| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਕੁਲਘਰਣੀਸੁਤ੍ਤવਣ੍ਣਨਾ
8. Kulagharaṇīsuttavaṇṇanā
੨੨੮. ਅਟ੍ਠਮੇ ਅਜ੍ਝੋਗਾਲ਼੍ਹਪ੍ਪਤ੍ਤੋਤਿ ਓਗਾਹਪ੍ਪਤ੍ਤੋ। ਸੋ ਕਿਰ ਸਤ੍ਥੁ ਸਨ੍ਤਿਕੇ ਕਮ੍ਮਟ੍ਠਾਨਂ ਗਹੇਤ੍વਾ ਤਂ વਨਸਣ੍ਡਂ ਪવਿਸਿਤ੍વਾ ਦੁਤਿਯਦਿવਸੇ ਗਾਮਂ ਪਿਣ੍ਡਾਯ ਪਾવਿਸਿ ਪਾਸਾਦਿਕੇਹਿ ਅਭਿਕ੍ਕਨ੍ਤਾਦੀਹਿ। ਅਞ੍ਞਤਰਂ ਕੁਲਂ ਤਸ੍ਸ ਇਰਿਯਾਪਥੇ ਪਸੀਦਿਤ੍વਾ ਪਞ੍ਚਪਤਿਟ੍ਠਿਤੇਨ વਨ੍ਦਿਤ੍વਾ ਪਿਣ੍ਡਪਾਤਂ ਅਦਾਸਿ। ਭਤ੍ਤਾਨੁਮੋਦਨਂ ਪੁਨ ਸੁਤ੍વਾ ਅਤਿਰੇਕਤਰਂ ਪਸੀਦਿਤ੍વਾ, ‘‘ਭਨ੍ਤੇ, ਨਿਚ੍ਚਕਾਲਂ ਇਧੇવ ਭਿਕ੍ਖਂ ਗਣ੍ਹਥਾ’’ਤਿ ਨਿਮਨ੍ਤੇਸਿ। ਥੇਰੋ ਅਧਿવਾਸੇਤ੍વਾ ਤੇਸਂ ਆਹਾਰਂ ਪਰਿਭੁਞ੍ਜਮਾਨੋ વੀਰਿਯਂ ਪਗ੍ਗਯ੍ਹ ਘਟੇਨ੍ਤੋ ਅਰਹਤ੍ਤਂ ਪਤ੍વਾ ਚਿਨ੍ਤੇਸਿ – ‘‘ਬਹੂਪਕਾਰਂ ਮੇ ਏਤਂ ਕੁਲਂ, ਅਞ੍ਞਤ੍ਥ ਗਨ੍ਤ੍વਾ ਕਿਂ ਕਰਿਸ੍ਸਾਮੀ’’ਤਿ? ਫਲਸਮਾਪਤ੍ਤਿਸੁਖਂ ਅਨੁਭવਨ੍ਤੋ ਤਤ੍ਥੇવ વਸਿ। ਅਜ੍ਝਭਾਸੀਤਿ ਸਾ ਕਿਰ ਥੇਰਸ੍ਸ ਖੀਣਾਸવਭਾવਂ ਅਜਾਨਨ੍ਤੀ ਚਿਨ੍ਤੇਸਿ – ‘‘ਅਯਂ ਥੇਰੋ ਨੇવ ਅਞ੍ਞਂ ਗਾਮਂ ਗਚ੍ਛਤਿ, ਨ ਅਞ੍ਞਂ ਘਰਂ, ਨ ਰੁਕ੍ਖਮੂਲਆਸਨਸਾਲਾਦੀਸੁ ਨਿਸੀਦਤਿ, ਨਿਚ੍ਚਕਾਲਂ ਘਰਂ ਪવਿਸਿਤ੍વਾવ ਨਿਸੀਦਤਿ, ਉਭੋਪੇਤੇ ਓਗਾਧਪ੍ਪਤ੍ਤਾ ਪਟਿਗਾਧਪ੍ਪਤ੍ਤਾ, ਕਦਾਚਿ ਏਸ ਇਮਂ ਕੁਲਂ ਦੂਸੇਯ੍ਯ, ਚੋਦੇਸ੍ਸਾਮਿ ਨ’’ਨ੍ਤਿ। ਤਸ੍ਮਾ ਅਭਾਸਿ।
228. Aṭṭhame ajjhogāḷhappattoti ogāhappatto. So kira satthu santike kammaṭṭhānaṃ gahetvā taṃ vanasaṇḍaṃ pavisitvā dutiyadivase gāmaṃ piṇḍāya pāvisi pāsādikehi abhikkantādīhi. Aññataraṃ kulaṃ tassa iriyāpathe pasīditvā pañcapatiṭṭhitena vanditvā piṇḍapātaṃ adāsi. Bhattānumodanaṃ puna sutvā atirekataraṃ pasīditvā, ‘‘bhante, niccakālaṃ idheva bhikkhaṃ gaṇhathā’’ti nimantesi. Thero adhivāsetvā tesaṃ āhāraṃ paribhuñjamāno vīriyaṃ paggayha ghaṭento arahattaṃ patvā cintesi – ‘‘bahūpakāraṃ me etaṃ kulaṃ, aññattha gantvā kiṃ karissāmī’’ti? Phalasamāpattisukhaṃ anubhavanto tattheva vasi. Ajjhabhāsīti sā kira therassa khīṇāsavabhāvaṃ ajānantī cintesi – ‘‘ayaṃ thero neva aññaṃ gāmaṃ gacchati, na aññaṃ gharaṃ, na rukkhamūlaāsanasālādīsu nisīdati, niccakālaṃ gharaṃ pavisitvāva nisīdati, ubhopete ogādhappattā paṭigādhappattā, kadāci esa imaṃ kulaṃ dūseyya, codessāmi na’’nti. Tasmā abhāsi.
