| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
13. гулад̣̇уусагасигкаабад̣̇аван̣н̣анаа
13. Kuladūsakasikkhāpadavaṇṇanā
431. д̇зрасамз гийдааг̇ирийд̇и д̇асса ниг̇амасса наамам̣. д̇ан̃хи санд̇хааяа барад̇о ‘‘на ассаж̇ибунаб̣б̣асугзхи бхигкуухи гийдааг̇ирисмим̣ вад̇т̇аб̣б̣а’’нд̇и вуд̇д̇ам̣. д̇зна бана яог̇ад̇о со ж̇анабад̣̇оби ‘‘гийдааг̇ири’’ижжзва сан̇кяам̣ г̇ад̇од̇и ааха ‘‘звам̣наамагз ж̇анабад̣̇з’’д̇и. ааваасз нияуд̇д̇аа ааваасигаа, ниб̣ад̣̇д̇хаваасино. д̇з агад̇ам̣ сзнаасанам̣ гаронд̇и, ж̇ин̣н̣ам̣ бадисан̇каронд̇и, гад̇з иссараа хонд̇и. д̇знааха ‘‘со язсам̣ ааяад̇д̇о…бз… д̇з ааваасигаа’’д̇и . ниваасо ниваасамад̇д̇ам̣ зд̇зсам̣ ад̇т̇ийд̇и нзваасигаад̇и ааха ‘‘яз бана гзвала’’нд̇иаад̣̇и. д̇зд̇и ассаж̇ибунаб̣б̣асугаа. ча ж̇анаад̇и бан̣д̣уго лохид̇аго мзд̇д̇ияо бхуумаж̇аго ассаж̇и бунаб̣б̣асугод̇и имз ча ж̇анаа. саммаад̇и аалабанаважанамзд̇ам̣. ааяамукабхууд̇аад̇и ааяасса мукабхууд̇аа. д̇хурадтаанзд̇и саавад̇т̇ияаа авид̣̇уурз таанз. вассаанз хзманд̇з жаад̇и д̣̇вийсу уд̇уусу вассанад̇о ‘‘д̣̇вийхи мзгхзхий’’д̇и вуд̇д̇ам̣. д̣̇ияад̣дхабхигкусахассад̇о г̇ан̣аажарияаанам̣ чаннам̣ ж̇анаанам̣ ад̇хигад̇д̇аа ‘‘самад̇хига’’нд̇и вуд̇д̇ам̣, саад̇хиганд̇и ад̇т̇о. ма-гааро бад̣̇асанд̇хивасзна ааг̇ад̇о. агад̇авад̇т̇унд̇и агад̇абуб̣б̣ам̣ абхинававад̇т̇ум̣.
431. Terasame kīṭāgirīti tassa nigamassa nāmaṃ. Tañhi sandhāya parato ‘‘na assajipunabbasukehi bhikkhūhi kīṭāgirismiṃ vatthabba’’nti vuttaṃ. Tena pana yogato so janapadopi ‘‘kīṭāgiri’’icceva saṅkhyaṃ gatoti āha ‘‘evaṃnāmake janapade’’ti. Āvāse niyuttā āvāsikā, nibaddhavāsino. Te akataṃ senāsanaṃ karonti, jiṇṇaṃ paṭisaṅkharonti, kate issarā honti. Tenāha ‘‘so yesaṃ āyatto…pe… te āvāsikā’’ti . Nivāso nivāsamattaṃ etesaṃ atthīti nevāsikāti āha ‘‘ye pana kevala’’ntiādi. Teti assajipunabbasukā. Cha janāti paṇḍuko lohitako mettiyo bhūmajako assaji punabbasukoti ime cha janā. Sammāti ālapanavacanametaṃ. Āyamukhabhūtāti āyassa mukhabhūtā. Dhuraṭṭhāneti sāvatthiyā avidūre ṭhāne. Vassāne hemante cāti dvīsu utūsu vassanato ‘‘dvīhi meghehī’’ti vuttaṃ. Diyaḍḍhabhikkhusahassato gaṇācariyānaṃ channaṃ janānaṃ adhikattā ‘‘samadhika’’nti vuttaṃ, sādhikanti attho. Ma-kāro padasandhivasena āgato. Akatavatthunti akatapubbaṃ abhinavavatthuṃ.
ган̣игаараад̣̇аяо бубпаругкаа, ж̇аад̇исуманаад̣̇аяо бубпаг̇ажчаа. годдананд̇и саяам̣ чинд̣̇анам̣. годдаабананд̇и ‘‘имам̣ чинд̣̇а бхинд̣̇аа’’д̇и ан̃н̃зхи чзд̣̇аабанам̣. аал̣ияаа б̣анд̇хананд̇и яат̇аа г̇ажчамуулз уд̣̇агам̣ санд̇идтад̇и, д̇ат̇аа саманд̇ад̇о б̣анд̇ханам̣. уд̣̇агассаад̇и агаббияауд̣̇агасса. габбияауд̣̇агасин̃жананд̇и иминаава син̃жаабанамби сан̇г̇ахид̇анд̇и д̣̇адтаб̣б̣ам̣. нану ‘‘уд̣̇агасса сзжанам̣ сзжаабана’’нд̇и иминаава сааман̃н̃ад̇о габбияаагаббияауд̣̇агасин̃жанаад̣̇им̣ саггаа сан̇г̇ахзд̇ум̣, д̇асмаа габбияауд̣̇агасин̃жанаад̣̇и гасмаа висум̣ вуд̇д̇анд̇и? ‘‘аараамаад̣̇иад̇т̇ам̣ робид̇з агаббияавохаарзсуби габбияауд̣̇агасин̃жанаад̣̇и ваддад̇ий’’д̇и вагкамаанад̇д̇аа ид̇хааби вибхааг̇ам̣ гад̇ваа габбияауд̣̇агасин̃жанаад̣̇и висум̣ д̣̇ассид̇ам̣. хад̇т̇амукабаад̣̇ад̇ховананхаанод̣̇агасин̃жананд̇и иминааби багааранд̇арзна габбияауд̣̇агасин̃жанамзва д̣̇ассзд̇и. ‘‘агаббияавохааро’’д̇и годданакан̣анаад̣̇ивасзна саяам̣ гаран̣ассаби гат̇ам̣ сан̇г̇аход̇и? агаббияанд̇и вохарийяад̇ийд̇и агаббияавохаарод̇и агаббияабхууд̇ам̣ гаран̣агаараабанаад̣̇и саб̣б̣амзва сан̇г̇ахид̇ам̣, на бана агаббияаважанамад̇д̇анд̇и д̣̇адтаб̣б̣ам̣. габбияавохаарзби зсзва наяо. сугкамаад̇игааяа уж̇угаран̣анд̇и иминаа бураан̣абан̣н̣аад̣̇ихаран̣амби сан̇г̇ахид̇анд̇и д̣̇адтаб̣б̣ам̣. гуд̣̇аалаад̣̇ийни бхуумияам̣ табзд̇ваа таанад̇о хад̇т̇зна г̇ахзд̇ваа таанамзва баагадад̇аранд̇и ‘‘обхаасо’’д̇и вуд̇д̇ам̣.
Kaṇikārādayo puppharukkhā, jātisumanādayo pupphagacchā. Koṭṭananti sayaṃ chindanaṃ. Koṭṭāpananti ‘‘imaṃ chinda bhindā’’ti aññehi chedāpanaṃ. Āḷiyā bandhananti yathā gacchamūle udakaṃ santiṭṭhati, tathā samantato bandhanaṃ. Udakassāti akappiyaudakassa. Kappiyaudakasiñcananti imināva siñcāpanampi saṅgahitanti daṭṭhabbaṃ. Nanu ‘‘udakassa secanaṃ secāpana’’nti imināva sāmaññato kappiyākappiyaudakasiñcanādiṃ sakkā saṅgahetuṃ, tasmā kappiyaudakasiñcanādi kasmā visuṃ vuttanti? ‘‘Ārāmādiatthaṃ ropite akappiyavohāresupi kappiyaudakasiñcanādi vaṭṭatī’’ti vakkhamānattā idhāpi vibhāgaṃ katvā kappiyaudakasiñcanādi visuṃ dassitaṃ. Hatthamukhapādadhovananhānodakasiñcananti imināpi pakārantarena kappiyaudakasiñcanameva dasseti. ‘‘Akappiyavohāro’’ti koṭṭanakhaṇanādivasena sayaṃ karaṇassapi kathaṃ saṅgahoti? Akappiyanti voharīyatīti akappiyavohāroti akappiyabhūtaṃ karaṇakārāpanādi sabbameva saṅgahitaṃ, na pana akappiyavacanamattanti daṭṭhabbaṃ. Kappiyavohārepi eseva nayo. Sukkhamātikāya ujukaraṇanti iminā purāṇapaṇṇādiharaṇampi saṅgahitanti daṭṭhabbaṃ. Kudālādīni bhūmiyaṃ ṭhapetvā ṭhānato hatthena gahetvā ṭhānameva pākaṭataranti ‘‘obhāso’’ti vuttaṃ.
махаабажжариваад̣̇амхи бад̇идтабзд̇угаамо бажчаа вад̣̇ад̇и. ванад̇т̇ааяаад̇и ид̣̇ам̣ гзжи ‘‘вад̇ад̇т̇ааяаа’’д̇и батанд̇и, д̇зсам̣ вад̇иад̇т̇ааяаад̇и ад̇т̇о. агаббияавохаарзби згажжам̣ ваддад̇ийд̇и д̣̇ассзд̇ум̣ ‘‘на гзвалан̃жа сзса’’нд̇иаад̣̇имааха. яам̣ гин̃жи маад̇иганд̇и сугкамаад̇игам̣ ваа асугкамаад̇игам̣ ваа. ‘‘габбияауд̣̇агам̣ син̃жид̇у’’нд̇и иминаа ‘‘габбияауд̣̇агам̣ син̃жат̇аад̇и вад̇д̇умби ваддад̇ий’’д̇и д̣̇ассзд̇и. саяам̣ робзд̇умби ваддад̇ийд̇и иминаа ‘‘робзхийд̇и вад̇д̇ум̣ ваддад̇ий’’д̇иби сид̣̇д̇хам̣. ан̃н̃ад̇т̇ааяа ваа гаронд̇ассаад̇и вад̇т̇убууж̇аад̣̇иад̇т̇ам̣ гаронд̇асса. гасмаа на анаабад̇д̇ийд̇и вад̇т̇убууж̇анад̇т̇ааяа г̇ант̇анаад̣̇ийсу гасмаа на анаабад̇д̇и. анаабад̇д̇иязваад̇и бадиважанам̣ д̣̇ад̇ваа ид̣̇аани д̇амзва анаабад̇д̇ибхаавам̣ д̣̇ассзд̇ум̣ ‘‘яат̇аахий’’д̇иаад̣̇и вуд̇д̇ам̣. д̇ад̇т̇аад̇и аараамаад̣̇иад̇т̇ааяа ругкаробанз. д̇ат̇аа вад̇т̇убууж̇анад̇т̇ааяаби анаабад̇д̇иязваад̇и рад̇анад̇д̇аяабууж̇анад̇т̇ааяаби габбияавохаарзна барияааяаад̣̇ийхи жа г̇ант̇аабанз анаабад̇д̇иязваад̇и ад̇т̇о.
