| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
5. гуласан̇г̇ахавинижчаяагат̇аа
5. Kulasaṅgahavinicchayakathā
27. звам̣ вин̃н̃ад̇д̇ивинижчаяам̣ гат̇зд̇ваа ид̣̇аани гуласан̇г̇ахавинижчаяам̣ гат̇зд̇ум̣ ‘‘гуласан̇г̇ахо’’д̇иаад̣̇имааха. д̇ад̇т̇а сан̇г̇ан̣ханам̣ сан̇г̇ахо, гулаанам̣ сан̇г̇ахо гуласан̇г̇ахо, бажжаяад̣̇ааяагаад̣̇ийнам̣ г̇ихийнам̣ ануг̇г̇ахагаран̣ам̣. ануг̇г̇ахад̇т̇о хзд̇т̇а сан̇г̇аха-сад̣̇д̣̇о яат̇аа ‘‘буд̇д̇ад̣̇аарасса сан̇г̇ахо’’д̇и (ку. баа. 5.6; су. ни. 265).
27. Evaṃ viññattivinicchayaṃ kathetvā idāni kulasaṅgahavinicchayaṃ kathetuṃ ‘‘kulasaṅgaho’’tiādimāha. Tattha saṅgaṇhanaṃ saṅgaho, kulānaṃ saṅgaho kulasaṅgaho, paccayadāyakādīnaṃ gihīnaṃ anuggahakaraṇaṃ. Anuggahattho hettha saṅgaha-saddo yathā ‘‘puttadārassa saṅgaho’’ti (khu. pā. 5.6; su. ni. 265).
28. д̇ад̇т̇а годдананд̇и саяам̣ чинд̣̇анам̣. годдаабананд̇и ‘‘имам̣ чинд̣̇аа’’д̇и ан̃н̃зсам̣ чзд̣̇аабанам̣. аал̣ияаа б̣анд̇хананд̇и яат̇аа г̇ажчамуулз уд̣̇агам̣ санд̇идтад̇и, д̇ат̇аа саманд̇ад̇о б̣анд̇ханам̣. уд̣̇агассаад̇и агаббияауд̣̇агасса ‘‘габбияауд̣̇агасин̃жана’’нд̇и висум̣ вагкамаанад̇д̇аа, д̇ан̃жа аараамаад̣̇иад̇т̇ам̣ робанз агаббияавохаарзсуби габбияавохаарзсуби габбияауд̣̇агасин̃жанаад̣̇и ваддад̇ийд̇и вагкамаанад̇д̇аа ид̇хааби вибхааг̇ам̣ гад̇ваа габбияауд̣̇агасин̃жанаад̣̇и висум̣ д̣̇ассид̇ам̣. зд̇т̇а жа гад̇амам̣ агаббияауд̣̇агам̣, гад̇амам̣ бана габбияауд̣̇аганд̇и? саббаан̣агам̣ агаббияауд̣̇агам̣, аббаан̣агам̣ габбияауд̣̇аганд̇и. гат̇ам̣ вин̃н̃ааяад̇ийд̇и жз, ‘‘яо бана бхигку ж̇аанам̣ саббаан̣агам̣ уд̣̇агам̣ д̇ин̣ам̣ ваа мад̇д̇игам̣ ваа син̃жзяяа ваа син̃жаабзяяа ваа баажид̇д̇ияа’’нд̇и важанад̇о. яат̇аа годданакан̣анаад̣̇игааяигагирияааби агаббияавохаарз сан̇г̇ахид̇аа, звам̣ маад̇игаауж̇угаран̣аад̣̇игаббияавохаарзбийд̇и ааха ‘‘сугкамаад̇игааяа уж̇угаран̣а’’нд̇и. хад̇т̇абаад̣̇амукад̇ховананахааанод̣̇агасин̃жананд̇и иминааби багааранд̇арзна габбияауд̣̇агасин̃жанамзва д̣̇ассзд̇и. агаббияавохаарз годданакан̣анаад̣̇ивасзна саяам̣ гаран̣ассаби гат̇ам̣ сан̇г̇аход̇и? агаббияанд̇и вохарияад̇ийд̇и агаббияавохаарод̇и агаббияабхууд̇ам̣ гаран̣агаараабанаад̣̇и саб̣б̣амзва сан̇г̇ахид̇ам̣, на бана агаббияаважанамад̇д̇анд̇и д̣̇адтаб̣б̣ам̣. габбияавохаарзби зсзва наяо. сугкамаад̇игааяа уж̇угаран̣анд̇и иминаа бураан̣абан̣н̣аад̣̇ийнам̣ харан̣амби сан̇г̇ахид̇анд̇и д̣̇адтаб̣б̣ам̣. гуд̣̇аалаад̣̇ийни бхуумияам̣ табзд̇ваа таанад̇о хад̇т̇зна г̇ахзд̇ваа таанамзва баагадад̇аранд̇и ‘‘обхаасо’’д̇и вуд̇д̇ам̣.
28. Tattha koṭṭananti sayaṃ chindanaṃ. Koṭṭāpananti ‘‘imaṃ chindā’’ti aññesaṃ chedāpanaṃ. Āḷiyā bandhananti yathā gacchamūle udakaṃ santiṭṭhati, tathā samantato bandhanaṃ. Udakassāti akappiyaudakassa ‘‘kappiyaudakasiñcana’’nti visuṃ vakkhamānattā, tañca ārāmādiatthaṃ ropane akappiyavohāresupi kappiyavohāresupi kappiyaudakasiñcanādi vaṭṭatīti vakkhamānattā idhāpi vibhāgaṃ katvā kappiyaudakasiñcanādi visuṃ dassitaṃ. Ettha ca katamaṃ akappiyaudakaṃ, katamaṃ pana kappiyaudakanti? Sappāṇakaṃ akappiyaudakaṃ, appāṇakaṃ kappiyaudakanti. Kathaṃ viññāyatīti ce, ‘‘yo pana bhikkhu jānaṃ sappāṇakaṃ udakaṃ tiṇaṃ vā mattikaṃ vā siñceyya vā siñcāpeyya vā pācittiya’’nti vacanato. Yathā koṭṭanakhaṇanādikāyikakiriyāpi akappiyavohāre saṅgahitā, evaṃ mātikāujukaraṇādikappiyavohārepīti āha ‘‘sukkhamātikāya ujukaraṇa’’nti. Hatthapādamukhadhovananahaānodakasiñcananti imināpi pakārantarena kappiyaudakasiñcanameva dasseti. Akappiyavohāre koṭṭanakhaṇanādivasena sayaṃ karaṇassapi kathaṃ saṅgahoti? Akappiyanti vohariyatīti akappiyavohāroti akappiyabhūtaṃ karaṇakārāpanādi sabbameva saṅgahitaṃ, na pana akappiyavacanamattanti daṭṭhabbaṃ. Kappiyavohārepi eseva nayo. Sukkhamātikāya ujukaraṇanti iminā purāṇapaṇṇādīnaṃ haraṇampi saṅgahitanti daṭṭhabbaṃ. Kudālādīni bhūmiyaṃ ṭhapetvā ṭhānato hatthena gahetvā ṭhānameva pākaṭataranti ‘‘obhāso’’ti vuttaṃ.