ਸਣ੍ਠਾਨੇਤਿ ਨਗਰਦ੍વਾਰਸ੍ਸ ਆਸਨ੍ਨੇ ਮਨੁਸ੍ਸਾਨਂ ਭਣ੍ਡਕਂ ਓਤਾਰੇਤ੍વਾ વਿਸ੍ਸਮਨਟ੍ਠਾਨੇ। ਸਙ੍ਗਮ੍ਮਾਤਿ ਸਮਾਗਨ੍ਤ੍વਾ। ਮਨ੍ਤੇਨ੍ਤੀਤਿ ਕਥੇਨ੍ਤਿ। ਮਞ੍ਚ ਤਞ੍ਚਾਤਿ ਮਞ੍ਚ ਕਥੇਨ੍ਤਿ ਤਞ੍ਚ ਕਥੇਨ੍ਤਿ। ਕਿਮਨ੍ਤਰਨ੍ਤਿ ਕਿਂ ਕਾਰਣਂ? ਬਹੂ ਹਿ ਸਦ੍ਦਾ ਪਚ੍ਚੂਹਾਤਿ ਬਹੁਕਾ ਏਤੇ ਲੋਕਸ੍ਮਿਂ ਪਟਿਲੋਮਸਦ੍ਦਾ। ਨ ਤੇਨਾਤਿ ਤੇਨ ਕਾਰਣੇਨ, ਤੇਨ વਾ ਤਪਸ੍ਸਿਨਾ ਨ ਮਙ੍ਕੁ ਹੋਤਬ੍ਬਂ। ਨ ਹਿ ਤੇਨਾਤਿ ਨ ਹਿ ਤੇਨ ਪਰੇਹਿ વੁਤ੍ਤવਚਨੇਨ ਸਤ੍ਤੋ ਕਿਲਿਸ੍ਸਤਿ, ਅਤ੍ਤਨਾ ਕਤੇਨ ਪਨ ਪਾਪਕਮ੍ਮੇਨੇવ ਕਿਲਿਸ੍ਸਤੀਤਿ ਦਸ੍ਸੇਤਿ। વਾਤਮਿਗੋ ਯਥਾਤਿ ਯਥਾ વਨੇ વਾਤਮਿਗੋ વਾਤੇਰਿਤਾਨਂ ਪਣ੍ਣਾਦੀਨਂ ਸਦ੍ਦੇਨ ਪਰਿਤਸ੍ਸਤਿ, ਏવਂ ਯੋ ਸਦ੍ਦਪਰਿਤ੍ਤਾਸੀ ਹੋਤੀਤਿ ਅਤ੍ਥੋ। ਨਾਸ੍ਸ ਸਮ੍ਪਜ੍ਜਤੇ વਤਨ੍ਤਿ ਤਸ੍ਸ ਲਹੁਚਿਤ੍ਤਸ੍ਸ વਤਂ ਨ ਸਮ੍ਪਜ੍ਜਤਿ। ਥੇਰੋ ਪਨ ਖੀਣਾਸવਤ੍ਤਾ ਸਮ੍ਪਨ੍ਨવਤੋਤਿ વੇਦਿਤਬ੍ਬੋ। ਅਟ੍ਠਮਂ।
Saṇṭhāneti nagaradvārassa āsanne manussānaṃ bhaṇḍakaṃ otāretvā vissamanaṭṭhāne. Saṅgammāti samāgantvā. Mantentīti kathenti. Mañca tañcāti mañca kathenti tañca kathenti. Kimantaranti kiṃ kāraṇaṃ? Bahū hi saddā paccūhāti bahukā ete lokasmiṃ paṭilomasaddā. Na tenāti tena kāraṇena, tena vā tapassinā na maṅku hotabbaṃ. Na hi tenāti na hi tena parehi vuttavacanena satto kilissati, attanā katena pana pāpakammeneva kilissatīti dasseti. Vātamigo yathāti yathā vane vātamigo vāteritānaṃ paṇṇādīnaṃ saddena paritassati, evaṃ yo saddaparittāsī hotīti attho. Nāssa sampajjate vatanti tassa lahucittassa vataṃ na sampajjati. Thero pana khīṇāsavattā sampannavatoti veditabbo. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਕੁਲਘਰਣੀਸੁਤ੍ਤਂ • 8. Kulagharaṇīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਕੁਲਘਰਣੀਸੁਤ੍ਤવਣ੍ਣਨਾ • 8. Kulagharaṇīsuttavaṇṇanā