Mahāpaccarivādamhi patiṭṭhapetukāmo pacchā vadati. Vanatthāyāti idaṃ keci ‘‘vatatthāyā’’ti paṭhanti, tesaṃ vatiatthāyāti attho. Akappiyavohārepi ekaccaṃ vaṭṭatīti dassetuṃ ‘‘na kevalañca sesa’’ntiādimāha. Yaṃ kiñci mātikanti sukkhamātikaṃ vā asukkhamātikaṃ vā. ‘‘Kappiyaudakaṃsiñcitu’’nti iminā ‘‘kappiyaudakaṃ siñcathāti vattumpi vaṭṭatī’’ti dasseti. Sayaṃ ropetumpi vaṭṭatīti iminā ‘‘ropehīti vattuṃ vaṭṭatī’’tipi siddhaṃ. Aññatthāya vā karontassāti vatthupūjādiatthaṃ karontassa. Kasmā na anāpattīti vatthupūjanatthāya ganthanādīsu kasmā na anāpatti. Anāpattiyevāti paṭivacanaṃ datvā idāni tameva anāpattibhāvaṃ dassetuṃ ‘‘yathāhī’’tiādi vuttaṃ. Tatthāti ārāmādiatthāya rukkharopane. Tathā vatthupūjanatthāyapi anāpattiyevāti ratanattayapūjanatthāyapi kappiyavohārena pariyāyādīhi ca ganthāpane anāpattiyevāti attho.
‘‘д̇ат̇аа вад̇т̇убууж̇анад̇т̇ааяаа’’д̇и хи сааман̃н̃ад̇о вуд̇д̇зби ‘‘яат̇аа хи д̇ад̇т̇а габбияавохаарзна барияааяаад̣̇ийхи жаа’’д̇и вуд̇д̇ад̇д̇аа габбияавохаараад̣̇ийхи г̇ант̇аабанз зва анаабад̇д̇и вин̃н̃ааяад̇и, на саяам̣ г̇ант̇анз, д̇знзва баро саяам̣ г̇ант̇анамби гасмаа на ваддад̇ийд̇и жод̣̇знд̇о ‘‘нану жаа’’д̇иаад̣̇имааха. яат̇аа аараамаад̣̇иад̇т̇ам̣ габбияабат̇авияам̣ саяам̣ робзд̇умби ваддад̇и, д̇ат̇аа вад̇т̇убууж̇анад̇т̇ааяа саяам̣ г̇ант̇анзби гасмаа на ваддад̇ийд̇и жод̣̇агасса ад̇хиббааяо. вуд̇д̇анд̇иаад̣̇и аажарияасса барихааро. ат̇а ‘‘на бана махааадтагат̇ааяа’’нд̇и гасмаа вад̣̇ад̇и. махаабажжариаад̣̇ийсу вуд̇д̇амби хи бамаан̣амзваад̇и нааяам̣ вирод̇хо, махааадтагат̇ааяам̣ авуд̇д̇амби д̇ад̇т̇зва вуд̇д̇зна сам̣санд̣̇ид̇ваа бамаан̣амзваад̇и бад̇идтаабзд̇ум̣ вуд̇д̇ад̇д̇аа. д̇ам̣ гат̇анд̇и ман̃н̃зяяаасийд̇и самб̣анд̇хо. махааадтагат̇ааяан̃жа габбияауд̣̇агасзжанам̣ вуд̇д̇ам̣, д̇ам̣ гат̇анд̇и зд̇т̇ааяамад̇хиббааяо. гин̃жааби махааадтагат̇ааяам̣ аараамаад̣̇иад̇т̇ааяа габбияабат̇авияам̣ саяам̣ робанам̣ на вуд̇д̇ам̣, габбияауд̣̇агасса бана саяам̣ син̃жанам̣ вуд̇д̇амзва, д̇асмаа яат̇аа аараамаад̣̇иад̇т̇ааяа габбияауд̣̇агам̣ саяам̣ син̃жид̇умби ваддад̇и, д̇ат̇аа вад̇т̇убууж̇анад̇т̇ааяа саяам̣ г̇ант̇анамби гасмаа на ваддад̇ийд̇и. д̇амби на вируж̇жхад̇ийд̇и яад̣̇зд̇ам̣ аараамаад̣̇иад̇т̇ааяа саяам̣ робанам̣ габбияауд̣̇агасин̃жанан̃жа вуд̇д̇ам̣, д̇амби на вируж̇жхад̇и. гат̇ам̣ д̇ам̣ на вируж̇жхад̇ийд̇и ааха ‘‘д̇ад̇рахий’’д̇иаад̣̇и. зд̇ам̣ вуд̇д̇анд̇и маалааважчам̣ робзнд̇иби робаабзнд̇иби син̃жанд̇иби син̃жаабзнд̇ибийд̇и зд̇ам̣ вуд̇д̇ам̣. ан̃н̃ад̇ра бана барияааяо ад̇т̇ийд̇и ‘‘маалааважчам̣ робзнд̇иби робаабзнд̇иби син̃жанд̇иби син̃жаабзнд̇ибий’’д̇и гуласан̇г̇ахад̇т̇ааяа робанасин̃жанам̣ санд̇хааяа вуд̇д̇ад̇д̇аа д̇ад̇о ан̃н̃ад̇ра аараамаад̣̇иад̇т̇ааяа маалааважчаробанз барияааяо ад̇т̇и. д̇ад̇т̇а барияааяам̣ ид̇ха жа барияааяаабхаавам̣ н̃ад̇ваад̇и д̇ад̇т̇а ‘‘маалааважчам̣ робзнд̇ий’’д̇иаад̣̇ийсу ‘‘маалааважча’’нд̇и висзсаважанасаб̣бхаавад̇о барияааяам̣, ид̇ха ‘‘г̇ант̇знд̇ий’’д̇иаад̣̇ийсу д̇ат̇аавид̇хависзсаважанаабхаавад̇о барияааяаабхааван̃жа н̃ад̇ваа.
‘‘Tathā vatthupūjanatthāyā’’ti hi sāmaññato vuttepi ‘‘yathā hi tattha kappiyavohārena pariyāyādīhi cā’’ti vuttattā kappiyavohārādīhi ganthāpane eva anāpatti viññāyati, na sayaṃ ganthane, teneva paro sayaṃ ganthanampi kasmā na vaṭṭatīti codento ‘‘nanu cā’’tiādimāha. Yathā ārāmādiatthaṃ kappiyapathaviyaṃ sayaṃ ropetumpi vaṭṭati, tathā vatthupūjanatthāya sayaṃ ganthanepi kasmā na vaṭṭatīti codakassa adhippāyo. Vuttantiādi ācariyassa parihāro. Atha ‘‘na pana mahāaṭṭhakathāya’’nti kasmā vadati. Mahāpaccariādīsu vuttampi hi pamāṇamevāti nāyaṃ virodho, mahāaṭṭhakathāyaṃ avuttampi tattheva vuttena saṃsanditvā pamāṇamevāti patiṭṭhāpetuṃ vuttattā. Taṃ kathanti maññeyyāsīti sambandho. Mahāaṭṭhakathāyañca kappiyaudakasecanaṃ vuttaṃ, taṃ kathanti etthāyamadhippāyo. Kiñcāpi mahāaṭṭhakathāyaṃ ārāmādiatthāya kappiyapathaviyaṃ sayaṃ ropanaṃ na vuttaṃ, kappiyaudakassa pana sayaṃ siñcanaṃ vuttameva, tasmā yathā ārāmādiatthāya kappiyaudakaṃ sayaṃ siñcitumpi vaṭṭati, tathā vatthupūjanatthāya sayaṃ ganthanampi kasmā na vaṭṭatīti. Tampi na virujjhatīti yadetaṃ ārāmādiatthāya sayaṃ ropanaṃ kappiyaudakasiñcanañca vuttaṃ, tampi na virujjhati. Kathaṃ taṃ na virujjhatīti āha ‘‘tatrahī’’tiādi. Etaṃ vuttanti mālāvacchaṃ ropentipi ropāpentipi siñcantipi siñcāpentipīti etaṃ vuttaṃ. Aññatra pana pariyāyo atthīti ‘‘mālāvacchaṃ ropentipi ropāpentipi siñcantipi siñcāpentipī’’ti kulasaṅgahatthāya ropanasiñcanaṃ sandhāya vuttattā tato aññatra ārāmādiatthāya mālāvaccharopane pariyāyo atthi. Tattha pariyāyaṃ idhaca pariyāyābhāvaṃ ñatvāti tattha ‘‘mālāvacchaṃ ropentī’’tiādīsu ‘‘mālāvaccha’’nti visesavacanasabbhāvato pariyāyaṃ, idha ‘‘ganthentī’’tiādīsu tathāvidhavisesavacanābhāvato pariyāyābhāvañca ñatvā.
нану жа яат̇аа ‘‘г̇ант̇знд̇ий’’д̇и сааман̃н̃ад̇о вуд̇д̇ад̇д̇аа барияааяо на лаб̣бхад̇ийд̇и яасса гассажи ад̇т̇ааяа саяам̣ г̇ант̇анам̣ на ваддад̇и, звам̣ ‘‘г̇ант̇аабзнд̇ий’’д̇и сааман̃н̃ад̇о вуд̇д̇ад̇д̇аа барияааязна г̇ант̇аабанамби на ваддад̇ийд̇и аабаж̇ж̇ад̇и. зван̃жа сад̇и барад̇о ‘‘звам̣ ж̇аана, звам̣ гад̇з собхзяяа, яат̇аа зд̇аани бубпаани на вигирияанд̇и, д̇ат̇аа гарохийд̇иаад̣̇инаа габбияаважанзна гаарзд̇ум̣ ваддад̇ий’’д̇и ид̣̇ам̣ вируж̇жхад̇ийд̇и? на вируж̇жхад̇и, барияааязна хи гаараабанам̣ г̇ант̇аабанамзва на ход̇и, д̇асмаа яат̇аавуд̇д̇анаязна барияааяад̇о гаараабанам̣ ваддад̇и. саб̣б̣ам̣ вуд̇д̇анаязнзва взд̣̇ид̇аб̣б̣анд̇и хздтаа вуд̇д̇ам̣ винижчаяамзва сан̇кзбад̇о ниг̇амзд̇и. харан̣аад̣̇ийсу гасмаа анаабад̇д̇ийд̇и вад̇т̇убууж̇анад̇т̇ааяа харан̣аад̣̇ийсу гасмаа анаабад̇д̇и. гулид̇т̇иаад̣̇ийнам̣ ад̇т̇ааяа харан̣ад̇од̇и гулид̇т̇иаад̣̇ийнам̣ харан̣асса д̇ад̇т̇а вуд̇д̇ад̇д̇аад̇и ад̇хиббааяо. д̇знзвааха ‘‘харан̣аад̇хигаарз хий’’д̇иаад̣̇и. мааланд̇и бубпад̣̇аамам̣. ман̃ж̇арий вияаад̇и гусумаман̃ж̇арий вияа. хаарасад̣̇исанд̇и муд̇д̇аахаарасад̣̇исам̣.
