| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
(12) 2. අන්‌ධකවින්‌දවග්‌ගො
(12) 2. Andhakavindavaggo
1. කුලූපකසුත්‌තං
1. Kulūpakasuttaṃ
111. ‘‘පඤ්‌චහි , භික්‌ඛවෙ, ධම්‌මෙහි සමන්‌නාගතො කුලූපකො භික්‌ඛු කුලෙසු අප්‌පියො ච හොති අමනාපො ච අගරු ච අභාවනීයො ච. කතමෙහි පඤ්‌චහි? අසන්‌ථවවිස්‌සාසී 1 ච හොති, අනිස්‌සරවිකප්‌පී ච, විස්‌සට්‌ඨුපසෙවී 2 ච, උපකණ්‌ණකජප්‌පී ච, අතියාචනකො ච. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො කුලූපකො භික්‌ඛු කුලෙසු අප්‌පියො ච හොති අමනාපො ච අගරු ච අභාවනීයො ච.
111. ‘‘Pañcahi , bhikkhave, dhammehi samannāgato kulūpako bhikkhu kulesu appiyo ca hoti amanāpo ca agaru ca abhāvanīyo ca. Katamehi pañcahi? Asanthavavissāsī 3 ca hoti, anissaravikappī ca, vissaṭṭhupasevī 4 ca, upakaṇṇakajappī ca, atiyācanako ca. Imehi kho, bhikkhave, pañcahi dhammehi samannāgato kulūpako bhikkhu kulesu appiyo ca hoti amanāpo ca agaru ca abhāvanīyo ca.
‘‘පඤ්‌චහි, භික්‌ඛවෙ, ධම්‌මෙහි සමන්‌නාගතො කුලූපකො භික්‌ඛු කුලෙසු පියො ච හොති මනාපො ච ගරු ච භාවනීයො ච. කතමෙහි පඤ්‌චහි? න අසන්‌ථවවිස්‌සාසී ච හොති, න අනිස්‌සරවිකප්‌පී ච, න විස්‌සට්‌ඨුපසෙවී ච, න උපකණ්‌ණකජප්‌පී ච, න අතියාචනකො ච. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො කුලූපකො භික්‌ඛු කුලෙසු පියො ච හොති මනාපො ච ගරු ච භාවනීයො චා’’ති. පඨමං.
‘‘Pañcahi, bhikkhave, dhammehi samannāgato kulūpako bhikkhu kulesu piyo ca hoti manāpo ca garu ca bhāvanīyo ca. Katamehi pañcahi? Na asanthavavissāsī ca hoti, na anissaravikappī ca, na vissaṭṭhupasevī ca, na upakaṇṇakajappī ca, na atiyācanako ca. Imehi kho, bhikkhave, pañcahi dhammehi samannāgato kulūpako bhikkhu kulesu piyo ca hoti manāpo ca garu ca bhāvanīyo cā’’ti. Paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. කුලූපකසුත්‌තවණ්‌ණනා • 1. Kulūpakasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-4. කුලූපකසුත්‌තාදිවණ්‌ණනා • 1-4. Kulūpakasuttādivaṇṇanā
