| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. குலக⁴ரணீஸுத்தவண்ணனா
8. Kulagharaṇīsuttavaṇṇanā
228. அட்ட²மே அஜ்ஜோ²கா³ள்ஹப்பத்தோதி ஓகா³ஹப்பத்தோ. ஸோ கிர ஸத்து² ஸந்திகே கம்மட்டா²னங் க³ஹெத்வா தங் வனஸண்ட³ங் பவிஸித்வா து³தியதி³வஸே கா³மங் பிண்டா³ய பாவிஸி பாஸாதி³கேஹி அபி⁴க்கந்தாதீ³ஹி. அஞ்ஞதரங் குலங் தஸ்ஸ இரியாபதே² பஸீதி³த்வா பஞ்சபதிட்டி²தேன வந்தி³த்வா பிண்ட³பாதங் அதா³ஸி. ப⁴த்தானுமோத³னங் புன ஸுத்வா அதிரேகதரங் பஸீதி³த்வா, ‘‘ப⁴ந்தே, நிச்சகாலங் இதே⁴வ பி⁴க்க²ங் க³ண்ஹதா²’’தி நிமந்தேஸி. தே²ரோ அதி⁴வாஸெத்வா தேஸங் ஆஹாரங் பரிபு⁴ஞ்ஜமானோ வீரியங் பக்³க³ய்ஹ க⁴டெந்தோ அரஹத்தங் பத்வா சிந்தேஸி – ‘‘ப³ஹூபகாரங் மே ஏதங் குலங், அஞ்ஞத்த² க³ந்த்வா கிங் கரிஸ்ஸாமீ’’தி? ப²லஸமாபத்திஸுக²ங் அனுப⁴வந்தோ தத்தே²வ வஸி. அஜ்ஜ²பா⁴ஸீதி ஸா கிர தே²ரஸ்ஸ கீ²ணாஸவபா⁴வங் அஜானந்தீ சிந்தேஸி – ‘‘அயங் தே²ரோ நேவ அஞ்ஞங் கா³மங் க³ச்ச²தி, ந அஞ்ஞங் க⁴ரங், ந ருக்க²மூலஆஸனஸாலாதீ³ஸு நிஸீத³தி, நிச்சகாலங் க⁴ரங் பவிஸித்வாவ நிஸீத³தி, உபோ⁴பேதே ஓகா³த⁴ப்பத்தா படிகா³த⁴ப்பத்தா, கதா³சி ஏஸ இமங் குலங் தூ³ஸெய்ய, சோதெ³ஸ்ஸாமி ந’’ந்தி. தஸ்மா அபா⁴ஸி.
228. Aṭṭhame ajjhogāḷhappattoti ogāhappatto. So kira satthu santike kammaṭṭhānaṃ gahetvā taṃ vanasaṇḍaṃ pavisitvā dutiyadivase gāmaṃ piṇḍāya pāvisi pāsādikehi abhikkantādīhi. Aññataraṃ kulaṃ tassa iriyāpathe pasīditvā pañcapatiṭṭhitena vanditvā piṇḍapātaṃ adāsi. Bhattānumodanaṃ puna sutvā atirekataraṃ pasīditvā, ‘‘bhante, niccakālaṃ idheva bhikkhaṃ gaṇhathā’’ti nimantesi. Thero adhivāsetvā tesaṃ āhāraṃ paribhuñjamāno vīriyaṃ paggayha ghaṭento arahattaṃ patvā cintesi – ‘‘bahūpakāraṃ me etaṃ kulaṃ, aññattha gantvā kiṃ karissāmī’’ti? Phalasamāpattisukhaṃ anubhavanto tattheva vasi. Ajjhabhāsīti sā kira therassa khīṇāsavabhāvaṃ ajānantī cintesi – ‘‘ayaṃ thero neva aññaṃ gāmaṃ gacchati, na aññaṃ gharaṃ, na rukkhamūlaāsanasālādīsu nisīdati, niccakālaṃ gharaṃ pavisitvāva nisīdati, ubhopete ogādhappattā paṭigādhappattā, kadāci esa imaṃ kulaṃ dūseyya, codessāmi na’’nti. Tasmā abhāsi.
ஸண்டா²னேதி நக³ரத்³வாரஸ்ஸ ஆஸன்னே மனுஸ்ஸானங் ப⁴ண்ட³கங் ஓதாரெத்வா விஸ்ஸமனட்டா²னே. ஸங்க³ம்மாதி ஸமாக³ந்த்வா. மந்தெந்தீதி கதெ²ந்தி. மஞ்ச தஞ்சாதி மஞ்ச கதெ²ந்தி தஞ்ச கதெ²ந்தி. கிமந்தரந்தி கிங் காரணங்? ப³ஹூ ஹி ஸத்³தா³ பச்சூஹாதி ப³ஹுகா ஏதே லோகஸ்மிங் படிலோமஸத்³தா³. ந தேனாதி தேன காரணேன, தேன வா தபஸ்ஸினா ந மங்கு ஹோதப்³ப³ங். ந ஹி தேனாதி ந ஹி தேன பரேஹி வுத்தவசனேன ஸத்தோ கிலிஸ்ஸதி, அத்தனா கதேன பன பாபகம்மேனேவ கிலிஸ்ஸதீதி த³ஸ்ஸேதி. வாதமிகோ³ யதா²தி யதா² வனே வாதமிகோ³ வாதேரிதானங் பண்ணாதீ³னங் ஸத்³தே³ன பரிதஸ்ஸதி, ஏவங் யோ ஸத்³த³பரித்தாஸீ ஹோதீதி அத்தோ². நாஸ்ஸ ஸம்பஜ்ஜதே வதந்தி தஸ்ஸ லஹுசித்தஸ்ஸ வதங் ந ஸம்பஜ்ஜதி. தே²ரோ பன கீ²ணாஸவத்தா ஸம்பன்னவதோதி வேதி³தப்³போ³. அட்ட²மங்.
Saṇṭhāneti nagaradvārassa āsanne manussānaṃ bhaṇḍakaṃ otāretvā vissamanaṭṭhāne. Saṅgammāti samāgantvā. Mantentīti kathenti. Mañca tañcāti mañca kathenti tañca kathenti. Kimantaranti kiṃ kāraṇaṃ? Bahū hi saddā paccūhāti bahukā ete lokasmiṃ paṭilomasaddā. Na tenāti tena kāraṇena, tena vā tapassinā na maṅku hotabbaṃ. Na hi tenāti na hi tena parehi vuttavacanena satto kilissati, attanā katena pana pāpakammeneva kilissatīti dasseti. Vātamigo yathāti yathā vane vātamigo vāteritānaṃ paṇṇādīnaṃ saddena paritassati, evaṃ yo saddaparittāsī hotīti attho. Nāssa sampajjate vatanti tassa lahucittassa vataṃ na sampajjati. Thero pana khīṇāsavattā sampannavatoti veditabbo. Aṭṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. குலக⁴ரணீஸுத்தங் • 8. Kulagharaṇīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. குலக⁴ரணீஸுத்தவண்ணனா • 8. Kulagharaṇīsuttavaṇṇanā