Nanu ca yathā ‘‘ganthentī’’ti sāmaññato vuttattā pariyāyo na labbhatīti yassa kassaci atthāya sayaṃ ganthanaṃ na vaṭṭati, evaṃ ‘‘ganthāpentī’’ti sāmaññato vuttattā pariyāyena ganthāpanampi na vaṭṭatīti āpajjati. Evañca sati parato ‘‘evaṃ jāna, evaṃ kate sobheyya, yathā etāni pupphāni na vikiriyanti, tathā karohītiādinā kappiyavacanena kāretuṃ vaṭṭatī’’ti idaṃ virujjhatīti? Na virujjhati, pariyāyena hi kārāpanaṃ ganthāpanameva na hoti, tasmā yathāvuttanayena pariyāyato kārāpanaṃ vaṭṭati. Sabbaṃ vuttanayeneva veditabbanti heṭṭhā vuttaṃ vinicchayameva saṅkhepato nigameti. Haraṇādīsu kasmā anāpattīti vatthupūjanatthāya haraṇādīsu kasmā anāpatti. Kulitthiādīnaṃ atthāya haraṇatoti kulitthiādīnaṃ haraṇassa tattha vuttattāti adhippāyo. Tenevāha ‘‘haraṇādhikāre hī’’tiādi. Mālanti pupphadāmaṃ. Mañjarī viyāti kusumamañjarī viya. Hārasadisanti muttāhārasadisaṃ.
баажид̇д̇ияан̃жзва д̣̇уггадан̃жаад̇и бат̇авийкан̣анабажжаяаа баажид̇д̇ияам̣, гуласан̇г̇ахабажжаяаа д̣̇уггадам̣. агаббияавохаарзнаад̇и ‘‘ид̣̇ам̣ кан̣а, ид̣̇ам̣ робзхий’’д̇иаад̣̇иагаббияавохаарзна. д̣̇уггадамзваад̇и гуласан̇г̇ахабажжаяаа д̣̇уггадам̣. убхаяад̇т̇аад̇и габбияаагаббияабат̇авияам̣. саб̣б̣ад̇т̇аад̇и гуласан̇г̇ахабарибхог̇ааараамаад̣̇иад̇т̇ааяа робид̇з. д̣̇уггадамбийд̇и на гзвалам̣ баажид̇д̇ияамзва. габбиязнаад̇и габбиязна уд̣̇агзна. д̇зсам̣язва д̣̇виннанд̇и гулад̣̇уусанабарибхог̇аанам̣. д̣̇уггаданд̇и гуласан̇г̇ахад̇т̇ааяа саяам̣ син̃жанз габбияавохаарзна агаббияавохаарзна ваа син̃жаабанз жа д̣̇уггадам̣, барибхог̇ад̇т̇ааяа бана саяам̣ син̃жанз агаббияавохаарзна син̃жаабанз жа д̣̇уггадам̣. аабад̇д̇иб̣ахулад̇аа взд̣̇ид̇аб̣б̣аад̇и зд̇т̇а саяам̣ син̃жанз д̇хаараабажчзд̣̇аг̇ан̣анааяа аабад̇д̇иг̇ан̣анаа взд̣̇ид̇аб̣б̣аа. син̃жаабанз бана бунаббунам̣ аан̣аабзнд̇асса ваажааяа ваажааяа аабад̇д̇и, сагим̣ аан̣ад̇д̇асса б̣ахуунам̣ син̃жанзби згаава.
Pācittiyañceva dukkaṭañcāti pathavīkhaṇanapaccayā pācittiyaṃ, kulasaṅgahapaccayā dukkaṭaṃ. Akappiyavohārenāti ‘‘idaṃ khaṇa, idaṃ ropehī’’tiādiakappiyavohārena. Dukkaṭamevāti kulasaṅgahapaccayā dukkaṭaṃ. Ubhayatthāti kappiyākappiyapathaviyaṃ. Sabbatthāti kulasaṅgahaparibhogaārāmādiatthāya ropite. Dukkaṭampīti na kevalaṃ pācittiyameva. Kappiyenāti kappiyena udakena. Tesaṃyeva dvinnanti kuladūsanaparibhogānaṃ. Dukkaṭanti kulasaṅgahatthāya sayaṃ siñcane kappiyavohārena akappiyavohārena vā siñcāpane ca dukkaṭaṃ, paribhogatthāya pana sayaṃ siñcane akappiyavohārena siñcāpane ca dukkaṭaṃ. Āpattibahulatā veditabbāti ettha sayaṃ siñcane dhārāpacchedagaṇanāya āpattigaṇanā veditabbā. Siñcāpane pana punappunaṃ āṇāpentassa vācāya vācāya āpatti, sakiṃ āṇattassa bahūnaṃ siñcanepi ekāva.
д̣̇уггадабаажид̇д̇ияаанийд̇и гуласан̇г̇ахабажжаяаа д̣̇уггадам̣, бхууд̇аг̇аамабаад̇аб̣яад̇ааяа баажид̇д̇ияам̣. ан̃н̃ад̇т̇аад̇и вад̇т̇убууж̇аад̣̇иад̇т̇ааяа ожинанз. сагим̣ аан̣ад̇д̇од̇и агаббияавохаарзна аан̣ад̇д̇о. баажид̇д̇ияамзваад̇и агаббияаважанзна аан̣ад̇д̇ад̇д̇аа баажид̇д̇ияам̣. габбияаважанзна бана вад̇т̇убууж̇аад̣̇иад̇т̇ааяа ожинаабзнд̇асса анаабад̇д̇иязва.
Dukkaṭapācittiyānīti kulasaṅgahapaccayā dukkaṭaṃ, bhūtagāmapātabyatāya pācittiyaṃ. Aññatthāti vatthupūjādiatthāya ocinane. Sakiṃ āṇattoti akappiyavohārena āṇatto. Pācittiyamevāti akappiyavacanena āṇattattā pācittiyaṃ. Kappiyavacanena pana vatthupūjādiatthāya ocināpentassa anāpattiyeva.
г̇ант̇анзна ниб̣б̣ад̇д̇ам̣ г̇анд̇имам̣. зса наяо сзсзсуби. на ваддад̇ийд̇и гуласан̇г̇ахад̇т̇ааяа вад̇т̇убууж̇аад̣̇иад̇т̇ааяа ваа вуд̇д̇анаязна гаронд̇асса жа гаараабзнд̇асса жа д̣̇уггаданд̇и ад̇т̇о. буриманаязнзваад̇и ‘‘бхигкусса ваа’’д̇иаад̣̇инаа вуд̇д̇анаязна. д̇хаммаасанавид̇аанз б̣ад̣̇д̇хаган̣дагзсу бубпаани виж̇жхид̇ваа табзнд̇ийд̇и самб̣анд̇хо. убаруубари виж̇жхид̇ваа чад̇д̇асад̣̇исам̣ гад̇ваа аавун̣анад̇о ‘‘чад̇д̇аад̇ичад̇д̇ам̣ вияаа’’д̇и вуд̇д̇ам̣. ‘‘гад̣̇алигканд̇хамхий’’д̇иаад̣̇инаа вуд̇д̇ам̣ саб̣б̣амзва санд̇хааяа ‘‘д̇ам̣ ад̇иол̣ааригамзваа’’д̇и вуд̇д̇ам̣, саяам̣ гаронд̇асса агаббияаважанзнзва гаараабзнд̇асса жа д̣̇уггадамзваад̇и ад̇т̇о. бубпавиж̇жханад̇т̇анд̇и вуд̇д̇ад̇д̇аа бубпаани виж̇жхид̇ум̣язва ган̣дагам̣ б̣анд̇хид̇ум̣ на ваддад̇и, бубпад̣̇аамаад̣̇иб̣анд̇ханад̇т̇ам̣ бана ваддад̇и. ган̣дагамби б̣анд̇хид̇ум̣ на ваддад̇ийд̇и жа ид̣̇ам̣ адтагат̇аажарияаббамаан̣зна г̇ахзд̇аб̣б̣ам̣. бавзсзд̇ум̣ на ваддад̇ийд̇и вуд̇д̇ад̇д̇аа бубпажчид̣̇д̣̇з абавзсзд̇ваа убаруубари табзд̇ум̣ ваддад̇и. ж̇ааламаяам̣ вид̇аанам̣ ж̇аалавид̇аанам̣. нааг̇ад̣̇анд̇агамби сажчид̣̇д̣̇агам̣язва г̇ахзд̇аб̣б̣ам̣. бубпабадижчагам̣ д̣̇ан̣д̣аад̣̇ийхи гад̇абубпаад̇хааран̣ам̣, д̇амби сажчид̣̇д̣̇амзва ид̇ха вуд̇д̇ам̣. асогабин̣д̣ияаад̇и асогабубпаман̃ж̇аригааяа. ‘‘д̇хаммараж̇ж̇у наама жзд̇ияам̣ ваа б̣од̇хим̣ ваа бубпабавзсанад̇т̇ам̣ аавиж̇жхид̇ваа б̣ад̣̇д̇хараж̇ж̇уу’’д̇и махааг̇ан̣тибад̣̇з маж̇жхимаг̇ан̣тибад̣̇з жа вуд̇д̇ам̣, д̇асмаа д̇ат̇ааб̣ад̣̇д̇хааяа раж̇ж̇уяаа жзд̇ияасса жа анд̇арз бубпаани бавзсзд̇ум̣ ваддад̇ийд̇и вин̃н̃ааяад̇и. г̇ан̣тибад̣̇з бана ‘‘д̇хаммараж̇ж̇унд̇и сит̇илам̣ ваддигам̣ раж̇ж̇ум̣ гад̇ваа б̣од̇хим̣ ваа жзд̇ияам̣ ваа баригкибид̇ваа д̇хаммаасанз ваа ламб̣ид̇ваа д̇ад̇т̇а бубпаани бавзсзнд̇ий’’д̇и вуд̇д̇ам̣, д̇асмаа сит̇илаваддигааяа раж̇ж̇уяаа анд̇арзби бубпаани бавзсзд̇ум̣ ваддад̇ийд̇и вин̃н̃ааяад̇и, виймам̣сид̇ваа яуд̇д̇ад̇арам̣ г̇ахзд̇аб̣б̣ам̣. убхаяад̇т̇ааби банзд̇т̇а нзвад̇т̇и вирод̇ход̇и амхаагам̣ канд̇и.
