Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    9. гуласуд̇д̇ам̣

    9. Kulasuttaṃ

    199. ‘‘яам̣, бхигкавз, сийлаванд̇о баб̣б̣аж̇ид̇аа гулам̣ убасан̇гаманд̇и, д̇ад̇т̇а мануссаа бан̃жахи таанзхи б̣ахум̣ бун̃н̃ам̣ басаванд̇и. гад̇амзхи бан̃жахи? яасмим̣, бхигкавз, самаяз сийлаванд̇з баб̣б̣аж̇ид̇з гулам̣ убасан̇гаманд̇з мануссаа д̣̇исваа жид̇д̇аани басаад̣̇знд̇и 1, саг̇г̇асам̣вад̇д̇анигам̣, бхигкавз, д̇ам̣ гулам̣ д̇асмим̣ самаяз бадибад̣̇ам̣ бадибаннам̣ ход̇и.

    199. ‘‘Yaṃ, bhikkhave, sīlavanto pabbajitā kulaṃ upasaṅkamanti, tattha manussā pañcahi ṭhānehi bahuṃ puññaṃ pasavanti. Katamehi pañcahi? Yasmiṃ, bhikkhave, samaye sīlavante pabbajite kulaṃ upasaṅkamante manussā disvā cittāni pasādenti 2, saggasaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti.

    ‘‘яасмим̣, бхигкавз, самаяз сийлаванд̇з баб̣б̣аж̇ид̇з гулам̣ убасан̇гаманд̇з мануссаа бажжудтзнд̇и абхиваад̣̇знд̇и аасанам̣ д̣̇знд̇и, ужжаагулийнасам̣вад̇д̇анигам̣, бхигкавз, д̇ам̣ гулам̣ д̇асмим̣ самаяз бадибад̣̇ам̣ бадибаннам̣ ход̇и.

    ‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā paccuṭṭhenti abhivādenti āsanaṃ denti, uccākulīnasaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti.

    ‘‘яасмим̣, бхигкавз, самаяз сийлаванд̇з баб̣б̣аж̇ид̇з гулам̣ убасан̇гаманд̇з мануссаа мажчзрамалам̣ бадивинзнд̇и 3, махзсагкасам̣вад̇д̇анигам̣, бхигкавз, д̇ам̣ гулам̣ д̇асмим̣ самаяз бадибад̣̇ам̣ бадибаннам̣ ход̇и.

    ‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā maccheramalaṃ paṭivinenti 4, mahesakkhasaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti.

    ‘‘яасмим̣, бхигкавз, самаяз сийлаванд̇з баб̣б̣аж̇ид̇з гулам̣ убасан̇гаманд̇з мануссаа яат̇аасад̇д̇и яат̇ааб̣алам̣ сам̣вибхаж̇анд̇и, махаабхог̇асам̣вад̇д̇анигам̣ , бхигкавз, д̇ам̣ гулам̣ д̇асмим̣ самаяз бадибад̣̇ам̣ бадибаннам̣ ход̇и.

    ‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā yathāsatti yathābalaṃ saṃvibhajanti, mahābhogasaṃvattanikaṃ , bhikkhave, taṃ kulaṃ tasmiṃ samaye paṭipadaṃ paṭipannaṃ hoti.

    ‘‘яасмим̣, бхигкавз, самаяз сийлаванд̇з баб̣б̣аж̇ид̇з гулам̣ убасан̇гаманд̇з мануссаа барибужчанд̇и барибан̃ханд̇и д̇хаммам̣ сун̣анд̇и, махаабан̃н̃аасам̣вад̇д̇анигам̣, бхигкавз, д̇ам̣ гулам̣ д̇асмим̣ самаяз бадибад̣̇ам̣ бадибаннам̣ ход̇и. яам̣ , бхигкавз, сийлаванд̇о баб̣б̣аж̇ид̇аа гулам̣ убасан̇гаманд̇и, д̇ад̇т̇а мануссаа имзхи бан̃жахи таанзхи б̣ахум̣ бун̃н̃ам̣ басаванд̇ий’’д̇и. навамам̣.

    ‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā paripucchanti paripañhanti dhammaṃ suṇanti, mahāpaññāsaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti. Yaṃ , bhikkhave, sīlavanto pabbajitā kulaṃ upasaṅkamanti, tattha manussā imehi pañcahi ṭhānehi bahuṃ puññaṃ pasavantī’’ti. Navamaṃ.




    Next: 10. ниссааран̣ийяасуд̇д̇ам̣ • 10. Nissāraṇīyasuttaṃ




    Footnotes:
    1. басийд̣̇анд̇и (сяаа. гам̣. га.)
    2. pasīdanti (syā. kaṃ. ka.)
    3. бадивинод̣̇знд̇и (сий. бий.)
    4. paṭivinodenti (sī. pī.)



    Related texts:



    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-9. ваажаасуд̇д̇аад̣̇иван̣н̣анаа • 8-9. Vācāsuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact