| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਕੁਲਸੁਤ੍ਤવਣ੍ਣਨਾ
9. Kulasuttavaṇṇanā
੩੬੧. ਏવਂ ਪવਤ੍ਤਈਹਿਤਿਕਾਤਿ ਏવਂ ਦ੍વਿਧਾ ਪવਤ੍ਤਈਹਿਤਿਕਾ। ਦ੍વੀਹਿਤਿਕਾ ਦੁਕ੍ਕਰਜੀવਿਕਪਯੋਗਾ। ਸਲਾਕਮਤ੍ਤਂ વੁਤ੍ਤਂ ਏਤ੍ਥਾਤਿ ਸਲਾਕਾ વੁਤ੍ਤਾ, ਪੁਰਿਮਪਦੇ ਉਤ੍ਤਰਪਦਲੋਪੋ। ਉਭਤੋਕੋਟਿਕਨ੍ਤਿ ਯਦਿ ‘‘ਕੁਲਾਨੁਦਯਂ ਨ વਣ੍ਣੇਮੀ’’ਤਿ વਦਤਿ, ‘‘ਭੂਤਾ ਨਿਕ੍ਕਰੁਣਾ ਸਮਣ ਤੁਮ੍ਹੇ’’ਤਿ વਾਦਂ ਆਰੋਪੇਹਿ। ਅਥ ਸਬ੍ਬਦਾਪਿ ‘‘ਕੁਲਾਨੁਦਯਂ વਣ੍ਣੇਮੀ’’ਤਿ વਦਤਿ। ਏવਂ ਸਨ੍ਤੇ ‘‘ਕਸ੍ਮਾ ਏવਂ ਦੁਬ੍ਭਿਕ੍ਖੇ ਕਾਲੇ ਮਹਤਿਯਾ ਪਰਿਸਾਯ ਪਰਿવੁਤੋ ਜਨਪਦਚਾਰਿਕਂ ਚਰਨ੍ਤਾ ਕੁਲੂਪਚ੍ਛੇਦਾਯ ਪਟਿਪਜ੍ਜਥਾ’’ਤਿ ਏવਂ ਉਭਤੋਕੋਟਿਕਂ વਾਦਂ ਆਰੋਪੇਹੀਤਿ ਗਾਮਣਿਂ ਉਯ੍ਯੋਜੇਸਿ।
361.Evaṃ pavattaīhitikāti evaṃ dvidhā pavattaīhitikā. Dvīhitikā dukkarajīvikapayogā. Salākamattaṃ vuttaṃ etthāti salākā vuttā, purimapade uttarapadalopo. Ubhatokoṭikanti yadi ‘‘kulānudayaṃ na vaṇṇemī’’ti vadati, ‘‘bhūtā nikkaruṇā samaṇa tumhe’’ti vādaṃ āropehi. Atha sabbadāpi ‘‘kulānudayaṃ vaṇṇemī’’ti vadati. Evaṃ sante ‘‘kasmā evaṃ dubbhikkhe kāle mahatiyā parisāya parivuto janapadacārikaṃ carantā kulūpacchedāya paṭipajjathā’’ti evaṃ ubhatokoṭikaṃ vādaṃ āropehīti gāmaṇiṃ uyyojesi.
ਦ੍વੇ ਅਨ੍ਤੇਤਿ ਉਭੋ ਕੋਟਿਯੋ। ਬਹਿ ਨੀਹਰਿਤੁਨ੍ਤਿ ਨ વਣ੍ਣੇਮਿ વਣ੍ਣੇਮੀਤਿ ਦ੍વੇ ਅਨ੍ਤੇ ਮੋਚੇਨ੍ਤੋ ਤਂ ਪੁਚ੍ਛਿਤਮਤ੍ਥਂ ਬਹਿ ਨੀਹਰਤਿ ਨਾਮ। ਤਤ੍ਥ ਦੋਸਂ ਦਤ੍વਾ ਚੋਦੇਨ੍ਤੋ ਤਂ ਅਪੁਚ੍ਛਂ ਕਰੋਨ੍ਤੋ ਗਿਲਿਤ੍વਾ વਿਯ ਅਨ੍ਤੋ ਪવੇਸੇਤਿ ਨਾਮ।
Dve anteti ubho koṭiyo. Bahi nīharitunti na vaṇṇemi vaṇṇemīti dve ante mocento taṃ pucchitamatthaṃ bahi nīharati nāma. Tattha dosaṃ datvā codento taṃ apucchaṃ karonto gilitvā viya anto paveseti nāma.