Ganthanena nibbattaṃ gantimaṃ. Esa nayo sesesupi. Na vaṭṭatīti kulasaṅgahatthāya vatthupūjādiatthāya vā vuttanayena karontassa ca kārāpentassa ca dukkaṭanti attho. Purimanayenevāti ‘‘bhikkhussa vā’’tiādinā vuttanayena. Dhammāsanavitāne baddhakaṇṭakesu pupphāni vijjhitvā ṭhapentīti sambandho. Uparūpari vijjhitvā chattasadisaṃ katvā āvuṇanato ‘‘chattātichattaṃ viyā’’ti vuttaṃ. ‘‘Kadalikkhandhamhī’’tiādinā vuttaṃ sabbameva sandhāya ‘‘taṃ atioḷārikamevā’’ti vuttaṃ, sayaṃ karontassa akappiyavacaneneva kārāpentassa ca dukkaṭamevāti attho. Pupphavijjhanatthanti vuttattā pupphāni vijjhituṃyeva kaṇṭakaṃ bandhituṃ na vaṭṭati, pupphadāmādibandhanatthaṃ pana vaṭṭati. Kaṇṭakampi bandhituṃ na vaṭṭatīti ca idaṃ aṭṭhakathācariyappamāṇena gahetabbaṃ. Pavesetuṃ na vaṭṭatīti vuttattā pupphacchidde apavesetvā uparūpari ṭhapetuṃ vaṭṭati. Jālamayaṃ vitānaṃ jālavitānaṃ. Nāgadantakampi sacchiddakaṃyeva gahetabbaṃ. Pupphapaṭicchakaṃ daṇḍādīhi katapupphādhāraṇaṃ, tampi sacchiddameva idha vuttaṃ. Asokapiṇḍiyāti asokapupphamañjarikāya. ‘‘Dhammarajju nāma cetiyaṃ vā bodhiṃ vā pupphapavesanatthaṃ āvijjhitvā baddharajjū’’ti mahāgaṇṭhipade majjhimagaṇṭhipade ca vuttaṃ, tasmā tathābaddhāya rajjuyā cetiyassa ca antare pupphāni pavesetuṃ vaṭṭatīti viññāyati. Gaṇṭhipade pana ‘‘dhammarajjunti sithilaṃ vaṭṭikaṃ rajjuṃ katvā bodhiṃ vā cetiyaṃ vā parikkhipitvā dhammāsane vā lambitvā tattha pupphāni pavesentī’’ti vuttaṃ, tasmā sithilavaṭṭikāya rajjuyā antarepi pupphāni pavesetuṃ vaṭṭatīti viññāyati, vīmaṃsitvā yuttataraṃ gahetabbaṃ. Ubhayatthāpi panettha nevatthi virodhoti amhākaṃ khanti.
мад̇т̇агад̣̇ааманд̇и д̇хаммаасанаад̣̇имад̇т̇агз ламб̣агад̣̇аамам̣. бубпзхи взтзнд̇ийд̇и бубпад̣̇аамзна взтзнд̇и. д̇зсам̣язваад̇и уббалаад̣̇ийнам̣язва. ваагзна ваа д̣̇ан̣д̣агзна ваад̇и висум̣ ажчиннзна бубпасахид̇знзва ваагзна ваа д̣̇ан̣д̣агзна ваа. канд̇хз табид̇агаасаавассаад̇и канд̇хз табид̇асан̇гхаадим̣ санд̇хааяа вуд̇д̇ам̣. д̇ан̃хи д̇ат̇аа б̣анд̇хид̇ум̣ саггаа бхавзяяа. иминаава ан̃н̃амби д̇аад̣̇исам̣ гаасаавам̣ ваа вад̇т̇ам̣ ваа вуд̇д̇анаязна б̣анд̇хид̇ваа д̇ад̇т̇а бубпаани багкибид̇ум̣ ваддад̇ийд̇и сид̣̇д̇хам̣. ам̣сабхан̣д̣игам̣ басиб̣б̣агз багкид̇д̇асад̣̇исад̇д̇аа взтимам̣ наама на ж̇аад̇ам̣, д̇асмаа сит̇илаб̣анд̇хасса анд̇аранд̇араа багкибид̇ум̣ ваддад̇ийд̇и вад̣̇анд̇и.
Matthakadāmanti dhammāsanādimatthake lambakadāmaṃ. Pupphehi veṭhentīti pupphadāmena veṭhenti. Tesaṃyevāti uppalādīnaṃyeva. Vākena vā daṇḍakena vāti visuṃ acchinnena pupphasahiteneva vākena vā daṇḍakena vā. Khandhe ṭhapitakāsāvassāti khandhe ṭhapitasaṅghāṭiṃ sandhāya vuttaṃ. Tañhi tathā bandhituṃ sakkā bhaveyya. Imināva aññampi tādisaṃ kāsāvaṃ vā vatthaṃ vā vuttanayena bandhitvā tattha pupphāni pakkhipituṃ vaṭṭatīti siddhaṃ. Aṃsabhaṇḍikaṃ pasibbake pakkhittasadisattā veṭhimaṃ nāma na jātaṃ, tasmā sithilabandhassa antarantarā pakkhipituṃ vaṭṭatīti vadanti.
бубпабадз жа д̣̇адтаб̣б̣анд̇и бубпабадам̣ гаронд̇асса д̣̇ийгхад̇о бубпад̣̇аамасса харан̣абажжаахаран̣авасзна бууран̣ам̣ санд̇хааяа вуд̇д̇ам̣. д̇ирияад̇о харан̣ам̣ бана вааяимам̣ наама ход̇и, на бууримам̣. буримадтаанам̣ ад̇иггаамзд̇ийд̇и зд̇т̇а ‘‘апусаабзд̇вааби ад̇иггаамзнд̇асса аабад̇д̇иязваа’’д̇и д̇ийсуби г̇ан̣тибад̣̇зсу вуд̇д̇ам̣. ‘‘буримадтаанам̣ ад̇иггаамзд̇ий’’д̇и ависзсзна вуд̇д̇ад̇д̇аа д̇ам̣ яуд̇д̇ам̣. гзжи бана ‘‘ан̃н̃аман̃н̃ам̣ апусаабзд̇ваа анзгагкад̇д̇ум̣ баригкибид̇ум̣ ваддад̇ий’’д̇и вад̣̇анд̇ийд̇и вуд̇д̇ам̣, д̇ад̇т̇а гааран̣ам̣ на д̣̇иссад̇и. б̣анд̇хид̇ум̣ ваддад̇ийд̇и бубпарахид̇ааяа суд̇д̇агодияаа ваагагодияаа ваа б̣анд̇хид̇ум̣ ваддад̇и. згаваарам̣ харид̇ваа ваа баригкибид̇ваа ваад̇и ид̣̇ам̣ буб̣б̣з вуд̇д̇ажзд̇ияаад̣̇ибаригкзбам̣ бубпабадагаран̣ан̃жа санд̇хааяа вуд̇д̇ам̣, д̇асмаа жзд̇ияам̣ ваа б̣од̇хим̣ ваа баригкибанд̇зна згаваарам̣ баригкибид̇ваа буримадтаанам̣ самбад̇д̇з ан̃н̃асса д̣̇аад̇аб̣б̣ам̣, д̇знаби згаваарам̣ баригкибид̇ваа д̇ат̇зва гаад̇аб̣б̣ам̣. бубпабадам̣ гаронд̇зна жа згаваарам̣ харид̇ваа ан̃н̃асса д̣̇аад̇аб̣б̣ам̣, д̇знаби д̇ат̇зва гаад̇аб̣б̣ам̣. сажзби д̣̇взязва бхигкуу убхосу бассзсу тад̇ваа барияааязна харанд̇и, ваддад̇иязваад̇и вад̣̇анд̇и.
Pupphapaṭeca daṭṭhabbanti pupphapaṭaṃ karontassa dīghato pupphadāmassa haraṇapaccāharaṇavasena pūraṇaṃ sandhāya vuttaṃ. Tiriyato haraṇaṃ pana vāyimaṃ nāma hoti, na pūrimaṃ. Purimaṭṭhānaṃ atikkāmetīti ettha ‘‘aphusāpetvāpi atikkāmentassa āpattiyevā’’ti tīsupi gaṇṭhipadesu vuttaṃ. ‘‘Purimaṭṭhānaṃ atikkāmetī’’ti avisesena vuttattā taṃ yuttaṃ. Keci pana ‘‘aññamaññaṃ aphusāpetvā anekakkhattuṃ parikkhipituṃ vaṭṭatī’’ti vadantīti vuttaṃ, tattha kāraṇaṃ na dissati. Bandhituṃ vaṭṭatīti puppharahitāya suttakoṭiyā vākakoṭiyā vā bandhituṃ vaṭṭati. Ekavāraṃ haritvā vā parikkhipitvā vāti idaṃ pubbe vuttacetiyādiparikkhepaṃ pupphapaṭakaraṇañca sandhāya vuttaṃ, tasmā cetiyaṃ vā bodhiṃ vā parikkhipantena ekavāraṃ parikkhipitvā purimaṭṭhānaṃ sampatte aññassa dātabbaṃ, tenapi ekavāraṃ parikkhipitvā tatheva kātabbaṃ. Pupphapaṭaṃ karontena ca ekavāraṃ haritvā aññassa dātabbaṃ, tenapi tatheva kātabbaṃ. Sacepi dveyeva bhikkhū ubhosu passesu ṭhatvā pariyāyena haranti, vaṭṭatiyevāti vadanti.
