| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. гулаавагасуд̇д̇аван̣н̣анаа
6. Kulāvakasuttavaṇṇanā
252. чадтз аж̇жхабхаасийд̇и д̇асса гира симб̣аливанаабхимукасса ж̇аад̇асса рат̇асад̣̇д̣̇о жа ааж̇аанийяасад̣̇д̣̇о д̇хаж̇асад̣̇д̣̇о жа саманд̇аа асанибаад̇асад̣̇д̣̇о вияа ахоси. д̇ам̣ суд̇ваа симб̣аливанз б̣алавасубан̣н̣аа балааяим̣су, ж̇арааж̇ин̣н̣аа жзва рог̇ад̣̇уб̣б̣алаа жа асан̃ж̇аад̇абагкабод̇агаа жа балааяид̇ум̣ асаггонд̇аа, маран̣абхаязна д̇аж̇ж̇ид̇аа згаббахаарзнзва махаавиравам̣ виравим̣су. сагго д̇ам̣ суд̇ваа ‘‘гасса сад̣̇д̣̇о, д̇аад̇аа’’д̇и? маад̇алим̣ бужчи. рат̇асад̣̇д̣̇ам̣, д̇з д̣̇зва, суд̇ваа субан̣н̣аа балааяид̇ум̣ асаггонд̇аа вираванд̇ийд̇и. д̇ам̣ суд̇ваа гарун̣аасамааваж̇ж̇ид̇ахад̣̇аяо абхааси. ийсаамукзнаад̇и рат̇асса ийсаамукзна. яат̇аа гулаавагз ийсаамукам̣ на сан̃жун̣н̣зд̇и, звам̣ иминаа ийсаамукзна д̇з бариваж̇ж̇аяа. со хи рат̇о бун̃н̃абажжаяаниб̣б̣ад̇д̇о жаггаваал̣абаб̣б̣ад̇зби синзрумхиби саммукийбхууд̇з винивиж̇жхид̇ваава г̇ажчад̇и на саж̇ж̇ад̇и, аагаасаг̇ад̇асад̣̇исзнзва г̇ажчад̇и. сажз д̇зна симб̣аливанзна г̇ад̇о бхавзяяа, яат̇аа махаасагадз гад̣̇аливанамаж̇жхзна ваа зран̣д̣аванамаж̇жхзна ваа г̇ажчанд̇з саб̣б̣аванам̣ вибхаг̇г̇ам̣ ниммат̇ид̇ам̣ ход̇и, звам̣ д̇амби симб̣аливанам̣ бхавзяяа. чадтам̣.
252. Chaṭṭhe ajjhabhāsīti tassa kira simbalivanābhimukhassa jātassa rathasaddo ca ājānīyasaddo dhajasaddo ca samantā asanipātasaddo viya ahosi. Taṃ sutvā simbalivane balavasupaṇṇā palāyiṃsu, jarājiṇṇā ceva rogadubbalā ca asañjātapakkhapotakā ca palāyituṃ asakkontā, maraṇabhayena tajjitā ekappahāreneva mahāviravaṃ viraviṃsu. Sakko taṃ sutvā ‘‘kassa saddo, tātā’’ti? Mātaliṃ pucchi. Rathasaddaṃ, te deva, sutvā supaṇṇā palāyituṃ asakkontā viravantīti. Taṃ sutvā karuṇāsamāvajjitahadayo abhāsi. Īsāmukhenāti rathassa īsāmukhena. Yathā kulāvake īsāmukhaṃ na sañcuṇṇeti, evaṃ iminā īsāmukhena te parivajjaya. So hi ratho puññapaccayanibbatto cakkavāḷapabbatepi sinerumhipi sammukhībhūte vinivijjhitvāva gacchati na sajjati, ākāsagatasadiseneva gacchati. Sace tena simbalivanena gato bhaveyya, yathā mahāsakaṭe kadalivanamajjhena vā eraṇḍavanamajjhena vā gacchante sabbavanaṃ vibhaggaṃ nimmathitaṃ hoti, evaṃ tampi simbalivanaṃ bhaveyya. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. гулаавагасуд̇д̇ам̣ • 6. Kulāvakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. гулаавагасуд̇д̇аван̣н̣анаа • 6. Kulāvakasuttavaṇṇanā
