| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៧-៨. កុលសុត្តាទិវណ្ណនា
7-8. Kulasuttādivaṇṇanā
១៧-១៨. សត្តមេ ន មនាបេន បច្ចុដ្ឋេន្តីតិ មនវឌ្ឍនេន មនំ អល្លីយនាការេន អាសនា វុដ្ឋាយ បច្ចុគ្គមនំ ន ករោន្តិ។ ន មនាបេន អភិវាទេន្តីតិ ន បញ្ចបតិដ្ឋិតេន វន្ទន្តិ។ អសក្កច្ចំ ទេន្តីតិ អចិត្តីការេន ទេន្តិ។ នោ សក្កច្ចន្តិ សហត្ថា ន ទេន្តិ។ ន ឧបនិសីទន្តិ ធម្មសវនាយាតិ ‘‘ធម្មំ សុណិស្សាមា’’តិ ន សមីបេ និសីទន្តិ។ ន សុស្សូសន្តីតិ ឃដបិដ្ឋេ អាសិត្តឧទកំ វិយ វិវដ្ដេត្វា គច្ឆតិ។ អដ្ឋមេ វេនេយ្យជ្ឈាសយវសេន មេត្តាភាវនំ បក្ខិបិត្វា នវង្គសមន្នាគតោតិ វុត្តំ។
17-18. Sattame na manāpena paccuṭṭhentīti manavaḍḍhanena manaṃ allīyanākārena āsanā vuṭṭhāya paccuggamanaṃ na karonti. Na manāpena abhivādentīti na pañcapatiṭṭhitena vandanti. Asakkaccaṃ dentīti acittīkārena denti. No sakkaccanti sahatthā na denti. Na upanisīdanti dhammasavanāyāti ‘‘dhammaṃ suṇissāmā’’ti na samīpe nisīdanti. Na sussūsantīti ghaṭapiṭṭhe āsittaudakaṃ viya vivaṭṭetvā gacchati. Aṭṭhame veneyyajjhāsayavasena mettābhāvanaṃ pakkhipitvā navaṅgasamannāgatoti vuttaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៧. កុលសុត្តំ • 7. Kulasuttaṃ
៨. នវង្គុបោសថសុត្តំ • 8. Navaṅguposathasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៥-៩. គណ្ឌសុត្តាទិវណ្ណនា • 5-9. Gaṇḍasuttādivaṇṇanā
