| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. гуласуд̇д̇аван̣н̣анаа
9. Kulasuttavaṇṇanā
361. навамз д̣̇уб̣бхигкаад̇и д̣̇уллабхабхигкаа. д̣̇вийхид̇игаад̇и ‘‘ж̇ийвиссаама ну ко на ну ко’’д̇и звам̣ бавад̇д̇аийхид̇игаа. ‘‘д̣̇ухид̇игаа’’д̇иби баато. аяамзва ад̇т̇о. д̣̇угкаа ийхид̇и зд̇т̇а на саггаа гожи баяог̇о сукзна гаад̇унд̇и д̣̇ухид̇игаа. д̇ад̇т̇а д̇ад̇т̇а мад̇амануссаанам̣ виббагин̣н̣аани сзд̇аани адтигаани зд̇т̇аад̇и сзд̇адтигаа. салаагаавуд̇д̇аад̇и салаагамад̇д̇авуд̇д̇аа, яам̣ д̇ад̇т̇а вуд̇д̇ам̣ ваабид̇ам̣, д̇ам̣ салаагамад̇д̇амзва ахоси, палз на ж̇анаяад̇ийд̇и ад̇т̇о.
361. Navame dubbhikkhāti dullabhabhikkhā. Dvīhitikāti ‘‘jīvissāma nu kho na nu kho’’ti evaṃ pavattaīhitikā. ‘‘Duhitikā’’tipi pāṭho. Ayameva attho. Dukkhā īhiti ettha na sakkā koci payogo sukhena kātunti duhitikā. Tattha tattha matamanussānaṃ vippakiṇṇāni setāni aṭṭhikāni etthāti setaṭṭhikā. Salākāvuttāti salākamattavuttā, yaṃ tattha vuttaṃ vāpitaṃ, taṃ salākamattameva ahosi, phale na janayatīti attho.
уг̇г̇илид̇унд̇и д̣̇вз анд̇з можзд̇ваа гат̇зд̇ум̣ асаггонд̇о уг̇г̇илид̇ум̣ б̣ахи нийхарид̇ум̣ на сагкийд̇и . ог̇илид̇унд̇и бужчааяа д̣̇осам̣ д̣̇исваа хаарзд̇ум̣ асаггонд̇о ог̇илид̇ум̣ анд̇о бавзсзд̇ум̣ на сагкийд̇и.
Uggilitunti dve ante mocetvā kathetuṃ asakkonto uggilituṃ bahi nīharituṃ na sakkhīti . Ogilitunti pucchāya dosaṃ disvā hāretuṃ asakkonto ogilituṃ anto pavesetuṃ na sakkhīti.
ид̇о со г̇ааман̣и зганавуд̇игаббзд̇и бхаг̇аваа гат̇аяамаанова яаава нигканд̇о наасигаваад̇о на буна бависад̇и, д̇аавад̇агзна гаалзна зганавуд̇игаббз ануссари ‘‘ад̇т̇и ну ко гин̃жи гулз баггабхигкаад̣̇аанзна убахад̇абуб̣б̣а’’нд̇и бариж̇аананад̇т̇ам̣. ат̇згамби абассанд̇о ‘‘ид̇о со, г̇ааман̣ий’’д̇иаад̣̇имааха. ид̣̇аани д̣̇аанаад̣̇ийнам̣ аанисам̣сам̣ гат̇знд̇о ат̇а ко яаани д̇аани гулаани ад̣дхаанийд̇и д̇хаммад̣̇зсанам̣ аарабхи. д̇ад̇т̇а д̣̇аанасамбхууд̇аанийд̇и д̣̇аанзна самбхууд̇аани ниб̣б̣ад̇д̇аани. сзсабад̣̇ад̣̇ваязби зсзва наяо. зд̇т̇а бана сажжам̣ наама сажжаваад̣̇ид̇аа. сааман̃н̃ам̣ наама сзсасийлам̣. вигирад̇ийд̇и аяог̇зна вал̣ан̃ж̇знд̇о виббагирад̇и. вид̇хамад̇ийд̇и д̇хамзнд̇о вияа наасзд̇и. вид̣̇д̇хам̣сзд̇ийд̇и наасзд̇и. анижжад̇аад̇и худ̇ваа абхааво б̣ахунааби гаалзна сан̇г̇ад̇аанам̣ кан̣знзва анд̇арад̇хаанам̣.
Ito so gāmaṇi ekanavutikappeti bhagavā kathayamānova yāva nikkhanto nāsikavāto na puna pavisati, tāvatakena kālena ekanavutikappe anussari ‘‘atthi nu kho kiñci kule pakkabhikkhādānena upahatapubba’’nti parijānanatthaṃ. Athekampi apassanto ‘‘ito so, gāmaṇī’’tiādimāha. Idāni dānādīnaṃ ānisaṃsaṃ kathento atha kho yāni tāni kulāni aḍḍhānīti dhammadesanaṃ ārabhi. Tattha dānasambhūtānīti dānena sambhūtāni nibbattāni. Sesapadadvayepi eseva nayo. Ettha pana saccaṃ nāma saccavāditā. Sāmaññaṃ nāma sesasīlaṃ. Vikiratīti ayogena vaḷañjento vippakirati. Vidhamatīti dhamento viya nāseti. Viddhaṃsetīti nāseti. Aniccatāti hutvā abhāvo bahunāpi kālena saṅgatānaṃ khaṇeneva antaradhānaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. гуласуд̇д̇ам̣ • 9. Kulasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. гуласуд̇д̇аван̣н̣анаа • 9. Kulasuttavaṇṇanā
