| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༥. ཀུལསུཏྟཾ
5. Kulasuttaṃ
༢༥༨. ‘‘ཡཱནི ཀཱནིཙི, བྷིཀྑཝེ, ཀུལཱནི བྷོགེསུ མཧཏྟཾ པཏྟཱནི ན ཙིརཊྛིཏིཀཱནི བྷཝནྟི, སབྦཱནི ཏཱནི ཙཏཱུཧི ཋཱནེཧི, ཨེཏེསཾ ཝཱ ཨཉྙཏརེན། ཀཏམེཧི ཙཏཱུཧི? ནཊྛཾ ན གཝེསནྟི, ཛིཎྞཾ ན པཊིསངྑརོནྟི, ཨཔརིམིཏཔཱནབྷོཛནཱ ཧོནྟི, དུསྶཱིལཾ ཨིཏྠིཾ ཝཱ པུརིསཾ ཝཱ ཨཱདྷིཔཙྩེ ཋཔེནྟི། ཡཱནི ཀཱནིཙི, བྷིཀྑཝེ, ཀུལཱནི བྷོགེསུ མཧཏྟཾ པཏྟཱནི ན ཙིརཊྛིཏིཀཱནི བྷཝནྟི, སབྦཱནི ཏཱནི ཨིམེཧི ཙཏཱུཧི ཋཱནེཧི , ཨེཏེསཾ ཝཱ ཨཉྙཏརེན།
258. ‘‘Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena. Katamehi catūhi? Naṭṭhaṃ na gavesanti, jiṇṇaṃ na paṭisaṅkharonti, aparimitapānabhojanā honti, dussīlaṃ itthiṃ vā purisaṃ vā ādhipacce ṭhapenti. Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni imehi catūhi ṭhānehi , etesaṃ vā aññatarena.
‘‘ཡཱནི ཀཱནིཙི, བྷིཀྑཝེ, ཀུལཱནི བྷོགེསུ མཧཏྟཾ པཏྟཱནི ཙིརཊྛིཏིཀཱནི བྷཝནྟི, སབྦཱནི ཏཱནི ཙཏཱུཧི ཋཱནེཧི, ཨེཏེསཾ ཝཱ ཨཉྙཏརེན། ཀཏམེཧི ཙཏཱུཧི? ནཊྛཾ གཝེསནྟི, ཛིཎྞཾ པཊིསངྑརོནྟི, པརིམིཏཔཱནབྷོཛནཱ ཧོནྟི, སཱིལཝནྟཾ ཨིཏྠིཾ ཝཱ པུརིསཾ ཝཱ ཨཱདྷིཔཙྩེ ཋཔེནྟི། ཡཱནི ཀཱནིཙི, བྷིཀྑཝེ, ཀུལཱནི བྷོགེསུ མཧཏྟཾ པཏྟཱནི ཙིརཊྛིཏིཀཱནི བྷཝནྟི, སབྦཱནི ཏཱནི ཨིམེཧི ཙཏཱུཧི ཋཱནེཧི, ཨེཏེསཾ ཝཱ ཨཉྙཏརེནཱ’’ཏི། པཉྩམཾ།
‘‘Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena. Katamehi catūhi? Naṭṭhaṃ gavesanti, jiṇṇaṃ paṭisaṅkharonti, parimitapānabhojanā honti, sīlavantaṃ itthiṃ vā purisaṃ vā ādhipacce ṭhapenti. Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni imehi catūhi ṭhānehi, etesaṃ vā aññatarenā’’ti. Pañcamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥-༡༠. ཀུལསུཏྟཱདིཝཎྞནཱ • 5-10. Kulasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༤-༡༠. མཱལུཀྱཔུཏྟསུཏྟཱདིཝཎྞནཱ • 4-10. Mālukyaputtasuttādivaṇṇanā
