| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਕੁਲਸੁਤ੍ਤવਣ੍ਣਨਾ
9. Kulasuttavaṇṇanā
੩੬੧. ਨવਮੇ ਦੁਬ੍ਭਿਕ੍ਖਾਤਿ ਦੁਲ੍ਲਭਭਿਕ੍ਖਾ। ਦ੍વੀਹਿਤਿਕਾਤਿ ‘‘ਜੀવਿਸ੍ਸਾਮ ਨੁ ਖੋ ਨ ਨੁ ਖੋ’’ਤਿ ਏવਂ ਪવਤ੍ਤਈਹਿਤਿਕਾ। ‘‘ਦੁਹਿਤਿਕਾ’’ਤਿਪਿ ਪਾਠੋ। ਅਯਮੇવ ਅਤ੍ਥੋ। ਦੁਕ੍ਖਾ ਈਹਿਤਿ ਏਤ੍ਥ ਨ ਸਕ੍ਕਾ ਕੋਚਿ ਪਯੋਗੋ ਸੁਖੇਨ ਕਾਤੁਨ੍ਤਿ ਦੁਹਿਤਿਕਾ। ਤਤ੍ਥ ਤਤ੍ਥ ਮਤਮਨੁਸ੍ਸਾਨਂ વਿਪ੍ਪਕਿਣ੍ਣਾਨਿ ਸੇਤਾਨਿ ਅਟ੍ਠਿਕਾਨਿ ਏਤ੍ਥਾਤਿ ਸੇਤਟ੍ਠਿਕਾ। ਸਲਾਕਾવੁਤ੍ਤਾਤਿ ਸਲਾਕਮਤ੍ਤવੁਤ੍ਤਾ, ਯਂ ਤਤ੍ਥ વੁਤ੍ਤਂ વਾਪਿਤਂ, ਤਂ ਸਲਾਕਮਤ੍ਤਮੇવ ਅਹੋਸਿ, ਫਲੇ ਨ ਜਨਯਤੀਤਿ ਅਤ੍ਥੋ।
361. Navame dubbhikkhāti dullabhabhikkhā. Dvīhitikāti ‘‘jīvissāma nu kho na nu kho’’ti evaṃ pavattaīhitikā. ‘‘Duhitikā’’tipi pāṭho. Ayameva attho. Dukkhā īhiti ettha na sakkā koci payogo sukhena kātunti duhitikā. Tattha tattha matamanussānaṃ vippakiṇṇāni setāni aṭṭhikāni etthāti setaṭṭhikā. Salākāvuttāti salākamattavuttā, yaṃ tattha vuttaṃ vāpitaṃ, taṃ salākamattameva ahosi, phale na janayatīti attho.
ਉਗ੍ਗਿਲਿਤੁਨ੍ਤਿ ਦ੍વੇ ਅਨ੍ਤੇ ਮੋਚੇਤ੍વਾ ਕਥੇਤੁਂ ਅਸਕ੍ਕੋਨ੍ਤੋ ਉਗ੍ਗਿਲਿਤੁਂ ਬਹਿ ਨੀਹਰਿਤੁਂ ਨ ਸਕ੍ਖੀਤਿ । ਓਗਿਲਿਤੁਨ੍ਤਿ ਪੁਚ੍ਛਾਯ ਦੋਸਂ ਦਿਸ੍વਾ ਹਾਰੇਤੁਂ ਅਸਕ੍ਕੋਨ੍ਤੋ ਓਗਿਲਿਤੁਂ ਅਨ੍ਤੋ ਪવੇਸੇਤੁਂ ਨ ਸਕ੍ਖੀਤਿ।
Uggilitunti dve ante mocetvā kathetuṃ asakkonto uggilituṃ bahi nīharituṃ na sakkhīti . Ogilitunti pucchāya dosaṃ disvā hāretuṃ asakkonto ogilituṃ anto pavesetuṃ na sakkhīti.
