| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੫. ਕੁਲਸੁਤ੍ਤਂ
5. Kulasuttaṃ
੨੫੮. ‘‘ਯਾਨਿ ਕਾਨਿਚਿ, ਭਿਕ੍ਖવੇ, ਕੁਲਾਨਿ ਭੋਗੇਸੁ ਮਹਤ੍ਤਂ ਪਤ੍ਤਾਨਿ ਨ ਚਿਰਟ੍ਠਿਤਿਕਾਨਿ ਭવਨ੍ਤਿ, ਸਬ੍ਬਾਨਿ ਤਾਨਿ ਚਤੂਹਿ ਠਾਨੇਹਿ, ਏਤੇਸਂ વਾ ਅਞ੍ਞਤਰੇਨ। ਕਤਮੇਹਿ ਚਤੂਹਿ? ਨਟ੍ਠਂ ਨ ਗવੇਸਨ੍ਤਿ, ਜਿਣ੍ਣਂ ਨ ਪਟਿਸਙ੍ਖਰੋਨ੍ਤਿ, ਅਪਰਿਮਿਤਪਾਨਭੋਜਨਾ ਹੋਨ੍ਤਿ, ਦੁਸ੍ਸੀਲਂ ਇਤ੍ਥਿਂ વਾ ਪੁਰਿਸਂ વਾ ਆਧਿਪਚ੍ਚੇ ਠਪੇਨ੍ਤਿ। ਯਾਨਿ ਕਾਨਿਚਿ, ਭਿਕ੍ਖવੇ, ਕੁਲਾਨਿ ਭੋਗੇਸੁ ਮਹਤ੍ਤਂ ਪਤ੍ਤਾਨਿ ਨ ਚਿਰਟ੍ਠਿਤਿਕਾਨਿ ਭવਨ੍ਤਿ, ਸਬ੍ਬਾਨਿ ਤਾਨਿ ਇਮੇਹਿ ਚਤੂਹਿ ਠਾਨੇਹਿ , ਏਤੇਸਂ વਾ ਅਞ੍ਞਤਰੇਨ।
258. ‘‘Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena. Katamehi catūhi? Naṭṭhaṃ na gavesanti, jiṇṇaṃ na paṭisaṅkharonti, aparimitapānabhojanā honti, dussīlaṃ itthiṃ vā purisaṃ vā ādhipacce ṭhapenti. Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni imehi catūhi ṭhānehi , etesaṃ vā aññatarena.
‘‘ਯਾਨਿ ਕਾਨਿਚਿ, ਭਿਕ੍ਖવੇ, ਕੁਲਾਨਿ ਭੋਗੇਸੁ ਮਹਤ੍ਤਂ ਪਤ੍ਤਾਨਿ ਚਿਰਟ੍ਠਿਤਿਕਾਨਿ ਭવਨ੍ਤਿ, ਸਬ੍ਬਾਨਿ ਤਾਨਿ ਚਤੂਹਿ ਠਾਨੇਹਿ, ਏਤੇਸਂ વਾ ਅਞ੍ਞਤਰੇਨ। ਕਤਮੇਹਿ ਚਤੂਹਿ? ਨਟ੍ਠਂ ਗવੇਸਨ੍ਤਿ, ਜਿਣ੍ਣਂ ਪਟਿਸਙ੍ਖਰੋਨ੍ਤਿ, ਪਰਿਮਿਤਪਾਨਭੋਜਨਾ ਹੋਨ੍ਤਿ, ਸੀਲવਨ੍ਤਂ ਇਤ੍ਥਿਂ વਾ ਪੁਰਿਸਂ વਾ ਆਧਿਪਚ੍ਚੇ ਠਪੇਨ੍ਤਿ। ਯਾਨਿ ਕਾਨਿਚਿ, ਭਿਕ੍ਖવੇ, ਕੁਲਾਨਿ ਭੋਗੇਸੁ ਮਹਤ੍ਤਂ ਪਤ੍ਤਾਨਿ ਚਿਰਟ੍ਠਿਤਿਕਾਨਿ ਭવਨ੍ਤਿ, ਸਬ੍ਬਾਨਿ ਤਾਨਿ ਇਮੇਹਿ ਚਤੂਹਿ ਠਾਨੇਹਿ, ਏਤੇਸਂ વਾ ਅਞ੍ਞਤਰੇਨਾ’’ਤਿ। ਪਞ੍ਚਮਂ।
‘‘Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena. Katamehi catūhi? Naṭṭhaṃ gavesanti, jiṇṇaṃ paṭisaṅkharonti, parimitapānabhojanā honti, sīlavantaṃ itthiṃ vā purisaṃ vā ādhipacce ṭhapenti. Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni imehi catūhi ṭhānehi, etesaṃ vā aññatarenā’’ti. Pañcamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫-੧੦. ਕੁਲਸੁਤ੍ਤਾਦਿવਣ੍ਣਨਾ • 5-10. Kulasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪-੧੦. ਮਾਲੁਕ੍ਯਪੁਤ੍ਤਸੁਤ੍ਤਾਦਿવਣ੍ਣਨਾ • 4-10. Mālukyaputtasuttādivaṇṇanā
