| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
13. гулад̣̇уусагасигкаабад̣̇аван̣н̣анаа
13. Kuladūsakasikkhāpadavaṇṇanā
431. на гзвалам̣ вихааро зва гийдааг̇ири, соби г̇аамо ‘‘гийдааг̇ири’’жжзва вужжад̇и. г̇ааман̃хи санд̇хааяа барад̇о ‘‘на ассаж̇ибунаб̣б̣асугзхи бхигкуухи гийдааг̇ирисмим̣ вад̇т̇аб̣б̣а’’нд̇и вуд̇д̇ам̣. згасам̣важчарз д̣̇вигкад̇д̇ум̣ вассад̇и гира, д̇ам̣ санд̇хааяа ‘‘д̣̇вийхи мзгхзхий’’д̇и вуд̇д̇ам̣. самад̇хиганд̇и ча ж̇анз санд̇хааяа. агад̇авад̇т̇унд̇и навам̣ адтуббад̇д̇им̣. ‘‘ж̇аабхисуманаад̣̇иг̇ажчам̣ аллаанам̣ харид̇аанам̣ зваа’’д̇и ликид̇ам̣. бхууд̇аг̇аамаб̣ийж̇аг̇аамабхзд̣̇ад̇о банзса бхзд̣̇о. вад̇ад̇т̇ааяаад̇и вад̇иад̇т̇ааяа. яам̣гин̃жийд̇и сод̣̇агам̣ ваа нируд̣̇агам̣ ваа. аараамаад̣̇иад̇т̇ааяаад̇и ванарааж̇игаад̣̇иад̇т̇ааяа. маалааважчаробанам̣ гулад̣̇уусагам̣язва санд̇хааяа, г̇ант̇анаад̣̇исаб̣б̣ам̣ на санд̇хааяа вуд̇д̇анд̇и. гат̇ам̣ бан̃н̃ааяад̇ийд̇и жз? д̇ам̣ д̣̇ассзд̇ум̣ ‘‘б̣уд̣̇д̇хзна д̇хаммо’’д̇иаад̣̇и. ‘‘аавзл̣ам̣ ааб̣ил̣а’’нд̇иби баато.
431. Na kevalaṃ vihāro eva kīṭāgiri, sopi gāmo ‘‘kīṭāgiri’’cceva vuccati. Gāmañhi sandhāya parato ‘‘na assajipunabbasukehi bhikkhūhi kīṭāgirismiṃ vatthabba’’nti vuttaṃ. Ekasaṃvacchare dvikkhattuṃ vassati kira, taṃ sandhāya ‘‘dvīhi meghehī’’ti vuttaṃ. Samadhikanti cha jane sandhāya. Akatavatthunti navaṃ aṭṭhuppattiṃ. ‘‘Jābhisumanādigacchaṃ allānaṃ haritānaṃ evā’’ti likhitaṃ. Bhūtagāmabījagāmabhedato panesa bhedo. Vatatthāyāti vatiatthāya. Yaṃkiñcīti sodakaṃ vā nirudakaṃ vā. Ārāmādiatthāyāti vanarājikādiatthāya. Mālāvaccharopanaṃ kuladūsakaṃyeva sandhāya, ganthanādisabbaṃ na sandhāya vuttanti. Kathaṃ paññāyatīti ce? Taṃ dassetuṃ ‘‘buddhena dhammo’’tiādi. ‘‘Āveḷaṃ ābiḷa’’ntipi pāṭho.