буурид̇анд̇и д̣̇ийгхад̇о басааран̣авасзна буурид̇ам̣. вааяид̇ум̣ на лабхад̇ийд̇и д̣̇ийгхад̇о басаарид̇з д̇ирияад̇о харан̣ам̣ вааяанам̣ наама ход̇ийд̇и згаваарамби бубпаг̇ун̣ам̣ д̇ирияад̇о харид̇ум̣ на ваддад̇и. бубпаани табзнд̇знаад̇и аг̇ант̇ид̇аани баагад̇игабубпаани табзнд̇зна. бубпад̣̇аамам̣ бана бууж̇анад̇т̇ааяа бхуумияам̣ табзнд̇зна пусаабзд̇ваа ваа апусаабзд̇ваа ваа д̣̇иг̇ун̣ам̣ гад̇ваа табзд̇ум̣ на ваддад̇ийд̇и вад̣̇анд̇и. гхадигад̣̇аамаоламб̣агод̇и анд̇з гхадигаагаараяуд̇д̇о яамагад̣̇аамаоламб̣аго. згзгам̣ бана д̣̇аамам̣ нигканд̇асуд̇д̇агодияаава б̣анд̇хид̇ваа оламб̣ид̇ум̣ ваддад̇и, бубпад̣̇аамад̣̇ваяам̣ сан̇гхадид̇угаамзнаби нигканд̇асуд̇д̇агодияаава суд̇д̇агодим̣ сан̇гхадид̇ум̣ ваддад̇и. ад̣дхажанд̣̇аагаарзна маалааг̇ун̣абаригкзбод̇и ад̣дхажанд̣̇аагаарзна маалааг̇ун̣асса бунаббунам̣ харан̣абажжаахаран̣авасзна буурзд̇ваа баригкибанам̣. д̇знзва д̇ам̣ бууримз бавидтам̣, д̇асмаа зд̇амби ад̣дхажанд̣̇аагаарам̣ бунаббунам̣ харан̣абажжаахаран̣авасзна буурид̇ам̣ на ваддад̇и. згаваарам̣ бана ад̣дхажанд̣̇аагаарзна маалааг̇ун̣ам̣ харид̇ум̣ ваддад̇ийд̇и вад̣̇анд̇и. бубпад̣̇аамагаран̣анд̇и зд̇т̇а суд̇д̇агодияам̣ г̇ахзд̇вааби згад̇о гаад̇ум̣ на ваддад̇ийд̇и вад̣̇анд̇и. г̇зн̣д̣угакарабад̇д̇ад̣̇аамаанам̣ бадигкид̇д̇ад̇д̇аа жзлаад̣̇ийхи гад̇ад̣̇аамамби на ваддад̇и агаббияаануломад̇д̇аад̇и вад̣̇анд̇и.
Pūritanti dīghato pasāraṇavasena pūritaṃ. Vāyituṃ na labhatīti dīghato pasārite tiriyato haraṇaṃ vāyanaṃ nāma hotīti ekavārampi pupphaguṇaṃ tiriyato harituṃ na vaṭṭati. Pupphāni ṭhapentenāti aganthitāni pākatikapupphāni ṭhapentena. Pupphadāmaṃ pana pūjanatthāya bhūmiyaṃ ṭhapentena phusāpetvā vā aphusāpetvā vā diguṇaṃ katvā ṭhapetuṃ na vaṭṭatīti vadanti. Ghaṭikadāmaolambakoti ante ghaṭikākārayutto yamakadāmaolambako. Ekekaṃ pana dāmaṃ nikkhantasuttakoṭiyāva bandhitvā olambituṃ vaṭṭati, pupphadāmadvayaṃ saṅghaṭitukāmenapi nikkhantasuttakoṭiyāva suttakoṭiṃ saṅghaṭituṃ vaṭṭati. Aḍḍhacandākārena mālāguṇaparikkhepoti aḍḍhacandākārena mālāguṇassa punappunaṃ haraṇapaccāharaṇavasena pūretvā parikkhipanaṃ. Teneva taṃ pūrime paviṭṭhaṃ, tasmā etampi aḍḍhacandākāraṃ punappunaṃ haraṇapaccāharaṇavasena pūritaṃ na vaṭṭati. Ekavāraṃ pana aḍḍhacandākārena mālāguṇaṃ harituṃ vaṭṭatīti vadanti. Pupphadāmakaraṇanti ettha suttakoṭiyaṃ gahetvāpi ekato kātuṃ na vaṭṭatīti vadanti. Geṇḍukakharapattadāmānaṃ paṭikkhittattā celādīhi katadāmampi na vaṭṭati akappiyānulomattāti vadanti.
‘‘лаасияанаадагам̣ наадзнд̇ий’’д̇и вад̇ваа д̇амзва барияааяанд̇арзна д̣̇ассзд̇ум̣ ‘‘рзжагам̣ д̣̇знд̇ий’’д̇и вуд̇д̇ам̣, абхинаяам̣ д̣̇ассзнд̇ийд̇и ад̇т̇о, ад̇д̇ано ад̇хиббааяам̣ багаасзд̇ваа ‘‘звам̣ нажжид̇аб̣б̣а’’нд̇и батамам̣ удтахид̇ваа нажжанаагаарам̣ д̣̇ассзнд̇ийд̇и вуд̇д̇ам̣ ход̇и. гзжи бана ‘‘мукз ан̇г̇улияо багкибид̇ваа сад̣̇д̣̇ам̣ гаронд̇аа жаггамива ад̇д̇аанам̣ бхамаяамаанаа рзжагам̣ д̣̇знд̇и наамаа’’д̇и вад̣̇анд̇и. згзгааяа банд̇ияаа адта адта бад̣̇аани ассаад̇и адтабад̣̇ам̣. ‘‘адтаабад̣̇а’’нд̇иби батанд̇и. д̣̇асабад̣̇зби зсзва наяо. бад̣̇аанийд̇и жа саариаад̣̇ийнам̣ бад̇идтаанадтаанаани. д̣̇асабад̣̇ам̣ наама д̣̇вийхи банд̇ийхи вийсад̇ияаа бад̣̇зхи гийл̣анаж̇ууд̇ам̣. аагаасзязва гийл̣анд̇ийд̇и ‘‘аяам̣ саарий асугабад̣̇ам̣ маяаа нийд̇аа, аяам̣ асугабад̣̇а’’нд̇и гзвалам̣ мукзнзва вад̣̇анд̇аа аагаасзязва ж̇ууд̇ам̣ гийл̣анд̇и. ж̇ууд̇апалагзд̇и ж̇ууд̇аман̣д̣алз. баасагагийл̣ааяа гийл̣анд̇ийд̇и баасагам̣ вужжад̇и часу бассзсу згзгам̣ яаава чаггам̣ д̣̇ассзд̇ваа гад̇агийл̣анам̣, д̇ам̣ вад̣дхзд̇ваа яат̇аалад̣̇д̇хазгагаад̣̇ивасзна саарияо абанзнд̇аа убанзнд̇аа жа гийл̣анд̇и. гхадзна гийл̣аа гхадигаад̇и згз.
‘‘Lāsiyanāṭakaṃnāṭentī’’ti vatvā tameva pariyāyantarena dassetuṃ ‘‘recakaṃ dentī’’ti vuttaṃ, abhinayaṃ dassentīti attho, attano adhippāyaṃ pakāsetvā ‘‘evaṃ naccitabba’’nti paṭhamaṃ uṭṭhahitvā naccanākāraṃ dassentīti vuttaṃ hoti. Keci pana ‘‘mukhe aṅguliyo pakkhipitvā saddaṃ karontā cakkamiva attānaṃ bhamayamānā recakaṃ denti nāmā’’ti vadanti. Ekekāya pantiyā aṭṭha aṭṭha padāni assāti aṭṭhapadaṃ. ‘‘Aṭṭhāpada’’ntipi paṭhanti. Dasapadepi eseva nayo. Padānīti ca sāriādīnaṃ patiṭṭhānaṭṭhānāni. Dasapadaṃ nāma dvīhi pantīhi vīsatiyā padehi kīḷanajūtaṃ. Ākāseyeva kīḷantīti ‘‘ayaṃ sārī asukapadaṃ mayā nītā, ayaṃ asukapada’’nti kevalaṃ mukheneva vadantā ākāseyeva jūtaṃ kīḷanti. Jūtaphalaketi jūtamaṇḍale. Pāsakakīḷāya kīḷantīti pāsakaṃ vuccati chasu passesu ekekaṃ yāva chakkaṃ dassetvā katakīḷanaṃ, taṃ vaḍḍhetvā yathāladdhaekakādivasena sāriyo apanentā upanentā ca kīḷanti. Ghaṭena kīḷā ghaṭikāti eke.
ман̃ж̇адтияаа ваад̇и ман̃ж̇адтиругкасаарам̣ г̇ахзд̇ваа баггагасаавам̣ санд̇хааяа вад̣̇ад̇и. салаагахад̇т̇анд̇и д̇аалахийраад̣̇ийнам̣ галаабассзд̇ам̣ ад̇хиважанам̣. б̣ахуусу салаагаасу висзсарахид̇ам̣ згам̣ салаагам̣ г̇ахзд̇ваа д̇аасу багкибид̇ваа буна д̇ам̣язва уд̣̇д̇харанд̇аа салаагахад̇т̇зна гийл̣анд̇ийд̇и гзжи. бан̣н̣зна вам̣саагаарзна гад̇аа наал̣игаа бан̣н̣анаал̣игаа. д̇знзвааха ‘‘д̇ам̣ д̇хаманд̇аа’’д̇и. бужчанд̇асса мукааг̇ад̇ам̣ агкарам̣ г̇ахзд̇ваа надтамудтилаабхаалаабхаад̣̇иж̇аананагийл̣аа агкаригаад̇иби вад̣̇анд̇и. хад̇т̇исминд̇и нимид̇д̇ад̇т̇з бхуммам̣, хад̇т̇инимид̇д̇асиббзд̇и ад̇т̇о. ассасминд̇иаад̣̇ийсуби зсзва наяо. ‘‘уссзл̣знд̇и абподзнд̇ий’’д̇и д̣̇виннам̣ бад̣̇аанам̣ ад̇т̇о баагадоязваад̇и на вуд̇д̇о. д̇ад̇т̇а уссзл̣знд̇ийд̇и мукзна уссзл̣анасад̣̇д̣̇ам̣ бамун̃жанд̇и, маханд̇ам̣ гад̇ваа аб̣яад̇д̇асад̣̇д̣̇ам̣ бавад̇д̇знд̇ийд̇и ад̇т̇о. ‘‘аж̇аанам̣ сан̃н̃ам̣ д̣̇знд̇аа аж̇абаалагаа вияа мукзна ваад̇ам̣ нижчаарзнд̇аа сукумам̣ аб̣яад̇д̇анаад̣̇ам̣ бавад̇д̇знд̇ий’’д̇иби вад̣̇анд̇и. абподзнд̇ийд̇и бхуж̇ахад̇т̇асан̇гхадданасад̣̇д̣̇ам̣ бавад̇д̇знд̇и, ваамахад̇т̇ам̣ урз табзд̇ваа д̣̇агкин̣зна баан̣инаа д̇ад̇т̇а д̇аал̣анзна сад̣̇д̣̇ам̣ гаронд̇ийд̇и ад̇т̇о. мукад̣ин̣д̣иманд̇и мукабхзрияаа зд̇ам̣ ад̇хиважанам̣.
