| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๘. กุลฆรณีสุตฺตํ
8. Kulagharaṇīsuttaṃ
๒๒๘. เอกํ สมยํ อญฺญตโร ภิกฺขุ โกสเลสุ วิหรติ อญฺญตรสฺมิํ วนสเณฺฑฯ เตน โข ปน สมเยน โส ภิกฺขุ อญฺญตรสฺมิํ กุเล อติเวลํ อโชฺฌคาฬฺหปฺปโตฺต วิหรติฯ อถ โข ยา ตสฺมิํ วนสเณฺฑ อธิวตฺถา เทวตา ตสฺส ภิกฺขุโน อนุกมฺปิกา อตฺถกามา ตํ ภิกฺขุํ สํเวเชตุกามา ยา ตสฺมิํ กุเล กุลฆรณี, ตสฺสา วณฺณํ อภินิมฺมินิตฺวา เยน โส ภิกฺขุ เตนุปสงฺกมิ; อุปสงฺกมิตฺวา ตํ ภิกฺขุํ คาถาย อชฺฌภาสิ –
228. Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu aññatarasmiṃ kule ativelaṃ ajjhogāḷhappatto viharati. Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yā tasmiṃ kule kulagharaṇī, tassā vaṇṇaṃ abhinimminitvā yena so bhikkhu tenupasaṅkami; upasaṅkamitvā taṃ bhikkhuṃ gāthāya ajjhabhāsi –
‘‘นทีตีเรสุ สณฺฐาเน, สภาสุ รถิยาสุ จ;
‘‘Nadītīresu saṇṭhāne, sabhāsu rathiyāsu ca;
ชนา สงฺคมฺม มเนฺตนฺติ, มญฺจ ตญฺจ 1 กิมนฺตร’’นฺติฯ
Janā saṅgamma mantenti, mañca tañca 2 kimantara’’nti.
‘‘พหูหิ สทฺทา ปจฺจูหา, ขมิตพฺพา ตปสฺสินา;
‘‘Bahūhi saddā paccūhā, khamitabbā tapassinā;
น เตน มงฺกุ โหตพฺพํ, น หิ เตน กิลิสฺสติฯ
Na tena maṅku hotabbaṃ, na hi tena kilissati.
‘‘โย จ สทฺทปริตฺตาสี, วเน วาตมิโค ยถา;
‘‘Yo ca saddaparittāsī, vane vātamigo yathā;
ลหุจิโตฺตติ ตํ อาหุ, นาสฺส สมฺปชฺชเต วต’’นฺติฯ
Lahucittoti taṃ āhu, nāssa sampajjate vata’’nti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘. กุลฆรณีสุตฺตวณฺณนา • 8. Kulagharaṇīsuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. กุลฆรณีสุตฺตวณฺณนา • 8. Kulagharaṇīsuttavaṇṇanā
