| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๘. กุลฆรณีสุตฺตวณฺณนา
8. Kulagharaṇīsuttavaṇṇanā
๒๒๘. โอคาหปฺปโตฺตติ วิสฺสาสวเสน อนุปฺปเวสํ ปโตฺตฯ อญฺญตรํ กุลนฺติ ตสฺมิํ กุเล ชายมฺปติํ สนฺธาย วทติฯ ‘‘พหูปการํ เม เอตํ กุลํ จิรํ สปฺปายาหารทานาทินา; ตสฺมา อิธาหํ อคฺคทกฺขิเณโยฺย ชาโต; อิเมสํเยว เทยฺยธมฺมปฎิคฺคณฺหเนน ปุญฺญํ วเฑฺฒสฺสามี’’ติ จิเนฺตสิฯ เตนาห ‘‘อญฺญตฺถ คนฺตฺวา กิํ กริสฺสามี’’ติอาทิฯ สาติ เทวตาฯ อุโภเปเตติ ตํ ภิกฺขุญฺจ ฆรณิญฺจ สนฺธาย วทติฯ ปฎิคาธปฺปตฺตาติ ปฎิคาธํ ปตฺตา อญฺญมญฺญสฺมิํ ปติฎฺฐิตวิสฺสาเสนฯ
228.Ogāhappattoti vissāsavasena anuppavesaṃ patto. Aññataraṃ kulanti tasmiṃ kule jāyampatiṃ sandhāya vadati. ‘‘Bahūpakāraṃ me etaṃ kulaṃ ciraṃ sappāyāhāradānādinā; tasmā idhāhaṃ aggadakkhiṇeyyo jāto; imesaṃyeva deyyadhammapaṭiggaṇhanena puññaṃ vaḍḍhessāmī’’ti cintesi. Tenāha ‘‘aññattha gantvā kiṃ karissāmī’’tiādi. Sāti devatā. Ubhopeteti taṃ bhikkhuñca gharaṇiñca sandhāya vadati. Paṭigādhappattāti paṭigādhaṃ pattā aññamaññasmiṃ patiṭṭhitavissāsena.
วิสฺสมปฺปตฺติวเสน สนฺติฎฺฐนฺติ เอตฺถาติ สณฺฐานํ, วิสฺสมนฎฺฐานํฯ สมาคนฺตฺวาติ สนฺนิปติตฺวาฯ ปฎิญฺญูทาหรเณหิ มนฺตยตีติ มนฺตนํ, ญาปกํ การณํฯ ปฎิโลมสทฺทาติ ปฎิโลมภาเวน ปติตตฺตา อสจฺจวิภาวนา ปฎิกูลสทฺทาฯ เตน การเณนาติ เตน การณปฎิรูปเกน มิจฺฉาวจเนนฯ น มงฺกุโหตพฺพํ อการกภาวโตฯ สเทฺทน ปริตสฺสตีติ ปเรหิ อตฺตนิ ปยุตฺตมิจฺฉาสทฺทมเตฺตน ปริตสฺสนสีโลฯ วตํ น สมฺปชฺชตีติ ยถาสมาทินฺนวตํ ลหุจิตฺตตาย น ปาริปูริํ คจฺฉติฯ สมฺปนฺนวโตติ ปริปุณฺณสีลาทิวตคุโณ
Vissamappattivasena santiṭṭhanti etthāti saṇṭhānaṃ, vissamanaṭṭhānaṃ. Samāgantvāti sannipatitvā. Paṭiññūdāharaṇehi mantayatīti mantanaṃ, ñāpakaṃ kāraṇaṃ. Paṭilomasaddāti paṭilomabhāvena patitattā asaccavibhāvanā paṭikūlasaddā. Tena kāraṇenāti tena kāraṇapaṭirūpakena micchāvacanena. Na maṅkuhotabbaṃ akārakabhāvato. Saddena paritassatīti parehi attani payuttamicchāsaddamattena paritassanasīlo. Vataṃ na sampajjatīti yathāsamādinnavataṃ lahucittatāya na pāripūriṃ gacchati. Sampannavatoti paripuṇṇasīlādivataguṇo
กุลฆรณีสุตฺตวณฺณนา นิฎฺฐิตาฯ
Kulagharaṇīsuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. กุลฆรณีสุตฺตํ • 8. Kulagharaṇīsuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘. กุลฆรณีสุตฺตวณฺณนา • 8. Kulagharaṇīsuttavaṇṇanā