г̇обпананд̇и г̇ант̇анам̣. взтиманд̇и д̇аг̇г̇ад̇игамзва. взд̇химам̣ ан̃н̃зна гзнажи бубпам̣ взд̇хзд̇ваа гад̇ам̣ . ган̣дагамби б̣анд̇хид̇унд̇и зд̇т̇а ‘‘саяам̣ виж̇жханад̇т̇ам̣ на ваддад̇и. ан̃н̃ассад̇т̇ааяа ваддад̇ий’’д̇и вад̣̇анд̇и. ж̇ааламаяам̣ вид̇аанам̣ ж̇аалавид̇аанам̣. бубпабадижчагам̣ г̇авагкам̣ вияа сачид̣̇д̣̇ам̣ гаронд̇и. д̇аалабан̣н̣аг̇ул̣аганд̇и д̇аалабан̣н̣амаяам̣ буна гад̇амби бадичиж̇ж̇агамзва. д̇хаммараж̇ж̇у жзд̇ияам̣ ваа б̣од̇хим̣ ваа бубпаббавзсанад̇т̇ам̣ аавиж̇жхид̇ваа б̣ад̣̇д̇хараж̇ж̇у. ‘‘гаасаавзна б̣ад̣̇д̇хамби суд̇д̇аваагаад̣̇ийхи б̣ад̣̇д̇хам̣ бхан̣д̣ид̇асад̣̇иса’’нд̇и ликид̇ам̣. ам̣сабхан̣д̣игам̣ басиб̣б̣агз багкид̇д̇асад̣̇исад̇д̇аа взд̇химам̣ на ж̇аад̇ам̣, д̇асмаа ‘‘сит̇илаб̣ад̣̇д̇хасса анд̇аранд̇араа багкибид̇ум̣ на ваддад̇ий’’д̇и вад̣̇анд̇и. ‘‘ан̃н̃аман̃н̃ам̣ апусаабзд̇ваа анзгагкад̇д̇умби баригкибид̇ум̣ ваддад̇ий’’д̇и вад̣̇анд̇и. буурид̇анд̇и д̣̇ийгхад̇о басаарзд̇ваа буурид̇ам̣. гхадигад̣̇аамаоламб̣агод̇и ‘‘яамагад̣̇аамаоламб̣аго’’д̇и ликид̇ам̣. ‘‘г̇зн̣д̣укарабад̇д̇ад̣̇аамаанам̣ бадигкид̇д̇ад̇д̇аа жзлаад̣̇ийхи гад̇ад̣̇аамамби на ваддад̇и агаббияаануломад̇д̇аа’’д̇и вад̣̇анд̇и.
Gopphananti ganthanaṃ. Veṭhimanti taggatikameva. Vedhimaṃ aññena kenaci pupphaṃ vedhetvā kataṃ . Kaṇṭakampi bandhitunti ettha ‘‘sayaṃ vijjhanatthaṃ na vaṭṭati. Aññassatthāya vaṭṭatī’’ti vadanti. Jālamayaṃ vitānaṃ jālavitānaṃ. Pupphapaṭicchakaṃ gavakkhaṃ viya sachiddaṃ karonti. Tālapaṇṇaguḷakanti tālapaṇṇamayaṃ puna katampi paṭichijjakameva. Dhammarajju cetiyaṃ vā bodhiṃ vā pupphappavesanatthaṃ āvijjhitvā baddharajju. ‘‘Kāsāvena baddhampi suttavākādīhi baddhaṃ bhaṇḍitasadisa’’nti likhitaṃ. Aṃsabhaṇḍikaṃ pasibbake pakkhittasadisattā vedhimaṃ na jātaṃ, tasmā ‘‘sithilabaddhassa antarantarā pakkhipituṃ na vaṭṭatī’’ti vadanti. ‘‘Aññamaññaṃ aphusāpetvā anekakkhattumpi parikkhipituṃ vaṭṭatī’’ti vadanti. Pūritanti dīghato pasāretvā pūritaṃ. Ghaṭikadāmaolambakoti ‘‘yamakadāmaolambako’’ti likhitaṃ. ‘‘Geṇḍukharapattadāmānaṃ paṭikkhittattā celādīhi katadāmampi na vaṭṭati akappiyānulomattā’’ti vadanti.
‘‘рзжагам̣ наама д̇ат̇аалаасияанааданадаанам̣ нажжа’’нд̇и ликид̇ам̣. д̇ам̣ ‘‘баривад̇д̇анд̇ий’’д̇и вуд̇д̇ам̣. ‘‘саарияо наама руд̇асунакаа син̇г̇аалагаммагурун̇г̇агзл̣ибанз тид̇аа’’д̇и гира баато. ‘‘ниб̣уж̇жханд̇ий’’д̇и баал̣и.
‘‘Recakaṃ nāma tathālāsiyanāṭanaṭānaṃ nacca’’nti likhitaṃ. Taṃ ‘‘parivattantī’’ti vuttaṃ. ‘‘Sāriyo nāma rutasunakhā siṅgālakammakuruṅgakeḷipane ṭhitā’’ti kira pāṭho. ‘‘Nibujjhantī’’ti pāḷi.
432. аб̣алаб̣алаад̣̇и-бад̣̇аанам̣ уббадибаадияаа. яат̇аа баамогкаанам̣ васзна саб̣б̣зби ‘‘ассаж̇ибунаб̣б̣асугаа’’д̇и вуд̇д̇аа, д̇ат̇аа баамогкаббад̇д̇асаавагасса васзна д̇ад̣̇ааяад̇д̇авуд̇д̇инз саб̣б̣зби ‘‘саарибуд̇д̇аа’’д̇и. д̇зна вуд̇д̇ам̣ ‘‘г̇ажчат̇а д̇умхз саарибуд̇д̇аа’’д̇и.
