| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
4. гулаавагаваг̇г̇о
4. Kulāvakavaggo
[31] 1. гулаавагаж̇аад̇агаван̣н̣анаа
[31] 1. Kulāvakajātakavaṇṇanā
гулаавагаад̇и ид̣̇ам̣ сад̇т̇аа ж̇зд̇аванз вихаранд̇о абариссаавзд̇ваа баанийяам̣ бийд̇ам̣ бхигкум̣ аараб̣бха гат̇зси. саавад̇т̇ид̇о гира д̣̇вз сахааяагаа д̣̇ахарабхигкуу ж̇анабад̣̇ам̣ г̇анд̇ваа згасмим̣ паасугадтаанз яат̇ааж̇жхаасаяам̣ васид̇ваа ‘‘саммаасамб̣уд̣̇д̇хам̣ бассиссаамаа’’д̇и буна д̇ад̇о нигкамид̇ваа ж̇зд̇аванаабхимукаа бааяим̣су. згасса хад̇т̇з бариссааванам̣ ад̇т̇и, згасса над̇т̇и. д̣̇взби згад̇о баанийяам̣ бариссаавзд̇ваа биванд̇и. д̇з згад̣̇ивасам̣ виваад̣̇ам̣ агам̣су. бариссааванасаамиго ид̇арасса бариссааванам̣ ад̣̇ад̇ваа саяамзва баанийяам̣ бариссаавзд̇ваа биви, ид̇аро бана бариссааванам̣ алабхид̇ваа бибаасам̣ санд̇хаарзд̇ум̣ асаггонд̇о абариссаавзд̇ваа баанийяам̣ биви. д̇з убхоби анубуб̣б̣зна ж̇зд̇аванам̣ бад̇ваа сад̇т̇аарам̣ ванд̣̇ид̇ваа нисийд̣̇им̣су. сад̇т̇аа саммод̣̇анийяам̣ гат̇ам̣ гат̇зд̇ваа ‘‘гуд̇о ааг̇ад̇ад̇т̇аа’’д̇и бужчи. ‘‘бханд̇з, маяам̣ госалаж̇анабад̣̇з згасмим̣ г̇аамагз васид̇ваа д̇ад̇о нигкамид̇ваа д̇умхаагам̣ д̣̇ассанад̇т̇ааяа ааг̇ад̇аа’’д̇и. ‘‘гажжи бана во самаг̇г̇аа ааг̇ад̇ад̇т̇аа’’д̇и? абариссааванаго ааха ‘‘аяам̣, бханд̇з, анд̇араамаг̇г̇з маяаа сад̣̇д̇хим̣ виваад̣̇ам̣ гад̇ваа бариссааванам̣ наад̣̇аасий’’д̇и. ид̇ароби ааха ‘‘аяам̣, бханд̇з, абариссаавзд̇ваава ж̇аанам̣ сабаан̣агам̣ уд̣̇агам̣ бивий’’д̇и. ‘‘сажжам̣ гира д̇вам̣ бхигку ж̇аанам̣ сабаан̣агам̣ уд̣̇агам̣ бивий’’д̇и? ‘‘аама, бханд̇з, абариссаавид̇ам̣ уд̣̇агам̣ бивинд̇и . сад̇т̇аа ‘‘бхигку буб̣б̣з бан̣д̣ид̇аа д̣̇званаг̇арз раж̇ж̇ам̣ гаарзнд̇аа яуд̣̇д̇хабарааж̇ид̇аа самуд̣̇д̣̇абидтзна балааяанд̇аа ‘иссарияам̣ ниссааяа баан̣авад̇хам̣ на гариссаамаа’д̇и д̇аава маханд̇ам̣ яасам̣ барижжаж̇ид̇ваа субан̣н̣абод̇агаанам̣ ж̇ийвид̇ам̣ д̣̇ад̇ваа рат̇ам̣ нивад̇д̇аяим̣суу’’д̇и вад̇ваа ад̇ийд̇ам̣ аахари.
Kulāvakāti idaṃ satthā jetavane viharanto aparissāvetvā pānīyaṃ pītaṃ bhikkhuṃ ārabbha kathesi. Sāvatthito kira dve sahāyakā daharabhikkhū janapadaṃ gantvā ekasmiṃ phāsukaṭṭhāne yathājjhāsayaṃ vasitvā ‘‘sammāsambuddhaṃ passissāmā’’ti puna tato nikkhamitvā jetavanābhimukhā pāyiṃsu. Ekassa hatthe parissāvanaṃ atthi, ekassa natthi. Dvepi ekato pānīyaṃ parissāvetvā pivanti. Te ekadivasaṃ vivādaṃ akaṃsu. Parissāvanasāmiko itarassa parissāvanaṃ adatvā sayameva pānīyaṃ parissāvetvā pivi, itaro pana parissāvanaṃ alabhitvā pipāsaṃ sandhāretuṃ asakkonto aparissāvetvā pānīyaṃ pivi. Te ubhopi anupubbena jetavanaṃ patvā satthāraṃ vanditvā nisīdiṃsu. Satthā sammodanīyaṃ kathaṃ kathetvā ‘‘kuto āgatatthā’’ti pucchi. ‘‘Bhante, mayaṃ kosalajanapade ekasmiṃ gāmake vasitvā tato nikkhamitvā tumhākaṃ dassanatthāya āgatā’’ti. ‘‘Kacci pana vo samaggā āgatatthā’’ti? Aparissāvanako āha ‘‘ayaṃ, bhante, antarāmagge mayā saddhiṃ vivādaṃ katvā parissāvanaṃ nādāsī’’ti. Itaropi āha ‘‘ayaṃ, bhante, aparissāvetvāva jānaṃ sapāṇakaṃ udakaṃ pivī’’ti. ‘‘Saccaṃ kira tvaṃ bhikkhu jānaṃ sapāṇakaṃ udakaṃ pivī’’ti? ‘‘Āma, bhante, aparissāvitaṃ udakaṃ pivinti . Satthā ‘‘bhikkhu pubbe paṇḍitā devanagare rajjaṃ kārentā yuddhaparājitā samuddapiṭṭhena palāyantā ‘issariyaṃ nissāya pāṇavadhaṃ na karissāmā’ti tāva mahantaṃ yasaṃ pariccajitvā supaṇṇapotakānaṃ jīvitaṃ datvā rathaṃ nivattayiṃsū’’ti vatvā atītaṃ āhari.
ад̇ийд̇з маг̇ад̇харадтз рааж̇аг̇ахз зго мааг̇ад̇харааж̇аа раж̇ж̇ам̣ гаарзси. д̇ад̣̇аа б̣од̇хисад̇д̇о яат̇аа зд̇арахи сагго буримад̇д̇абхаавз маг̇ад̇харадтз мажалаг̇аамагз ниб̣б̣ад̇д̇и, звам̣ д̇асмим̣язва мажалаг̇аамагз махаагуласса буд̇д̇о худ̇ваа ниб̣б̣ад̇д̇и. наамаг̇г̇ахан̣ад̣̇ивасз жасса ‘‘магхагумааро’’д̇взва наамам̣ агам̣су. со ваяаббад̇д̇о ‘‘магхамаан̣аво’’д̇и бан̃н̃ааяид̇т̇а. ат̇асса маад̇аабид̇аро самаанаж̇аад̇игагулад̇о д̣̇ааригам̣ аанаяим̣су. со буд̇д̇ад̇хийд̇аахи вад̣дхамаано д̣̇аанабад̇и ахоси, бан̃жа сийлаани рагкад̇и. д̇асмин̃жа г̇аамз д̇зд̇д̇им̣сзва гулаани хонд̇и, д̇зби д̇зд̇д̇им̣са гулаа мануссаа згад̣̇ивасам̣ г̇аамамаж̇жхз тад̇ваа г̇аамагаммам̣ гаронд̇и. б̣од̇хисад̇д̇о тид̇адтаанз баад̣̇зхи бам̣сум̣ вияуухид̇ваа д̇ам̣ бад̣̇зсам̣ раман̣ийяам̣ гад̇ваа адтааси, ат̇ан̃н̃о зго ааг̇анд̇ваа д̇асмим̣ таанз тид̇о. б̣од̇хисад̇д̇о абарам̣ таанам̣ раман̣ийяам̣ гад̇ваа адтааси, д̇ад̇рааби ан̃н̃о тид̇о. б̣од̇хисад̇д̇о абарамби абарамбийд̇и саб̣б̣зсамби тид̇адтаанам̣ раман̣ийяам̣ гад̇ваа абарзна самаязна д̇асмим̣ таанз ман̣д̣абам̣ гаарзси, ман̣д̣абамби абанзд̇ваа саалам̣ гаарзси, д̇ад̇т̇а палагаасанаани сант̇арид̇ваа баанийяажаадим̣ табзси.
