| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. гулад̇т̇зраг̇аат̇ааван̣н̣анаа
9. Kulattheragāthāvaṇṇanā
уд̣̇аган̃хи наяанд̇ийд̇и ааяасмад̇о гулад̇т̇зрасса г̇аат̇аа. гаа уббад̇д̇и? аяам̣ гира т̇зро буб̣б̣зби виваддуубаниссаяам̣ б̣ахум̣ гусалам̣ убажинид̇ваа ад̇хигаарасамбанно вибассим̣ бхаг̇аванд̇ам̣ аагаасз г̇ажчанд̇ам̣ д̣̇исваа басаннамаанасо наал̣игзрапалам̣ д̣̇аад̇угаамо адтааси. сад̇т̇аа д̇асса жид̇д̇ам̣ н̃ад̇ваа од̇арид̇ваа бадиг̇г̇ан̣хи. со ад̇ивияа басаннажид̇д̇о худ̇ваа д̇знзва сад̣̇д̇хаабадилаабхзна сад̇т̇аарам̣ убасан̇гамид̇ваа баб̣б̣аж̇ж̇ам̣ яаажи, сад̇т̇аа ан̃н̃ад̇арам̣ бхигкум̣ аан̣аабзси – ‘‘имам̣ бурисам̣ баб̣б̣ааж̇зхий’’д̇и. со баб̣б̣аж̇ид̇ваа лад̣̇д̇хуубасамбад̣̇о саман̣ад̇хаммам̣ гад̇ваа д̇ад̇о жуд̇о чаби б̣уд̣̇д̇ханд̇араани д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇и. гулод̇исса наамам̣ ахоси. со ваяаббад̇д̇о саасанз лад̣̇д̇хаббасаад̣̇о бхаг̇авад̇о санд̇игз баб̣б̣аж̇ид̇ваа вигкзбаб̣ахулад̇ааяа висзсам̣ ниб̣б̣ад̇д̇зд̇ум̣ наасагки. ат̇згад̣̇ивасам̣ г̇аамам̣ бин̣д̣ааяа бависанд̇о анд̇араамаг̇г̇з бхуумим̣ кан̣ид̇ваа уд̣̇агаваахагам̣ гад̇ваа ижчид̇ижчид̇адтаанз уд̣̇агам̣ нзнд̇з бурисз д̣̇исваа д̇ам̣ саллагкзд̇ваа г̇аамам̣ бавидто ан̃н̃ад̇арам̣ усугаарам̣ усуд̣̇ан̣д̣агам̣ усуяанд̇з багкибид̇ваа агкигодияаа ологзд̇ваа уж̇ум̣ гаронд̇ам̣ д̣̇исваа д̇амби саллагкзд̇ваа г̇ажчанд̇о бурад̇о г̇анд̇ваа аранзминаабхиаад̣̇игз рат̇ажаггааваяавз д̇ажчанд̇з д̇ажчагз д̣̇исваа д̇амби саллагкзд̇ваа вихаарам̣ бависид̇ваа гад̇абхад̇д̇агижжо бад̇д̇ажийварам̣ бадисаамзд̇ваа д̣̇иваавихаарз нисинно ад̇д̇анаа д̣̇идтанимид̇д̇аани убамаабхаавзна г̇ахзд̇ваа ад̇д̇ано жид̇д̇ад̣̇аманз убанзнд̇о ‘‘ажзд̇анам̣ уд̣̇агамби мануссаа ижчигижчид̇адтаанам̣ наяанд̇и д̇ат̇аа ажзд̇анам̣ ван̇гамби сарад̣̇ан̣д̣ам̣ убааязна намзнд̇о уж̇ум̣ гаронд̇и , д̇ат̇аа ажзд̇анам̣ гадтагал̣ин̇г̇араад̣̇им̣ д̇ажчагаа нзмиаад̣̇ивасзна ван̇гам̣ уж̇ун̃жа гаронд̇и. ат̇а гасмаа ахам̣ сагажид̇д̇ам̣ уж̇ум̣ на гариссаамий’’д̇и жинд̇зд̇ваа вибассанам̣ бадтабзд̇ваа гхадзнд̇о вааяаманд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.51.91-99) –