ਇਤੋ ਸੋ ਗਾਮਣਿ ਏਕਨવੁਤਿਕਪ੍ਪੇਤਿ ਭਗવਾ ਕਥਯਮਾਨੋવ ਯਾવ ਨਿਕ੍ਖਨ੍ਤੋ ਨਾਸਿਕવਾਤੋ ਨ ਪੁਨ ਪવਿਸਤਿ, ਤਾવਤਕੇਨ ਕਾਲੇਨ ਏਕਨવੁਤਿਕਪ੍ਪੇ ਅਨੁਸ੍ਸਰਿ ‘‘ਅਤ੍ਥਿ ਨੁ ਖੋ ਕਿਞ੍ਚਿ ਕੁਲੇ ਪਕ੍ਕਭਿਕ੍ਖਾਦਾਨੇਨ ਉਪਹਤਪੁਬ੍ਬ’’ਨ੍ਤਿ ਪਰਿਜਾਨਨਤ੍ਥਂ। ਅਥੇਕਮ੍ਪਿ ਅਪਸ੍ਸਨ੍ਤੋ ‘‘ਇਤੋ ਸੋ, ਗਾਮਣੀ’’ਤਿਆਦਿਮਾਹ। ਇਦਾਨਿ ਦਾਨਾਦੀਨਂ ਆਨਿਸਂਸਂ ਕਥੇਨ੍ਤੋ ਅਥ ਖੋ ਯਾਨਿ ਤਾਨਿ ਕੁਲਾਨਿ ਅਡ੍ਢਾਨੀਤਿ ਧਮ੍ਮਦੇਸਨਂ ਆਰਭਿ। ਤਤ੍ਥ ਦਾਨਸਮ੍ਭੂਤਾਨੀਤਿ ਦਾਨੇਨ ਸਮ੍ਭੂਤਾਨਿ ਨਿਬ੍ਬਤ੍ਤਾਨਿ। ਸੇਸਪਦਦ੍વਯੇਪਿ ਏਸੇવ ਨਯੋ। ਏਤ੍ਥ ਪਨ ਸਚ੍ਚਂ ਨਾਮ ਸਚ੍ਚવਾਦਿਤਾ। ਸਾਮਞ੍ਞਂ ਨਾਮ ਸੇਸਸੀਲਂ। વਿਕਿਰਤੀਤਿ ਅਯੋਗੇਨ વਲ਼ਞ੍ਜੇਨ੍ਤੋ વਿਪ੍ਪਕਿਰਤਿ। વਿਧਮਤੀਤਿ ਧਮੇਨ੍ਤੋ વਿਯ ਨਾਸੇਤਿ। વਿਦ੍ਧਂਸੇਤੀਤਿ ਨਾਸੇਤਿ। ਅਨਿਚ੍ਚਤਾਤਿ ਹੁਤ੍વਾ ਅਭਾવੋ ਬਹੁਨਾਪਿ ਕਾਲੇਨ ਸਙ੍ਗਤਾਨਂ ਖਣੇਨੇવ ਅਨ੍ਤਰਧਾਨਂ।
Ito so gāmaṇi ekanavutikappeti bhagavā kathayamānova yāva nikkhanto nāsikavāto na puna pavisati, tāvatakena kālena ekanavutikappe anussari ‘‘atthi nu kho kiñci kule pakkabhikkhādānena upahatapubba’’nti parijānanatthaṃ. Athekampi apassanto ‘‘ito so, gāmaṇī’’tiādimāha. Idāni dānādīnaṃ ānisaṃsaṃ kathento atha kho yāni tāni kulāni aḍḍhānīti dhammadesanaṃ ārabhi. Tattha dānasambhūtānīti dānena sambhūtāni nibbattāni. Sesapadadvayepi eseva nayo. Ettha pana saccaṃ nāma saccavāditā. Sāmaññaṃ nāma sesasīlaṃ. Vikiratīti ayogena vaḷañjento vippakirati. Vidhamatīti dhamento viya nāseti. Viddhaṃsetīti nāseti. Aniccatāti hutvā abhāvo bahunāpi kālena saṅgatānaṃ khaṇeneva antaradhānaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਕੁਲਸੁਤ੍ਤਂ • 9. Kulasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਕੁਲਸੁਤ੍ਤવਣ੍ਣਨਾ • 9. Kulasuttavaṇṇanā