Atīte magadharaṭṭhe rājagahe eko māgadharājā rajjaṃ kāresi. Tadā bodhisatto yathā etarahi sakko purimattabhāve magadharaṭṭhe macalagāmake nibbatti, evaṃ tasmiṃyeva macalagāmake mahākulassa putto hutvā nibbatti. Nāmaggahaṇadivase cassa ‘‘maghakumāro’’tveva nāmaṃ akaṃsu. So vayappatto ‘‘maghamāṇavo’’ti paññāyittha. Athassa mātāpitaro samānajātikakulato dārikaṃ ānayiṃsu. So puttadhītāhi vaḍḍhamāno dānapati ahosi, pañca sīlāni rakkhati. Tasmiñca gāme tettiṃseva kulāni honti, tepi tettiṃsa kulā manussā ekadivasaṃ gāmamajjhe ṭhatvā gāmakammaṃ karonti. Bodhisatto ṭhitaṭṭhāne pādehi paṃsuṃ viyūhitvā taṃ padesaṃ ramaṇīyaṃ katvā aṭṭhāsi, athañño eko āgantvā tasmiṃ ṭhāne ṭhito. Bodhisatto aparaṃ ṭhānaṃ ramaṇīyaṃ katvā aṭṭhāsi, tatrāpi añño ṭhito. Bodhisatto aparampi aparampīti sabbesampi ṭhitaṭṭhānaṃ ramaṇīyaṃ katvā aparena samayena tasmiṃ ṭhāne maṇḍapaṃ kāresi, maṇḍapampi apanetvā sālaṃ kāresi, tattha phalakāsanāni santharitvā pānīyacāṭiṃ ṭhapesi.
абарзна самаязна д̇зби д̇зд̇д̇им̣саж̇анаа б̣од̇хисад̇д̇зна самаанажчанд̣̇аа ахзсум̣. д̇з б̣од̇хисад̇д̇о бан̃жасу сийлзсу бад̇идтаабзд̇ваа д̇ад̇о бадтааяа д̇зхи сад̣̇д̇хим̣ бун̃н̃аани гаронд̇о вижарад̇и. д̇зби д̇знзва сад̣̇д̇хим̣ бун̃н̃аани гаронд̇аа гаалассзва вудтааяа ваасипарасумусалахад̇т̇аа жад̇умахаабат̇аад̣̇ийсу мусалзна баасаан̣з уб̣б̣ад̇д̇зд̇ваа баваддзнд̇и, яаанаанам̣ агкабадигхаад̇аругкз харанд̇и, висамам̣ самам̣ гаронд̇и, сзд̇ум̣ ад̇т̇аранд̇и, богкаран̣ияо кан̣анд̇и, саалам̣ гаронд̇и, д̣̇аанаани д̣̇знд̇и, сийлаани рагканд̇и. звам̣ язбхуяязна сагалаг̇аамаваасино б̣од̇хисад̇д̇асса оваад̣̇з тад̇ваа сийлаани рагким̣су.
Aparena samayena tepi tettiṃsajanā bodhisattena samānacchandā ahesuṃ. Te bodhisatto pañcasu sīlesu patiṭṭhāpetvā tato paṭṭhāya tehi saddhiṃ puññāni karonto vicarati. Tepi teneva saddhiṃ puññāni karontā kālasseva vuṭṭhāya vāsipharasumusalahatthā catumahāpathādīsu musalena pāsāṇe ubbattetvā pavaṭṭenti, yānānaṃ akkhapaṭighātarukkhe haranti, visamaṃ samaṃ karonti, setuṃ attharanti, pokkharaṇiyo khaṇanti, sālaṃ karonti, dānāni denti, sīlāni rakkhanti. Evaṃ yebhuyyena sakalagāmavāsino bodhisattassa ovāde ṭhatvā sīlāni rakkhiṃsu.
ат̇а нзсам̣ г̇аамабхож̇аго жинд̇зси ‘‘ахам̣ буб̣б̣з зд̇зсу сурам̣ биванд̇зсу баан̣аад̇ибаад̇аад̣̇ийни гаронд̇зсу жаадигахаабан̣аад̣̇ивасзна жзва д̣̇ан̣д̣аб̣аливасзна жа д̇ханам̣ лабхаами, ид̣̇аани бана магхо маан̣аво сийлам̣ рагкаабзд̇и, д̇зсам̣ баан̣аад̇ибаад̇аад̣̇ийни гаад̇ум̣ на д̣̇зд̇и, ид̣̇аани бана д̇з бан̃жа сийлаани на рагкаабзссаамий’’д̇и гуд̣̇д̇хо рааж̇аанам̣ убасан̇гамид̇ваа ‘‘д̣̇зва, б̣ахуу жораа г̇аамагхаад̇аад̣̇ийни гаронд̇аа вижаранд̇ий’’д̇и ааха. рааж̇аа д̇асса важанам̣ суд̇ваа ‘‘г̇ажча, д̇з аанзхий’’д̇и ааха. со г̇анд̇ваа саб̣б̣зби д̇з б̣анд̇хид̇ваа аанзд̇ваа ‘‘аанийд̇аа, д̣̇зва, жораа’’д̇и ран̃н̃о аарожзси. рааж̇аа д̇зсам̣ гаммам̣ асод̇хзд̇ваава ‘‘хад̇т̇инаа нз мад̣̇д̣̇аабзт̇аа’’д̇и ааха. д̇ад̇о саб̣б̣зби д̇з рааж̇ан̇г̇ан̣з нибаж̇ж̇аабзд̇ваа хад̇т̇им̣ аанаяим̣су. б̣од̇хисад̇д̇о д̇зсам̣ оваад̣̇ам̣ ад̣̇ааси ‘‘д̇умхз сийлаани ааваж̇ж̇зт̇а, бзсун̃н̃агаарагз жа ран̃н̃з жа хад̇т̇имхи жа ад̇д̇ано сарийрз жа згасад̣̇исамзва мзд̇д̇ам̣ бхаавзт̇аа’’д̇и. д̇з д̇ат̇аа агам̣су. ат̇а нзсам̣ мад̣̇д̣̇анад̇т̇ааяа хад̇т̇им̣ убанзсум̣. со убанийяамааноби на убаг̇ажчад̇и, махаавиравам̣ виравид̇ваа балааяад̇и. ан̃н̃ам̣ ан̃н̃ам̣ хад̇т̇им̣ аанаяим̣су, д̇зби д̇ат̇зва балааяим̣су.