ਇਤੋ ਸੋ ਗਾਮਣੀਤਿਆਦਿ ਅਤ੍ਤਨੋ ਭਿਕ੍ਖੂਨਂ ਅਞ੍ਞੇਸਞ੍ਚ ਅਤ੍ਥਕਾਮਾਨਂ ਭਿਕ੍ਖਪ੍ਪਦਾਨੇਨ ਅਨਿਟ੍ਠਪ੍ਪਤ੍ਤਿਅਭਾવਦਸ੍ਸਨਤ੍ਥਂ ਆਰਦ੍ਧਂ। ਦਾਨੇਨ ਸਮ੍ਭੂਤਾਨੀਤਿ ਦਾਨਮਯੇਨ ਪੁਞ੍ਞਕਿਰਿਯવਤ੍ਥੁਨਾ ਸਮ੍ਮਦੇવ ਭੂਤਿਂ વਡ੍ਢਿਂ ਪਤ੍ਤਾਨਿ। ਸਚ੍ਚੇਨ ਅਰਿਯવੋਹਾਰੇਨ ਸਮ੍ਮਦੇવ ਭੂਤਾਨਿ ਉਪ੍ਪਨ੍ਨਾਨਿ ਸਚ੍ਚਸਮ੍ਭੂਤਾਨੀਤਿ ਆਹ ‘‘ਸਚ੍ਚਂ ਨਾਮ ਸਚ੍ਚવਾਦਿਤਾ’’ਤਿ। ਸੇਸਸੀਲਨ੍ਤਿ ਅਟ੍ਠવਿਧਅਰਿਯવੋਹਾਰਤੋ ਅਞ੍ਞਸੀਲਂ। ਨਿਹਿਤਨ੍ਤਿ ਤਸ੍ਮਿਂ ਕੁਲੇ ਪੁਬ੍ਬਪੁਰਿਸੇਹਿ ਨਿਧਾਨਭਾવੇਨ ਨਿਹਿਤਂ। ਦੁਪ੍ਪਯੁਤ੍ਤਾਤਿ ਕਸਿવਾਣਿਜ੍ਜਾਦਿવਸੇਨ ਦੁਟ੍ਠੁ ਪਯੁਤ੍ਤਾ ਕਮ੍ਮਨ੍ਤਾ। વਿਪਜ੍ਜਨ੍ਤੀਤਿ ਨਸ੍ਸਨ੍ਤਿ। ਕੁਲਙ੍ਗਾਰੋਤਿ ਕੁਲਸ੍ਸ ਅਙ੍ਗਾਰਸਦਿਸੋ વਿਨਾਸਕਪੁਗ੍ਗਲੋ। ਅਨਿਚ੍ਚਤਾਤਿ ਮਰਣਂ। ਤਸ੍ਮਿਂ ਕੁਲੇ ਪਧਾਨਪੁਰਿਸਾਨਂ ਭੋਗਾਨਂ વਾ ਸਬ੍ਬਸੋ વਿਨਾਸੋ। ਤੇਨਾਹ ‘‘ਹੁਤ੍વਾ ਅਭਾવੋ’’ਤਿਆਦਿ।
Ito so gāmaṇītiādi attano bhikkhūnaṃ aññesañca atthakāmānaṃ bhikkhappadānena aniṭṭhappattiabhāvadassanatthaṃ āraddhaṃ. Dānena sambhūtānīti dānamayena puññakiriyavatthunā sammadeva bhūtiṃ vaḍḍhiṃ pattāni. Saccena ariyavohārena sammadeva bhūtāni uppannāni saccasambhūtānīti āha ‘‘saccaṃ nāma saccavāditā’’ti. Sesasīlanti aṭṭhavidhaariyavohārato aññasīlaṃ. Nihitanti tasmiṃ kule pubbapurisehi nidhānabhāvena nihitaṃ. Duppayuttāti kasivāṇijjādivasena duṭṭhu payuttā kammantā. Vipajjantīti nassanti. Kulaṅgāroti kulassa aṅgārasadiso vināsakapuggalo. Aniccatāti maraṇaṃ. Tasmiṃ kule padhānapurisānaṃ bhogānaṃ vā sabbaso vināso. Tenāha ‘‘hutvā abhāvo’’tiādi.
ਕੁਲਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kulasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਕੁਲਸੁਤ੍ਤਂ • 9. Kulasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਕੁਲਸੁਤ੍ਤવਣ੍ਣਨਾ • 9. Kulasuttavaṇṇanā
