| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. ཀུལསུཏྟཾ
9. Kulasuttaṃ
༡༩༩. ‘‘ཡཾ, བྷིཀྑཝེ, སཱིལཝནྟོ པབྦཛིཏཱ ཀུལཾ ཨུཔསངྐམནྟི, ཏཏྠ མནུསྶཱ པཉྩཧི ཋཱནེཧི བཧུཾ པུཉྙཾ པསཝནྟི། ཀཏམེཧི པཉྩཧི? ཡསྨིཾ, བྷིཀྑཝེ, སམཡེ སཱིལཝནྟེ པབྦཛིཏེ ཀུལཾ ཨུཔསངྐམནྟེ མནུསྶཱ དིསྭཱ ཙིཏྟཱནི པསཱདེནྟི 1, སགྒསཾཝཏྟནིཀཾ, བྷིཀྑཝེ, ཏཾ ཀུལཾ ཏསྨིཾ སམཡེ པཊིཔདཾ པཊིཔནྣཾ ཧོཏི།
199. ‘‘Yaṃ, bhikkhave, sīlavanto pabbajitā kulaṃ upasaṅkamanti, tattha manussā pañcahi ṭhānehi bahuṃ puññaṃ pasavanti. Katamehi pañcahi? Yasmiṃ, bhikkhave, samaye sīlavante pabbajite kulaṃ upasaṅkamante manussā disvā cittāni pasādenti 2, saggasaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti.
‘‘ཡསྨིཾ, བྷིཀྑཝེ, སམཡེ སཱིལཝནྟེ པབྦཛིཏེ ཀུལཾ ཨུཔསངྐམནྟེ མནུསྶཱ པཙྩུཊྛེནྟི ཨབྷིཝཱདེནྟི ཨཱསནཾ དེནྟི, ཨུཙྩཱཀུལཱིནསཾཝཏྟནིཀཾ, བྷིཀྑཝེ, ཏཾ ཀུལཾ ཏསྨིཾ སམཡེ པཊིཔདཾ པཊིཔནྣཾ ཧོཏི།
‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā paccuṭṭhenti abhivādenti āsanaṃ denti, uccākulīnasaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti.
‘‘ཡསྨིཾ, བྷིཀྑཝེ, སམཡེ སཱིལཝནྟེ པབྦཛིཏེ ཀུལཾ ཨུཔསངྐམནྟེ མནུསྶཱ མཙྪེརམལཾ པཊིཝིནེནྟི 3, མཧེསཀྑསཾཝཏྟནིཀཾ, བྷིཀྑཝེ, ཏཾ ཀུལཾ ཏསྨིཾ སམཡེ པཊིཔདཾ པཊིཔནྣཾ ཧོཏི།
‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā maccheramalaṃ paṭivinenti 4, mahesakkhasaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti.
‘‘ཡསྨིཾ, བྷིཀྑཝེ, སམཡེ སཱིལཝནྟེ པབྦཛིཏེ ཀུལཾ ཨུཔསངྐམནྟེ མནུསྶཱ ཡཐཱསཏྟི ཡཐཱབལཾ སཾཝིབྷཛནྟི, མཧཱབྷོགསཾཝཏྟནིཀཾ , བྷིཀྑཝེ, ཏཾ ཀུལཾ ཏསྨིཾ སམཡེ པཊིཔདཾ པཊིཔནྣཾ ཧོཏི།
‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā yathāsatti yathābalaṃ saṃvibhajanti, mahābhogasaṃvattanikaṃ , bhikkhave, taṃ kulaṃ tasmiṃ samaye paṭipadaṃ paṭipannaṃ hoti.
‘‘ཡསྨིཾ, བྷིཀྑཝེ, སམཡེ སཱིལཝནྟེ པབྦཛིཏེ ཀུལཾ ཨུཔསངྐམནྟེ མནུསྶཱ པརིཔུཙྪནྟི པརིཔཉྷནྟི དྷམྨཾ སུཎནྟི, མཧཱཔཉྙཱསཾཝཏྟནིཀཾ, བྷིཀྑཝེ, ཏཾ ཀུལཾ ཏསྨིཾ སམཡེ པཊིཔདཾ པཊིཔནྣཾ ཧོཏི། ཡཾ , བྷིཀྑཝེ, སཱིལཝནྟོ པབྦཛིཏཱ ཀུལཾ ཨུཔསངྐམནྟི, ཏཏྠ མནུསྶཱ ཨིམེཧི པཉྩཧི ཋཱནེཧི བཧུཾ པུཉྙཾ པསཝནྟཱི’’ཏི། ནཝམཾ།
‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā paripucchanti paripañhanti dhammaṃ suṇanti, mahāpaññāsaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti. Yaṃ , bhikkhave, sīlavanto pabbajitā kulaṃ upasaṅkamanti, tattha manussā imehi pañcahi ṭhānehi bahuṃ puññaṃ pasavantī’’ti. Navamaṃ.
Footnotes:
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༨-༩. ཝཱཙཱསུཏྟཱདིཝཎྞནཱ • 8-9. Vācāsuttādivaṇṇanā