Atha nesaṃ gāmabhojako cintesi ‘‘ahaṃ pubbe etesu suraṃ pivantesu pāṇātipātādīni karontesu cāṭikahāpaṇādivasena ceva daṇḍabalivasena ca dhanaṃ labhāmi, idāni pana magho māṇavo sīlaṃ rakkhāpeti, tesaṃ pāṇātipātādīni kātuṃ na deti, idāni pana te pañca sīlāni na rakkhāpessāmī’’ti kuddho rājānaṃ upasaṅkamitvā ‘‘deva, bahū corā gāmaghātādīni karontā vicarantī’’ti āha. Rājā tassa vacanaṃ sutvā ‘‘gaccha, te ānehī’’ti āha. So gantvā sabbepi te bandhitvā ānetvā ‘‘ānītā, deva, corā’’ti rañño ārocesi. Rājā tesaṃ kammaṃ asodhetvāva ‘‘hatthinā ne maddāpethā’’ti āha. Tato sabbepi te rājaṅgaṇe nipajjāpetvā hatthiṃ ānayiṃsu. Bodhisatto tesaṃ ovādaṃ adāsi ‘‘tumhe sīlāni āvajjetha, pesuññakārake ca raññe ca hatthimhi ca attano sarīre ca ekasadisameva mettaṃ bhāvethā’’ti. Te tathā akaṃsu. Atha nesaṃ maddanatthāya hatthiṃ upanesuṃ. So upanīyamānopi na upagacchati, mahāviravaṃ viravitvā palāyati. Aññaṃ aññaṃ hatthiṃ ānayiṃsu, tepi tatheva palāyiṃsu.
рааж̇аа ‘‘зд̇зсам̣ хад̇т̇з гин̃жи осад̇хам̣ бхависсад̇ий’’д̇и жинд̇зд̇ваа ‘‘вижинат̇аа’’д̇и ааха. вижинанд̇аа ад̣̇исваа ‘‘над̇т̇и, д̣̇зваа’’д̇и аахам̣су. д̇зна хи гин̃жи манд̇ам̣ баривад̇д̇зссанд̇и, бужчат̇а нз ‘‘ад̇т̇и во баривад̇д̇анаманд̇о’’д̇и? рааж̇абурисаа бужчим̣су, б̣од̇хисад̇д̇о ‘‘ад̇т̇ий’’д̇и ааха. рааж̇абурисаа ‘‘ад̇т̇и гира, д̣̇зваа’’д̇и аарожаяим̣су, рааж̇аа саб̣б̣зби д̇з баггосаабзд̇ваа ‘‘д̇умхаагам̣ ж̇аананаманд̇ам̣ гат̇зт̇аа’’д̇и ааха. б̣од̇хисад̇д̇о авожа ‘‘д̣̇зва, ан̃н̃о амхаагам̣ манд̇о наама над̇т̇и, амхз бана д̇зд̇д̇им̣самад̇д̇аа ж̇анаа баан̣ам̣ на ханаама, ад̣̇иннам̣ наад̣̇ияаама, мижчаажаарам̣ на жараама, мусааваад̣̇ам̣ на бхан̣аама, маж̇ж̇ам̣ на биваама, мзд̇д̇ам̣ бхаавзма, д̣̇аанам̣ д̣̇зма, маг̇г̇ам̣ самам̣ гарома, богкаран̣ияо кан̣аама, саалам̣ гарома, аяам̣ амхаагам̣ манд̇о жа барид̇д̇ан̃жа вуд̣дхи жаа’’д̇и. рааж̇аа д̇зсам̣ басанно бзсун̃н̃агаарагасса саб̣б̣ам̣ г̇зхавибхавам̣ д̇ан̃жа д̇зсам̣язва д̣̇аасам̣ гад̇ваа ад̣̇ааси, д̇ам̣ хад̇т̇ин̃жа г̇ааман̃жа д̇зсам̣язва ад̣̇ааси.
Rājā ‘‘etesaṃ hatthe kiñci osadhaṃ bhavissatī’’ti cintetvā ‘‘vicinathā’’ti āha. Vicinantā adisvā ‘‘natthi, devā’’ti āhaṃsu. Tena hi kiñci mantaṃ parivattessanti, pucchatha ne ‘‘atthi vo parivattanamanto’’ti? Rājapurisā pucchiṃsu, bodhisatto ‘‘atthī’’ti āha. Rājapurisā ‘‘atthi kira, devā’’ti ārocayiṃsu, rājā sabbepi te pakkosāpetvā ‘‘tumhākaṃ jānanamantaṃ kathethā’’ti āha. Bodhisatto avoca ‘‘deva, añño amhākaṃ manto nāma natthi, amhe pana tettiṃsamattā janā pāṇaṃ na hanāma, adinnaṃ nādiyāma, micchācāraṃ na carāma, musāvādaṃ na bhaṇāma, majjaṃ na pivāma, mettaṃ bhāvema, dānaṃ dema, maggaṃ samaṃ karoma, pokkharaṇiyo khaṇāma, sālaṃ karoma, ayaṃ amhākaṃ manto ca parittañca vuḍḍhi cā’’ti. Rājā tesaṃ pasanno pesuññakārakassa sabbaṃ gehavibhavaṃ tañca tesaṃyeva dāsaṃ katvā adāsi, taṃ hatthiñca gāmañca tesaṃyeva adāsi.
д̇з д̇ад̇о бадтааяа яат̇ааружияаа бун̃н̃аани гаронд̇аа ‘‘жад̇умахаабат̇з маханд̇ам̣ саалам̣ гаарзссаамаа’’д̇и вад̣дхагим̣ баггосаабзд̇ваа саалам̣ бадтабзсум̣. маад̇уг̇аамзсу бана виг̇ад̇ажчанд̣̇ад̇ааяа д̇ассаа саалааяа маад̇уг̇аамаанам̣ бад̇д̇им̣ наад̣̇ам̣су. д̇зна жа самаязна б̣од̇хисад̇д̇асса г̇зхз суд̇хаммаа, жид̇д̇аа, нанд̣̇аа, суж̇аад̇и жад̇ассо ид̇т̇ияо хонд̇и. д̇аасу суд̇хаммаа вад̣дхагинаа сад̣̇д̇хим̣ згад̇о худ̇ваа ‘‘бхаад̇ига, имиссаа саалааяа мам̣ ж̇здтигам̣ гарохий’’д̇и вад̇ваа лан̃ж̇ам̣ ад̣̇ааси. со ‘‘саад̇хуу’’д̇и самбадижчид̇ваа батамамзва ган̣н̣игааругкам̣ сугкаабзд̇ваа д̇ажчзд̇ваа виж̇жхид̇ваа ган̣н̣игам̣ нидтаабзд̇ваа вад̇т̇зна баливзтзд̇ваа табзси. ат̇а саалам̣ нидтаабзд̇ваа ган̣н̣игааробанагаалз ‘‘ахо, аяяаа, згам̣ на саримхаа’’д̇и ааха. ‘‘гим̣ наама, бхо’’д̇и. ‘‘ган̣н̣игаа лад̣̇д̇хум̣ ваддад̇ий’’д̇и. ‘‘ход̇у аахариссаамаа’’д̇и? ‘‘ид̣̇аани чиннаругкзна гаад̇ум̣ на саггаа, буб̣б̣зязва чинд̣̇ид̇ваа д̇ажчзд̇ваа виж̇жхид̇ваа табид̇аган̣н̣игаа лад̣̇д̇хум̣ ваддад̇ий’’д̇и. ‘‘ид̣̇аани гим̣ гаад̇аб̣б̣а’’нд̇и? ‘‘сажз гассажи г̇зхз нидтаабзд̇ваа табид̇аа виггааяигаган̣н̣игаа ад̇т̇и, саа бариязсид̇аб̣б̣аа’’д̇и. д̇з бариязсанд̇аа суд̇хаммааяа г̇зхз д̣̇исваа муулзна на лабхим̣су. ‘‘сажз мам̣ саалааяа бад̇д̇игам̣ гарот̇а, д̣̇ассаамий’’д̇и вуд̇д̇з ‘‘на маяам̣ маад̇уг̇аамаанам̣ бад̇д̇им̣ д̣̇амхаа’’д̇и аахам̣су.
