| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
(౧౨) ౨. అన్ధకవిన్దవగ్గో
(12) 2. Andhakavindavaggo
౧. కులూపకసుత్తం
1. Kulūpakasuttaṃ
౧౧౧. ‘‘పఞ్చహి , భిక్ఖవే, ధమ్మేహి సమన్నాగతో కులూపకో భిక్ఖు కులేసు అప్పియో చ హోతి అమనాపో చ అగరు చ అభావనీయో చ. కతమేహి పఞ్చహి? అసన్థవవిస్సాసీ 1 చ హోతి, అనిస్సరవికప్పీ చ, విస్సట్ఠుపసేవీ 2 చ, ఉపకణ్ణకజప్పీ చ, అతియాచనకో చ. ఇమేహి ఖో, భిక్ఖవే, పఞ్చహి ధమ్మేహి సమన్నాగతో కులూపకో భిక్ఖు కులేసు అప్పియో చ హోతి అమనాపో చ అగరు చ అభావనీయో చ.
111. ‘‘Pañcahi , bhikkhave, dhammehi samannāgato kulūpako bhikkhu kulesu appiyo ca hoti amanāpo ca agaru ca abhāvanīyo ca. Katamehi pañcahi? Asanthavavissāsī 3 ca hoti, anissaravikappī ca, vissaṭṭhupasevī 4 ca, upakaṇṇakajappī ca, atiyācanako ca. Imehi kho, bhikkhave, pañcahi dhammehi samannāgato kulūpako bhikkhu kulesu appiyo ca hoti amanāpo ca agaru ca abhāvanīyo ca.
‘‘పఞ్చహి, భిక్ఖవే, ధమ్మేహి సమన్నాగతో కులూపకో భిక్ఖు కులేసు పియో చ హోతి మనాపో చ గరు చ భావనీయో చ. కతమేహి పఞ్చహి? న అసన్థవవిస్సాసీ చ హోతి, న అనిస్సరవికప్పీ చ, న విస్సట్ఠుపసేవీ చ, న ఉపకణ్ణకజప్పీ చ, న అతియాచనకో చ. ఇమేహి ఖో, భిక్ఖవే, పఞ్చహి ధమ్మేహి సమన్నాగతో కులూపకో భిక్ఖు కులేసు పియో చ హోతి మనాపో చ గరు చ భావనీయో చా’’తి. పఠమం.
‘‘Pañcahi, bhikkhave, dhammehi samannāgato kulūpako bhikkhu kulesu piyo ca hoti manāpo ca garu ca bhāvanīyo ca. Katamehi pañcahi? Na asanthavavissāsī ca hoti, na anissaravikappī ca, na vissaṭṭhupasevī ca, na upakaṇṇakajappī ca, na atiyācanako ca. Imehi kho, bhikkhave, pañcahi dhammehi samannāgato kulūpako bhikkhu kulesu piyo ca hoti manāpo ca garu ca bhāvanīyo cā’’ti. Paṭhamaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౧. కులూపకసుత్తవణ్ణనా • 1. Kulūpakasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౪. కులూపకసుత్తాదివణ్ణనా • 1-4. Kulūpakasuttādivaṇṇanā