Udakañhi nayantīti āyasmato kulattherassa gāthā. Kā uppatti? Ayaṃ kira thero pubbepi vivaṭṭūpanissayaṃ bahuṃ kusalaṃ upacinitvā adhikārasampanno vipassiṃ bhagavantaṃ ākāse gacchantaṃ disvā pasannamānaso nāḷikeraphalaṃ dātukāmo aṭṭhāsi. Satthā tassa cittaṃ ñatvā otaritvā paṭiggaṇhi. So ativiya pasannacitto hutvā teneva saddhāpaṭilābhena satthāraṃ upasaṅkamitvā pabbajjaṃ yāci, satthā aññataraṃ bhikkhuṃ āṇāpesi – ‘‘imaṃ purisaṃ pabbājehī’’ti. So pabbajitvā laddhūpasampado samaṇadhammaṃ katvā tato cuto chapi buddhantarāni devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbatti. Kulotissa nāmaṃ ahosi. So vayappatto sāsane laddhappasādo bhagavato santike pabbajitvā vikkhepabahulatāya visesaṃ nibbattetuṃ nāsakkhi. Athekadivasaṃ gāmaṃ piṇḍāya pavisanto antarāmagge bhūmiṃ khaṇitvā udakavāhakaṃ katvā icchiticchitaṭṭhāne udakaṃ nente purise disvā taṃ sallakkhetvā gāmaṃ paviṭṭho aññataraṃ usukāraṃ usudaṇḍakaṃ usuyante pakkhipitvā akkhikoṭiyā oloketvā ujuṃ karontaṃ disvā tampi sallakkhetvā gacchanto purato gantvā araneminābhiādike rathacakkāvayave tacchante tacchake disvā tampi sallakkhetvā vihāraṃ pavisitvā katabhattakicco pattacīvaraṃ paṭisāmetvā divāvihāre nisinno attanā diṭṭhanimittāni upamābhāvena gahetvā attano cittadamane upanento ‘‘acetanaṃ udakampi manussā icchikicchitaṭṭhānaṃ nayanti tathā acetanaṃ vaṅkampi saradaṇḍaṃ upāyena namento ujuṃ karonti , tathā acetanaṃ kaṭṭhakaḷiṅgarādiṃ tacchakā nemiādivasena vaṅkaṃ ujuñca karonti. Atha kasmā ahaṃ sakacittaṃ ujuṃ na karissāmī’’ti cintetvā vipassanaṃ paṭṭhapetvā ghaṭento vāyamanto nacirasseva arahattaṃ pāpuṇi. Tena vuttaṃ apadāne (apa. thera 2.51.91-99) –
‘‘наг̇арз б̣анд̇хумад̇ияаа, аараамиго ахам̣ д̇ад̣̇аа;
‘‘Nagare bandhumatiyā, ārāmiko ahaṃ tadā;
ад̣̇д̣̇асам̣ вираж̇ам̣ б̣уд̣̇д̇хам̣, г̇ажчанд̇ам̣ анилан̃ж̇асз.
Addasaṃ virajaṃ buddhaṃ, gacchantaṃ anilañjase.
‘‘наал̣игзрапалам̣ г̇аяха, б̣уд̣̇д̇хасздтассад̣̇аасахам̣;
‘‘Nāḷikeraphalaṃ gayha, buddhaseṭṭhassadāsahaṃ;
аагаасз тид̇аго санд̇о, бадиг̇г̇ан̣хи махааяасо.
Ākāse ṭhitako santo, paṭiggaṇhi mahāyaso.
‘‘вид̇д̇исан̃ж̇анано маяхам̣, д̣̇идтад̇хаммасукаавахо;
‘‘Vittisañjanano mayhaṃ, diṭṭhadhammasukhāvaho;
палам̣ б̣уд̣̇д̇хасса д̣̇ад̇ваана, виббасаннзна жзд̇асаа.
Phalaṃ buddhassa datvāna, vippasannena cetasā.
‘‘ад̇хиг̇ажчим̣ д̇ад̣̇аа бийд̇им̣, вибулан̃жа сукуд̇д̇амам̣;
‘‘Adhigacchiṃ tadā pītiṃ, vipulañca sukhuttamaṃ;
уббаж̇ж̇ад̇зва рад̇анам̣, ниб̣б̣ад̇д̇асса д̇ахим̣ д̇ахим̣.
Uppajjateva ratanaṃ, nibbattassa tahiṃ tahiṃ.
‘‘зганавуд̇ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekanavutito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘д̣̇иб̣б̣ажагку висуд̣̇д̇хам̣ мз, самаад̇хигусало ахам̣;
‘‘Dibbacakkhu visuddhaṃ me, samādhikusalo ahaṃ;
абхин̃н̃аабаарамиббад̇д̇о, палад̣̇аанассид̣̇ам̣ палам̣.