Te tato paṭṭhāya yathāruciyā puññāni karontā ‘‘catumahāpathe mahantaṃ sālaṃ kāressāmā’’ti vaḍḍhakiṃ pakkosāpetvā sālaṃ paṭṭhapesuṃ. Mātugāmesu pana vigatacchandatāya tassā sālāya mātugāmānaṃ pattiṃ nādaṃsu. Tena ca samayena bodhisattassa gehe sudhammā, cittā, nandā, sujāti catasso itthiyo honti. Tāsu sudhammā vaḍḍhakinā saddhiṃ ekato hutvā ‘‘bhātika, imissā sālāya maṃ jeṭṭhikaṃ karohī’’ti vatvā lañjaṃ adāsi. So ‘‘sādhū’’ti sampaṭicchitvā paṭhamameva kaṇṇikārukkhaṃ sukkhāpetvā tacchetvā vijjhitvā kaṇṇikaṃ niṭṭhāpetvā vatthena paliveṭhetvā ṭhapesi. Atha sālaṃ niṭṭhāpetvā kaṇṇikāropanakāle ‘‘aho, ayyā, ekaṃ na sarimhā’’ti āha. ‘‘Kiṃ nāma, bho’’ti. ‘‘Kaṇṇikā laddhuṃ vaṭṭatī’’ti. ‘‘Hotu āharissāmā’’ti? ‘‘Idāni chinnarukkhena kātuṃ na sakkā, pubbeyeva chinditvā tacchetvā vijjhitvā ṭhapitakaṇṇikā laddhuṃ vaṭṭatī’’ti. ‘‘Idāni kiṃ kātabba’’nti? ‘‘Sace kassaci gehe niṭṭhāpetvā ṭhapitā vikkāyikakaṇṇikā atthi, sā pariyesitabbā’’ti. Te pariyesantā sudhammāya gehe disvā mūlena na labhiṃsu. ‘‘Sace maṃ sālāya pattikaṃ karotha, dassāmī’’ti vutte ‘‘na mayaṃ mātugāmānaṃ pattiṃ damhā’’ti āhaṃsu.
ат̇а нз вад̣дхагий ааха ‘‘аяяаа, д̇умхз гим̣ гат̇зт̇а, табзд̇ваа б̣рахмалогам̣ ан̃н̃ам̣ маад̇уг̇аамарахид̇адтаанам̣ наама над̇т̇и, г̇ан̣хат̇а ган̣н̣игам̣, звам̣ санд̇з амхаагам̣ гаммам̣ нидтам̣ г̇амиссад̇ий’’д̇и. д̇з ‘‘саад̇хуу’’д̇и ган̣н̣игам̣ г̇ахзд̇ваа саалам̣ нидтаабзд̇ваа аасанапалагаани сант̇арид̇ваа баанийяажаадияо табзд̇ваа яааг̇убхад̇д̇ам̣ ниб̣анд̇хим̣су. саалам̣ баагаарзна баригкибид̇ваа д̣̇ваарам̣ яож̇зд̇ваа анд̇обаагаарз ваалугам̣ аагирид̇ваа б̣ахибаагаарз д̇аалабанд̇ияо робзсум̣. жид̇д̇ааби д̇асмим̣ таанз уяяаанам̣ гаарзси, ‘‘бубпуубаг̇апалуубаг̇аругко асуго наама д̇асмим̣ над̇т̇ий’’д̇и наахоси. нанд̣̇ааби д̇асмим̣язва таанз богкаран̣им̣ гаарзси бан̃жаван̣н̣зхи бад̣̇умзхи сан̃чаннам̣ раман̣ийяам̣. суж̇аа на гин̃жи агааси.
Atha ne vaḍḍhakī āha ‘‘ayyā, tumhe kiṃ kathetha, ṭhapetvā brahmalokaṃ aññaṃ mātugāmarahitaṭṭhānaṃ nāma natthi, gaṇhatha kaṇṇikaṃ, evaṃ sante amhākaṃ kammaṃ niṭṭhaṃ gamissatī’’ti. Te ‘‘sādhū’’ti kaṇṇikaṃ gahetvā sālaṃ niṭṭhāpetvā āsanaphalakāni santharitvā pānīyacāṭiyo ṭhapetvā yāgubhattaṃ nibandhiṃsu. Sālaṃ pākārena parikkhipitvā dvāraṃ yojetvā antopākāre vālukaṃ ākiritvā bahipākāre tālapantiyo ropesuṃ. Cittāpi tasmiṃ ṭhāne uyyānaṃ kāresi, ‘‘pupphūpagaphalūpagarukkho asuko nāma tasmiṃ natthī’’ti nāhosi. Nandāpi tasmiṃyeva ṭhāne pokkharaṇiṃ kāresi pañcavaṇṇehi padumehi sañchannaṃ ramaṇīyaṃ. Sujā na kiñci akāsi.
б̣од̇хисад̇д̇о маад̇у убадтаанам̣ бид̇у убадтаанам̣ гулз ж̇здтаабажааяигагаммам̣ сажжаваажам̣ апарусаваажам̣ абисун̣аваажам̣ мажчзравинаяанд̇и имаани сад̇д̇а вад̇абад̣̇аани буурзд̇ваа –
Bodhisatto mātu upaṭṭhānaṃ pitu upaṭṭhānaṃ kule jeṭṭhāpacāyikakammaṃ saccavācaṃ apharusavācaṃ apisuṇavācaṃ maccheravinayanti imāni satta vatapadāni pūretvā –
‘‘маад̇аабзд̇д̇ибхарам̣ ж̇анд̇ум̣, гулз ж̇здтаабажааяинам̣;
‘‘Mātāpettibharaṃ jantuṃ, kule jeṭṭhāpacāyinaṃ;
сан̣хам̣ сакиласамбхаасам̣, бзсун̣зяяаббахааяинам̣.
Saṇhaṃ sakhilasambhāsaṃ, pesuṇeyyappahāyinaṃ.
‘‘мажчзравинаяз яуд̇д̇ам̣, сажжам̣ год̇хаабхибхум̣ нарам̣;
‘‘Maccheravinaye yuttaṃ, saccaṃ kodhābhibhuṃ naraṃ;
д̇ам̣ вз д̣̇зваа д̇аавад̇им̣саа, ааху саббурисо ид̇ий’’д̇и. (сам̣. ни. 1.257) –
Taṃ ve devā tāvatiṃsā, āhu sappuriso itī’’ti. (saṃ. ni. 1.257) –
звам̣ басам̣сияабхаавам̣ аабаж̇ж̇ид̇ваа ж̇ийвид̇абарияосаанз д̇аавад̇им̣сабхаванз сагго д̣̇зварааж̇аа худ̇ваа ниб̣б̣ад̇д̇и, д̇збисса сахааяаа д̇ад̇т̇зва ниб̣б̣ад̇д̇им̣су. д̇асмим̣ гаалз д̇аавад̇им̣сабхаванз асураа бадивасанд̇и. сагго д̣̇зварааж̇аа ‘‘гим̣ но саад̇хааран̣зна раж̇ж̇знаа’’д̇и асурз д̣̇иб̣б̣абаанам̣ бааязд̇ваа мад̇д̇з самаанз баад̣̇зсу г̇аахаабзд̇ваа синзрубаб̣б̣ад̇абаад̣̇з кибаабзси. д̇з асурабхаванамзва самбаабун̣им̣су.
Evaṃ pasaṃsiyabhāvaṃ āpajjitvā jīvitapariyosāne tāvatiṃsabhavane sakko devarājā hutvā nibbatti, tepissa sahāyā tattheva nibbattiṃsu. Tasmiṃ kāle tāvatiṃsabhavane asurā paṭivasanti. Sakko devarājā ‘‘kiṃ no sādhāraṇena rajjenā’’ti asure dibbapānaṃ pāyetvā matte samāne pādesu gāhāpetvā sinerupabbatapāde khipāpesi. Te asurabhavanameva sampāpuṇiṃsu.
