| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੯. ਕੁਲਸੁਤ੍ਤਂ
9. Kulasuttaṃ
੧੯੯. ‘‘ਯਂ, ਭਿਕ੍ਖવੇ, ਸੀਲવਨ੍ਤੋ ਪਬ੍ਬਜਿਤਾ ਕੁਲਂ ਉਪਸਙ੍ਕਮਨ੍ਤਿ, ਤਤ੍ਥ ਮਨੁਸ੍ਸਾ ਪਞ੍ਚਹਿ ਠਾਨੇਹਿ ਬਹੁਂ ਪੁਞ੍ਞਂ ਪਸવਨ੍ਤਿ। ਕਤਮੇਹਿ ਪਞ੍ਚਹਿ? ਯਸ੍ਮਿਂ, ਭਿਕ੍ਖવੇ, ਸਮਯੇ ਸੀਲવਨ੍ਤੇ ਪਬ੍ਬਜਿਤੇ ਕੁਲਂ ਉਪਸਙ੍ਕਮਨ੍ਤੇ ਮਨੁਸ੍ਸਾ ਦਿਸ੍વਾ ਚਿਤ੍ਤਾਨਿ ਪਸਾਦੇਨ੍ਤਿ 1, ਸਗ੍ਗਸਂવਤ੍ਤਨਿਕਂ, ਭਿਕ੍ਖવੇ, ਤਂ ਕੁਲਂ ਤਸ੍ਮਿਂ ਸਮਯੇ ਪਟਿਪਦਂ ਪਟਿਪਨ੍ਨਂ ਹੋਤਿ।
199. ‘‘Yaṃ, bhikkhave, sīlavanto pabbajitā kulaṃ upasaṅkamanti, tattha manussā pañcahi ṭhānehi bahuṃ puññaṃ pasavanti. Katamehi pañcahi? Yasmiṃ, bhikkhave, samaye sīlavante pabbajite kulaṃ upasaṅkamante manussā disvā cittāni pasādenti 2, saggasaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti.
‘‘ਯਸ੍ਮਿਂ, ਭਿਕ੍ਖવੇ, ਸਮਯੇ ਸੀਲવਨ੍ਤੇ ਪਬ੍ਬਜਿਤੇ ਕੁਲਂ ਉਪਸਙ੍ਕਮਨ੍ਤੇ ਮਨੁਸ੍ਸਾ ਪਚ੍ਚੁਟ੍ਠੇਨ੍ਤਿ ਅਭਿવਾਦੇਨ੍ਤਿ ਆਸਨਂ ਦੇਨ੍ਤਿ, ਉਚ੍ਚਾਕੁਲੀਨਸਂવਤ੍ਤਨਿਕਂ, ਭਿਕ੍ਖવੇ, ਤਂ ਕੁਲਂ ਤਸ੍ਮਿਂ ਸਮਯੇ ਪਟਿਪਦਂ ਪਟਿਪਨ੍ਨਂ ਹੋਤਿ।
‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā paccuṭṭhenti abhivādenti āsanaṃ denti, uccākulīnasaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti.
‘‘ਯਸ੍ਮਿਂ, ਭਿਕ੍ਖવੇ, ਸਮਯੇ ਸੀਲવਨ੍ਤੇ ਪਬ੍ਬਜਿਤੇ ਕੁਲਂ ਉਪਸਙ੍ਕਮਨ੍ਤੇ ਮਨੁਸ੍ਸਾ ਮਚ੍ਛੇਰਮਲਂ ਪਟਿવਿਨੇਨ੍ਤਿ 3, ਮਹੇਸਕ੍ਖਸਂવਤ੍ਤਨਿਕਂ, ਭਿਕ੍ਖવੇ, ਤਂ ਕੁਲਂ ਤਸ੍ਮਿਂ ਸਮਯੇ ਪਟਿਪਦਂ ਪਟਿਪਨ੍ਨਂ ਹੋਤਿ।
‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā maccheramalaṃ paṭivinenti 4, mahesakkhasaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti.
‘‘ਯਸ੍ਮਿਂ, ਭਿਕ੍ਖવੇ, ਸਮਯੇ ਸੀਲવਨ੍ਤੇ ਪਬ੍ਬਜਿਤੇ ਕੁਲਂ ਉਪਸਙ੍ਕਮਨ੍ਤੇ ਮਨੁਸ੍ਸਾ ਯਥਾਸਤ੍ਤਿ ਯਥਾਬਲਂ ਸਂવਿਭਜਨ੍ਤਿ, ਮਹਾਭੋਗਸਂવਤ੍ਤਨਿਕਂ , ਭਿਕ੍ਖવੇ, ਤਂ ਕੁਲਂ ਤਸ੍ਮਿਂ ਸਮਯੇ ਪਟਿਪਦਂ ਪਟਿਪਨ੍ਨਂ ਹੋਤਿ।
‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā yathāsatti yathābalaṃ saṃvibhajanti, mahābhogasaṃvattanikaṃ , bhikkhave, taṃ kulaṃ tasmiṃ samaye paṭipadaṃ paṭipannaṃ hoti.
‘‘ਯਸ੍ਮਿਂ, ਭਿਕ੍ਖવੇ, ਸਮਯੇ ਸੀਲવਨ੍ਤੇ ਪਬ੍ਬਜਿਤੇ ਕੁਲਂ ਉਪਸਙ੍ਕਮਨ੍ਤੇ ਮਨੁਸ੍ਸਾ ਪਰਿਪੁਚ੍ਛਨ੍ਤਿ ਪਰਿਪਞ੍ਹਨ੍ਤਿ ਧਮ੍ਮਂ ਸੁਣਨ੍ਤਿ, ਮਹਾਪਞ੍ਞਾਸਂવਤ੍ਤਨਿਕਂ, ਭਿਕ੍ਖવੇ, ਤਂ ਕੁਲਂ ਤਸ੍ਮਿਂ ਸਮਯੇ ਪਟਿਪਦਂ ਪਟਿਪਨ੍ਨਂ ਹੋਤਿ। ਯਂ , ਭਿਕ੍ਖવੇ, ਸੀਲવਨ੍ਤੋ ਪਬ੍ਬਜਿਤਾ ਕੁਲਂ ਉਪਸਙ੍ਕਮਨ੍ਤਿ, ਤਤ੍ਥ ਮਨੁਸ੍ਸਾ ਇਮੇਹਿ ਪਞ੍ਚਹਿ ਠਾਨੇਹਿ ਬਹੁਂ ਪੁਞ੍ਞਂ ਪਸવਨ੍ਤੀ’’ਤਿ। ਨવਮਂ।
‘‘Yasmiṃ, bhikkhave, samaye sīlavante pabbajite kulaṃ upasaṅkamante manussā paripucchanti paripañhanti dhammaṃ suṇanti, mahāpaññāsaṃvattanikaṃ, bhikkhave, taṃ kulaṃ tasmiṃ samaye paṭipadaṃ paṭipannaṃ hoti. Yaṃ , bhikkhave, sīlavanto pabbajitā kulaṃ upasaṅkamanti, tattha manussā imehi pañcahi ṭhānehi bahuṃ puññaṃ pasavantī’’ti. Navamaṃ.
Footnotes:
Related texts:
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮-੯. વਾਚਾਸੁਤ੍ਤਾਦਿવਣ੍ਣਨਾ • 8-9. Vācāsuttādivaṇṇanā
