| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৫. কুলসুত্তং
5. Kulasuttaṃ
২৫৮. ‘‘যানি কানিচি, ভিক্খৰে, কুলানি ভোগেসু মহত্তং পত্তানি ন চিরট্ঠিতিকানি ভৰন্তি, সব্বানি তানি চতূহি ঠানেহি, এতেসং ৰা অঞ্ঞতরেন। কতমেহি চতূহি? নট্ঠং ন গৰেসন্তি, জিণ্ণং ন পটিসঙ্খরোন্তি, অপরিমিতপানভোজনা হোন্তি, দুস্সীলং ইত্থিং ৰা পুরিসং ৰা আধিপচ্চে ঠপেন্তি। যানি কানিচি, ভিক্খৰে, কুলানি ভোগেসু মহত্তং পত্তানি ন চিরট্ঠিতিকানি ভৰন্তি, সব্বানি তানি ইমেহি চতূহি ঠানেহি , এতেসং ৰা অঞ্ঞতরেন।
258. ‘‘Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena. Katamehi catūhi? Naṭṭhaṃ na gavesanti, jiṇṇaṃ na paṭisaṅkharonti, aparimitapānabhojanā honti, dussīlaṃ itthiṃ vā purisaṃ vā ādhipacce ṭhapenti. Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni imehi catūhi ṭhānehi , etesaṃ vā aññatarena.
‘‘যানি কানিচি, ভিক্খৰে, কুলানি ভোগেসু মহত্তং পত্তানি চিরট্ঠিতিকানি ভৰন্তি, সব্বানি তানি চতূহি ঠানেহি, এতেসং ৰা অঞ্ঞতরেন। কতমেহি চতূহি? নট্ঠং গৰেসন্তি, জিণ্ণং পটিসঙ্খরোন্তি, পরিমিতপানভোজনা হোন্তি, সীলৰন্তং ইত্থিং ৰা পুরিসং ৰা আধিপচ্চে ঠপেন্তি। যানি কানিচি, ভিক্খৰে, কুলানি ভোগেসু মহত্তং পত্তানি চিরট্ঠিতিকানি ভৰন্তি, সব্বানি তানি ইমেহি চতূহি ঠানেহি, এতেসং ৰা অঞ্ঞতরেনা’’তি। পঞ্চমং।
‘‘Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena. Katamehi catūhi? Naṭṭhaṃ gavesanti, jiṇṇaṃ paṭisaṅkharonti, parimitapānabhojanā honti, sīlavantaṃ itthiṃ vā purisaṃ vā ādhipacce ṭhapenti. Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni imehi catūhi ṭhānehi, etesaṃ vā aññatarenā’’ti. Pañcamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫-১০. কুলসুত্তাদিৰণ্ণনা • 5-10. Kulasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৪-১০. মালুক্যপুত্তসুত্তাদিৰণ্ণনা • 4-10. Mālukyaputtasuttādivaṇṇanā
