| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. гулагхаран̣ийсуд̇д̇аван̣н̣анаа
8. Kulagharaṇīsuttavaṇṇanā
228. ог̇аахаббад̇д̇од̇и виссаасавасзна ануббавзсам̣ бад̇д̇о. ан̃н̃ад̇арам̣ гуланд̇и д̇асмим̣ гулз ж̇ааяамбад̇им̣ санд̇хааяа вад̣̇ад̇и. ‘‘б̣ахуубагаарам̣ мз зд̇ам̣ гулам̣ жирам̣ саббааяаахаарад̣̇аанаад̣̇инаа; д̇асмаа ид̇хаахам̣ аг̇г̇ад̣̇агкин̣зяяо ж̇аад̇о; имзсам̣язва д̣̇зяяад̇хаммабадиг̇г̇ан̣ханзна бун̃н̃ам̣ вад̣дхзссаамий’’д̇и жинд̇зси. д̇знааха ‘‘ан̃н̃ад̇т̇а г̇анд̇ваа гим̣ гариссаамий’’д̇иаад̣̇и. саад̇и д̣̇звад̇аа. убхобзд̇зд̇и д̇ам̣ бхигкун̃жа гхаран̣ин̃жа санд̇хааяа вад̣̇ад̇и. бадиг̇аад̇хаббад̇д̇аад̇и бадиг̇аад̇хам̣ бад̇д̇аа ан̃н̃аман̃н̃асмим̣ бад̇идтид̇ависсаасзна.
228.Ogāhappattoti vissāsavasena anuppavesaṃ patto. Aññataraṃ kulanti tasmiṃ kule jāyampatiṃ sandhāya vadati. ‘‘Bahūpakāraṃ me etaṃ kulaṃ ciraṃ sappāyāhāradānādinā; tasmā idhāhaṃ aggadakkhiṇeyyo jāto; imesaṃyeva deyyadhammapaṭiggaṇhanena puññaṃ vaḍḍhessāmī’’ti cintesi. Tenāha ‘‘aññattha gantvā kiṃ karissāmī’’tiādi. Sāti devatā. Ubhopeteti taṃ bhikkhuñca gharaṇiñca sandhāya vadati. Paṭigādhappattāti paṭigādhaṃ pattā aññamaññasmiṃ patiṭṭhitavissāsena.
виссамаббад̇д̇ивасзна санд̇идтанд̇и зд̇т̇аад̇и сан̣таанам̣, виссаманадтаанам̣. самааг̇анд̇ваад̇и саннибад̇ид̇ваа. бадин̃н̃ууд̣̇аахаран̣зхи манд̇аяад̇ийд̇и манд̇анам̣, н̃аабагам̣ гааран̣ам̣. бадиломасад̣̇д̣̇аад̇и бадиломабхаавзна бад̇ид̇ад̇д̇аа асажжавибхааванаа бадигууласад̣̇д̣̇аа. д̇зна гааран̣знаад̇и д̇зна гааран̣абадируубагзна мижчааважанзна. на ман̇гуход̇аб̣б̣ам̣ агаарагабхаавад̇о. сад̣̇д̣̇зна барид̇ассад̇ийд̇и барзхи ад̇д̇ани баяуд̇д̇амижчаасад̣̇д̣̇амад̇д̇зна барид̇ассанасийло. вад̇ам̣ на самбаж̇ж̇ад̇ийд̇и яат̇аасамаад̣̇иннавад̇ам̣ лахужид̇д̇ад̇ааяа на баарибуурим̣ г̇ажчад̇и. самбаннавад̇од̇и барибун̣н̣асийлаад̣̇ивад̇аг̇ун̣о
Vissamappattivasena santiṭṭhanti etthāti saṇṭhānaṃ, vissamanaṭṭhānaṃ. Samāgantvāti sannipatitvā. Paṭiññūdāharaṇehi mantayatīti mantanaṃ, ñāpakaṃ kāraṇaṃ. Paṭilomasaddāti paṭilomabhāvena patitattā asaccavibhāvanā paṭikūlasaddā. Tena kāraṇenāti tena kāraṇapaṭirūpakena micchāvacanena. Na maṅkuhotabbaṃ akārakabhāvato. Saddena paritassatīti parehi attani payuttamicchāsaddamattena paritassanasīlo. Vataṃ na sampajjatīti yathāsamādinnavataṃ lahucittatāya na pāripūriṃ gacchati. Sampannavatoti paripuṇṇasīlādivataguṇo
гулагхаран̣ийсуд̇д̇аван̣н̣анаа нидтид̇аа.
Kulagharaṇīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. гулагхаран̣ийсуд̇д̇ам̣ • 8. Kulagharaṇīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. гулагхаран̣ийсуд̇д̇аван̣н̣анаа • 8. Kulagharaṇīsuttavaṇṇanā