Mañjaṭṭhiyā vāti mañjaṭṭhirukkhasāraṃ gahetvā pakkakasāvaṃ sandhāya vadati. Salākahatthanti tālahīrādīnaṃ kalāpassetaṃ adhivacanaṃ. Bahūsu salākāsu visesarahitaṃ ekaṃ salākaṃ gahetvā tāsu pakkhipitvā puna taṃyeva uddharantā salākahatthena kīḷantīti keci. Paṇṇena vaṃsākārena katā nāḷikā paṇṇanāḷikā. Tenevāha ‘‘taṃ dhamantā’’ti. Pucchantassa mukhāgataṃ akkharaṃ gahetvā naṭṭhamuṭṭhilābhālābhādijānanakīḷā akkharikātipi vadanti. Hatthisminti nimittatthe bhummaṃ, hatthinimittasippeti attho. Assasmintiādīsupi eseva nayo. ‘‘Usseḷenti apphoṭentī’’ti dvinnaṃ padānaṃ attho pākaṭoyevāti na vutto. Tattha usseḷentīti mukhena usseḷanasaddaṃ pamuñcanti, mahantaṃ katvā abyattasaddaṃ pavattentīti attho. ‘‘Ajānaṃ saññaṃ dentā ajapālakā viya mukhena vātaṃ nicchārentā sukhumaṃ abyattanādaṃ pavattentī’’tipi vadanti. Apphoṭentīti bhujahatthasaṅghaṭṭanasaddaṃ pavattenti, vāmahatthaṃ ure ṭhapetvā dakkhiṇena pāṇinā tattha tāḷanena saddaṃ karontīti attho. Mukhaḍiṇḍimanti mukhabheriyā etaṃ adhivacanaṃ.
432. басаад̣̇аавахзнаад̇и басаад̣̇аж̇ананагзна. абхиггаманам̣ абхигганд̇анд̇и ааха ‘‘г̇аманзнаа’’д̇и. бадиггаманам̣ бадигганд̇ам̣. нивад̇д̇анзнаад̇и нивад̇д̇имад̇д̇ам̣ д̣̇ассзд̇и. нивад̇д̇зд̇ваа бана г̇аманам̣ г̇аманамзва. абхимукам̣ логид̇ам̣ аалогид̇анд̇и ааха ‘‘бурад̇о д̣̇ассанзнаа’’д̇и. ид̇о жид̇о жа д̣̇ассанзнаад̇и ануд̣̇исаабзгканам̣ д̣̇ассзд̇и. яам̣д̣̇исаабхимуко г̇ажчад̇и д̇идтад̇и нисийд̣̇ад̇и, д̇ад̣̇абхимукам̣ бзгканам̣ аалогид̇ам̣, д̇ад̣̇ануг̇ад̇ад̣̇исаалоганам̣ ‘‘вилогид̇а’’нд̇и хи вужжад̇и. ан̃н̃ааниби хздтаа убари бажчад̇о бзгканавасзна ологид̇ауллогид̇аабалогид̇аани наама хонд̇и. д̇аани бана на саман̣асааруббаани аббасаад̣̇аавахаани, д̇знзвзд̇т̇а аалогид̇авилогид̇аанзва г̇ахид̇аани. д̇зсанд̇и самаасз г̇ун̣ийбхууд̇ааниби баб̣б̣аани бараамасад̇и. ‘‘баб̣б̣асан̇гожанзнаа’’д̇и хи вуд̇д̇ад̇д̇аа баб̣б̣аани д̇ад̇т̇а г̇ун̣ийбхууд̇аани сан̇гожанасса бад̇хаанад̇д̇аа. сад̇исамбаж̇ан̃н̃зхийд̇и саад̇т̇агад̇аад̣̇ибариг̇г̇аахигааяа сад̇ияаа д̇ат̇аабавад̇д̇асамбаж̇ан̃н̃зна жа саманд̇ад̇о багаарзхи, багадтам̣ ваа сависзсам̣ ж̇аанаад̇ийд̇и самбаж̇аано, д̇асса бхааво самбаж̇ан̃н̃ам̣. д̇ат̇аабавад̇д̇ан̃аан̣ассзд̇ам̣ ад̇хиважанам̣. абхисан̇кад̇ад̇д̇аад̇и саммаа бавад̇д̇ид̇ад̇д̇аа. хздтаакид̇д̇ажагкууд̇и канд̇хам̣ анаамзд̇ваава ад̇хокид̇д̇ажагку. канд̇хам̣ наамзд̇ваа хи хздтаавалоганам̣ на саман̣асааруббам̣. ‘‘огкид̇д̇ажагкуу’’д̇и жа иминаа яуг̇амад̇д̇ад̣̇ассид̇аа вуд̇д̇аа.
432.Pasādāvahenāti pasādajananakena. Abhikkamanaṃ abhikkantanti āha ‘‘gamanenā’’ti. Paṭikkamanaṃ paṭikkantaṃ. Nivattanenāti nivattimattaṃ dasseti. Nivattetvā pana gamanaṃ gamanameva. Abhimukhaṃ lokitaṃ ālokitanti āha ‘‘purato dassanenā’’ti. Ito cito ca dassanenāti anudisāpekkhanaṃ dasseti. Yaṃdisābhimukho gacchati tiṭṭhati nisīdati, tadabhimukhaṃ pekkhanaṃ ālokitaṃ, tadanugatadisālokanaṃ ‘‘vilokita’’nti hi vuccati. Aññānipi heṭṭhā upari pacchato pekkhanavasena olokitaullokitāpalokitāni nāma honti. Tāni pana na samaṇasāruppāni appasādāvahāni, tenevettha ālokitavilokitāneva gahitāni. Tesanti samāse guṇībhūtānipi pabbāni parāmasati. ‘‘Pabbasaṅkocanenā’’ti hi vuttattā pabbāni tattha guṇībhūtāni saṅkocanassa padhānattā. Satisampajaññehīti sātthakatādipariggāhikāya satiyā tathāpavattasampajaññena ca samantato pakārehi, pakaṭṭhaṃ vā savisesaṃ jānātīti sampajāno, tassa bhāvo sampajaññaṃ. Tathāpavattañāṇassetaṃ adhivacanaṃ. Abhisaṅkhatattāti sammā pavattitattā. Heṭṭhākhittacakkhūti khandhaṃ anāmetvāva adhokhittacakkhu. Khandhaṃ nāmetvā hi heṭṭhāvalokanaṃ na samaṇasāruppaṃ. ‘‘Okkhittacakkhū’’ti ca iminā yugamattadassitā vuttā.
б̣онд̣̇од̇и лоло манд̣̇ад̇хаад̇угод̇и ад̇т̇о. бхагудим̣ гад̇ваад̇и бхамугабхзд̣̇ам̣ гад̇ваа. саакалязна яуд̇д̇аад̇и ‘‘д̇ад̇т̇а гад̇амам̣ саакаляам̣? яаа саа ваажаа нзлаа ган̣н̣асукаа’’д̇иаад̣̇инаа (д̇ха. са. 1350) наязна вуд̇д̇асаакалязна саманнааг̇ад̇аа, муд̣̇уважанаад̇и ад̇т̇о. нзлаад̇и злам̣ вужжад̇и д̣̇осо, наассаа зланд̇и нзлаа, нид̣̇д̣̇осаад̇и ад̇т̇о. ган̣н̣асукаад̇и б̣яан̃ж̇анамад̇хурад̇ааяа ган̣н̣аанам̣ сукаа, суужинаа виж̇жханам̣ вияа ган̣н̣асуулам̣ на ж̇анзд̇и. д̣̇аананиб̣ад̣̇д̇хаанийд̇и ниб̣ад̣̇д̇хад̣̇аанаани.
Bondoti lolo mandadhātukoti attho. Bhakuṭiṃ katvāti bhamukabhedaṃ katvā. Sākhalyena yuttāti ‘‘tattha katamaṃ sākhalyaṃ? Yā sā vācā nelā kaṇṇasukhā’’tiādinā (dha. sa. 1350) nayena vuttasākhalyena samannāgatā, muduvacanāti attho. Nelāti elaṃ vuccati doso, nāssā elanti nelā, niddosāti attho. Kaṇṇasukhāti byañjanamadhuratāya kaṇṇānaṃ sukhā, sūcinā vijjhanaṃ viya kaṇṇasūlaṃ na janeti. Dānanibaddhānīti nibaddhadānāni.
‘‘саарибуд̇д̇амог̇г̇аллаанз ааманд̇зсий’’д̇и вад̇ваа ‘‘г̇ажчат̇а д̇умхз саарибуд̇д̇аа’’д̇и важанад̇о ‘‘саарибуд̇д̇аа’’д̇и ид̣̇ам̣ згасзсанаязна вуд̇д̇анд̇и аяамад̇т̇о баагадоязваад̇и на вуд̇д̇о. ‘‘саарибуд̇д̇аа’’д̇и хи ид̣̇ам̣ згасзсанаязна вуд̇д̇ам̣ вируубзгасзсассаби ижчид̇ад̇д̇аа, д̇знзвзд̇т̇а б̣ахуважананид̣̇д̣̇зсо гад̇од̇и. сад̣̇д̇хасса басаннассаад̇и рад̇анад̇д̇аяасса сад̣̇д̇хааяа саманнааг̇ад̇асса д̇ад̇оязва жа басаннасса, гаммапаласад̣̇д̇хааяа ваа саманнааг̇ад̇ад̇д̇аа сад̣̇д̇хасса рад̇анад̇д̇аяаббасаад̣̇аб̣ахулад̇ааяа басаннасса.
‘‘Sāriputtamoggallāne āmantesī’’ti vatvā ‘‘gacchatha tumhe sāriputtā’’ti vacanato ‘‘sāriputtā’’ti idaṃ ekasesanayena vuttanti ayamattho pākaṭoyevāti na vutto. ‘‘Sāriputtā’’ti hi idaṃ ekasesanayena vuttaṃ virūpekasesassapi icchitattā, tenevettha bahuvacananiddeso katoti. Saddhassa pasannassāti ratanattayassa saddhāya samannāgatassa tatoyeva ca pasannassa, kammaphalasaddhāya vā samannāgatattā saddhassa ratanattayappasādabahulatāya pasannassa.