асурабхаванам̣ наама синзрусса хздтимад̇алз д̇аавад̇им̣сад̣̇звалогаббамаан̣амзва, д̇ад̇т̇а д̣̇зваанам̣ баарижчад̇д̇аго вияа жид̇д̇абаадали наама габбадтияаругко ход̇и. д̇з жид̇д̇абаадалияаа бубпид̇ааяа ж̇аананд̇и ‘‘нааяам̣ амхаагам̣ д̣̇звалого, д̣̇звалогасмин̃хи баарижчад̇д̇аго бубпад̇ий’’д̇и. ат̇а д̇з ‘‘ж̇арасагго амхз мад̇д̇з гад̇ваа махаасамуд̣̇д̣̇абидтз кибид̇ваа амхаагам̣ д̣̇званаг̇арам̣ г̇ан̣хи, д̇з маяам̣ д̇зна сад̣̇д̇хим̣ яуж̇жхид̇ваа амхаагам̣ д̣̇званаг̇арамзва г̇ан̣хиссаамаа’’д̇и гибиллигаа вияа т̇амбхам̣ синзрум̣ анусан̃жарамаанаа удтахим̣су. сагго ‘‘асураа гира удтид̇аа’’д̇и суд̇ваа самуд̣̇д̣̇абидтзязва аб̣бхуг̇г̇анд̇ваа яуж̇жхамаано д̇зхи барааж̇ид̇о д̣̇ияад̣дхаяож̇анасад̇игзна взж̇аяанд̇арат̇зна д̣̇агкин̣асамуд̣̇д̣̇асса мад̇т̇агзна балааяид̇ум̣ аарад̣̇д̇хо. ат̇асса рат̇о самуд̣̇д̣̇абидтзна взг̇зна г̇ажчанд̇о симб̣аливанам̣ багканд̇о, д̇асса г̇аманамаг̇г̇з симб̣аливанам̣ нал̣аванам̣ вияа чиж̇ж̇ид̇ваа чиж̇ж̇ид̇ваа самуд̣̇д̣̇абидтз бад̇ад̇и. субан̣н̣абод̇агаа самуд̣̇д̣̇абидтз барибад̇анд̇аа махаавиравам̣ равим̣су. сагго маад̇алим̣ бужчи ‘‘самма маад̇али, гим̣ сад̣̇д̣̇о наамзса, ад̇игаарун̃н̃араво вад̇д̇ад̇ий’’д̇и? ‘‘д̣̇зва, д̇умхаагам̣ рат̇авзг̇зна вижун̣н̣ид̇з симб̣аливанз бад̇анд̇з субан̣н̣абод̇агаа маран̣абхаяад̇аж̇ж̇ид̇аа згавиравам̣ вираванд̇ий’’д̇и.
Asurabhavanaṃ nāma sinerussa heṭṭhimatale tāvatiṃsadevalokappamāṇameva, tattha devānaṃ pāricchattako viya cittapāṭali nāma kappaṭṭhiyarukkho hoti. Te cittapāṭaliyā pupphitāya jānanti ‘‘nāyaṃ amhākaṃ devaloko, devalokasmiñhi pāricchattako pupphatī’’ti. Atha te ‘‘jarasakko amhe matte katvā mahāsamuddapiṭṭhe khipitvā amhākaṃ devanagaraṃ gaṇhi, te mayaṃ tena saddhiṃ yujjhitvā amhākaṃ devanagarameva gaṇhissāmā’’ti kipillikā viya thambhaṃ sineruṃ anusañcaramānā uṭṭhahiṃsu. Sakko ‘‘asurā kira uṭṭhitā’’ti sutvā samuddapiṭṭheyeva abbhuggantvā yujjhamāno tehi parājito diyaḍḍhayojanasatikena vejayantarathena dakkhiṇasamuddassa matthakena palāyituṃ āraddho. Athassa ratho samuddapiṭṭhena vegena gacchanto simbalivanaṃ pakkhanto, tassa gamanamagge simbalivanaṃ naḷavanaṃ viya chijjitvā chijjitvā samuddapiṭṭhe patati. Supaṇṇapotakā samuddapiṭṭhe paripatantā mahāviravaṃ raviṃsu. Sakko mātaliṃ pucchi ‘‘samma mātali, kiṃ saddo nāmesa, atikāruññaravo vattatī’’ti? ‘‘Deva, tumhākaṃ rathavegena vicuṇṇite simbalivane patante supaṇṇapotakā maraṇabhayatajjitā ekaviravaṃ viravantī’’ti.
махаасад̇д̇о ‘‘самма маад̇али, маа амхз ниссааяа зд̇з гиламанд̇у, на маяам̣ иссарияам̣ ниссааяа баан̣авад̇хагаммам̣ гарома, зд̇зсам̣ бана ад̇т̇ааяа маяам̣ ж̇ийвид̇ам̣ барижжаж̇ид̇ваа асураанам̣ д̣̇ассаама, нивад̇д̇аязд̇ам̣ рат̇а’’нд̇и вад̇ваа имам̣ г̇аат̇амааха –
Mahāsatto ‘‘samma mātali, mā amhe nissāya ete kilamantu, na mayaṃ issariyaṃ nissāya pāṇavadhakammaṃ karoma, etesaṃ pana atthāya mayaṃ jīvitaṃ pariccajitvā asurānaṃ dassāma, nivattayetaṃ ratha’’nti vatvā imaṃ gāthamāha –
31.
31.
‘‘гулаавагаа маад̇али симб̣алисмим̣, ийсаамукзна бариваж̇ж̇аяассу;
‘‘Kulāvakā mātali simbalismiṃ, īsāmukhena parivajjayassu;
гаамам̣ жаж̇аама асурзсу баан̣ам̣, маамз д̣̇иж̇аа вигулааваа ахзсу’’нд̇и.
Kāmaṃ cajāma asuresu pāṇaṃ, māme dijā vikulāvā ahesu’’nti.
д̇ад̇т̇а гулаавагаад̇и субан̣н̣абод̇агаа. маад̇алийд̇и саарат̇им̣ ааманд̇зси. симб̣алисминд̇и басса зд̇з симб̣алиругкз оламб̣анд̇аа тид̇аад̇и д̣̇ассзд̇и. ийсаамукзна бариваж̇ж̇аяассууд̇и зд̇з зд̇асса рат̇асса ийсаамукзна яат̇аа на хан̃н̃анд̇и, звам̣ д̇з бариваж̇ж̇аяассу. гаамам̣ жаж̇аама асурзсу баан̣анд̇и яад̣̇и амхзсу асураанам̣ баан̣ам̣ жаж̇анд̇зсу зд̇зсам̣ сод̇т̇и ход̇и, гаамам̣ жаж̇аама згам̣сзнзва маяам̣ асурзсу амхаагам̣ баан̣ам̣ жаж̇аама. маамз д̣̇иж̇аа вигулааваа ахзсунд̇и имз бана д̣̇иж̇аа имз г̇арул̣абод̇агаа вид̣̇д̇хасд̇авижун̣н̣ид̇агулаавагад̇ааяа вигулааваа маа ахзсум̣, маа амхаагам̣ д̣̇угкам̣ зд̇зсам̣ убари киба, нивад̇д̇аяа нивад̇д̇аяа рат̇анд̇и. маад̇алисан̇г̇аахаго д̇асса важанам̣ суд̇ваа рат̇ам̣ нивад̇д̇зд̇ваа ан̃н̃зна маг̇г̇зна д̣̇звалогаабхимукам̣ агааси. асураа бана д̇ам̣ нивад̇д̇аяамаанамзва д̣̇исваа ‘‘ад̣̇д̇хаа ан̃н̃зхиби жаггаваал̣зхи саггаа ааг̇ажчанд̇и, б̣алам̣ лабхид̇ваа рат̇о нивад̇д̇о бхависсад̇ий’’д̇и маран̣абхаяабхийд̇аа балааяид̇ваа асурабхаванамзва бависим̣су.
