| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਕੁਲਘਰਣੀਸੁਤ੍ਤવਣ੍ਣਨਾ
8. Kulagharaṇīsuttavaṇṇanā
੨੨੮. ਓਗਾਹਪ੍ਪਤ੍ਤੋਤਿ વਿਸ੍ਸਾਸવਸੇਨ ਅਨੁਪ੍ਪવੇਸਂ ਪਤ੍ਤੋ। ਅਞ੍ਞਤਰਂ ਕੁਲਨ੍ਤਿ ਤਸ੍ਮਿਂ ਕੁਲੇ ਜਾਯਮ੍ਪਤਿਂ ਸਨ੍ਧਾਯ વਦਤਿ। ‘‘ਬਹੂਪਕਾਰਂ ਮੇ ਏਤਂ ਕੁਲਂ ਚਿਰਂ ਸਪ੍ਪਾਯਾਹਾਰਦਾਨਾਦਿਨਾ; ਤਸ੍ਮਾ ਇਧਾਹਂ ਅਗ੍ਗਦਕ੍ਖਿਣੇਯ੍ਯੋ ਜਾਤੋ; ਇਮੇਸਂਯੇવ ਦੇਯ੍ਯਧਮ੍ਮਪਟਿਗ੍ਗਣ੍ਹਨੇਨ ਪੁਞ੍ਞਂ વਡ੍ਢੇਸ੍ਸਾਮੀ’’ਤਿ ਚਿਨ੍ਤੇਸਿ। ਤੇਨਾਹ ‘‘ਅਞ੍ਞਤ੍ਥ ਗਨ੍ਤ੍વਾ ਕਿਂ ਕਰਿਸ੍ਸਾਮੀ’’ਤਿਆਦਿ। ਸਾਤਿ ਦੇવਤਾ। ਉਭੋਪੇਤੇਤਿ ਤਂ ਭਿਕ੍ਖੁਞ੍ਚ ਘਰਣਿਞ੍ਚ ਸਨ੍ਧਾਯ વਦਤਿ। ਪਟਿਗਾਧਪ੍ਪਤ੍ਤਾਤਿ ਪਟਿਗਾਧਂ ਪਤ੍ਤਾ ਅਞ੍ਞਮਞ੍ਞਸ੍ਮਿਂ ਪਤਿਟ੍ਠਿਤવਿਸ੍ਸਾਸੇਨ।
228.Ogāhappattoti vissāsavasena anuppavesaṃ patto. Aññataraṃ kulanti tasmiṃ kule jāyampatiṃ sandhāya vadati. ‘‘Bahūpakāraṃ me etaṃ kulaṃ ciraṃ sappāyāhāradānādinā; tasmā idhāhaṃ aggadakkhiṇeyyo jāto; imesaṃyeva deyyadhammapaṭiggaṇhanena puññaṃ vaḍḍhessāmī’’ti cintesi. Tenāha ‘‘aññattha gantvā kiṃ karissāmī’’tiādi. Sāti devatā. Ubhopeteti taṃ bhikkhuñca gharaṇiñca sandhāya vadati. Paṭigādhappattāti paṭigādhaṃ pattā aññamaññasmiṃ patiṭṭhitavissāsena.
વਿਸ੍ਸਮਪ੍ਪਤ੍ਤਿવਸੇਨ ਸਨ੍ਤਿਟ੍ਠਨ੍ਤਿ ਏਤ੍ਥਾਤਿ ਸਣ੍ਠਾਨਂ, વਿਸ੍ਸਮਨਟ੍ਠਾਨਂ। ਸਮਾਗਨ੍ਤ੍વਾਤਿ ਸਨ੍ਨਿਪਤਿਤ੍વਾ। ਪਟਿਞ੍ਞੂਦਾਹਰਣੇਹਿ ਮਨ੍ਤਯਤੀਤਿ ਮਨ੍ਤਨਂ, ਞਾਪਕਂ ਕਾਰਣਂ। ਪਟਿਲੋਮਸਦ੍ਦਾਤਿ ਪਟਿਲੋਮਭਾવੇਨ ਪਤਿਤਤ੍ਤਾ ਅਸਚ੍ਚવਿਭਾવਨਾ ਪਟਿਕੂਲਸਦ੍ਦਾ। ਤੇਨ ਕਾਰਣੇਨਾਤਿ ਤੇਨ ਕਾਰਣਪਟਿਰੂਪਕੇਨ ਮਿਚ੍ਛਾવਚਨੇਨ। ਨ ਮਙ੍ਕੁਹੋਤਬ੍ਬਂ ਅਕਾਰਕਭਾવਤੋ। ਸਦ੍ਦੇਨ ਪਰਿਤਸ੍ਸਤੀਤਿ ਪਰੇਹਿ ਅਤ੍ਤਨਿ ਪਯੁਤ੍ਤਮਿਚ੍ਛਾਸਦ੍ਦਮਤ੍ਤੇਨ ਪਰਿਤਸ੍ਸਨਸੀਲੋ। વਤਂ ਨ ਸਮ੍ਪਜ੍ਜਤੀਤਿ ਯਥਾਸਮਾਦਿਨ੍ਨવਤਂ ਲਹੁਚਿਤ੍ਤਤਾਯ ਨ ਪਾਰਿਪੂਰਿਂ ਗਚ੍ਛਤਿ। ਸਮ੍ਪਨ੍ਨવਤੋਤਿ ਪਰਿਪੁਣ੍ਣਸੀਲਾਦਿવਤਗੁਣੋ
Vissamappattivasena santiṭṭhanti etthāti saṇṭhānaṃ, vissamanaṭṭhānaṃ. Samāgantvāti sannipatitvā. Paṭiññūdāharaṇehi mantayatīti mantanaṃ, ñāpakaṃ kāraṇaṃ. Paṭilomasaddāti paṭilomabhāvena patitattā asaccavibhāvanā paṭikūlasaddā. Tena kāraṇenāti tena kāraṇapaṭirūpakena micchāvacanena. Na maṅkuhotabbaṃ akārakabhāvato. Saddena paritassatīti parehi attani payuttamicchāsaddamattena paritassanasīlo. Vataṃ na sampajjatīti yathāsamādinnavataṃ lahucittatāya na pāripūriṃ gacchati. Sampannavatoti paripuṇṇasīlādivataguṇo
ਕੁਲਘਰਣੀਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kulagharaṇīsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਕੁਲਘਰਣੀਸੁਤ੍ਤਂ • 8. Kulagharaṇīsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਕੁਲਘਰਣੀਸੁਤ੍ਤવਣ੍ਣਨਾ • 8. Kulagharaṇīsuttavaṇṇanā