432.Abalabalādi-padānaṃ uppaṭipāṭiyā. Yathā pāmokkhānaṃ vasena sabbepi ‘‘assajipunabbasukā’’ti vuttā, tathā pāmokkhappattasāvakassa vasena tadāyattavuttine sabbepi ‘‘sāriputtā’’ti. Tena vuttaṃ ‘‘gacchatha tumhe sāriputtā’’ti.
433. ‘‘г̇аамз ваа на васид̇аб̣б̣а’’нд̇и иминаава д̇асмим̣ г̇аамз ан̃н̃ад̇т̇а на васид̇аб̣б̣анд̇и сид̣̇д̇хам̣. ‘‘д̇асмим̣ вихаарз ваа’’д̇и гасмаа вуд̇д̇анд̇и жз? ад̇т̇асаб̣бхаавад̇о. яасмин̃хи г̇аамз гулад̣̇уусагагаммам̣ гад̇ам̣, д̇асмим̣ г̇аамз, яасмим̣ вихаарз васанд̇зна гулад̣̇уусанам̣ гад̇ам̣, д̇ам̣ вихаарам̣ табзд̇ваа ан̃н̃асмим̣ васид̇ум̣ на ваддад̇ийд̇и д̣̇ассанад̇т̇ам̣. д̇ам̣ гат̇анд̇и жз? ‘‘г̇аамз ваа на васид̇аб̣б̣а’’нд̇и важанзна яасмим̣ г̇аамз гулад̣̇уусанагаммам̣ гад̇ам̣, д̇асмим̣ вихаарзби васид̇ум̣ на лаб̣бхад̇ийд̇и аабаннам̣, д̇ам̣ д̣̇исваа ‘‘д̇асмим̣ вихаарз’’д̇и вуд̇д̇ам̣, д̇зна д̇асмим̣ г̇аамз ан̃н̃асмим̣ васид̇ум̣ лаб̣бхад̇ийд̇и сид̣̇д̇хам̣. ‘‘д̇асмим̣ вихаарз васанд̇знаа’’д̇и иминаа д̇асмим̣ г̇аамз ан̃н̃ад̇т̇а васанд̇зна сааманд̇аг̇аамз бин̣д̣ааяа жарид̇ум̣ ваддад̇ийд̇и д̣̇ийбид̇ам̣ ход̇и. сааманд̇авихаарзбийд̇и сааманд̇авихааро наама д̇асмим̣язва г̇аамз д̇асса вихаарасса сааманд̇авихааро жа д̇асса г̇аамасса сааманд̇авихааро жаад̇и убхаяам̣ вужжад̇и, зд̇зна д̇асмим̣ г̇аамз ан̃н̃ад̇т̇а васанд̇зна д̇асмим̣ г̇аамз бин̣д̣ааяа на жарид̇аб̣б̣ам̣. сааманд̇аг̇аамзби бин̣д̣ааяа жарид̇ум̣ ваддад̇и, буна яасмим̣ г̇аамз гулад̣̇уусанагаммам̣ гад̇ам̣, д̇асса сааманд̇аг̇аамз гулад̣̇уусагавихаарасса сааманд̇авад̇т̇увихаарз васанд̇зна д̇асмим̣ г̇аамзби жарид̇ум̣ ваддад̇и. яасмим̣ сааманд̇аг̇аамз гулад̣̇уусагам̣ на гад̇ам̣, д̇асмимби жарид̇ум̣ ваддад̇и, нзва вихаарзд̇и ад̇хиббааяо. ‘‘на наг̇арз жарид̇у’’нд̇и вуд̇д̇ад̇д̇аа ан̃н̃асмим̣ вихаарз д̇асмим̣ г̇аамз васид̇ум̣ ваддад̇ийд̇и д̣̇ийбид̇ам̣ ход̇ийд̇и згз. г̇ан̣тибад̣̇зсу бана вижааран̣аа зва над̇т̇и, д̇асмаа судту вижаарзд̇ваа гат̇зд̇аб̣б̣ам̣.