29. махаабажжариваад̣̇ам̣ бад̇идтаабзд̇угаамо бажчаа вад̣̇ад̇и. ванад̇т̇ааяаад̇и ид̣̇ам̣ гзжи ‘‘вад̇ад̇т̇ааяаа’’д̇и батанд̇и, д̇зсам̣ вад̇иад̇т̇ааяаад̇и ад̇т̇о. важ̇ираб̣уд̣̇д̇хидийгааяамби д̇ат̇зва вуд̇д̇ам̣, ‘‘аараамаробаа ванаробаа, яз нараа сзд̇угаарагаа’’д̇и (сам̣. ни. 1.47) важанад̇о бана д̇ам̣ вижаарзд̇аб̣б̣ам̣. агаббияавохаарзби згажжам̣ ваддад̇ийд̇и д̣̇ассзд̇ум̣ ‘‘на гзвалан̃жа сзса’’нд̇иаад̣̇имааха. яам̣ гин̃жи маад̇иганд̇и сугкамаад̇игам̣ ваа асугкамаад̇игам̣ ваа. габбияауд̣̇агам̣ син̃жид̇унд̇и иминаа ‘‘габбияауд̣̇агам̣ син̃жат̇аа’’д̇и вад̇д̇умби ваддад̇ийд̇и д̣̇ассзд̇и. саяам̣ робзд̇умби ваддад̇ийд̇и иминаа ‘‘робзхий’’д̇и вад̇д̇умби ваддад̇ийд̇иби сид̣̇д̇хам̣.
29. Mahāpaccarivādaṃ patiṭṭhāpetukāmo pacchā vadati. Vanatthāyāti idaṃ keci ‘‘vatatthāyā’’ti paṭhanti, tesaṃ vatiatthāyāti attho. Vajirabuddhiṭīkāyampi tatheva vuttaṃ, ‘‘ārāmaropā vanaropā, ye narā setukārakā’’ti (saṃ. ni. 1.47) vacanato pana taṃ vicāretabbaṃ. Akappiyavohārepi ekaccaṃ vaṭṭatīti dassetuṃ ‘‘na kevalañca sesa’’ntiādimāha. Yaṃ kiñci mātikanti sukkhamātikaṃ vā asukkhamātikaṃ vā. Kappiyaudakaṃ siñcitunti iminā ‘‘kappiyaudakaṃ siñcathā’’ti vattumpi vaṭṭatīti dasseti. Sayaṃ ropetumpi vaṭṭatīti iminā ‘‘ropehī’’ti vattumpi vaṭṭatītipi siddhaṃ.
30. баажид̇д̇ияан̃жзва д̣̇уггадан̃жаад̇и бат̇авийкан̣анабажжаяаа баажид̇д̇ияам̣, гуласан̇г̇ахабажжаяаа д̣̇уггадам̣. агаббияавохаарзнаад̇и ‘‘ид̣̇ам̣ кан̣а, ид̣̇ам̣ робзхий’’д̇и агаббияавохаарзна. д̣̇уггадамзваад̇и гуласан̇г̇ахабажжаяаа д̣̇уггадам̣. убхаяад̇раад̇и габбияаагаббияабат̇авияам̣.
30.Pācittiyañceva dukkaṭañcāti pathavīkhaṇanapaccayā pācittiyaṃ, kulasaṅgahapaccayā dukkaṭaṃ. Akappiyavohārenāti ‘‘idaṃ khaṇa, idaṃ ropehī’’ti akappiyavohārena. Dukkaṭamevāti kulasaṅgahapaccayā dukkaṭaṃ. Ubhayatrāti kappiyākappiyapathaviyaṃ.
саб̣б̣ад̇т̇аад̇и гуласан̇г̇ахабарибхог̇ааараамаад̣̇иад̇т̇ааяа робид̇з. д̣̇уггадамбийд̇и на гзвалам̣ баажид̇д̇ияамзва. габбиязнаад̇и габбияауд̣̇агзна. д̇зсам̣язва д̣̇виннанд̇и гуласан̇г̇ахабарибхог̇аанам̣. д̣̇уггаданд̇и гуласан̇г̇ахад̇т̇ааяа саяам̣ син̃жанз, габбияавохаарзна ваа агаббияавохаарзна ваа син̃жаабанз д̣̇уггадам̣, барибхог̇ад̇т̇ааяа саяам̣ син̃жанз, агаббияавохаарзна син̃жаабанз жа д̣̇уггадам̣. баяог̇аб̣ахулад̇ааяаад̇и саяам̣ гаран̣з, гааяабаяог̇асса гаараабанз важийбаяог̇асса б̣ахуд̇д̇зна. аабад̇д̇иб̣ахулад̇аа взд̣̇ид̇аб̣б̣аад̇и зд̇т̇а саяам̣ син̃жанз д̇хаараабажчзд̣̇аг̇ан̣анааяа аабад̇д̇иг̇ан̣анаа взд̣̇ид̇аб̣б̣аа. син̃жаабанз бана бунаббунам̣ аан̣аабзнд̇асса ваажааяа ваажааяа аабад̇д̇и, сагим̣ аан̣ад̇д̇асса б̣ахусин̃жанз згаава.
Sabbatthāti kulasaṅgahaparibhogaārāmādiatthāya ropite. Dukkaṭampīti na kevalaṃ pācittiyameva. Kappiyenāti kappiyaudakena. Tesaṃyeva dvinnanti kulasaṅgahaparibhogānaṃ. Dukkaṭanti kulasaṅgahatthāya sayaṃ siñcane, kappiyavohārena vā akappiyavohārena vā siñcāpane dukkaṭaṃ, paribhogatthāya sayaṃ siñcane, akappiyavohārena siñcāpane ca dukkaṭaṃ. Payogabahulatāyāti sayaṃ karaṇe, kāyapayogassa kārāpane vacīpayogassa bahuttena. Āpattibahulatā veditabbāti ettha sayaṃ siñcane dhārāpacchedagaṇanāya āpattigaṇanā veditabbā. Siñcāpane pana punappunaṃ āṇāpentassa vācāya vācāya āpatti, sakiṃ āṇattassa bahusiñcane ekāva.