Abhiññāpāramippatto, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
звам̣ яаани нимид̇д̇аани ан̇гусз гад̇ваа вибассанам̣ вад̣дхзд̇ваа арахад̇д̇ам̣ баабун̣и, д̇зхи сад̣̇д̇хим̣ ад̇д̇ано жид̇д̇ад̣̇аманам̣ сам̣санд̣̇ид̇ваа ан̃н̃ам̣ б̣яаагаронд̇о ‘‘уд̣̇аган̃хи наяанд̇и нзд̇д̇игаа’’д̇и г̇аат̇ам̣ абхааси.
Evaṃ yāni nimittāni aṅkuse katvā vipassanaṃ vaḍḍhetvā arahattaṃ pāpuṇi, tehi saddhiṃ attano cittadamanaṃ saṃsanditvā aññaṃ byākaronto ‘‘udakañhi nayanti nettikā’’ti gāthaṃ abhāsi.
19. д̇ад̇т̇а уд̣̇агам̣ хийд̇и хи-сад̣̇д̣̇о нибаад̇амад̇д̇ам̣. наяанд̇ийд̇и бат̇авияаа д̇ам̣ д̇ам̣ т̇аладтаанам̣ кан̣ид̇ваа ниннадтаанам̣ буурзд̇ваа маад̇игам̣ ваа гад̇ваа ругкад̣̇он̣им̣ ваа табзд̇ваа ад̇д̇ано ижчид̇ижчид̇адтаанам̣ нзнд̇и. д̇ат̇аа д̇з нзнд̇ийд̇и нзд̇д̇игаа. д̇зж̇ананд̇и ган̣д̣ам̣. ид̣̇ам̣ вуд̇д̇ам̣ ход̇и – нзд̇д̇игаа ад̇д̇ано ружияаа ижчид̇ижчид̇адтаанам̣ уд̣̇агам̣ наяанд̇и, усугаарааби д̇аабзд̇ваа д̇зж̇анам̣ намаяанд̇и уж̇ум̣ гаронд̇и. наманавасзна д̇ажчагаа нзмиаад̣̇ийнам̣ ад̇т̇ааяа д̇ажчанд̇аа д̣̇аарум̣ намаяанд̇и ад̇д̇ано ружияаа уж̇ум̣ ваа ван̇гам̣ ваа гаронд̇и. звам̣ зд̇д̇агам̣ аарамман̣ам̣ гад̇ваа суб̣б̣ад̇аа яат̇аасамаад̣̇иннзна сийлаад̣̇инаа сунд̣̇аравад̇аа д̇хийраа сод̇аабад̇д̇имаг̇г̇аад̣̇ийнам̣ уббаад̣̇знд̇аа ад̇д̇аанам̣ д̣̇амзнд̇и, арахад̇д̇ам̣ бана бад̇д̇зсу зганд̇ад̣̇анд̇аа наама хонд̇ийд̇и.
19. Tattha udakaṃ hīti hi-saddo nipātamattaṃ. Nayantīti pathaviyā taṃ taṃ thalaṭṭhānaṃ khaṇitvā ninnaṭṭhānaṃ pūretvā mātikaṃ vā katvā rukkhadoṇiṃ vā ṭhapetvā attano icchiticchitaṭṭhānaṃ nenti. Tathā te nentīti nettikā. Tejananti kaṇḍaṃ. Idaṃ vuttaṃ hoti – nettikā attano ruciyā icchiticchitaṭṭhānaṃ udakaṃ nayanti, usukārāpi tāpetvā tejanaṃ namayanti ujuṃ karonti. Namanavasena tacchakā nemiādīnaṃ atthāya tacchantā dāruṃ namayanti attano ruciyā ujuṃ vā vaṅkaṃ vā karonti. Evaṃ ettakaṃ ārammaṇaṃ katvā subbatā yathāsamādinnena sīlādinā sundaravatā dhīrā sotāpattimaggādīnaṃ uppādentā attānaṃ damenti, arahattaṃ pana pattesu ekantadantā nāma hontīti.
гулад̇т̇зраг̇аат̇ааван̣н̣анаа нидтид̇аа.
Kulattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. гулад̇т̇зраг̇аат̇аа • 9. Kulattheragāthā