Tattha kulāvakāti supaṇṇapotakā. Mātalīti sārathiṃ āmantesi. Simbalisminti passa ete simbalirukkhe olambantā ṭhitāti dasseti. Īsāmukhena parivajjayassūti ete etassa rathassa īsāmukhena yathā na haññanti, evaṃ te parivajjayassu. Kāmaṃ cajāma asuresu pāṇanti yadi amhesu asurānaṃ pāṇaṃ cajantesu etesaṃ sotthi hoti, kāmaṃ cajāma ekaṃseneva mayaṃ asuresu amhākaṃ pāṇaṃ cajāma. Māme dijā vikulāvā ahesunti ime pana dijā ime garuḷapotakā viddhastavicuṇṇitakulāvakatāya vikulāvā mā ahesuṃ, mā amhākaṃ dukkhaṃ etesaṃ upari khipa, nivattaya nivattaya rathanti. Mātalisaṅgāhako tassa vacanaṃ sutvā rathaṃ nivattetvā aññena maggena devalokābhimukhaṃ akāsi. Asurā pana taṃ nivattayamānameva disvā ‘‘addhā aññehipi cakkavāḷehi sakkā āgacchanti, balaṃ labhitvā ratho nivatto bhavissatī’’ti maraṇabhayabhītā palāyitvā asurabhavanameva pavisiṃsu.
саггоби д̣̇званаг̇арам̣ бависид̇ваа д̣̇вийсу д̣̇звалогзсу д̣̇зваг̇ан̣зна баривуд̇о наг̇арамаж̇жхз адтааси. д̇асмим̣ кан̣з бат̇авим̣ бхинд̣̇ид̇ваа яож̇анасахассуб̣б̣зд̇хо взж̇аяанд̇абаасаад̣̇о удтахи. виж̇аяанд̇з удтид̇ад̇д̇аа ‘‘взж̇аяанд̇о’’ д̇взва наамам̣ агам̣су. ат̇а сагго буна асураанам̣ анааг̇аманад̇т̇ааяа бан̃жасу таанзсу аарагкам̣ табзси. яам̣ санд̇хааяа вуд̇д̇ам̣ –
Sakkopi devanagaraṃ pavisitvā dvīsu devalokesu devagaṇena parivuto nagaramajjhe aṭṭhāsi. Tasmiṃ khaṇe pathaviṃ bhinditvā yojanasahassubbedho vejayantapāsādo uṭṭhahi. Vijayante uṭṭhitattā ‘‘vejayanto’’ tveva nāmaṃ akaṃsu. Atha sakko puna asurānaṃ anāgamanatthāya pañcasu ṭhānesu ārakkhaṃ ṭhapesi. Yaṃ sandhāya vuttaṃ –
‘‘анд̇араа д̣̇виннам̣ аяуж̇жхабураанам̣, бан̃жавид̇хаа табид̇аа абхирагкаа;
‘‘Antarā dvinnaṃ ayujjhapurānaṃ, pañcavidhā ṭhapitā abhirakkhā;
ураг̇агародибаяасса жа хаарий, мад̣̇анаяуд̇аа жад̇уро жа маханд̇аа’’д̇и. (сам̣. ни. адта. 1.1.247);
Uragakaroṭipayassa ca hārī, madanayutā caturo ca mahantā’’ti. (saṃ. ni. aṭṭha. 1.1.247);
д̣̇вз наг̇арааниби яуд̣̇д̇хзна г̇ахзд̇ум̣ асаггун̣зяяад̇ааяа аяуж̇жхабураани наама ж̇аад̇аани д̣̇званаг̇аран̃жа асуранаг̇аран̃жа. яад̣̇аа хи асураа б̣алаванд̇аа хонд̇и, ат̇а д̣̇звзхи балааяид̇ваа д̣̇званаг̇арам̣ бависид̇ваа д̣̇ваарз бихид̇з асураанам̣ сад̇асахассамби гин̃жи гаад̇ум̣ на саггод̇и. яад̣̇аа д̣̇зваа б̣алаванд̇аа хонд̇и, ат̇а асурзхи балааяид̇ваа асуранаг̇арам̣ бависид̇ваа д̣̇ваарз бихид̇з саггаанам̣ сад̇асахассамби гин̃жи гаад̇ум̣ на саггод̇и. ид̇и имаани д̣̇вз наг̇араани аяуж̇жхабураани наама. д̇зсам̣ анд̇араа зд̇зсу ураг̇аад̣̇ийсу бан̃жасу таанзсу саггзна аарагкаа табид̇аа. д̇ад̇т̇а ураг̇а-сад̣̇д̣̇зна нааг̇аа г̇ахид̇аа. д̇з уд̣̇агз б̣алаванд̇аа хонд̇и, д̇асмаа синзрусса батамаалинд̣̇з д̇зсам̣ аарагкаа. гароди-сад̣̇д̣̇зна субан̣н̣аа г̇ахид̇аа. д̇зсам̣ гира гароди наама баанабхож̇анам̣, д̇зна д̇ам̣ наамам̣ лабхим̣су, д̣̇уд̇ияаалинд̣̇з д̇зсам̣ аарагкаа. баяассахаари-сад̣̇д̣̇зна гумбхан̣д̣аа г̇ахид̇аа. д̣̇аанаварагкасаа гирзд̇з, д̇ад̇ияаалинд̣̇з д̇зсам̣ аарагкаа. мад̣̇анаяуд̇а-сад̣̇д̣̇зна яагкаа г̇ахид̇аа. висамажаарино гира д̇з яуд̣̇д̇хасон̣д̣аа, жад̇уд̇т̇аалинд̣̇з д̇зсам̣ аарагкаа. жад̇уро жа маханд̇аад̇и жад̇д̇ааро махаарааж̇аано вуд̇д̇аа, бан̃жамаалинд̣̇з д̇зсам̣ аарагкаа. д̇асмаа яад̣̇и асураа губид̇аа аавилажид̇д̇аа д̣̇звабурам̣ убаяанд̇и, бан̃жавид̇хзсу яам̣ г̇ирино батамам̣ барибхан̣д̣ам̣, д̇ам̣ ураг̇аа бариб̣аахияа д̇идтанд̇и. звам̣ сзсзсу сзсаа.
Dve nagarānipi yuddhena gahetuṃ asakkuṇeyyatāya ayujjhapurāni nāma jātāni devanagarañca asuranagarañca. Yadā hi asurā balavantā honti, atha devehi palāyitvā devanagaraṃ pavisitvā dvāre pihite asurānaṃ satasahassampi kiñci kātuṃ na sakkoti. Yadā devā balavantā honti, atha asurehi palāyitvā asuranagaraṃ pavisitvā dvāre pihite sakkānaṃ satasahassampi kiñci kātuṃ na sakkoti. Iti imāni dve nagarāni ayujjhapurāni nāma. Tesaṃ antarā etesu uragādīsu pañcasu ṭhānesu sakkena ārakkhā ṭhapitā. Tattha uraga-saddena nāgā gahitā. Te udake balavantā honti, tasmā sinerussa paṭhamālinde tesaṃ ārakkhā. Karoṭi-saddena supaṇṇā gahitā. Tesaṃ kira karoṭi nāma pānabhojanaṃ, tena taṃ nāmaṃ labhiṃsu, dutiyālinde tesaṃ ārakkhā. Payassahāri-saddena kumbhaṇḍā gahitā. Dānavarakkhasā kirete, tatiyālinde tesaṃ ārakkhā. Madanayuta-saddena yakkhā gahitā. Visamacārino kira te yuddhasoṇḍā, catutthālinde tesaṃ ārakkhā. Caturo ca mahantāti cattāro mahārājāno vuttā, pañcamālinde tesaṃ ārakkhā. Tasmā yadi asurā kupitā āvilacittā devapuraṃ upayanti, pañcavidhesu yaṃ girino paṭhamaṃ paribhaṇḍaṃ, taṃ uragā paribāhiya tiṭṭhanti. Evaṃ sesesu sesā.
