ий’’д̇и бужчияамаанзна гат̇зд̇ум̣ ваддад̇и, бужчид̇абан̃хз д̣̇осо над̇т̇и. бан̃жаннам̣ бана сахад̇хаммигаанам̣ маад̇аабид̇уунам̣ бан̣д̣убалаасасса ад̇д̇ано взяяааважжагарасса жа саасанам̣ харид̇ум̣ ваддад̇и, г̇ихийнан̃жа буб̣б̣з вуд̇д̇аббагаарам̣ габбияасаасанам̣. ид̣̇ан̃хи ж̇ан̇гхабзсанияагаммам̣ наама на ход̇и. имзхи бана адтахи гулад̣̇уусагагаммзхи уббаннабажжаяаа бан̃жаннамби сахад̇хаммигаанам̣ на габбанд̇и, абхууд̇аарожанаруубияасам̣вохаарзхи уббаннабажжаяасад̣̇исаава хонд̇и.
Jaṅghapesanikenāti ettha jaṅghapesaniyanti gihīnaṃ dūteyyasāsanaharaṇakammaṃ vuccati, taṃ na kātabbaṃ. Gihīnañhi sāsanaṃ gahetvā gacchantassa pade pade dukkaṭaṃ. Taṃ kammaṃ nissāya laddhabhojanaṃ bhuñjantassāpi ajjhohāre ajjhohāre dukkaṭaṃ. Paṭhamaṃ sāsanaṃ aggahetvāpi pacchā ‘‘ayaṃ dāni so gāmo handa taṃ sāsanaṃ ārocemī’’ti maggā okkamantassāpi pade pade dukkaṭaṃ. Sāsanaṃ ārocetvā laddhabhojanaṃ bhuñjato purimanayeneva dukkaṭaṃ. Sāsanaṃ aggahetvā āgatena pana ‘‘bhante tasmiṃ gāme itthannāmassa kā pavattī’’ti pucchiyamānena kathetuṃ vaṭṭati, pucchitapañhe doso natthi. Pañcannaṃ pana sahadhammikānaṃ mātāpitūnaṃ paṇḍupalāsassa attano veyyāvaccakarassa ca sāsanaṃ harituṃ vaṭṭati, gihīnañca pubbe vuttappakāraṃ kappiyasāsanaṃ. Idañhi jaṅghapesaniyakammaṃ nāma na hoti. Imehi pana aṭṭhahi kuladūsakakammehi uppannapaccayā pañcannampi sahadhammikānaṃ na kappanti, abhūtārocanarūpiyasaṃvohārehi uppannapaccayasadisāva honti.
баабаа самаажаараа ассаад̇и баабасамаажааро. д̇з бана яасмаа маалааважчаробанаад̣̇аяо ид̇ха ад̇хиббзд̇аа, д̇асмаа ‘‘маалааважчам̣ робзнд̇ибий’’д̇иаад̣̇инаа наязнасса бад̣̇абхааж̇анам̣ вуд̇д̇ам̣. д̇ирогкаад̇и бараммукаа. гулаани жа д̇зна д̣̇удтаанийд̇и зд̇т̇а бана яасмаа ‘‘гулааний’’д̇и вохаарамад̇д̇амзд̇ам̣, ад̇т̇ад̇о хи мануссаа д̇зна д̣̇удтаа хонд̇и, д̇асмаасса бад̣̇абхааж̇анз ‘‘буб̣б̣з сад̣̇д̇хаа худ̇ваа’’д̇иаад̣̇имааха. чанд̣̇аг̇ааминод̇и чанд̣̇зна г̇ажчанд̇ийд̇и чанд̣̇аг̇аамино. зса наяо сзсзсу. саманубхаасид̇аб̣б̣о д̇асса бадиниссаг̇г̇ааяаад̇и зд̇т̇а гулад̣̇уусагагаммзна д̣̇уггадамзва. яам̣ бана со сан̇гхам̣ барибхавид̇ваа ‘‘чанд̣̇аг̇аамино’’д̇иаад̣̇имааха. д̇асса бадиниссаг̇г̇ааяа саманубхаасанагаммам̣ гаад̇аб̣б̣анд̇и звамад̇т̇о д̣̇адтаб̣б̣о. сзсам̣ саб̣б̣ад̇т̇а уд̇д̇аанад̇т̇амзва.
Pāpā samācārā assāti pāpasamācāro. Te pana yasmā mālāvaccharopanādayo idha adhippetā, tasmā ‘‘mālāvacchaṃ ropentipī’’tiādinā nayenassa padabhājanaṃ vuttaṃ. Tirokkhāti parammukhā. Kulāni ca tena duṭṭhānīti ettha pana yasmā ‘‘kulānī’’ti vohāramattametaṃ, atthato hi manussā tena duṭṭhā honti, tasmāssa padabhājane ‘‘pubbe saddhā hutvā’’tiādimāha. Chandagāminoti chandena gacchantīti chandagāmino. Esa nayo sesesu. Samanubhāsitabbo tassa paṭinissaggāyāti ettha kuladūsakakammena dukkaṭameva. Yaṃ pana so saṅghaṃ paribhavitvā ‘‘chandagāmino’’tiādimāha. Tassa paṭinissaggāya samanubhāsanakammaṃ kātabbanti evamattho daṭṭhabbo. Sesaṃ sabbattha uttānatthameva.
самудтаанаад̣̇ийниби батамасан̇гхабхзд̣̇асад̣̇исаанзваад̇и.
Samuṭṭhānādīnipi paṭhamasaṅghabhedasadisānevāti.
гулад̣̇уусагасигкаабад̣̇аван̣н̣анаа нидтид̇аа.
Kuladūsakasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 13. гулад̣̇уусагасигкаабад̣̇ам̣ • 13. Kuladūsakasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
