| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(১২) ২. অন্ধকৰিন্দৰগ্গো
(12) 2. Andhakavindavaggo
১. কুলূপকসুত্তং
1. Kulūpakasuttaṃ
১১১. ‘‘পঞ্চহি , ভিক্খৰে, ধম্মেহি সমন্নাগতো কুলূপকো ভিক্খু কুলেসু অপ্পিযো চ হোতি অমনাপো চ অগরু চ অভাৰনীযো চ। কতমেহি পঞ্চহি? অসন্থৰৰিস্সাসী 1 চ হোতি, অনিস্সরৰিকপ্পী চ, ৰিস্সট্ঠুপসেৰী 2 চ, উপকণ্ণকজপ্পী চ, অতিযাচনকো চ। ইমেহি খো, ভিক্খৰে, পঞ্চহি ধম্মেহি সমন্নাগতো কুলূপকো ভিক্খু কুলেসু অপ্পিযো চ হোতি অমনাপো চ অগরু চ অভাৰনীযো চ।
111. ‘‘Pañcahi , bhikkhave, dhammehi samannāgato kulūpako bhikkhu kulesu appiyo ca hoti amanāpo ca agaru ca abhāvanīyo ca. Katamehi pañcahi? Asanthavavissāsī 3 ca hoti, anissaravikappī ca, vissaṭṭhupasevī 4 ca, upakaṇṇakajappī ca, atiyācanako ca. Imehi kho, bhikkhave, pañcahi dhammehi samannāgato kulūpako bhikkhu kulesu appiyo ca hoti amanāpo ca agaru ca abhāvanīyo ca.
‘‘পঞ্চহি, ভিক্খৰে, ধম্মেহি সমন্নাগতো কুলূপকো ভিক্খু কুলেসু পিযো চ হোতি মনাপো চ গরু চ ভাৰনীযো চ। কতমেহি পঞ্চহি? ন অসন্থৰৰিস্সাসী চ হোতি, ন অনিস্সরৰিকপ্পী চ, ন ৰিস্সট্ঠুপসেৰী চ, ন উপকণ্ণকজপ্পী চ, ন অতিযাচনকো চ। ইমেহি খো, ভিক্খৰে, পঞ্চহি ধম্মেহি সমন্নাগতো কুলূপকো ভিক্খু কুলেসু পিযো চ হোতি মনাপো চ গরু চ ভাৰনীযো চা’’তি। পঠমং।
‘‘Pañcahi, bhikkhave, dhammehi samannāgato kulūpako bhikkhu kulesu piyo ca hoti manāpo ca garu ca bhāvanīyo ca. Katamehi pañcahi? Na asanthavavissāsī ca hoti, na anissaravikappī ca, na vissaṭṭhupasevī ca, na upakaṇṇakajappī ca, na atiyācanako ca. Imehi kho, bhikkhave, pañcahi dhammehi samannāgato kulūpako bhikkhu kulesu piyo ca hoti manāpo ca garu ca bhāvanīyo cā’’ti. Paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. কুলূপকসুত্তৰণ্ণনা • 1. Kulūpakasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৪. কুলূপকসুত্তাদিৰণ্ণনা • 1-4. Kulūpakasuttādivaṇṇanā