ожинанз д̣̇уггадабаажид̇д̇ияаанийд̇и гуласан̇г̇ахабажжаяаа д̣̇уггадам̣, бхууд̇аг̇аамабаад̇аб̣яад̇ааяа баажид̇д̇ияам̣. ан̃н̃ад̇т̇аад̇и вад̇т̇убууж̇аад̣̇иад̇т̇ааяа ожинанз. сагим̣ аан̣ад̇д̇од̇и агаббияавохаарзна аан̣ад̇д̇о . баажид̇д̇ияамзваад̇и агаббияавохаарзна аан̣ад̇д̇ад̇д̇аа бхууд̇аг̇аамасигкаабад̣̇зна (баажи. 90-91) баажид̇д̇ияам̣. габбияаважанзна бана вад̇т̇убууж̇аад̣̇иад̇т̇ааяа ожинаабзнд̇асса анаабад̇д̇иязва.
Ocinane dukkaṭapācittiyānīti kulasaṅgahapaccayā dukkaṭaṃ, bhūtagāmapātabyatāya pācittiyaṃ. Aññatthāti vatthupūjādiatthāya ocinane. Sakiṃ āṇattoti akappiyavohārena āṇatto . Pācittiyamevāti akappiyavohārena āṇattattā bhūtagāmasikkhāpadena (pāci. 90-91) pācittiyaṃ. Kappiyavacanena pana vatthupūjādiatthāya ocināpentassa anāpattiyeva.
31. г̇ант̇анзна ниб̣б̣ад̇д̇ам̣ д̣̇аамам̣ г̇ант̇имам̣. зса наяо сзсзсуби. на ваддад̇ийд̇и гуласан̇г̇ахад̇т̇ааяа, вад̇т̇убууж̇аад̣̇иад̇т̇ааяа ваа вуд̇д̇анаязна гаронд̇асса гаараабзнд̇асса жа д̣̇уггаданд̇и ад̇т̇о. ваддад̇ийд̇и вад̇т̇убууж̇аад̣̇иад̇т̇ааяа ваддад̇и, гуласан̇г̇ахад̇т̇ааяа бана габбияавохаарзна гаараабзнд̇ассаби д̣̇уггадамзва. буриманаязнзваад̇и ‘‘бхигкусса ваа’’д̇иаад̣̇инаа вуд̇д̇анаязна. д̇хаммаасанавид̇аанз б̣ад̣̇д̇хаган̣дагзсу бубпаани винивиж̇жхид̇ваа табзнд̇ийд̇и самб̣анд̇хо. убаруубари виж̇жхид̇ваа чад̇д̇асад̣̇исам̣ гад̇ваа аавун̣анад̇о ‘‘чад̇д̇аад̇хичад̇д̇ам̣ вияаа’’д̇и вуд̇д̇ам̣. ‘‘гад̣̇алигканд̇хамхий’’д̇иаад̣̇инаа вуд̇д̇ам̣ саб̣б̣амзва санд̇хааяа ‘‘д̇ам̣ ад̇иол̣ааригамзваа’’д̇и вуд̇д̇ам̣, саб̣б̣ад̇т̇а гаран̣з, агаббияавохаарзна гаараабанз жа д̣̇уггадамзваад̇и ад̇т̇о. бубпавиж̇жханад̇т̇ам̣ ган̣дагамби б̣анд̇хид̇ум̣ на ваддад̇ийд̇и имасса убалагкан̣ад̇д̇аа бубпад̣̇аамоламб̣агаад̣̇иад̇т̇ааяа раж̇ж̇уб̣анд̇ханаад̣̇иби на ваддад̇ийд̇и гзжи вад̣̇анд̇и. ан̃н̃з бана ‘‘бубпавиж̇жханад̇т̇ам̣ ган̣даганд̇и висзсид̇ад̇д̇аа д̇ад̣̇ад̇т̇ам̣ ган̣дагамзва б̣анд̇хид̇ум̣ на ваддад̇и, д̇ан̃жа адтагат̇аабамаан̣знаа’’д̇и вад̣̇анд̇и, виймам̣сид̇ваа г̇ахзд̇аб̣б̣ам̣. бубпабадижчагам̣ наама д̣̇анд̇аад̣̇ийхи гад̇ам̣ бубпаад̇хаанам̣. зд̇амби нааг̇ад̣̇анд̇агамби сачид̣̇д̣̇амзва г̇ахзд̇аб̣б̣ам̣. асогабин̣д̣ияаад̇и асогасаакаанам̣, бубпаанам̣ ваа самуухз. саарад̇т̇ад̣̇ийбанияам̣ (саарад̇т̇а. дий. 2.431) бана ‘‘асогабин̣д̣ияаад̇и асогабубпаман̃ж̇аригааяаа’’д̇и вуд̇д̇ам̣. д̇хаммараж̇ж̇у наама жзд̇ияам̣ ваа б̣од̇хим̣ ваа бубпаббавзсанад̇т̇ам̣ аавиж̇жхид̇ваа б̣анд̇хараж̇ж̇у. вимад̇ивинод̣̇анияам̣ (ви. ви. дий. 1.431) бана ‘‘д̇хаммараж̇ж̇у наама жзд̇ияаад̣̇ийни баригкибид̇ваа д̇зсан̃жа раж̇ж̇уяаа жа анд̇араа бубпаббавзсанад̇т̇ааяа б̣анд̇хараж̇ж̇у. сит̇илаваддид̇ааяа ваа ваддияаа аб̣бханд̇арз бубпаббавзсанад̇т̇ааяа звам̣ б̣анд̇хаад̇иби вад̣̇анд̇ий’’д̇и вуд̇д̇ам̣.
