| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
೫. ಕುಲಮಚ್ಛರಿನೀಸಿಕ್ಖಾಪದವಣ್ಣನಾ
5. Kulamaccharinīsikkhāpadavaṇṇanā
ಕುಲೇ ಮಚ್ಛರೋ ಕುಲಮಚ್ಛರೋತಿ ಪುರಿಮಸ್ಮಿಂ ಪಕ್ಖೇ ಸಕತ್ಥೇ ಇನೀಪಚ್ಚಯೋ, ತಂ ಕುಲಂ ಅಸ್ಸದ್ಧಂ ಅಪ್ಪಸನ್ನನ್ತಿ ಕುಲಸ್ಸ ಅಗುಣಂ, ಅಯಸಂ ವಾ ಭಾಸನ್ತಿಯಾತಿ ಅತ್ಥೋ। ಭಿಕ್ಖುನೀನಂ ಅವಣ್ಣಂ ಭಾಸನ್ತಿಯಾತಿ ‘‘ಭಿಕ್ಖುನಿಯೋ ದುಸ್ಸೀಲಾ ಪಾಪಧಮ್ಮಾ’’ತಿ (ಪಾಚಿ॰ ಅಟ್ಠ॰ ೧೦೪೩) ಭಿಕ್ಖುನೀನಂ ಅಗುಣಂ, ಅಯಸಂ ವಾ ಭಾಸನ್ತಿಯಾ।
Kule maccharo kulamaccharoti purimasmiṃ pakkhe sakatthe inīpaccayo, taṃ kulaṃ assaddhaṃ appasannanti kulassa aguṇaṃ, ayasaṃ vā bhāsantiyāti attho. Bhikkhunīnaṃ avaṇṇaṃ bhāsantiyāti ‘‘bhikkhuniyo dussīlā pāpadhammā’’ti (pāci. aṭṭha. 1043) bhikkhunīnaṃ aguṇaṃ, ayasaṃ vā bhāsantiyā.
ಸನ್ತಂಯೇವ ಆದೀನವನ್ತಿ ಕುಲಸ್ಸ ವಾ ಭಿಕ್ಖುನೀನಂ ವಾ ಸನ್ತಂಯೇವ ಅಗುಣಂ।
Santaṃyevaādīnavanti kulassa vā bhikkhunīnaṃ vā santaṃyeva aguṇaṃ.
ಕುಲಮಚ್ಛರಿನೀಸಿಕ್ಖಾಪದವಣ್ಣನಾ ನಿಟ್ಠಿತಾ।
Kulamaccharinīsikkhāpadavaṇṇanā niṭṭhitā.
