| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. குலாவகஸுத்தவண்ணனா
6. Kulāvakasuttavaṇṇanā
252. ச²ட்டே² அஜ்ஜ²பா⁴ஸீதி தஸ்ஸ கிர ஸிம்ப³லிவனாபி⁴முக²ஸ்ஸ ஜாதஸ்ஸ ரத²ஸத்³தோ³ ச ஆஜானீயஸத்³தோ³ த⁴ஜஸத்³தோ³ ச ஸமந்தா அஸனிபாதஸத்³தோ³ விய அஹோஸி. தங் ஸுத்வா ஸிம்ப³லிவனே ப³லவஸுபண்ணா பலாயிங்ஸு, ஜராஜிண்ணா சேவ ரோக³து³ப்³ப³லா ச அஸஞ்ஜாதபக்க²போதகா ச பலாயிதுங் அஸக்கொந்தா, மரணப⁴யேன தஜ்ஜிதா ஏகப்பஹாரேனேவ மஹாவிரவங் விரவிங்ஸு. ஸக்கோ தங் ஸுத்வா ‘‘கஸ்ஸ ஸத்³தோ³, தாதா’’தி? மாதலிங் புச்சி². ரத²ஸத்³த³ங், தே தே³வ, ஸுத்வா ஸுபண்ணா பலாயிதுங் அஸக்கொந்தா விரவந்தீதி. தங் ஸுத்வா கருணாஸமாவஜ்ஜிதஹத³யோ அபா⁴ஸி. ஈஸாமுகே²னாதி ரத²ஸ்ஸ ஈஸாமுகே²ன. யதா² குலாவகே ஈஸாமுக²ங் ந ஸஞ்சுண்ணேதி, ஏவங் இமினா ஈஸாமுகே²ன தே பரிவஜ்ஜய. ஸோ ஹி ரதோ² புஞ்ஞபச்சயனிப்³ப³த்தோ சக்கவாளபப்³ப³தேபி ஸினேரும்ஹிபி ஸம்முகீ²பூ⁴தே வினிவிஜ்ஜி²த்வாவ க³ச்ச²தி ந ஸஜ்ஜதி, ஆகாஸக³தஸதி³ஸேனேவ க³ச்ச²தி. ஸசே தேன ஸிம்ப³லிவனேன க³தோ ப⁴வெய்ய, யதா² மஹாஸகடே கத³லிவனமஜ்ஜே²ன வா ஏரண்ட³வனமஜ்ஜே²ன வா க³ச்ச²ந்தே ஸப்³ப³வனங் விப⁴க்³க³ங் நிம்மதி²தங் ஹோதி, ஏவங் தம்பி ஸிம்ப³லிவனங் ப⁴வெய்ய. ச²ட்ட²ங்.
252. Chaṭṭhe ajjhabhāsīti tassa kira simbalivanābhimukhassa jātassa rathasaddo ca ājānīyasaddo dhajasaddo ca samantā asanipātasaddo viya ahosi. Taṃ sutvā simbalivane balavasupaṇṇā palāyiṃsu, jarājiṇṇā ceva rogadubbalā ca asañjātapakkhapotakā ca palāyituṃ asakkontā, maraṇabhayena tajjitā ekappahāreneva mahāviravaṃ viraviṃsu. Sakko taṃ sutvā ‘‘kassa saddo, tātā’’ti? Mātaliṃ pucchi. Rathasaddaṃ, te deva, sutvā supaṇṇā palāyituṃ asakkontā viravantīti. Taṃ sutvā karuṇāsamāvajjitahadayo abhāsi. Īsāmukhenāti rathassa īsāmukhena. Yathā kulāvake īsāmukhaṃ na sañcuṇṇeti, evaṃ iminā īsāmukhena te parivajjaya. So hi ratho puññapaccayanibbatto cakkavāḷapabbatepi sinerumhipi sammukhībhūte vinivijjhitvāva gacchati na sajjati, ākāsagatasadiseneva gacchati. Sace tena simbalivanena gato bhaveyya, yathā mahāsakaṭe kadalivanamajjhena vā eraṇḍavanamajjhena vā gacchante sabbavanaṃ vibhaggaṃ nimmathitaṃ hoti, evaṃ tampi simbalivanaṃ bhaveyya. Chaṭṭhaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. குலாவகஸுத்தங் • 6. Kulāvakasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. குலாவகஸுத்தவண்ணனா • 6. Kulāvakasuttavaṇṇanā
