| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਕੁਲਘਰਣੀਸੁਤ੍ਤਂ
8. Kulagharaṇīsuttaṃ
੨੨੮. ਏਕਂ ਸਮਯਂ ਅਞ੍ਞਤਰੋ ਭਿਕ੍ਖੁ ਕੋਸਲੇਸੁ વਿਹਰਤਿ ਅਞ੍ਞਤਰਸ੍ਮਿਂ વਨਸਣ੍ਡੇ। ਤੇਨ ਖੋ ਪਨ ਸਮਯੇਨ ਸੋ ਭਿਕ੍ਖੁ ਅਞ੍ਞਤਰਸ੍ਮਿਂ ਕੁਲੇ ਅਤਿવੇਲਂ ਅਜ੍ਝੋਗਾਲ਼੍ਹਪ੍ਪਤ੍ਤੋ વਿਹਰਤਿ। ਅਥ ਖੋ ਯਾ ਤਸ੍ਮਿਂ વਨਸਣ੍ਡੇ ਅਧਿવਤ੍ਥਾ ਦੇવਤਾ ਤਸ੍ਸ ਭਿਕ੍ਖੁਨੋ ਅਨੁਕਮ੍ਪਿਕਾ ਅਤ੍ਥਕਾਮਾ ਤਂ ਭਿਕ੍ਖੁਂ ਸਂવੇਜੇਤੁਕਾਮਾ ਯਾ ਤਸ੍ਮਿਂ ਕੁਲੇ ਕੁਲਘਰਣੀ, ਤਸ੍ਸਾ વਣ੍ਣਂ ਅਭਿਨਿਮ੍ਮਿਨਿਤ੍વਾ ਯੇਨ ਸੋ ਭਿਕ੍ਖੁ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਤਂ ਭਿਕ੍ਖੁਂ ਗਾਥਾਯ ਅਜ੍ਝਭਾਸਿ –
228. Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu aññatarasmiṃ kule ativelaṃ ajjhogāḷhappatto viharati. Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yā tasmiṃ kule kulagharaṇī, tassā vaṇṇaṃ abhinimminitvā yena so bhikkhu tenupasaṅkami; upasaṅkamitvā taṃ bhikkhuṃ gāthāya ajjhabhāsi –
‘‘ਨਦੀਤੀਰੇਸੁ ਸਣ੍ਠਾਨੇ, ਸਭਾਸੁ ਰਥਿਯਾਸੁ ਚ।
‘‘Nadītīresu saṇṭhāne, sabhāsu rathiyāsu ca;
ਜਨਾ ਸਙ੍ਗਮ੍ਮ ਮਨ੍ਤੇਨ੍ਤਿ, ਮਞ੍ਚ ਤਞ੍ਚ 1 ਕਿਮਨ੍ਤਰ’’ਨ੍ਤਿ॥
Janā saṅgamma mantenti, mañca tañca 2 kimantara’’nti.
‘‘ਬਹੂਹਿ ਸਦ੍ਦਾ ਪਚ੍ਚੂਹਾ, ਖਮਿਤਬ੍ਬਾ ਤਪਸ੍ਸਿਨਾ।
‘‘Bahūhi saddā paccūhā, khamitabbā tapassinā;
ਨ ਤੇਨ ਮਙ੍ਕੁ ਹੋਤਬ੍ਬਂ, ਨ ਹਿ ਤੇਨ ਕਿਲਿਸ੍ਸਤਿ॥
Na tena maṅku hotabbaṃ, na hi tena kilissati.
‘‘ਯੋ ਚ ਸਦ੍ਦਪਰਿਤ੍ਤਾਸੀ, વਨੇ વਾਤਮਿਗੋ ਯਥਾ।
‘‘Yo ca saddaparittāsī, vane vātamigo yathā;
ਲਹੁਚਿਤ੍ਤੋਤਿ ਤਂ ਆਹੁ, ਨਾਸ੍ਸ ਸਮ੍ਪਜ੍ਜਤੇ વਤ’’ਨ੍ਤਿ॥
Lahucittoti taṃ āhu, nāssa sampajjate vata’’nti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਕੁਲਘਰਣੀਸੁਤ੍ਤવਣ੍ਣਨਾ • 8. Kulagharaṇīsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਕੁਲਘਰਣੀਸੁਤ੍ਤવਣ੍ਣਨਾ • 8. Kulagharaṇīsuttavaṇṇanā
