Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
9. குலஸுத்தவண்ணனா
9. Kulasuttavaṇṇanā
361. நவமே து³ப்³பி⁴க்கா²தி து³ல்லப⁴பி⁴க்கா². த்³வீஹிதிகாதி ‘‘ஜீவிஸ்ஸாம நு கோ² ந நு கோ²’’தி ஏவங் பவத்தஈஹிதிகா. ‘‘து³ஹிதிகா’’திபி பாடோ². அயமேவ அத்தோ². து³க்கா² ஈஹிதி எத்த² ந ஸக்கா கோசி பயோகோ³ ஸுகே²ன காதுந்தி து³ஹிதிகா. தத்த² தத்த² மதமனுஸ்ஸானங் விப்பகிண்ணானி ஸேதானி அட்டி²கானி எத்தா²தி ஸேதட்டி²கா. ஸலாகாவுத்தாதி ஸலாகமத்தவுத்தா, யங் தத்த² வுத்தங் வாபிதங், தங் ஸலாகமத்தமேவ அஹோஸி, ப²லே ந ஜனயதீதி அத்தோ².
361. Navame dubbhikkhāti dullabhabhikkhā. Dvīhitikāti ‘‘jīvissāma nu kho na nu kho’’ti evaṃ pavattaīhitikā. ‘‘Duhitikā’’tipi pāṭho. Ayameva attho. Dukkhā īhiti ettha na sakkā koci payogo sukhena kātunti duhitikā. Tattha tattha matamanussānaṃ vippakiṇṇāni setāni aṭṭhikāni etthāti setaṭṭhikā. Salākāvuttāti salākamattavuttā, yaṃ tattha vuttaṃ vāpitaṃ, taṃ salākamattameva ahosi, phale na janayatīti attho.
உக்³கி³லிதுந்தி த்³வே அந்தே மோசெத்வா கதே²துங் அஸக்கொந்தோ உக்³கி³லிதுங் ப³ஹி நீஹரிதுங் ந ஸக்கீ²தி . ஓகி³லிதுந்தி புச்சா²ய தோ³ஸங் தி³ஸ்வா ஹாரேதுங் அஸக்கொந்தோ ஓகி³லிதுங் அந்தோ பவேஸேதுங் ந ஸக்கீ²தி.
Uggilitunti dve ante mocetvā kathetuṃ asakkonto uggilituṃ bahi nīharituṃ na sakkhīti . Ogilitunti pucchāya dosaṃ disvā hāretuṃ asakkonto ogilituṃ anto pavesetuṃ na sakkhīti.
இதோ ஸோ கா³மணி ஏகனவுதிகப்பேதி ப⁴க³வா கத²யமானோவ யாவ நிக்க²ந்தோ நாஸிகவாதோ ந புன பவிஸதி, தாவதகேன காலேன ஏகனவுதிகப்பே அனுஸ்ஸரி ‘‘அத்தி² நு கோ² கிஞ்சி குலே பக்கபி⁴க்கா²தா³னேன உபஹதபுப்³ப³’’ந்தி பரிஜானநத்த²ங். அதே²கம்பி அபஸ்ஸந்தோ ‘‘இதோ ஸோ, கா³மணீ’’திஆதி³மாஹ. இதா³னி தா³னாதீ³னங் ஆனிஸங்ஸங் கதெ²ந்தோ அத² கோ² யானி தானி குலானி அட்³டா⁴னீதி த⁴ம்மதே³ஸனங் ஆரபி⁴. தத்த² தா³னஸம்பூ⁴தானீதி தா³னேன ஸம்பூ⁴தானி நிப்³ப³த்தானி. ஸேஸபத³த்³வயேபி ஏஸேவ நயோ. எத்த² பன ஸச்சங் நாம ஸச்சவாதி³தா. ஸாமஞ்ஞங் நாம ஸேஸஸீலங். விகிரதீதி அயோகே³ன வளஞ்ஜெந்தோ விப்பகிரதி. வித⁴மதீதி த⁴மெந்தோ விய நாஸேதி. வித்³த⁴ங்ஸேதீதி நாஸேதி. அனிச்சதாதி ஹுத்வா அபா⁴வோ ப³ஹுனாபி காலேன ஸங்க³தானங் க²ணேனேவ அந்தரதா⁴னங்.
Ito so gāmaṇi ekanavutikappeti bhagavā kathayamānova yāva nikkhanto nāsikavāto na puna pavisati, tāvatakena kālena ekanavutikappe anussari ‘‘atthi nu kho kiñci kule pakkabhikkhādānena upahatapubba’’nti parijānanatthaṃ. Athekampi apassanto ‘‘ito so, gāmaṇī’’tiādimāha. Idāni dānādīnaṃ ānisaṃsaṃ kathento atha kho yāni tāni kulāni aḍḍhānīti dhammadesanaṃ ārabhi. Tattha dānasambhūtānīti dānena sambhūtāni nibbattāni. Sesapadadvayepi eseva nayo. Ettha pana saccaṃ nāma saccavāditā. Sāmaññaṃ nāma sesasīlaṃ. Vikiratīti ayogena vaḷañjento vippakirati. Vidhamatīti dhamento viya nāseti. Viddhaṃsetīti nāseti. Aniccatāti hutvā abhāvo bahunāpi kālena saṅgatānaṃ khaṇeneva antaradhānaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. குலஸுத்தங் • 9. Kulasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. குலஸுத்தவண்ணனா • 9. Kulasuttavaṇṇanā