31. Ganthanena nibbattaṃ dāmaṃ ganthimaṃ. Esa nayo sesesupi. Na vaṭṭatīti kulasaṅgahatthāya, vatthupūjādiatthāya vā vuttanayena karontassa kārāpentassa ca dukkaṭanti attho. Vaṭṭatīti vatthupūjādiatthāya vaṭṭati, kulasaṅgahatthāya pana kappiyavohārena kārāpentassapi dukkaṭameva. Purimanayenevāti ‘‘bhikkhussa vā’’tiādinā vuttanayena. Dhammāsanavitāne baddhakaṇṭakesu pupphāni vinivijjhitvā ṭhapentīti sambandho. Uparūpari vijjhitvā chattasadisaṃ katvā āvuṇanato ‘‘chattādhichattaṃ viyā’’ti vuttaṃ. ‘‘Kadalikkhandhamhī’’tiādinā vuttaṃ sabbameva sandhāya ‘‘taṃ atioḷārikamevā’’ti vuttaṃ, sabbattha karaṇe, akappiyavohārena kārāpane ca dukkaṭamevāti attho. Pupphavijjhanatthaṃ kaṇṭakampi bandhituṃ na vaṭṭatīti imassa upalakkhaṇattā pupphadāmolambakādiatthāya rajjubandhanādipi na vaṭṭatīti keci vadanti. Aññe pana ‘‘pupphavijjhanatthaṃ kaṇṭakanti visesitattā tadatthaṃ kaṇṭakameva bandhituṃ na vaṭṭati, tañca aṭṭhakathāpamāṇenā’’ti vadanti, vīmaṃsitvā gahetabbaṃ. Pupphapaṭicchakaṃ nāma dantādīhi kataṃ pupphādhānaṃ. Etampi nāgadantakampi sachiddameva gahetabbaṃ. Asokapiṇḍiyāti asokasākhānaṃ, pupphānaṃ vā samūhe. Sāratthadīpaniyaṃ (sārattha. ṭī. 2.431) pana ‘‘asokapiṇḍiyāti asokapupphamañjarikāyā’’ti vuttaṃ. Dhammarajju nāma cetiyaṃ vā bodhiṃ vā pupphappavesanatthaṃ āvijjhitvā bandharajju. Vimativinodaniyaṃ (vi. vi. ṭī. 1.431) pana ‘‘dhammarajju nāma cetiyādīni parikkhipitvā tesañca rajjuyā ca antarā pupphappavesanatthāya bandharajju. Sithilavaṭṭitāya vā vaṭṭiyā abbhantare pupphappavesanatthāya evaṃ bandhātipi vadantī’’ti vuttaṃ.
мад̇т̇агад̣̇ааманд̇и д̇хаммаасанаад̣̇имад̇т̇агз баламб̣агад̣̇аамам̣. д̇зсам̣язваад̇и уббалаад̣̇ийнам̣ зва. ваагзна ваад̇и бубпанаал̣ам̣ паалзд̇ваа бубпзна згааб̣ад̣̇д̇хадтид̇аваагзна д̣̇ан̣д̣зна жа згааб̣ад̣̇д̇хзнзва. зд̇зна бубпам̣ б̣ийж̇аг̇аамасан̇г̇ахам̣ на г̇ажчад̇и бан̃жасу б̣ийж̇зсу абавидтад̇д̇аа бан̣н̣ам̣ вияа, д̇асмаа габбияам̣ агаараабзд̇вааби вигобанз д̣̇осо над̇т̇и. яан̃жа чиннассаби магул̣асса вигасанам̣, д̇амби ад̇ид̇арун̣асса абхааваа вуд̣дхилагкан̣ам̣ на ход̇и, барин̣ад̇асса бана магул̣асса бад̇д̇аанам̣ синзхз барияаад̣̇аанам̣ г̇ад̇з висум̣бхааво зва вигаасо, д̇знзва чиннамагул̣авигаасо ачиннамагул̣авигаасад̇о барихийно, милаад̇анияуд̇д̇о ваа д̣̇иссад̇и. яан̃жа милаад̇асса уд̣̇агасан̃н̃ог̇з амилаанад̇аабаж̇ж̇анам̣, д̇амби д̇амб̣улабан̣н̣аад̣̇ийсу самаанам̣ вуд̣дхилагкан̣ам̣ на ход̇и. баал̣иадтагат̇аасу жа на гад̇т̇ажи бубпаанам̣ габбияагаран̣ам̣ ааг̇ад̇ам̣, д̇асмаа бубпам̣ саб̣б̣ат̇аа аб̣ийж̇амзваад̇и вин̃н̃ааяад̇и, виймам̣сид̇ваа г̇ахзд̇аб̣б̣ам̣.
Matthakadāmanti dhammāsanādimatthake palambakadāmaṃ. Tesaṃyevāti uppalādīnaṃ eva. Vākena vāti pupphanāḷaṃ phāletvā pupphena ekābaddhaṭṭhitavākena daṇḍena ca ekābaddheneva. Etena pupphaṃ bījagāmasaṅgahaṃ na gacchati pañcasu bījesu apaviṭṭhattā paṇṇaṃ viya, tasmā kappiyaṃ akārāpetvāpi vikopane doso natthi. Yañca chinnassapi makuḷassa vikasanaṃ, tampi atitaruṇassa abhāvā vuḍḍhilakkhaṇaṃ na hoti, pariṇatassa pana makuḷassa pattānaṃ sinehe pariyādānaṃ gate visuṃbhāvo eva vikāso, teneva chinnamakuḷavikāso achinnamakuḷavikāsato parihīno, milātaniyutto vā dissati. Yañca milātassa udakasaññoge amilānatāpajjanaṃ, tampi tambulapaṇṇādīsu samānaṃ vuḍḍhilakkhaṇaṃ na hoti. Pāḷiaṭṭhakathāsu ca na katthaci pupphānaṃ kappiyakaraṇaṃ āgataṃ, tasmā pupphaṃ sabbathā abījamevāti viññāyati, vīmaṃsitvā gahetabbaṃ.
‘‘басиб̣б̣агз вияаа’’д̇и вуд̇д̇ад̇д̇аа бубпам̣ басиб̣б̣агз ваа басиб̣б̣агасад̣̇исам̣ б̣анд̇хз яад̇т̇а гад̇т̇ажи жийварз ваа багкибид̇ум̣ ваддад̇ийд̇и сид̣̇д̇хам̣. саарад̇т̇ад̣̇ийбанияам̣ (саарад̇т̇а. дий. 2.431) бана ‘‘канд̇хз табид̇агаасаавассаад̇и канд̇хз табид̇асан̇гхаадим̣ санд̇хааяа вуд̇д̇ам̣. д̇ан̃хи д̇ат̇ааб̣анд̇хид̇ум̣ саггаа бхавзяяа. иминаа жа ан̃н̃амби д̇аад̣̇исам̣ гаасаавам̣ ваа вад̇т̇ам̣ ваа вуд̇д̇анаязна б̣анд̇хид̇ваа д̇ад̇т̇а бубпаани багкибид̇ум̣ ваддад̇ийд̇и сид̣̇д̇хам̣. ам̣сабхан̣д̣игабасиб̣б̣агз багкид̇д̇асад̣̇исад̇д̇аа взтимам̣ наама на ж̇аад̇ам̣, д̇асмаа сит̇илаб̣анд̇хасса анд̇аранд̇араа багкибид̇умби ваддад̇ийд̇и вад̣̇анд̇ий’’д̇и вуд̇д̇ам̣. хздтаа д̣̇ан̣д̣агам̣ бана б̣анд̇хид̇ум̣ на ваддад̇ийд̇и раж̇ж̇уаад̣̇ийхи б̣анд̇ханам̣ санд̇хааяа вуд̇д̇ам̣, бубпассзва бана ажчиннад̣̇ан̣д̣агзхи б̣анд̇хид̇ум̣ ваддад̇и зва.
