| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. කුලාවකසුත්‌තං
6. Kulāvakasuttaṃ
252. සාවත්‌ථියං. ‘‘භූතපුබ්‌බං, භික්‌ඛවෙ, දෙවාසුරසඞ්‌ගාමො සමුපබ්‍යූළ්‌හො අහොසි. තස්‌මිං ඛො පන, භික්‌ඛවෙ, සඞ්‌ගාමෙ අසුරා ජිනිංසු , දෙවා පරාජිනිංසු. පරාජිතා ච ඛො, භික්‌ඛවෙ, දෙවා අපායංස්‌වෙව උත්‌තරෙනමුඛා, අභියංස්‌වෙව නෙ අසුරා. අථ ඛො, භික්‌ඛවෙ, සක්‌කො දෙවානමින්‌දො මාතලි සඞ්‌ගාහකං ගාථාය අජ්‌ඣභාසි –
252. Sāvatthiyaṃ. ‘‘Bhūtapubbaṃ, bhikkhave, devāsurasaṅgāmo samupabyūḷho ahosi. Tasmiṃ kho pana, bhikkhave, saṅgāme asurā jiniṃsu , devā parājiniṃsu. Parājitā ca kho, bhikkhave, devā apāyaṃsveva uttarenamukhā, abhiyaṃsveva ne asurā. Atha kho, bhikkhave, sakko devānamindo mātali saṅgāhakaṃ gāthāya ajjhabhāsi –
‘‘කුලාවකා මාතලි සිම්‌බලිස්‌මිං,
‘‘Kulāvakā mātali simbalismiṃ,
ඊසාමුඛෙන පරිවජ්‌ජයස්‌සු;
Īsāmukhena parivajjayassu;
කාමං චජාම අසුරෙසු පාණං,
Kāmaṃ cajāma asuresu pāṇaṃ,
‘‘‘එවං භද්‌දන්‌තවා’ති ඛො, භික්‌ඛවෙ, මාතලි සඞ්‌ගාහකො සක්‌කස්‌ස දෙවානමින්‌දස්‌ස පටිස්‌සුත්‌වා සහස්‌සයුත්‌තං ආජඤ්‌ඤරථං පච්‌චුදාවත්‌තෙසි. අථ ඛො, භික්‌ඛවෙ, අසුරානං එතදහොසි – ‘පච්‌චුදාවත්‌තො ඛො දානි සක්‌කස්‌ස දෙවානමින්‌දස්‌ස සහස්‌සයුත්‌තො ආජඤ්‌ඤරථො . දුතියම්‌පි ඛො දෙවා අසුරෙහි සඞ්‌ගාමෙස්‌සන්‌තීති භීතා අසුරපුරමෙව පාවිසිංසු. ඉති ඛො, භික්‌ඛවෙ, සක්‌කස්‌ස දෙවානමින්‌දස්‌ස ධම්‌මෙන ජයො අහොසී’’’ති.
‘‘‘Evaṃ bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṃ ājaññarathaṃ paccudāvattesi. Atha kho, bhikkhave, asurānaṃ etadahosi – ‘paccudāvatto kho dāni sakkassa devānamindassa sahassayutto ājaññaratho . Dutiyampi kho devā asurehi saṅgāmessantīti bhītā asurapurameva pāvisiṃsu. Iti kho, bhikkhave, sakkassa devānamindassa dhammena jayo ahosī’’’ti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. කුලාවකසුත්‌තවණ්‌ණනා • 6. Kulāvakasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. කුලාවකසුත්‌තවණ්‌ණනා • 6. Kulāvakasuttavaṇṇanā
