| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3. குலஸுத்தவண்ணனா
3. Kulasuttavaṇṇanā
225. ததியே ஸுப்பத⁴ங்ஸியானீதி ஸுவிஹேடி²யானி. கும்ப⁴த்தே²னகேஹீதி யே பரக⁴ரங் பவிஸித்வா தீ³பாலோகேன ஓலோகெத்வா பரப⁴ண்ட³ங் ஹரிதுகாமா க⁴டே தீ³பங் கத்வா பவிஸந்தி, தே கும்ப⁴த்தே²னகா நாம, தேஹி கும்ப⁴த்தே²னகேஹி. ஸுப்பத⁴ங்ஸியோ ஹோதி அமனுஸ்ஸேஹீதி மெத்தாபா⁴வனாரஹிதங் பங்ஸுபிஸாசகா வித⁴ங்ஸயந்தி, பகே³வ உளாரா அமனுஸ்ஸா. பா⁴விதாதி வட்³டி⁴தா. ப³ஹுலீகதாதி புனப்புனங் கதா. யானீகதாதி யுத்தயானங் விய கதா. வத்து²கதாதி பதிட்டா²னட்டே²ன வத்து² விய கதா. அனுட்டி²தாதி அதி⁴ட்டி²தா . பரிசிதாதி ஸமந்ததோ சிதா ஸுவட்³டி⁴தா. ஸுஸமாரத்³தா⁴தி சித்தேன ஸுட்டு² ஸமாரத்³தா⁴. ததியங்.
225. Tatiye suppadhaṃsiyānīti suviheṭhiyāni. Kumbhatthenakehīti ye paragharaṃ pavisitvā dīpālokena oloketvā parabhaṇḍaṃ haritukāmā ghaṭe dīpaṃ katvā pavisanti, te kumbhatthenakā nāma, tehi kumbhatthenakehi. Suppadhaṃsiyo hoti amanussehīti mettābhāvanārahitaṃ paṃsupisācakā vidhaṃsayanti, pageva uḷārā amanussā. Bhāvitāti vaḍḍhitā. Bahulīkatāti punappunaṃ katā. Yānīkatāti yuttayānaṃ viya katā. Vatthukatāti patiṭṭhānaṭṭhena vatthu viya katā. Anuṭṭhitāti adhiṭṭhitā . Paricitāti samantato citā suvaḍḍhitā. Susamāraddhāti cittena suṭṭhu samāraddhā. Tatiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. குலஸுத்தங் • 3. Kulasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. குலஸுத்தவண்ணனா • 3. Kulasuttavaṇṇanā
