| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
(၁၂) ၂. အန္ဓကဝိန္ဒဝဂ္ဂော
(12) 2. Andhakavindavaggo
၁. ကုလူပကသုတ္တံ
1. Kulūpakasuttaṃ
၁၁၁. ‘‘ပဉ္စဟိ , ဘိက္ခဝေ, ဓမ္မေဟိ သမန္နာဂတော ကုလူပကော ဘိက္ခု ကုလေသု အပ္ပိယော စ ဟောတိ အမနာပော စ အဂရု စ အဘာဝနီယော စ။ ကတမေဟိ ပဉ္စဟိ? အသန္ထဝဝိသ္သာသီ 1 စ ဟောတိ, အနိသ္သရဝိကပ္ပီ စ, ဝိသ္သဋ္ဌုပသေဝီ 2 စ, ဥပကဏ္ဏကဇပ္ပီ စ, အတိယာစနကော စ။ ဣမေဟိ ခော, ဘိက္ခဝေ, ပဉ္စဟိ ဓမ္မေဟိ သမန္နာဂတော ကုလူပကော ဘိက္ခု ကုလေသု အပ္ပိယော စ ဟောတိ အမနာပော စ အဂရု စ အဘာဝနီယော စ။
111. ‘‘Pañcahi , bhikkhave, dhammehi samannāgato kulūpako bhikkhu kulesu appiyo ca hoti amanāpo ca agaru ca abhāvanīyo ca. Katamehi pañcahi? Asanthavavissāsī 3 ca hoti, anissaravikappī ca, vissaṭṭhupasevī 4 ca, upakaṇṇakajappī ca, atiyācanako ca. Imehi kho, bhikkhave, pañcahi dhammehi samannāgato kulūpako bhikkhu kulesu appiyo ca hoti amanāpo ca agaru ca abhāvanīyo ca.
‘‘ပဉ္စဟိ, ဘိက္ခဝေ, ဓမ္မေဟိ သမန္နာဂတော ကုလူပကော ဘိက္ခု ကုလေသု ပိယော စ ဟောတိ မနာပော စ ဂရု စ ဘာဝနီယော စ။ ကတမေဟိ ပဉ္စဟိ? န အသန္ထဝဝိသ္သာသီ စ ဟောတိ, န အနိသ္သရဝိကပ္ပီ စ, န ဝိသ္သဋ္ဌုပသေဝီ စ, န ဥပကဏ္ဏကဇပ္ပီ စ, န အတိယာစနကော စ။ ဣမေဟိ ခော, ဘိက္ခဝေ, ပဉ္စဟိ ဓမ္မေဟိ သမန္နာဂတော ကုလူပကော ဘိက္ခု ကုလေသု ပိယော စ ဟောတိ မနာပော စ ဂရု စ ဘာဝနီယော စာ’’တိ။ ပဌမံ။
‘‘Pañcahi, bhikkhave, dhammehi samannāgato kulūpako bhikkhu kulesu piyo ca hoti manāpo ca garu ca bhāvanīyo ca. Katamehi pañcahi? Na asanthavavissāsī ca hoti, na anissaravikappī ca, na vissaṭṭhupasevī ca, na upakaṇṇakajappī ca, na atiyācanako ca. Imehi kho, bhikkhave, pañcahi dhammehi samannāgato kulūpako bhikkhu kulesu piyo ca hoti manāpo ca garu ca bhāvanīyo cā’’ti. Paṭhamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. ကုလူပကသုတ္တဝဏ္ဏနာ • 1. Kulūpakasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၄. ကုလူပကသုတ္တာဒိဝဏ္ဏနာ • 1-4. Kulūpakasuttādivaṇṇanā
