| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৮. কুলঘরণীসুত্তং
8. Kulagharaṇīsuttaṃ
২২৮. একং সমযং অঞ্ঞতরো ভিক্খু কোসলেসু ৰিহরতি অঞ্ঞতরস্মিং ৰনসণ্ডে। তেন খো পন সমযেন সো ভিক্খু অঞ্ঞতরস্মিং কুলে অতিৰেলং অজ্ঝোগাল়্হপ্পত্তো ৰিহরতি। অথ খো যা তস্মিং ৰনসণ্ডে অধিৰত্থা দেৰতা তস্স ভিক্খুনো অনুকম্পিকা অত্থকামা তং ভিক্খুং সংৰেজেতুকামা যা তস্মিং কুলে কুলঘরণী, তস্সা ৰণ্ণং অভিনিম্মিনিত্ৰা যেন সো ভিক্খু তেনুপসঙ্কমি; উপসঙ্কমিত্ৰা তং ভিক্খুং গাথায অজ্ঝভাসি –
228. Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu aññatarasmiṃ kule ativelaṃ ajjhogāḷhappatto viharati. Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yā tasmiṃ kule kulagharaṇī, tassā vaṇṇaṃ abhinimminitvā yena so bhikkhu tenupasaṅkami; upasaṅkamitvā taṃ bhikkhuṃ gāthāya ajjhabhāsi –
‘‘নদীতীরেসু সণ্ঠানে, সভাসু রথিযাসু চ।
‘‘Nadītīresu saṇṭhāne, sabhāsu rathiyāsu ca;
জনা সঙ্গম্ম মন্তেন্তি, মঞ্চ তঞ্চ 1 কিমন্তর’’ন্তি॥
Janā saṅgamma mantenti, mañca tañca 2 kimantara’’nti.
‘‘বহূহি সদ্দা পচ্চূহা, খমিতব্বা তপস্সিনা।
‘‘Bahūhi saddā paccūhā, khamitabbā tapassinā;
ন তেন মঙ্কু হোতব্বং, ন হি তেন কিলিস্সতি॥
Na tena maṅku hotabbaṃ, na hi tena kilissati.
‘‘যো চ সদ্দপরিত্তাসী, ৰনে ৰাতমিগো যথা।
‘‘Yo ca saddaparittāsī, vane vātamigo yathā;
লহুচিত্তোতি তং আহু, নাস্স সম্পজ্জতে ৰত’’ন্তি॥
Lahucittoti taṃ āhu, nāssa sampajjate vata’’nti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৮. কুলঘরণীসুত্তৰণ্ণনা • 8. Kulagharaṇīsuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৮. কুলঘরণীসুত্তৰণ্ণনা • 8. Kulagharaṇīsuttavaṇṇanā