433. ‘‘Gāme vā na vasitabba’’nti imināva tasmiṃ gāme aññattha na vasitabbanti siddhaṃ. ‘‘Tasmiṃ vihāre vā’’ti kasmā vuttanti ce? Atthasabbhāvato. Yasmiñhi gāme kuladūsakakammaṃ kataṃ, tasmiṃ gāme, yasmiṃ vihāre vasantena kuladūsanaṃ kataṃ, taṃ vihāraṃ ṭhapetvā aññasmiṃ vasituṃ na vaṭṭatīti dassanatthaṃ. Taṃ kathanti ce? ‘‘Gāme vā na vasitabba’’nti vacanena yasmiṃ gāme kuladūsanakammaṃ kataṃ, tasmiṃ vihārepi vasituṃ na labbhatīti āpannaṃ, taṃ disvā ‘‘tasmiṃ vihāre’’ti vuttaṃ, tena tasmiṃ gāme aññasmiṃ vasituṃ labbhatīti siddhaṃ. ‘‘Tasmiṃ vihāre vasantenā’’ti iminā tasmiṃ gāme aññattha vasantena sāmantagāme piṇḍāya carituṃ vaṭṭatīti dīpitaṃ hoti. Sāmantavihārepīti sāmantavihāro nāma tasmiṃyeva gāme tassa vihārassa sāmantavihāro ca tassa gāmassa sāmantavihāro cāti ubhayaṃ vuccati, etena tasmiṃ gāme aññattha vasantena tasmiṃ gāme piṇḍāya na caritabbaṃ. Sāmantagāmepi piṇḍāya carituṃ vaṭṭati, puna yasmiṃ gāme kuladūsanakammaṃ kataṃ, tassa sāmantagāme kuladūsakavihārassa sāmantavatthuvihāre vasantena tasmiṃ gāmepi carituṃ vaṭṭati. Yasmiṃ sāmantagāme kuladūsakaṃ na kataṃ, tasmimpi carituṃ vaṭṭati, neva vihāreti adhippāyo. ‘‘Nanagare caritu’’nti vuttattā aññasmiṃ vihāre tasmiṃ gāme vasituṃ vaṭṭatīti dīpitaṃ hotīti eke. Gaṇṭhipadesu pana vicāraṇā eva natthi, tasmā suṭṭhu vicāretvā kathetabbaṃ.
436-7. д̣̇аабзд̇ум̣ на лабханд̇и, бубпад̣̇аанан̃хи сияаа. д̇ассзва на габбад̇ийд̇и зд̇т̇а яааг̇уаад̣̇ийни аанзд̇ваа ‘‘д̣̇ад̣̇анд̇уу’’д̇и ижчаавасзна вад̣̇ад̇и жз, саб̣б̣зсам̣ на габбад̇и, гзвалам̣ бана суд̣̇д̇хажид̇д̇зна ад̇д̇аанам̣ ваа барзсам̣ ваа ануд̣̇д̣̇исид̇ваа ‘‘имз мануссаа д̣̇аанам̣ д̣̇ад̇ваа бун̃н̃ам̣ басаванд̇уу’’д̇и вад̣̇анд̇асса д̇ассзва на габбад̇и яааг̇уаад̣̇ийнам̣ бажжаяабадисам̣яуд̇д̇агат̇ааяа уббаннад̇д̇аа. махааадтагат̇ааяамби ‘‘бан̃жаннамби сахад̇хаммигаана’’нд̇и висзсзд̇ваа авуд̇д̇ад̇д̇аа ад̇т̇ад̇о саяамзваад̇и абарз. аажарияаа бана ‘‘яат̇аа махаабажжарияам̣, гурунд̣̇ияан̃жа ‘д̇ассзваа’д̇и висзсзд̇ваа вуд̇д̇ам̣, звам̣ махааадтагат̇ааяам̣ висзсзд̇ваа на вуд̇д̇ам̣, д̇асмаа саб̣б̣зсам̣ на габбад̇ий’’д̇и вад̣̇анд̇и.
436-7.Dāpetuṃ na labhanti, pupphadānañhi siyā. Tasseva na kappatīti ettha yāguādīni ānetvā ‘‘dadantū’’ti icchāvasena vadati ce, sabbesaṃ na kappati, kevalaṃ pana suddhacittena attānaṃ vā paresaṃ vā anuddisitvā ‘‘ime manussā dānaṃ datvā puññaṃ pasavantū’’ti vadantassa tasseva na kappati yāguādīnaṃ paccayapaṭisaṃyuttakathāya uppannattā. Mahāaṭṭhakathāyampi ‘‘pañcannampi sahadhammikāna’’nti visesetvā avuttattā atthato sayamevāti apare. Ācariyā pana ‘‘yathā mahāpaccariyaṃ, kurundiyañca ‘tassevā’ti visesetvā vuttaṃ, evaṃ mahāaṭṭhakathāyaṃ visesetvā na vuttaṃ, tasmā sabbesaṃ na kappatī’’ti vadanti.
гулад̣̇уусагасигкаабад̣̇аван̣н̣анаа нидтид̇аа.
Kuladūsakasikkhāpadavaṇṇanā niṭṭhitā.
д̇зрасагаган̣д̣аван̣н̣анаа нидтид̇аа.
Terasakakaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 13. гулад̣̇уусагасигкаабад̣̇ам̣ • 13. Kuladūsakasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 13. гулад̣̇уусагасигкаабад̣̇аван̣н̣анаа • 13. Kuladūsakasikkhāpadavaṇṇanā
