| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༦. ཀུལཱཝཀསུཏྟཾ
6. Kulāvakasuttaṃ
༢༥༢. སཱཝཏྠིཡཾ། ‘‘བྷཱུཏཔུབྦཾ, བྷིཀྑཝེ, དེཝཱསུརསངྒཱམོ སམུཔབྱཱུལ༹ྷོ ཨཧོསི། ཏསྨིཾ ཁོ པན, བྷིཀྑཝེ, སངྒཱམེ ཨསུརཱ ཛིནིཾསུ , དེཝཱ པརཱཛིནིཾསུ། པརཱཛིཏཱ ཙ ཁོ, བྷིཀྑཝེ, དེཝཱ ཨཔཱཡཾསྭེཝ ཨུཏྟརེནམུཁཱ, ཨབྷིཡཾསྭེཝ ནེ ཨསུརཱ། ཨཐ ཁོ, བྷིཀྑཝེ, སཀྐོ དེཝཱནམིནྡོ མཱཏལི སངྒཱཧཀཾ གཱཐཱཡ ཨཛ྄ཛྷབྷཱསི –
252. Sāvatthiyaṃ. ‘‘Bhūtapubbaṃ, bhikkhave, devāsurasaṅgāmo samupabyūḷho ahosi. Tasmiṃ kho pana, bhikkhave, saṅgāme asurā jiniṃsu , devā parājiniṃsu. Parājitā ca kho, bhikkhave, devā apāyaṃsveva uttarenamukhā, abhiyaṃsveva ne asurā. Atha kho, bhikkhave, sakko devānamindo mātali saṅgāhakaṃ gāthāya ajjhabhāsi –
‘‘ཀུལཱཝཀཱ མཱཏལི སིམྦལིསྨིཾ,
‘‘Kulāvakā mātali simbalismiṃ,
ཨཱིསཱམུཁེན པརིཝཛྫཡསྶུ།
Īsāmukhena parivajjayassu;
ཀཱམཾ ཙཛཱམ ཨསུརེསུ པཱཎཾ,
Kāmaṃ cajāma asuresu pāṇaṃ,
‘‘‘ཨེཝཾ བྷདྡནྟཝཱ’ཏི ཁོ, བྷིཀྑཝེ, མཱཏལི སངྒཱཧཀོ སཀྐསྶ དེཝཱནམིནྡསྶ པཊིསྶུཏྭཱ སཧསྶཡུཏྟཾ ཨཱཛཉྙརཐཾ པཙྩུདཱཝཏྟེསི། ཨཐ ཁོ, བྷིཀྑཝེ, ཨསུརཱནཾ ཨེཏདཧོསི – ‘པཙྩུདཱཝཏྟོ ཁོ དཱནི སཀྐསྶ དེཝཱནམིནྡསྶ སཧསྶཡུཏྟོ ཨཱཛཉྙརཐོ ། དུཏིཡམྤི ཁོ དེཝཱ ཨསུརེཧི སངྒཱམེསྶནྟཱིཏི བྷཱིཏཱ ཨསུརཔུརམེཝ པཱཝིསིཾསུ། ཨིཏི ཁོ, བྷིཀྑཝེ, སཀྐསྶ དེཝཱནམིནྡསྶ དྷམྨེན ཛཡོ ཨཧོསཱི’’’ཏི།
‘‘‘Evaṃ bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṃ ājaññarathaṃ paccudāvattesi. Atha kho, bhikkhave, asurānaṃ etadahosi – ‘paccudāvatto kho dāni sakkassa devānamindassa sahassayutto ājaññaratho . Dutiyampi kho devā asurehi saṅgāmessantīti bhītā asurapurameva pāvisiṃsu. Iti kho, bhikkhave, sakkassa devānamindassa dhammena jayo ahosī’’’ti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༦. ཀུལཱཝཀསུཏྟཝཎྞནཱ • 6. Kulāvakasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. ཀུལཱཝཀསུཏྟཝཎྞནཱ • 6. Kulāvakasuttavaṇṇanā