‘‘Pasibbake viyā’’ti vuttattā pupphaṃ pasibbake vā pasibbakasadisaṃ bandhe yattha katthaci cīvare vā pakkhipituṃ vaṭṭatīti siddhaṃ. Sāratthadīpaniyaṃ (sārattha. ṭī. 2.431) pana ‘‘khandhe ṭhapitakāsāvassāti khandhe ṭhapitasaṅghāṭiṃ sandhāya vuttaṃ. Tañhi tathābandhituṃ sakkā bhaveyya. Iminā ca aññampi tādisaṃ kāsāvaṃ vā vatthaṃ vā vuttanayena bandhitvā tattha pupphāni pakkhipituṃ vaṭṭatīti siddhaṃ. Aṃsabhaṇḍikapasibbake pakkhittasadisattā veṭhimaṃ nāma na jātaṃ, tasmā sithilabandhassa antarantarā pakkhipitumpi vaṭṭatīti vadantī’’ti vuttaṃ. Heṭṭhā daṇḍakaṃ pana bandhituṃ navaṭṭatīti rajjuādīhi bandhanaṃ sandhāya vuttaṃ, pupphasseva pana acchinnadaṇḍakehi bandhituṃ vaṭṭati eva.
бубпабадз жа д̣̇адтаб̣б̣анд̇и бубпабадам̣ гаронд̇асса д̣̇ийгхад̇о бубпад̣̇аамасса харан̣абажжаахаран̣авасзна бууран̣ам̣ санд̇хааяа вуд̇д̇ам̣, д̇ирияад̇о харан̣ам̣ бана вааяимам̣ наама ход̇и, на буримам̣. ‘‘буримадтаанам̣ ад̇иггаамзд̇ий’’д̇и сааман̃н̃ад̇о вуд̇д̇ад̇д̇аа буримам̣ бубпагодим̣ пусаабзд̇ваа ваа апусаабзд̇ваа ваа баригкибанавасзна ад̇иггаамзнд̇асса аабад̇д̇иязва. б̣анд̇хид̇ум̣ ваддад̇ийд̇и бубпарахид̇ааяа суд̇д̇аваагагодияаа б̣анд̇хид̇ум̣ ваддад̇и. згаваарам̣ харид̇ваа баригкибид̇ваад̇и ид̣̇ам̣ буб̣б̣з вуд̇д̇ажзд̇ияаад̣̇ибаригкзбам̣ бубпабадагаран̣ан̃жа санд̇хааяа вуд̇д̇ам̣, д̇асмаа жзд̇ияам̣ ваа б̣од̇хим̣ ваа баригкибанд̇зна згаваарам̣ баригкибид̇ваа буримадтаанам̣ самбад̇д̇з ан̃н̃асса д̣̇аад̇аб̣б̣ам̣, д̇знаби згаваарам̣ баригкибид̇ваа д̇ат̇зва гаад̇аб̣б̣ам̣. бубпабадам̣ гаронд̇зна жа харид̇ваа ан̃н̃асса д̣̇аад̇аб̣б̣ам̣, д̇знаби д̇ат̇зва гаад̇аб̣б̣ам̣. сажзби д̣̇взязва бхигкуу убхосу бассзсу тад̇ваа барияааязна харанд̇и, ваддад̇иязваад̇и вад̣̇анд̇и.
Pupphapaṭe ca daṭṭhabbanti pupphapaṭaṃ karontassa dīghato pupphadāmassa haraṇapaccāharaṇavasena pūraṇaṃ sandhāya vuttaṃ, tiriyato haraṇaṃ pana vāyimaṃ nāma hoti, na purimaṃ. ‘‘Purimaṭṭhānaṃ atikkāmetī’’ti sāmaññato vuttattā purimaṃ pupphakoṭiṃ phusāpetvā vā aphusāpetvā vā parikkhipanavasena atikkāmentassa āpattiyeva. Bandhituṃ vaṭṭatīti puppharahitāya suttavākakoṭiyā bandhituṃ vaṭṭati. Ekavāraṃ haritvā parikkhipitvāti idaṃ pubbe vuttacetiyādiparikkhepaṃ pupphapaṭakaraṇañca sandhāya vuttaṃ, tasmā cetiyaṃ vā bodhiṃ vā parikkhipantena ekavāraṃ parikkhipitvā purimaṭṭhānaṃ sampatte aññassa dātabbaṃ, tenapi ekavāraṃ parikkhipitvā tatheva kātabbaṃ. Pupphapaṭaṃ karontena ca haritvā aññassa dātabbaṃ, tenapi tatheva kātabbaṃ. Sacepi dveyeva bhikkhū ubhosu passesu ṭhatvā pariyāyena haranti, vaṭṭatiyevāti vadanti.
барзхи буурид̇анд̇и д̣̇ийгхад̇о басаарид̇ам̣. вааяид̇унд̇и д̇ирияад̇о харид̇ум̣, д̇ам̣ бана згаваарамби на лабхад̇и. бубпаани табзнд̇знаад̇и аг̇ант̇ид̇аани баагад̇игабубпаани ан̃н̃аман̃н̃ам̣ пусаабзд̇вааби табзнд̇зна. бубпад̣̇аамам̣ бана бууж̇анад̇т̇ааяа бхуумияам̣ табзнд̇зна пусаабзд̇ваа ваа апусаабзд̇ваа ваа д̣̇иг̇ун̣ам̣ гад̇ваа табзд̇ум̣ на ваддад̇ийд̇и вад̣̇анд̇и.
Parehi pūritanti dīghato pasāritaṃ. Vāyitunti tiriyato harituṃ, taṃ pana ekavārampi na labhati. Pupphāni ṭhapentenāti aganthitāni pākatikapupphāni aññamaññaṃ phusāpetvāpi ṭhapentena. Pupphadāmaṃ pana pūjanatthāya bhūmiyaṃ ṭhapentena phusāpetvā vā aphusāpetvā vā diguṇaṃ katvā ṭhapetuṃ na vaṭṭatīti vadanti.