имзсу бана бан̃жасу таанзсу аарагкам̣ табзд̇ваа саггз д̣̇зваанаминд̣̇з д̣̇иб̣б̣асамбад̇д̇им̣ анубхавамаанз суд̇хаммаа жавид̇ваа д̇ассзва баад̣̇абарижааригаа худ̇ваа ниб̣б̣ад̇д̇и, ган̣н̣игааяа д̣̇иннаниссанд̣̇зна жассаа бан̃жаяож̇анасад̇игаа суд̇хаммаа наама д̣̇звасабхаа уд̣̇абаад̣̇и, яад̇т̇а д̣̇иб̣б̣асзд̇ажчад̇д̇асса хздтаа яож̇анаббамаан̣з ган̃жанабаллан̇гз нисинно сагго д̣̇зваанаминд̣̇о д̣̇звамануссаанам̣ гад̇д̇аб̣б̣агижжаани гарод̇и. жид̇д̇ааби жавид̇ваа д̇ассзва баад̣̇абарижааригаа худ̇ваа ниб̣б̣ад̇д̇и, уяяаанасса гаран̣аниссанд̣̇зна жассаа жид̇д̇алад̇ааванам̣ наама уяяаанам̣ уд̣̇абаад̣̇и. нанд̣̇ааби жавид̇ваа д̇ассзва баад̣̇абарижааригаа худ̇ваа ниб̣б̣ад̇д̇и, богкаран̣ияаа ниссанд̣̇зна жассаа нанд̣̇аа наама богкаран̣ий уд̣̇абаад̣̇и.
Imesu pana pañcasu ṭhānesu ārakkhaṃ ṭhapetvā sakke devānaminde dibbasampattiṃ anubhavamāne sudhammā cavitvā tasseva pādaparicārikā hutvā nibbatti, kaṇṇikāya dinnanissandena cassā pañcayojanasatikā sudhammā nāma devasabhā udapādi, yattha dibbasetacchattassa heṭṭhā yojanappamāṇe kañcanapallaṅke nisinno sakko devānamindo devamanussānaṃ kattabbakiccāni karoti. Cittāpi cavitvā tasseva pādaparicārikā hutvā nibbatti, uyyānassa karaṇanissandena cassā cittalatāvanaṃ nāma uyyānaṃ udapādi. Nandāpi cavitvā tasseva pādaparicārikā hutvā nibbatti, pokkharaṇiyā nissandena cassā nandā nāma pokkharaṇī udapādi.
суж̇аа бана гусалагаммасса агад̇ад̇д̇аа згасмим̣ аран̃н̃з ганд̣̇арааяа б̣агасагун̣игаа худ̇ваа ниб̣б̣ад̇д̇аа. сагго ‘‘суж̇аа на бан̃н̃ааяад̇и, гад̇т̇а ну ко ниб̣б̣ад̇д̇аа’’д̇и ааваж̇ж̇знд̇о д̇ам̣ д̣̇исваа д̇ад̇т̇а г̇анд̇ваа д̇ам̣ аад̣̇ааяа д̣̇звалогам̣ ааг̇анд̇ваа д̇ассаа раман̣ийяам̣ д̣̇званаг̇арам̣ суд̇хаммам̣ д̣̇звасабхам̣ жид̇д̇алад̇ааванам̣ нанд̣̇аабогкаран̣ин̃жа д̣̇ассзд̇ваа ‘‘зд̇аа гусалам̣ гад̇ваа маяхам̣ баад̣̇абарижааригаа худ̇ваа ниб̣б̣ад̇д̇аа, д̇вам̣ бана гусалам̣ агад̇ваа д̇иражчаанаяонияам̣ ниб̣б̣ад̇д̇аа , ид̇о бадтааяа сийлам̣ рагкаахий’’д̇и д̇ам̣ овад̣̇ид̇ваа бан̃жасу сийлзсу бад̇идтаабзд̇ваа д̇ад̇т̇зва нзд̇ваа виссаж̇ж̇зси. сааби д̇ад̇о бадтааяа сийлам̣ рагкад̇и. сагго гад̇ибаахажжаязна ‘‘саггаа ну ко сийлам̣ рагкид̇у’’нд̇и г̇анд̇ваа мажчаруубзна уд̇д̇аано худ̇ваа бурад̇о нибаж̇ж̇и, саа ‘‘мад̇амажчаго’’д̇и сан̃н̃ааяа сийсз аг̇г̇ахзси, мажчо нан̇г̇удтам̣ жаалзси, ат̇а нам̣ ‘‘ж̇ийвад̇и ман̃н̃з’’д̇и виссаж̇ж̇зси. сагго ‘‘саад̇ху саад̇ху, сагкиссаси сийлам̣ рагкид̇у’’нд̇и аг̇амааси. саа д̇ад̇о жуд̇аа б̣аараан̣асияам̣ гумбхагаараг̇зхз ниб̣б̣ад̇д̇и.
Sujā pana kusalakammassa akatattā ekasmiṃ araññe kandarāya bakasakuṇikā hutvā nibbattā. Sakko ‘‘sujā na paññāyati, kattha nu kho nibbattā’’ti āvajjento taṃ disvā tattha gantvā taṃ ādāya devalokaṃ āgantvā tassā ramaṇīyaṃ devanagaraṃ sudhammaṃ devasabhaṃ cittalatāvanaṃ nandāpokkharaṇiñca dassetvā ‘‘etā kusalaṃ katvā mayhaṃ pādaparicārikā hutvā nibbattā, tvaṃ pana kusalaṃ akatvā tiracchānayoniyaṃ nibbattā , ito paṭṭhāya sīlaṃ rakkhāhī’’ti taṃ ovaditvā pañcasu sīlesu patiṭṭhāpetvā tattheva netvā vissajjesi. Sāpi tato paṭṭhāya sīlaṃ rakkhati. Sakko katipāhaccayena ‘‘sakkā nu kho sīlaṃ rakkhitu’’nti gantvā maccharūpena uttāno hutvā purato nipajji, sā ‘‘matamacchako’’ti saññāya sīse aggahesi, maccho naṅguṭṭhaṃ cālesi, atha naṃ ‘‘jīvati maññe’’ti vissajjesi. Sakko ‘‘sādhu sādhu, sakkhissasi sīlaṃ rakkhitu’’nti agamāsi. Sā tato cutā bārāṇasiyaṃ kumbhakāragehe nibbatti.
