| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৫. কুলমচ্ছরিনীসিক্খাপদৰণ্ণনা
5. Kulamaccharinīsikkhāpadavaṇṇanā
কুলে মচ্ছরো কুলমচ্ছরোতি পুরিমস্মিং পক্খে সকত্থে ইনীপচ্চযো, তং কুলং অস্সদ্ধং অপ্পসন্নন্তি কুলস্স অগুণং, অযসং ৰা ভাসন্তিযাতি অত্থো। ভিক্খুনীনং অৰণ্ণং ভাসন্তিযাতি ‘‘ভিক্খুনিযো দুস্সীলা পাপধম্মা’’তি (পাচি॰ অট্ঠ॰ ১০৪৩) ভিক্খুনীনং অগুণং, অযসং ৰা ভাসন্তিযা।
Kule maccharo kulamaccharoti purimasmiṃ pakkhe sakatthe inīpaccayo, taṃ kulaṃ assaddhaṃ appasannanti kulassa aguṇaṃ, ayasaṃ vā bhāsantiyāti attho. Bhikkhunīnaṃ avaṇṇaṃ bhāsantiyāti ‘‘bhikkhuniyo dussīlā pāpadhammā’’ti (pāci. aṭṭha. 1043) bhikkhunīnaṃ aguṇaṃ, ayasaṃ vā bhāsantiyā.
সন্তংযেৰ আদীনৰন্তি কুলস্স ৰা ভিক্খুনীনং ৰা সন্তংযেৰ অগুণং।
Santaṃyevaādīnavanti kulassa vā bhikkhunīnaṃ vā santaṃyeva aguṇaṃ.
কুলমচ্ছরিনীসিক্খাপদৰণ্ণনা নিট্ঠিতা।
Kulamaccharinīsikkhāpadavaṇṇanā niṭṭhitā.