32. гхадигад̣̇аамаоламб̣агод̇и хздтаабхааг̇з гхадигаагаараяуд̇д̇о, д̣̇ааругхадигаагааро ваа оламб̣аго. саарад̇т̇ад̣̇ийбанияам̣ (саарад̇т̇а. дий. 2.431) бана ‘‘гхадигад̣̇аамаоламб̣агод̇и анд̇з гхадигаагаараяуд̇д̇о яамагад̣̇аамаоламб̣аго’’д̇и вуд̇д̇ам̣. важ̇ираб̣уд̣̇д̇хидийгааяам̣ (важ̇ира. дий. баарааж̇ига 431) бана ‘‘гхадигад̣̇аамаоламб̣агод̇и яамагад̣̇аамаоламб̣агод̇и ликид̇а’’нд̇и вуд̇д̇ам̣, згзгам̣ бана д̣̇аамам̣ нигканд̇асуд̇д̇агодияаава б̣анд̇хид̇ваа оламб̣ид̇ум̣ ваддад̇и, бубпад̣̇аамад̣̇ваяам̣ сан̇гхадид̇угаамзнаби нигканд̇асуд̇д̇агодияаава суд̇д̇агодим̣ сан̇гхадид̇ум̣ ваддад̇и. ад̣дхажанд̣̇аагаарзна маалааг̇ун̣абаригкзбод̇и ад̣дхажанд̣̇аагаарзна маалааг̇ун̣асса бунаббунам̣ харан̣абажжаахаран̣авасзна буурзд̇ваа баригкибанам̣, д̇знзва д̇ам̣ буримз бавидтам̣, д̇асмаа зд̇амби ад̣дхажанд̣̇аагаарам̣ бунаббунам̣ харан̣абажжаахаран̣авасзна буурзд̇ум̣ на ваддад̇и. згаваарам̣ бана ад̣дхажанд̣̇аагаарагаран̣з маалааг̇ун̣ам̣ харид̇ум̣ ваддад̇ийд̇и вад̣̇анд̇и. бубпад̣̇аамагаран̣анд̇и зд̇т̇а суд̇д̇агодияам̣ г̇ахзд̇вааби згад̇о гаад̇ум̣ на ваддад̇ийд̇и вад̣̇анд̇и. суд̇д̇амаяам̣ г̇зн̣д̣угам̣ наама, г̇зн̣д̣угакарабад̇д̇ад̣̇аамаанам̣ бадигкид̇д̇ад̇д̇аа жзлаад̣̇ийхи гад̇ад̣̇аамамби на ваддад̇и агаббияаануломад̇д̇аад̇и вад̣̇анд̇и. барасанд̇агам̣ д̣̇зд̇и, д̣̇уггадамзваад̇и виссаасаг̇г̇аахзна барасанд̇агам̣ г̇ахзд̇ваа д̣̇знд̇ам̣ санд̇хааяа вуд̇д̇ам̣. т̇уллажжаяанд̇и зд̇т̇а бхан̣д̣ад̣̇зяяамби ход̇и.
32.Ghaṭikadāmaolambakoti heṭṭhābhāge ghaṭikākārayutto, dārughaṭikākāro vā olambako. Sāratthadīpaniyaṃ (sārattha. ṭī. 2.431) pana ‘‘ghaṭikadāmaolambakoti ante ghaṭikākārayutto yamakadāmaolambako’’ti vuttaṃ. Vajirabuddhiṭīkāyaṃ (vajira. ṭī. pārājika 431) pana ‘‘ghaṭikadāmaolambakoti yamakadāmaolambakoti likhita’’nti vuttaṃ, ekekaṃ pana dāmaṃ nikkhantasuttakoṭiyāva bandhitvā olambituṃ vaṭṭati, pupphadāmadvayaṃ saṅghaṭitukāmenapi nikkhantasuttakoṭiyāva suttakoṭiṃ saṅghaṭituṃ vaṭṭati. Aḍḍhacandākārena mālāguṇaparikkhepoti aḍḍhacandākārena mālāguṇassa punappunaṃ haraṇapaccāharaṇavasena pūretvā parikkhipanaṃ, teneva taṃ purime paviṭṭhaṃ, tasmā etampi aḍḍhacandākāraṃ punappunaṃ haraṇapaccāharaṇavasena pūretuṃ na vaṭṭati. Ekavāraṃ pana aḍḍhacandākārakaraṇe mālāguṇaṃ harituṃ vaṭṭatīti vadanti. Pupphadāmakaraṇanti ettha suttakoṭiyaṃ gahetvāpi ekato kātuṃ na vaṭṭatīti vadanti. Suttamayaṃ geṇḍukaṃ nāma, geṇḍukakharapattadāmānaṃ paṭikkhittattā celādīhi katadāmampi na vaṭṭati akappiyānulomattāti vadanti. Parasantakaṃ deti, dukkaṭamevāti vissāsaggāhena parasantakaṃ gahetvā dentaṃ sandhāya vuttaṃ. Thullaccayanti ettha bhaṇḍadeyyampi hoti.
33. д̇ан̃жа ко вад̇т̇убууж̇анад̇т̇ааяаад̇и маад̇аабид̇уунамби бубпам̣ д̣̇знд̇зна вад̇т̇убууж̇анад̇т̇ааязва д̣̇аад̇аб̣б̣анд̇и д̣̇ассзд̇и. ‘‘ман̣д̣анад̇т̇ааяа бана сивалин̇г̇аад̣̇ибууж̇анад̇т̇ааяаа’’д̇и зд̇д̇агамзва вуд̇д̇ад̇д̇аа ‘‘имам̣ виггин̣ид̇ваа ж̇ийвиссанд̇ий’’д̇и маад̇аабид̇уунам̣ ваддад̇и, сзсан̃аад̇агаанам̣ д̇аавагаалигамзва д̣̇аад̇ум̣ ваддад̇и. гассажибийд̇и н̃аад̇агасса ваа ан̃н̃аад̇агасса ваа гассажиби. н̃аад̇исааман̣зрзхзваад̇и д̇зсам̣ г̇ихибаригаммаможанад̇т̇ам̣ вуд̇д̇ам̣. ид̇арзд̇и ан̃н̃аад̇агаа. д̇зхиби сааман̣зрзхи аажарияубаж̇жхааяаанам̣ вад̇д̇асийсзна харид̇аб̣б̣ам̣. самбад̇д̇аанам̣ сааман̣зраанам̣ убад̣дхабхааг̇ам̣ д̣̇аад̇ум̣ ваддад̇ийд̇и сан̇гхигасса лаабхасса убажаарасиймадтасааман̣зраанамби санд̇агад̇д̇аа д̇зсамби убад̣дхабхааг̇о лаб̣бхад̇зваад̇и гад̇ваа вуд̇д̇ам̣. жуул̣аганд̇и убад̣дхабхааг̇ад̇оби убад̣дхам̣. жад̇уд̇т̇абхааг̇ассзд̇ам̣ ад̇хиважанам̣. сааман̣зраа…бз… табзнд̇ийд̇и ид̣̇ам̣ арагкид̇ааг̇обид̇ам̣ санд̇хааяа вуд̇д̇ам̣. саарад̇т̇ад̣̇ийбанияам̣ бана ‘‘вассаг̇г̇зна абхааж̇анийяам̣ санд̇хааяа вуд̇д̇а’’нд̇и вуд̇д̇ам̣. д̇ад̇т̇а д̇ад̇т̇аад̇и маг̇г̇з ваа жзд̇ияан̇г̇ан̣з ваа.