433. аабад̇д̇им̣ робзд̇аб̣б̣аад̇и гулад̣̇уусагагаммзна аабаннаабад̇д̇им̣ робзд̇аб̣б̣аа. д̇асмим̣ вихаарзд̇и б̣ахиг̇аамз вихаарам̣ санд̇хааяа вуд̇д̇ам̣. анд̇ог̇аамз вихааро бана ‘‘д̇асмим̣ г̇аамз на васид̇аб̣б̣а’’нд̇и иминаава сан̇г̇ахид̇о г̇аамаг̇г̇ахан̣знзва г̇ахид̇ад̇д̇аа. ‘‘д̇асмим̣ вихаарз’’д̇и важанад̇о д̇асса г̇аамасса сааманд̇аа ан̃н̃асмим̣ вихаарз васид̇ум̣ ваддад̇и. сааманд̇аг̇аамз бин̣д̣ааяа на жарид̇аб̣б̣анд̇и д̇асмим̣ вихаарз ваасасса бадигкид̇д̇ад̇д̇аа яад̣̇и д̇ад̇т̇а васад̇и, д̇зна сааманд̇аг̇аамзби бин̣д̣ааяа на жарид̇аб̣б̣анд̇и ад̇хиббааяо. д̇асмим̣ г̇аамз бин̣д̣ааяа на жарид̇аб̣б̣анд̇и яасмим̣ г̇аамз гулад̣̇уусагагаммам̣ гад̇ам̣, д̇асмим̣ г̇аамз на жарид̇аб̣б̣ам̣. яасмин̃хи г̇аамз ваа ниг̇амз ваа гулад̣̇уусагагаммам̣ гад̇ам̣, яасмин̃жа вихаарз васад̇и, нзва д̇асмим̣ г̇аамз ваа ниг̇амз ваа жарид̇ум̣ лаб̣бхад̇и, на вихаарз васид̇ум̣. сааманд̇авихаарз васанд̇зна бана сааманд̇аг̇аамз жарид̇ум̣ ваддад̇и д̇ад̇т̇а ваасасса аббадигкид̇д̇ад̇д̇аа.
433.Āpattiṃ ropetabbāti kuladūsakakammena āpannāpattiṃ ropetabbā. Tasmiṃ vihāreti bahigāme vihāraṃ sandhāya vuttaṃ. Antogāme vihāro pana ‘‘tasmiṃ gāme na vasitabba’’nti imināva saṅgahito gāmaggahaṇeneva gahitattā. ‘‘Tasmiṃ vihāre’’ti vacanato tassa gāmassa sāmantā aññasmiṃ vihāre vasituṃ vaṭṭati. Sāmantagāme piṇḍāya na caritabbanti tasmiṃ vihāre vāsassa paṭikkhittattā yadi tattha vasati, tena sāmantagāmepi piṇḍāya na caritabbanti adhippāyo. Tasmiṃ gāme piṇḍāya na caritabbanti yasmiṃ gāme kuladūsakakammaṃ kataṃ, tasmiṃ gāme na caritabbaṃ. Yasmiñhi gāme vā nigame vā kuladūsakakammaṃ kataṃ, yasmiñca vihāre vasati, neva tasmiṃ gāme vā nigame vā carituṃ labbhati, na vihāre vasituṃ. Sāmantavihāre vasantena pana sāmantagāme carituṃ vaṭṭati tattha vāsassa appaṭikkhittattā.
435. адтаараса вад̇д̇аанийд̇и ‘‘на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о, на сааман̣зро убадтаабзд̇аб̣б̣о, на бхигкуноваад̣̇агасаммуд̇и саад̣̇ид̇аб̣б̣аа, саммад̇зна бхигкунияо на овад̣̇ид̇аб̣б̣аа, яааяа аабад̇д̇ияаа сан̇гхзна баб̣б̣ааж̇анийяагаммам̣ гад̇ам̣ ход̇и, на саа аабад̇д̇и аабаж̇ж̇ид̇аб̣б̣аа ан̃н̃аа ваа д̇аад̣̇исигаа д̇ад̇о ваа баабидтад̇араа, гаммам̣ на г̇арахид̇аб̣б̣ам̣, гаммигаа на г̇арахид̇аб̣б̣аа, на багад̇ад̇д̇асса бхигкуно убосат̇о табзд̇аб̣б̣о, на бавааран̣аа табзд̇аб̣б̣аа, на саважанийяам̣ гаад̇аб̣б̣ам̣, на ануваад̣̇о табзд̇аб̣б̣о, на огаасо гаарзд̇аб̣б̣о, на жод̣̇зд̇аб̣б̣о, на саарзд̇аб̣б̣о, на бхигкуухи самбаяож̇зд̇аб̣б̣а’’нд̇и звамааг̇ад̇аани адтаараса вад̇д̇аани.
435.Aṭṭhārasavattānīti ‘‘na upasampādetabbaṃ, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatena bhikkhuniyo na ovaditabbā, yāya āpattiyā saṅghena pabbājanīyakammaṃ kataṃ hoti, na sā āpatti āpajjitabbā aññā vā tādisikā tato vā pāpiṭṭhatarā, kammaṃ na garahitabbaṃ, kammikā na garahitabbā, na pakatattassa bhikkhuno uposatho ṭhapetabbo, na pavāraṇā ṭhapetabbā, na savacanīyaṃ kātabbaṃ, na anuvādo ṭhapetabbo, na okāso kāretabbo, na codetabbo, na sāretabbo, na bhikkhūhi sampayojetabba’’nti evamāgatāni aṭṭhārasa vattāni.
ассаж̇ибунаб̣б̣асугаббад̇хаанаа ассаж̇ибунаб̣б̣асугаад̇и вуд̇д̇аа сахажаран̣ан̃ааязна. ануломабадибад̣̇ам̣ аббадибаж̇ж̇анад̇ааяаад̇и яат̇аабан̃н̃ад̇д̇асаммаавад̇д̇асан̇каад̇ам̣ ануломабадибад̣̇ам̣ аббадибаж̇ж̇анад̇ааяа, язна вад̇д̇зна жин̣н̣зна сан̇гхо ануломиго ход̇и, д̇асмим̣ авад̇д̇анад̇од̇и вуд̇д̇ам̣ ход̇и. на банналомаа хонд̇ийд̇и бад̇ид̇аломаа на хонд̇и, анугуулавуд̇д̇ино на хонд̇ийд̇и ад̇т̇о. нид̇т̇аран̣амаг̇г̇ам̣ на бадибаж̇ж̇анд̇ийд̇и ануломавад̇д̇асан̇каад̇ам̣ нид̇т̇аран̣уубааяам̣ на бадибаж̇ж̇анд̇и, язна вад̇д̇зна жин̣н̣зна саабад̇д̇игабхаавад̇о нид̇д̇ин̣н̣аа хонд̇и, д̇асмим̣ нид̇т̇аран̣агавад̇д̇асмим̣ на вад̇д̇анд̇и, аабад̇д̇ивудтаанад̇т̇ам̣ д̇урид̇ад̇урид̇аа чанд̣̇аж̇аад̇аа на хонд̇ийд̇и вуд̇д̇ам̣ ход̇и. д̣̇асахи аггосавад̇т̇уухийд̇и ж̇аад̇инаамаг̇од̇д̇агаммасиббаааб̣аад̇халин̇г̇агилзсааабад̇д̇ихийнасан̇каад̇зхид̣̇асахи аггосагааран̣зхи. чанд̣̇аг̇аамид̇аа баабзнд̇ийд̇иаад̣̇ийсу яа-гааро ‘‘саяам̣ абхин̃н̃аа’’д̇иаад̣̇ийсу вияа луд̇д̇анид̣̇д̣̇идтод̇и ааха ‘‘чанд̣̇аг̇аамид̇ааяаби баабзнд̇ий’’д̇иаад̣̇и. д̇зсанд̇и ассаж̇ибунаб̣б̣асугаанам̣ г̇ан̣абаамогкаанам̣.
Assajipunabbasukappadhānā assajipunabbasukāti vuttā sahacaraṇañāyena. Anulomapaṭipadaṃ appaṭipajjanatāyāti yathāpaññattasammāvattasaṅkhātaṃ anulomapaṭipadaṃ appaṭipajjanatāya, yena vattena ciṇṇena saṅgho anulomiko hoti, tasmiṃ avattanatoti vuttaṃ hoti. Na pannalomā hontīti patitalomā na honti, anukūlavuttino na hontīti attho. Nittharaṇamaggaṃ na paṭipajjantīti anulomavattasaṅkhātaṃ nittharaṇūpāyaṃ na paṭipajjanti, yena vattena ciṇṇena sāpattikabhāvato nittiṇṇā honti, tasmiṃ nittharaṇakavattasmiṃ na vattanti, āpattivuṭṭhānatthaṃ turitaturitā chandajātā na hontīti vuttaṃ hoti. Dasahi akkosavatthūhīti jātināmagottakammasippaābādhaliṅgakilesaāpattihīnasaṅkhātehidasahi akkosakāraṇehi. Chandagāmitā pāpentītiādīsu ya-kāro ‘‘sayaṃ abhiññā’’tiādīsu viya luttaniddiṭṭhoti āha ‘‘chandagāmitāyapi pāpentī’’tiādi. Tesanti assajipunabbasukānaṃ gaṇapāmokkhānaṃ.
436-437. ниг̇амасса абаагадад̇д̇аа д̇ам̣ д̣̇ассзд̇ум̣ ‘‘д̇ад̇т̇аа’’д̇иаад̣̇имааха. барасанд̇агам̣ д̣̇зд̇и, д̣̇уггадамзваад̇и виссаасаг̇г̇аахзна барасанд̇агам̣ г̇ахзд̇ваа д̣̇знд̇ам̣ санд̇хааяа вуд̇д̇ам̣. д̇ан̃жа ко вад̇т̇убууж̇анад̇т̇ааяаад̇и маад̇аабид̇уунамби д̣̇знд̇зна вад̇т̇убууж̇анад̇т̇ааяа зва д̣̇аад̇аб̣б̣анд̇и д̣̇ассзд̇и. ‘‘ман̣д̣анад̇т̇ааяа бана сивалин̇г̇аад̣̇ибууж̇анад̇т̇ааяаад̇и зд̇д̇агамзва вуд̇д̇ад̇д̇аа имам̣ виггин̣ид̇ваа ж̇ийвигамби габбзссанд̇ийд̇и маад̇уаад̣̇ийнам̣ д̣̇аад̇ум̣ ваддад̇ий’’д̇и вад̣̇анд̇и. гассажибийд̇и н̃аад̇агасса ан̃н̃аад̇агасса ваа гассажиби. н̃аад̇исааман̣зрзхзваад̇и анужчавигад̇д̇аа вуд̇д̇ам̣. самбад̇д̇аанам̣ сааман̣зраанам̣ убад̣дхабхааг̇ам̣ д̣̇аад̇ум̣ ваддад̇ийд̇и сан̇гхигасса лаабхасса убажаарасиймаг̇ад̇аанам̣ сааман̣зраанамби санд̇агад̇д̇аа д̇зсамби убад̣дхабхааг̇о лаб̣бхад̇зваад̇и гад̇ваа вуд̇д̇ам̣. жуул̣аганд̇и убад̣дхабхааг̇ад̇оби убад̣дхам̣. жад̇уд̇т̇абхааг̇ассзд̇ам̣ ад̇хиважанам̣.