сагго ‘‘гахам̣ ну ко ниб̣б̣ад̇д̇аа’’д̇и д̇ад̇т̇а ниб̣б̣ад̇д̇абхаавам̣ н̃ад̇ваа суван̣н̣азл̣аалугаанам̣ яаанагам̣ буурзд̇ваа маж̇жхз г̇аамасса махаллагавзсзна нисийд̣̇ид̇ваа ‘‘зл̣аалугаани г̇ан̣хат̇а, зл̣аалугаани г̇ан̣хат̇аа’’д̇и уг̇гхосзси. мануссаа ааг̇анд̇ваа ‘‘д̣̇зхи, д̇аад̇аа’’д̇и аахам̣су. ‘‘ахам̣ сийларагкагаанам̣ д̣̇амми, д̇умхз сийлам̣ рагкат̇аа’’д̇и? ‘‘маяам̣ сийлам̣ наама на ж̇аанаама, муулзна д̣̇зхий’’д̇и. ‘‘на маяхам̣ муулзна ад̇т̇о, сийларагкагаанан̃н̃зваахам̣ д̣̇аммий’’д̇и. мануссаа ‘‘го жааяам̣ зл̣аалуго’’д̇и баггамим̣су. суж̇аа д̇ам̣ бавад̇д̇им̣ суд̇ваа ‘‘маяхам̣ аанийд̇ам̣ бхависсад̇ий’’д̇и жинд̇зд̇ваа г̇анд̇ваа д̇ам̣ ‘‘д̣̇зхи, д̇аад̇аа’’д̇и ааха. ‘‘сийлам̣ рагкаси, аммаа’’д̇и? ‘‘аама, рагкаамий’’д̇и. ‘‘ид̣̇ам̣ маяаа д̇уяхамзва ад̇т̇ааяа аабхад̇а’’нд̇и сад̣̇д̇хим̣ яаанагзна г̇зхад̣̇ваарз табзд̇ваа баггаами.
Sakko ‘‘kahaṃ nu kho nibbattā’’ti tattha nibbattabhāvaṃ ñatvā suvaṇṇaeḷālukānaṃ yānakaṃ pūretvā majjhe gāmassa mahallakavesena nisīditvā ‘‘eḷālukāni gaṇhatha, eḷālukāni gaṇhathā’’ti ugghosesi. Manussā āgantvā ‘‘dehi, tātā’’ti āhaṃsu. ‘‘Ahaṃ sīlarakkhakānaṃ dammi, tumhe sīlaṃ rakkhathā’’ti? ‘‘Mayaṃ sīlaṃ nāma na jānāma, mūlena dehī’’ti. ‘‘Na mayhaṃ mūlena attho, sīlarakkhakānaññevāhaṃ dammī’’ti. Manussā ‘‘ko cāyaṃ eḷāluko’’ti pakkamiṃsu. Sujā taṃ pavattiṃ sutvā ‘‘mayhaṃ ānītaṃ bhavissatī’’ti cintetvā gantvā taṃ ‘‘dehi, tātā’’ti āha. ‘‘Sīlaṃ rakkhasi, ammā’’ti? ‘‘Āma, rakkhāmī’’ti. ‘‘Idaṃ mayā tuyhameva atthāya ābhata’’nti saddhiṃ yānakena gehadvāre ṭhapetvā pakkāmi.
сааби яааваж̇ийвам̣ сийлам̣ рагкид̇ваа д̇ад̇о жуд̇аа взбажид̇д̇исса асуринд̣̇асса д̇хийд̇аа худ̇ваа ниб̣б̣ад̇д̇и, сийлаанисам̣сзна абхируубаа ахоси. со д̇ассаа ваяаббад̇д̇агаалз ‘‘маяхам̣ д̇хийд̇аа ад̇д̇ано жид̇д̇аружид̇ам̣ саамигам̣ г̇ан̣хад̇уу’’д̇и асурз саннибаад̇зси . сагго ‘‘гахам̣ ну ко саа ниб̣б̣ад̇д̇аа’’д̇и ологзнд̇о д̇ад̇т̇а ниб̣б̣ад̇д̇абхаавам̣ н̃ад̇ваа ‘‘суж̇аа жид̇д̇аружид̇ам̣ саамигам̣ г̇ан̣ханд̇ий мам̣ г̇ан̣хиссад̇ий’’д̇и асураван̣н̣ам̣ маабзд̇ваа д̇ад̇т̇а аг̇амааси. суж̇ам̣ алан̇гарид̇ваа саннибаад̇адтаанам̣ аанзд̇ваа ‘‘жид̇д̇аружид̇ам̣ саамигам̣ г̇ан̣хаа’’д̇и аахам̣су. саа ологзнд̇ий саггам̣ д̣̇исваа буб̣б̣зби синзхавасзна уббаннабзмзна махогхзна вияа аж̇жход̇т̇адахад̣̇аяаа худ̇ваа ‘‘аяам̣ мз саамиго’’д̇и вад̇ваа д̇асса убари бубпад̣̇аамам̣ кибид̇ваа аг̇г̇ахзси. асураа ‘‘амхаагам̣ рааж̇аа зд̇д̇агам̣ гаалам̣ д̇хийд̇у анужчавигам̣ алабхид̇ваа ид̣̇аани лабхад̇и , аяамзвассаа д̇хийд̇у бид̇аамахад̇о махаллаго анужчавиго’’д̇и лаж̇ж̇амаанаа баггамим̣су. со д̇ам̣ д̣̇званаг̇арам̣ аанзд̇ваа ад̣дхад̇зяяаанам̣ наадигаагодийнам̣ ж̇здтигам̣ гад̇ваа яаавад̇ааяугам̣ тад̇ваа яат̇аагаммам̣ г̇ад̇о.
Sāpi yāvajīvaṃ sīlaṃ rakkhitvā tato cutā vepacittissa asurindassa dhītā hutvā nibbatti, sīlānisaṃsena abhirūpā ahosi. So tassā vayappattakāle ‘‘mayhaṃ dhītā attano cittarucitaṃ sāmikaṃ gaṇhatū’’ti asure sannipātesi . Sakko ‘‘kahaṃ nu kho sā nibbattā’’ti olokento tattha nibbattabhāvaṃ ñatvā ‘‘sujā cittarucitaṃ sāmikaṃ gaṇhantī maṃ gaṇhissatī’’ti asuravaṇṇaṃ māpetvā tattha agamāsi. Sujaṃ alaṅkaritvā sannipātaṭṭhānaṃ ānetvā ‘‘cittarucitaṃ sāmikaṃ gaṇhā’’ti āhaṃsu. Sā olokentī sakkaṃ disvā pubbepi sinehavasena uppannapemena mahoghena viya ajjhotthaṭahadayā hutvā ‘‘ayaṃ me sāmiko’’ti vatvā tassa upari pupphadāmaṃ khipitvā aggahesi. Asurā ‘‘amhākaṃ rājā ettakaṃ kālaṃ dhītu anucchavikaṃ alabhitvā idāni labhati , ayamevassā dhītu pitāmahato mahallako anucchaviko’’ti lajjamānā pakkamiṃsu. So taṃ devanagaraṃ ānetvā aḍḍhateyyānaṃ nāṭikākoṭīnaṃ jeṭṭhikaṃ katvā yāvatāyukaṃ ṭhatvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣ бхигку буб̣б̣з бан̣д̣ид̇аа д̣̇званаг̇арз раж̇ж̇ам̣ гаараяамаанаа ад̇д̇ано ж̇ийвид̇ам̣ барижжаж̇анд̇ааби баан̣аад̇ибаад̇ам̣ на гарим̣су, д̇вам̣ наама зваруубз нияяаанигз саасанз баб̣б̣аж̇ид̇ваа абариссаавид̇ам̣ сабаан̣агам̣ уд̣̇агам̣ бивиссасий’’д̇и д̇ам̣ бхигкум̣ г̇арахид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа маад̇алисан̇г̇аахаго аананд̣̇о ахоси, сагго бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evaṃ bhikkhu pubbe paṇḍitā devanagare rajjaṃ kārayamānā attano jīvitaṃ pariccajantāpi pāṇātipātaṃ na kariṃsu, tvaṃ nāma evarūpe niyyānike sāsane pabbajitvā aparissāvitaṃ sapāṇakaṃ udakaṃ pivissasī’’ti taṃ bhikkhuṃ garahitvā anusandhiṃ ghaṭetvā jātakaṃ samodhānesi – ‘‘tadā mātalisaṅgāhako ānando ahosi, sakko pana ahameva ahosi’’nti.
гулаавагаж̇аад̇агаван̣н̣анаа батамаа.
Kulāvakajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 31. гулаавагаж̇аад̇агам̣ • 31. Kulāvakajātakaṃ