33.Tañca kho vatthupūjanatthāyāti mātāpitūnampi pupphaṃ dentena vatthupūjanatthāyeva dātabbanti dasseti. ‘‘Maṇḍanatthāya pana sivaliṅgādipūjanatthāyā’’ti ettakameva vuttattā ‘‘imaṃ vikkiṇitvā jīvissantī’’ti mātāpitūnaṃ vaṭṭati, sesañātakānaṃ tāvakālikameva dātuṃ vaṭṭati. Kassacipīti ñātakassa vā aññātakassa vā kassacipi. Ñātisāmaṇerehevāti tesaṃ gihiparikammamocanatthaṃ vuttaṃ. Itareti aññātakā. Tehipi sāmaṇerehi ācariyupajjhāyānaṃ vattasīsena haritabbaṃ. Sampattānaṃ sāmaṇerānaṃ upaḍḍhabhāgaṃ dātuṃ vaṭṭatīti saṅghikassa lābhassa upacārasīmaṭṭhasāmaṇerānampi santakattā tesampi upaḍḍhabhāgo labbhatevāti katvā vuttaṃ. Cūḷakanti upaḍḍhabhāgatopi upaḍḍhaṃ. Catutthabhāgassetaṃ adhivacanaṃ. Sāmaṇerā…pe… ṭhapentīti idaṃ arakkhitaagopitaṃ sandhāya vuttaṃ. Sāratthadīpaniyaṃ pana ‘‘vassaggena abhājanīyaṃ sandhāya vutta’’nti vuttaṃ. Tattha tatthāti magge vā cetiyaṅgaṇe vā.
34. сааман̣зрзхи д̣̇аабзд̇ум̣ на лабханд̇ийд̇и ид̣̇ам̣ сааман̣зрзхи г̇ихигаммам̣ гаарид̇ам̣ вияа ход̇ийд̇и вуд̇д̇ам̣, на бана бубпад̣̇аанам̣ ход̇ийд̇и сааман̣зраанамби на вадданад̇о. вуд̇д̇ан̃жа ‘‘саяамзваа’’д̇иаад̣̇и. на хи д̇ам̣ бубпад̣̇аанам̣ наама сияаа. яад̣̇и хи д̇ат̇аа ааг̇ад̇аанам̣ д̇зсам̣ д̣̇аанам̣ бубпад̣̇аанам̣ наама бхавзяяа , сааман̣зрзхиби д̣̇аад̇ум̣ на лаб̣бхзяяа. саяамзваад̇и сааман̣зраа саяамзва. яааг̇убхад̇д̇аад̣̇ийни аад̣̇ааяаад̇и ид̣̇ам̣ бхигкуунам̣ ад̇т̇ааяа яааг̇убхад̇д̇аад̣̇исамбаад̣̇анам̣ санд̇хааяа вуд̇д̇ад̇д̇аа ‘‘на ваддад̇ий’’д̇и ависзсзна вуд̇д̇ам̣. ависзсзна вуд̇д̇анд̇и иминаа саб̣б̣зсамби на ваддад̇ийд̇и д̣̇ассзд̇и.
34.Sāmaṇerehi dāpetuṃ na labhantīti idaṃ sāmaṇerehi gihikammaṃ kāritaṃ viya hotīti vuttaṃ, na pana pupphadānaṃ hotīti sāmaṇerānampi na vaṭṭanato. Vuttañca ‘‘sayamevā’’tiādi. Na hi taṃ pupphadānaṃ nāma siyā. Yadi hi tathā āgatānaṃ tesaṃ dānaṃ pupphadānaṃ nāma bhaveyya , sāmaṇerehipi dātuṃ na labbheyya. Sayamevāti sāmaṇerā sayameva. Yāgubhattādīni ādāyāti idaṃ bhikkhūnaṃ atthāya yāgubhattādisampādanaṃ sandhāya vuttattā ‘‘na vaṭṭatī’’ti avisesena vuttaṃ. Avisesena vuttanti iminā sabbesampi na vaṭṭatīti dasseti.
35. вуд̇д̇анаязнзваад̇и ‘‘маад̇аабид̇уунам̣ д̇аава харид̇вааби хараабзд̇вааби баггосид̇вааби баггосаабзд̇вааби д̣̇аад̇ум̣ ваддад̇и, сзсан̃аад̇агаанам̣ баггосаабзд̇ваава. маад̇аабид̇уунан̃жа хараабзнд̇зна н̃аад̇исааман̣зрзхзва хараабзд̇аб̣б̣ам̣. ид̇арз бана яад̣̇и саяамзва ижчанд̇и, ваддад̇ий’’д̇и имам̣ бубпад̣̇аанз вуд̇д̇анаяам̣ палад̣̇аанзби ад̇ид̣̇исад̇и, д̇асмаа паламби маад̇аабид̇уунам̣ харан̣ахараабанаад̣̇инаа д̣̇аад̇ум̣ ваддад̇и, сзсан̃аад̇ийнам̣ баггосаабзд̇ваава. ид̣̇аани ‘‘яо харид̇ваа ваа хараабзд̇ваа ваа…бз… иссаравад̇ааяа д̣̇ад̣̇ад̇о т̇уллажжаяа’’нд̇и (баараа. адта. 2.436-437) имам̣ бубпад̣̇аанз вуд̇д̇анаяам̣ палад̣̇аанз сан̇кибид̇ваа д̣̇ассзнд̇о ‘‘гуласан̇г̇ахад̇т̇ааяа банаа’’д̇иаад̣̇имааха. кийн̣абариб̣б̣аяаананд̇и ааг̇анд̇угз санд̇хааяа вуд̇д̇ам̣. палабарижчзд̣̇знаад̇и ‘‘зд̇д̇агаани палаани д̣̇аад̇аб̣б̣ааний’’д̇и звам̣ палабарижчзд̣̇зна ваа. ругкабарижчзд̣̇зна ваад̇и ‘‘имзхи ругкзхи д̣̇аад̇аб̣б̣ааний’’д̇и звам̣ ругкабарижчзд̣̇зна ваа. барижчиннзсуби бана ругкзсу ‘‘ид̇ха палаани сунд̣̇араани, ид̇о г̇ан̣хат̇аа’’д̇и вад̣̇анд̇зна гуласан̇г̇ахо гад̇о наама ход̇ийд̇и ааха ‘‘звам̣ бана на вад̇д̇аб̣б̣а’’нд̇и. ругкажчаллийд̇и ругкад̇д̇ажо, саа ‘‘бхааж̇анийяабхан̣д̣а’’нд̇и вуд̇д̇аа. вуд̇д̇анаязнаад̇и бубпапалаад̣̇ийсу вуд̇д̇анаязна гуласан̇г̇ахо ход̇ийд̇и д̣̇ассзд̇и.