436-437. Nigamassa apākaṭattā taṃ dassetuṃ ‘‘tatthā’’tiādimāha. Parasantakaṃ deti, dukkaṭamevāti vissāsaggāhena parasantakaṃ gahetvā dentaṃ sandhāya vuttaṃ. Tañca kho vatthupūjanatthāyāti mātāpitūnampi dentena vatthupūjanatthāya eva dātabbanti dasseti. ‘‘Maṇḍanatthāya pana sivaliṅgādipūjanatthāyāti ettakameva vuttattā imaṃ vikkiṇitvā jīvikampi kappessantīti mātuādīnaṃ dātuṃ vaṭṭatī’’ti vadanti. Kassacipīti ñātakassa aññātakassa vā kassacipi. Ñātisāmaṇerehevāti anucchavikattā vuttaṃ. Sampattānaṃ sāmaṇerānaṃ upaḍḍhabhāgaṃ dātuṃ vaṭṭatīti saṅghikassa lābhassa upacārasīmagatānaṃ sāmaṇerānampi santakattā tesampi upaḍḍhabhāgo labbhatevāti katvā vuttaṃ. Cūḷakanti upaḍḍhabhāgatopi upaḍḍhaṃ. Catutthabhāgassetaṃ adhivacanaṃ.
‘‘сааман̣зраа…бз… табзнд̇ий’’д̇и ид̣̇ам̣ вассаг̇г̇зна абхааж̇ияам̣ санд̇хааяа вуд̇д̇ам̣. д̇ад̇т̇а д̇ад̇т̇аад̇и маг̇г̇з ваа жзд̇ияан̇г̇ан̣з ваа. д̣̇аабзд̇ум̣ на лабханд̇ийд̇и сааман̣зрзхи д̣̇аабзд̇ум̣ ананужчавигад̇д̇аа вуд̇д̇ам̣. на хи д̇ам̣ бубпад̣̇аанам̣ наама сияаа. яад̣̇и хи д̇ат̇аа ааг̇ад̇аанам̣ д̇зсам̣ д̣̇аанам̣ бубпад̣̇аанам̣ бхавзяяа, сааман̣зрзхиби д̣̇аад̇ум̣ на лаб̣бхзяяа. саяамзваад̇и сааман̣зраа саяамзва. яааг̇убхад̇д̇аад̣̇ийни аад̣̇ааяаад̇и ид̣̇ам̣ бхигкуунам̣ ад̇т̇ааяа яааг̇убхад̇д̇аад̣̇исамбаад̣̇анам̣ санд̇хааяа вуд̇д̇ад̇д̇аа ‘‘на ваддад̇ий’’д̇и ависзсзна вуд̇д̇ам̣.
‘‘Sāmaṇerā…pe… ṭhapentī’’ti idaṃ vassaggena abhājiyaṃ sandhāya vuttaṃ. Tattha tatthāti magge vā cetiyaṅgaṇe vā. Dāpetuṃ na labhantīti sāmaṇerehi dāpetuṃ ananucchavikattā vuttaṃ. Na hi taṃ pupphadānaṃ nāma siyā. Yadi hi tathā āgatānaṃ tesaṃ dānaṃ pupphadānaṃ bhaveyya, sāmaṇerehipi dātuṃ na labbheyya. Sayamevāti sāmaṇerā sayameva. Yāgubhattādīni ādāyāti idaṃ bhikkhūnaṃ atthāya yāgubhattādisampādanaṃ sandhāya vuttattā ‘‘na vaṭṭatī’’ti avisesena vuttaṃ.
вуд̇д̇анаязнзваад̇и маад̇аабид̇уунам̣ д̇аава харид̇вааби хараабзд̇вааби баггосид̇вааби баггосаабзд̇вааби д̣̇аад̇ум̣ ваддад̇и, сзсан̃аад̇агаанам̣ баггосаабзд̇ваава. маад̇аабид̇уунан̃жа хараабзнд̇зна н̃аад̇исааман̣зрзхзва хараабзд̇аб̣б̣ам̣, ид̇арз бана яад̣̇и саяамзва ижчанд̇и, ваддад̇ийд̇и имам̣ бубпз вуд̇д̇анаяам̣ палзби ад̇ид̣̇исад̇и, д̇асмаа паламби маад̇аабид̇уунам̣ харан̣ахараабанаад̣̇инаа д̣̇аад̇ум̣ ваддад̇и, сзсан̃аад̇ийнам̣ баггосаабзд̇ваава. ид̣̇аани ‘‘яо харид̇ваа ваа хараабзд̇ваа ваа…бз… иссаравад̇ааяа д̣̇ад̣̇ад̇о т̇уллажжаяа’’нд̇и имам̣ бубпз вуд̇д̇анаяам̣ палзби сан̇кибид̇ваа д̣̇ассзнд̇о ‘‘гуласан̇г̇ахад̇т̇ааяа банаа’’д̇иаад̣̇имааха. кийн̣абариб̣б̣аяаананд̇и ааг̇анд̇угз санд̇хааяа вуд̇д̇ам̣. палабарижчзд̣̇зна ваад̇и ‘‘зд̇д̇агаани палаани д̣̇аад̇аб̣б̣ааний’’д̇и звам̣ палабарижчзд̣̇зна ваа. ругкабарижчзд̣̇зна ваад̇и ‘‘имзхи ругкзхи д̣̇аад̇аб̣б̣ааний’’д̇и звам̣ ругкабарижчзд̣̇зна ваа. барижчиннзсуби ругкзсу ‘‘ид̇ха палаани сунд̣̇араани, ид̇о г̇ан̣хат̇аа’’д̇и вад̣̇анд̇зна гуласан̇г̇ахо гад̇о наама ход̇ийд̇и ааха ‘‘звам̣ бана на вад̇д̇аб̣б̣а’’нд̇и.
Vuttanayenevāti mātāpitūnaṃ tāva haritvāpi harāpetvāpi pakkositvāpi pakkosāpetvāpi dātuṃ vaṭṭati, sesañātakānaṃ pakkosāpetvāva. Mātāpitūnañca harāpentena ñātisāmaṇereheva harāpetabbaṃ, itare pana yadi sayameva icchanti, vaṭṭatīti imaṃ pupphe vuttanayaṃ phalepi atidisati, tasmā phalampi mātāpitūnaṃ haraṇaharāpanādinā dātuṃ vaṭṭati, sesañātīnaṃ pakkosāpetvāva. Idāni ‘‘yo haritvā vā harāpetvā vā…pe… issaravatāya dadato thullaccaya’’nti imaṃ pupphe vuttanayaṃ phalepi saṅkhipitvā dassento ‘‘kulasaṅgahatthāya panā’’tiādimāha. Khīṇaparibbayānanti āgantuke sandhāya vuttaṃ. Phalaparicchedena vāti ‘‘ettakāni phalāni dātabbānī’’ti evaṃ phalaparicchedena vā. Rukkhaparicchedena vāti ‘‘imehi rukkhehi dātabbānī’’ti evaṃ rukkhaparicchedena vā. Paricchinnesupi rukkhesu ‘‘idha phalāni sundarāni, ito gaṇhathā’’ti vadantena kulasaṅgaho kato nāma hotīti āha ‘‘evaṃ pana na vattabba’’nti.
ругкажчаллийд̇и ругкад̇д̇ажо. д̇зсам̣ д̇зсам̣ г̇ихийнам̣ г̇ааманд̇арад̣̇зсанд̇араад̣̇ийсу саасанабадисаасанахаран̣ам̣ ж̇ан̇гхабзсанигам̣. д̇знааха ‘‘г̇ихийнам̣ д̣̇ууд̇зяяам̣ саасанахаран̣агамма’’нд̇и. д̣̇ууд̇асса гаммам̣ д̣̇ууд̇зяяам̣. батамам̣ саасанам̣ аг̇г̇ахзд̇вааби…бз… бад̣̇з бад̣̇з д̣̇уггаданд̇и ид̣̇ам̣ д̇асса саасанам̣ аарожзссаамийд̇и иминаа ад̇хиббааязна г̇аманам̣ санд̇хааяа вуд̇д̇ам̣, д̇асса бана саасанам̣ бадигкибид̇ваа саяамзва гаарун̃н̃з тид̇о г̇анд̇ваа ад̇д̇ано бад̇ируубам̣ саасанам̣ аарожзд̇и, анаабад̇д̇и. буб̣б̣з вуд̇д̇аббагааранд̇и ‘‘мама важанзна бхаг̇авад̇о баад̣̇з ванд̣̇ат̇аа’’д̇иаад̣̇инаа вуд̇д̇аббагаарам̣ сигкаабад̣̇з батамам̣ вуд̇д̇ам̣. баггамад̇ааяасмаад̇и ид̣̇ам̣ баб̣б̣ааж̇анийяагаммавасзна вуд̇д̇ам̣. буна баггамад̇ааяасмаад̇и ид̣̇ам̣ бана баб̣б̣ааж̇анийяагаммагад̇асса вад̇д̇авасзна вуд̇д̇ам̣. батамасан̇гхабхзд̣̇асад̣̇исаанзваад̇и зд̇т̇а ан̇г̇зсуби яат̇аа д̇ад̇т̇а бараггаманам̣, звам̣ ид̇ха чанд̣̇аад̣̇ийхи баабанам̣ д̣̇адтаб̣б̣ам̣. сзсам̣ д̇аад̣̇исамзваад̇и.
Rukkhacchallīti rukkhattaco. Tesaṃ tesaṃ gihīnaṃ gāmantaradesantarādīsu sāsanapaṭisāsanaharaṇaṃ jaṅghapesanikaṃ. Tenāha ‘‘gihīnaṃ dūteyyaṃ sāsanaharaṇakamma’’nti. Dūtassa kammaṃ dūteyyaṃ. Paṭhamaṃ sāsanaṃ aggahetvāpi…pe… pade pade dukkaṭanti idaṃ tassa sāsanaṃ ārocessāmīti iminā adhippāyena gamanaṃ sandhāya vuttaṃ, tassa pana sāsanaṃ paṭikkhipitvā sayameva kāruññe ṭhito gantvā attano patirūpaṃ sāsanaṃ āroceti, anāpatti. Pubbe vuttappakāranti ‘‘mama vacanena bhagavato pāde vandathā’’tiādinā vuttappakāraṃ sikkhāpade paṭhamaṃ vuttaṃ. Pakkamatāyasmāti idaṃ pabbājanīyakammavasena vuttaṃ. Puna pakkamatāyasmāti idaṃ pana pabbājanīyakammakatassa vattavasena vuttaṃ. Paṭhamasaṅghabhedasadisānevāti ettha aṅgesupi yathā tattha parakkamanaṃ, evaṃ idha chandādīhi pāpanaṃ daṭṭhabbaṃ. Sesaṃ tādisamevāti.
гулад̣̇уусагасигкаабад̣̇аван̣н̣анаа нидтид̇аа.
Kuladūsakasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 13. гулад̣̇уусагасигкаабад̣̇ам̣ • 13. Kuladūsakasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
