| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. гуласуд̇д̇аван̣н̣анаа
3. Kulasuttavaṇṇanā
225. вид̇хам̣саяанд̇и вихзтаяанд̇и. вад̣дхид̇аад̇и бхааванаабаарибууривасзна бариб̣руухид̇аа. бунаббунам̣ гад̇аад̇и бхааванааяа б̣ахулийгаран̣зна абараабарам̣ бавад̇д̇ид̇аа яуд̇д̇аяаанам̣ вияа гад̇аад̇и яат̇аа яуд̇д̇ам̣ ааж̇ан̃н̃арат̇ам̣ чзгзна саарат̇инаа ад̇хидтид̇ам̣ яат̇ааружи бавад̇д̇ад̇и, звам̣ яат̇ааружи бавад̇д̇ияаа г̇амид̇аа. бад̇идтаанадтзнаад̇и ад̇хидтаанадтзна. вад̇т̇у вияа гад̇аа саб̣б̣асо убаггилзсависод̇ханзна сувисод̇хид̇амарияаад̣̇ам̣ вияа гад̇аа. ад̇хидтид̇аад̇и бадибагкад̣̇уурийбхаавад̇о субхаавид̇абхаавзна авигамбанзяяад̇ааяа табид̇аа . саманд̇ад̇о жид̇аад̇и саб̣б̣абхааг̇зна бхаавануубажаяам̣ г̇амид̇аа. д̇знааха ‘‘сувад̣дхид̇аа’’д̇и . судту самаарад̣̇д̇хаад̇и мзд̇д̇аабхааванааяа мад̇т̇агаббад̇д̇ияаа саммад̣̇зва самбаад̣̇ид̇аа.
225.Vidhaṃsayanti viheṭhayanti. Vaḍḍhitāti bhāvanāpāripūrivasena paribrūhitā. Punappunaṃ katāti bhāvanāya bahulīkaraṇena aparāparaṃ pavattitā yuttayānaṃ viya katāti yathā yuttaṃ ājaññarathaṃ chekena sārathinā adhiṭṭhitaṃ yathāruci pavattati, evaṃ yathāruci pavattiyā gamitā. Patiṭṭhānaṭṭhenāti adhiṭṭhānaṭṭhena. Vatthu viya katā sabbaso upakkilesavisodhanena suvisodhitamariyādaṃ viya katā. Adhiṭṭhitāti paṭipakkhadūrībhāvato subhāvitabhāvena avikampaneyyatāya ṭhapitā . Samantato citāti sabbabhāgena bhāvanūpacayaṃ gamitā. Tenāha ‘‘suvaḍḍhitā’’ti . Suṭṭhu samāraddhāti mettābhāvanāya matthakappattiyā sammadeva sampāditā.
гуласуд̇д̇аван̣н̣анаа нидтид̇аа.
Kulasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. гуласуд̇д̇ам̣ • 3. Kulasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. гуласуд̇д̇аван̣н̣анаа • 3. Kulasuttavaṇṇanā