35.Vuttanayenevāti ‘‘mātāpitūnaṃ tāva haritvāpi harāpetvāpi pakkositvāpi pakkosāpetvāpi dātuṃ vaṭṭati, sesañātakānaṃ pakkosāpetvāva. Mātāpitūnañca harāpentena ñātisāmaṇereheva harāpetabbaṃ. Itare pana yadi sayameva icchanti, vaṭṭatī’’ti imaṃ pupphadāne vuttanayaṃ phaladānepi atidisati, tasmā phalampi mātāpitūnaṃ haraṇaharāpanādinā dātuṃ vaṭṭati, sesañātīnaṃ pakkosāpetvāva. Idāni ‘‘yo haritvā vā harāpetvā vā…pe… issaravatāya dadato thullaccaya’’nti (pārā. aṭṭha. 2.436-437) imaṃ pupphadāne vuttanayaṃ phaladāne saṅkhipitvā dassento ‘‘kulasaṅgahatthāya panā’’tiādimāha. Khīṇaparibbayānanti āgantuke sandhāya vuttaṃ. Phalaparicchedenāti ‘‘ettakāni phalāni dātabbānī’’ti evaṃ phalaparicchedena vā. Rukkhaparicchedena vāti ‘‘imehi rukkhehi dātabbānī’’ti evaṃ rukkhaparicchedena vā. Paricchinnesupi pana rukkhesu ‘‘idha phalāni sundarāni, ito gaṇhathā’’ti vadantena kulasaṅgaho kato nāma hotīti āha ‘‘evaṃ pana na vattabba’’nti. Rukkhacchallīti rukkhattaco, sā ‘‘bhājanīyabhaṇḍa’’nti vuttā. Vuttanayenāti pupphaphalādīsu vuttanayena kulasaṅgaho hotīti dasseti.
36. д̇зсам̣ д̇зсам̣ г̇ихийнам̣ г̇ааманд̇арад̣̇зсанд̇араад̣̇ийсу саасанабадисаасанахаран̣ам̣ ж̇ан̇гхабзсанияам̣. д̇знааха ‘‘г̇ихийнам̣ д̣̇ууд̇зяяам̣ саасанахаран̣агамма’’нд̇и. д̣̇ууд̇асса гаммам̣ д̣̇ууд̇зяяам̣. батамам̣ саасанам̣ аг̇г̇ахзд̇вааби…бз… бад̣̇з бад̣̇з д̣̇уггаданд̇и ид̣̇ам̣ ‘‘д̇асса саасанам̣ аарожзссаамий’’д̇и иминаа ад̇хиббааязна г̇аманам̣ санд̇хааяа вуд̇д̇ам̣. д̇асса бана саасанам̣ бадигкибид̇ваа саяамзва гаарун̃н̃з тид̇о г̇анд̇ваа ад̇д̇ано бад̇ируубам̣ саасанам̣ аарожзд̇и, анаабад̇д̇и. г̇ихийнан̃жа габбияасаасанам̣ харид̇ум̣ ваддад̇ийд̇и самб̣анд̇хо. имзхи бана адтахи гулад̣̇уусагагаммзхийд̇и бубпад̣̇аанам̣ палад̣̇аанам̣ жун̣н̣ад̣̇аанам̣ мад̇д̇игад̣̇аанам̣ д̣̇анд̇агадтад̣̇аанам̣ взл̣уд̣̇аанам̣ бан̣н̣ад̣̇аанам̣ ж̇ан̇гхабзсаниганд̇и имзхи яат̇аавуд̇д̇зхи. баб̣б̣ааж̇анийяагаммагад̇од̇и гулад̣̇уусанабажжаяаа гад̇абаб̣б̣ааж̇анийяагаммо.
36. Tesaṃ tesaṃ gihīnaṃ gāmantaradesantarādīsu sāsanapaṭisāsanaharaṇaṃ jaṅghapesaniyaṃ. Tenāha ‘‘gihīnaṃ dūteyyaṃ sāsanaharaṇakamma’’nti. Dūtassa kammaṃ dūteyyaṃ. Paṭhamaṃ sāsanaṃ aggahetvāpi…pe… pade pade dukkaṭanti idaṃ ‘‘tassa sāsanaṃ ārocessāmī’’ti iminā adhippāyena gamanaṃ sandhāya vuttaṃ. Tassa pana sāsanaṃ paṭikkhipitvā sayameva kāruññe ṭhito gantvā attano patirūpaṃ sāsanaṃ āroceti, anāpatti. Gihīnañca kappiyasāsanaṃ harituṃ vaṭṭatīti sambandho. Imehi pana aṭṭhahi kuladūsakakammehīti pupphadānaṃ phaladānaṃ cuṇṇadānaṃ mattikadānaṃ dantakaṭṭhadānaṃ veḷudānaṃ paṇṇadānaṃ jaṅghapesanikanti imehi yathāvuttehi. Pabbājanīyakammakatoti kuladūsanapaccayā katapabbājanīyakammo.
37. сзгкабхуумияам̣ ваад̇и иминаа жхаанабхуумимби сан̇г̇ан̣хаад̇и. д̇ин̣н̣ам̣ вивзгаананд̇и гааяажид̇д̇аубад̇хививзгабхууд̇аанам̣ д̇ин̣н̣ам̣ вивзгаанам̣. бин̣д̣ааяа жаран̣асса бхож̇анабарияосаанад̇д̇аа вуд̇д̇ам̣ ‘‘яаава бхож̇анабарияосаана’’нд̇и. бхуд̇ваа ааг̇ажчанд̇ассаби буна вуд̇д̇анаязнзва бан̣ид̇хааяа жийварасан̣таабанаад̣̇ийни гаронд̇асса д̣̇уггадамзваад̇и д̣̇адтаб̣б̣ам̣.
37.Sekkhabhūmiyaṃ vāti iminā jhānabhūmimpi saṅgaṇhāti. Tiṇṇaṃ vivekānanti kāyacittaupadhivivekabhūtānaṃ tiṇṇaṃ vivekānaṃ. Piṇḍāya caraṇassa bhojanapariyosānattā vuttaṃ ‘‘yāva bhojanapariyosāna’’nti. Bhutvā āgacchantassapi puna vuttanayeneva paṇidhāya cīvarasaṇṭhāpanādīni karontassa dukkaṭamevāti daṭṭhabbaṃ.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
гуласан̇г̇ахавинижчаяагат̇аалан̇гааро наама
Kulasaṅgahavinicchayakathālaṅkāro nāma
бан̃жамо барижчзд̣̇о.
Pañcamo paricchedo.
