| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. гуласуд̇д̇аван̣н̣анаа
9. Kulasuttavaṇṇanā
361. звам̣ бавад̇д̇аийхид̇игаад̇и звам̣ д̣̇вид̇хаа бавад̇д̇аийхид̇игаа. д̣̇вийхид̇игаа д̣̇уггараж̇ийвигабаяог̇аа. салаагамад̇д̇ам̣ вуд̇д̇ам̣ зд̇т̇аад̇и салаагаа вуд̇д̇аа, буримабад̣̇з уд̇д̇арабад̣̇алобо. убхад̇огодиганд̇и яад̣̇и ‘‘гулаануд̣̇аяам̣ на ван̣н̣змий’’д̇и вад̣̇ад̇и, ‘‘бхууд̇аа ниггарун̣аа саман̣а д̇умхз’’д̇и ваад̣̇ам̣ ааробзхи. ат̇а саб̣б̣ад̣̇ааби ‘‘гулаануд̣̇аяам̣ ван̣н̣змий’’д̇и вад̣̇ад̇и. звам̣ санд̇з ‘‘гасмаа звам̣ д̣̇уб̣бхигкз гаалз махад̇ияаа барисааяа баривуд̇о ж̇анабад̣̇ажааригам̣ жаранд̇аа гулуубажчзд̣̇ааяа бадибаж̇ж̇ат̇аа’’д̇и звам̣ убхад̇огодигам̣ ваад̣̇ам̣ ааробзхийд̇и г̇ааман̣им̣ уяяож̇зси.
361.Evaṃ pavattaīhitikāti evaṃ dvidhā pavattaīhitikā. Dvīhitikā dukkarajīvikapayogā. Salākamattaṃ vuttaṃ etthāti salākā vuttā, purimapade uttarapadalopo. Ubhatokoṭikanti yadi ‘‘kulānudayaṃ na vaṇṇemī’’ti vadati, ‘‘bhūtā nikkaruṇā samaṇa tumhe’’ti vādaṃ āropehi. Atha sabbadāpi ‘‘kulānudayaṃ vaṇṇemī’’ti vadati. Evaṃ sante ‘‘kasmā evaṃ dubbhikkhe kāle mahatiyā parisāya parivuto janapadacārikaṃ carantā kulūpacchedāya paṭipajjathā’’ti evaṃ ubhatokoṭikaṃ vādaṃ āropehīti gāmaṇiṃ uyyojesi.
д̣̇вз анд̇зд̇и убхо годияо. б̣ахи нийхарид̇унд̇и на ван̣н̣зми ван̣н̣змийд̇и д̣̇вз анд̇з можзнд̇о д̇ам̣ бужчид̇амад̇т̇ам̣ б̣ахи нийхарад̇и наама. д̇ад̇т̇а д̣̇осам̣ д̣̇ад̇ваа жод̣̇знд̇о д̇ам̣ абужчам̣ гаронд̇о г̇илид̇ваа вияа анд̇о бавзсзд̇и наама.
Dve anteti ubho koṭiyo. Bahi nīharitunti na vaṇṇemi vaṇṇemīti dve ante mocento taṃ pucchitamatthaṃ bahi nīharati nāma. Tattha dosaṃ datvā codento taṃ apucchaṃ karonto gilitvā viya anto paveseti nāma.
ид̇о со г̇ааман̣ийд̇иаад̣̇и ад̇д̇ано бхигкуунам̣ ан̃н̃зсан̃жа ад̇т̇агаамаанам̣ бхигкаббад̣̇аанзна анидтаббад̇д̇иабхаавад̣̇ассанад̇т̇ам̣ аарад̣̇д̇хам̣. д̣̇аанзна самбхууд̇аанийд̇и д̣̇аанамаязна бун̃н̃агирияавад̇т̇унаа саммад̣̇зва бхууд̇им̣ вад̣дхим̣ бад̇д̇аани. сажжзна арияавохаарзна саммад̣̇зва бхууд̇аани уббаннаани сажжасамбхууд̇аанийд̇и ааха ‘‘сажжам̣ наама сажжаваад̣̇ид̇аа’’д̇и. сзсасийланд̇и адтавид̇хаарияавохаарад̇о ан̃н̃асийлам̣. нихид̇анд̇и д̇асмим̣ гулз буб̣б̣абурисзхи нид̇хаанабхаавзна нихид̇ам̣. д̣̇уббаяуд̇д̇аад̇и гасиваан̣иж̇ж̇аад̣̇ивасзна д̣̇удту баяуд̇д̇аа гамманд̇аа. вибаж̇ж̇анд̇ийд̇и нассанд̇и. гулан̇г̇аарод̇и гуласса ан̇г̇аарасад̣̇исо винаасагабуг̇г̇ало. анижжад̇аад̇и маран̣ам̣. д̇асмим̣ гулз бад̇хаанабурисаанам̣ бхог̇аанам̣ ваа саб̣б̣асо винаасо. д̇знааха ‘‘худ̇ваа абхааво’’д̇иаад̣̇и.
Ito so gāmaṇītiādi attano bhikkhūnaṃ aññesañca atthakāmānaṃ bhikkhappadānena aniṭṭhappattiabhāvadassanatthaṃ āraddhaṃ. Dānena sambhūtānīti dānamayena puññakiriyavatthunā sammadeva bhūtiṃ vaḍḍhiṃ pattāni. Saccena ariyavohārena sammadeva bhūtāni uppannāni saccasambhūtānīti āha ‘‘saccaṃ nāma saccavāditā’’ti. Sesasīlanti aṭṭhavidhaariyavohārato aññasīlaṃ. Nihitanti tasmiṃ kule pubbapurisehi nidhānabhāvena nihitaṃ. Duppayuttāti kasivāṇijjādivasena duṭṭhu payuttā kammantā. Vipajjantīti nassanti. Kulaṅgāroti kulassa aṅgārasadiso vināsakapuggalo. Aniccatāti maraṇaṃ. Tasmiṃ kule padhānapurisānaṃ bhogānaṃ vā sabbaso vināso. Tenāha ‘‘hutvā abhāvo’’tiādi.
гуласуд̇д̇аван̣н̣анаа нидтид̇аа.
Kulasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. гуласуд̇д̇ам̣ • 9. Kulasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. гуласуд̇д̇аван̣н̣анаа • 9. Kulasuttavaṇṇanā
