| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౫. కులమచ్ఛరినీసిక్ఖాపదవణ్ణనా
5. Kulamaccharinīsikkhāpadavaṇṇanā
కులే మచ్ఛరో కులమచ్ఛరోతి పురిమస్మిం పక్ఖే సకత్థే ఇనీపచ్చయో, తం కులం అస్సద్ధం అప్పసన్నన్తి కులస్స అగుణం, అయసం వా భాసన్తియాతి అత్థో. భిక్ఖునీనం అవణ్ణం భాసన్తియాతి ‘‘భిక్ఖునియో దుస్సీలా పాపధమ్మా’’తి (పాచి॰ అట్ఠ॰ ౧౦౪౩) భిక్ఖునీనం అగుణం, అయసం వా భాసన్తియా.
Kule maccharo kulamaccharoti purimasmiṃ pakkhe sakatthe inīpaccayo, taṃ kulaṃ assaddhaṃ appasannanti kulassa aguṇaṃ, ayasaṃ vā bhāsantiyāti attho. Bhikkhunīnaṃ avaṇṇaṃ bhāsantiyāti ‘‘bhikkhuniyo dussīlā pāpadhammā’’ti (pāci. aṭṭha. 1043) bhikkhunīnaṃ aguṇaṃ, ayasaṃ vā bhāsantiyā.
సన్తంయేవ ఆదీనవన్తి కులస్స వా భిక్ఖునీనం వా సన్తంయేవ అగుణం.
Santaṃyevaādīnavanti kulassa vā bhikkhunīnaṃ vā santaṃyeva aguṇaṃ.
కులమచ్ఛరినీసిక్ఖాపదవణ్ణనా నిట్ఠితా.
Kulamaccharinīsikkhāpadavaṇṇanā niṭṭhitā.
