| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੪. ਕੁਲੂਪਕਸੁਤ੍ਤਂ
4. Kulūpakasuttaṃ
੧੪੭. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਤਂ ਕਿਂ ਮਞ੍ਞਥ, ਭਿਕ੍ਖવੇ, ਕਥਂਰੂਪੋ ਭਿਕ੍ਖੁ ਅਰਹਤਿ ਕੁਲੂਪਕੋ ਹੋਤੁਂ, ਕਥਂਰੂਪੋ ਭਿਕ੍ਖੁ ਨ ਅਰਹਤਿ ਕੁਲੂਪਕੋ ਹੋਤੁ’’ਨ੍ਤਿ? ਭਗવਂਮੂਲਕਾ ਨੋ, ਭਨ੍ਤੇ, ਧਮ੍ਮਾ…ਪੇ॰… ਭਗવਾ ਏਤਦવੋਚ –
147. Sāvatthiyaṃ viharati…pe… ‘‘taṃ kiṃ maññatha, bhikkhave, kathaṃrūpo bhikkhu arahati kulūpako hotuṃ, kathaṃrūpo bhikkhu na arahati kulūpako hotu’’nti? Bhagavaṃmūlakā no, bhante, dhammā…pe… bhagavā etadavoca –
‘‘ਯੋ ਹਿ ਕੋਚਿ, ਭਿਕ੍ਖવੇ, ਭਿਕ੍ਖੁ ਏવਂਚਿਤ੍ਤੋ ਕੁਲਾਨਿ ਉਪਸਙ੍ਕਮਤਿ – ‘ਦੇਨ੍ਤੁਯੇવ ਮੇ, ਮਾ ਨਾਦਂਸੁ; ਬਹੁਕਞ੍ਞੇવ ਮੇ ਦੇਨ੍ਤੁ, ਮਾ ਥੋਕਂ; ਪਣੀਤਞ੍ਞੇવ ਮੇ ਦੇਨ੍ਤੁ, ਮਾ ਲੂਖਂ; ਸੀਘਞ੍ਞੇવ ਮੇ ਦੇਨ੍ਤੁ, ਮਾ ਦਨ੍ਧਂ; ਸਕ੍ਕਚ੍ਚਞ੍ਞੇવ ਮੇ ਦੇਨ੍ਤੁ, ਮਾ ਅਸਕ੍ਕਚ੍ਚ’ਨ੍ਤਿ। ਤਸ੍ਸ ਚੇ, ਭਿਕ੍ਖવੇ, ਭਿਕ੍ਖੁਨੋ ਏવਂਚਿਤ੍ਤਸ੍ਸ ਕੁਲਾਨਿ ਉਪਸਙ੍ਕਮਤੋ ਨ ਦੇਨ੍ਤਿ, ਤੇਨ ਭਿਕ੍ਖੁ ਸਨ੍ਦੀਯਤਿ; ਸੋ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਥੋਕਂ ਦੇਨ੍ਤਿ, ਨੋ ਬਹੁਕਂ…ਪੇ॰… ਲੂਖਂ ਦੇਨ੍ਤਿ, ਨੋ ਪਣੀਤਂ… ਦਨ੍ਧਂ ਦੇਨ੍ਤਿ, ਨੋ ਸੀਘਂ, ਤੇਨ ਭਿਕ੍ਖੁ ਸਨ੍ਦੀਯਤਿ; ਸੋ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਅਸਕ੍ਕਚ੍ਚਂ ਦੇਨ੍ਤਿ, ਨੋ ਸਕ੍ਕਚ੍ਚਂ; ਤੇਨ ਭਿਕ੍ਖੁ ਸਨ੍ਦੀਯਤਿ; ਸੋ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਏવਰੂਪੋ ਖੋ, ਭਿਕ੍ਖવੇ, ਭਿਕ੍ਖੁ ਨ ਅਰਹਤਿ ਕੂਲੂਪਕੋ ਹੋਤੁਂ।
‘‘Yo hi koci, bhikkhave, bhikkhu evaṃcitto kulāni upasaṅkamati – ‘dentuyeva me, mā nādaṃsu; bahukaññeva me dentu, mā thokaṃ; paṇītaññeva me dentu, mā lūkhaṃ; sīghaññeva me dentu, mā dandhaṃ; sakkaccaññeva me dentu, mā asakkacca’nti. Tassa ce, bhikkhave, bhikkhuno evaṃcittassa kulāni upasaṅkamato na denti, tena bhikkhu sandīyati; so tatonidānaṃ dukkhaṃ domanassaṃ paṭisaṃvedayati. Thokaṃ denti, no bahukaṃ…pe… lūkhaṃ denti, no paṇītaṃ… dandhaṃ denti, no sīghaṃ, tena bhikkhu sandīyati; so tatonidānaṃ dukkhaṃ domanassaṃ paṭisaṃvedayati. Asakkaccaṃ denti, no sakkaccaṃ; tena bhikkhu sandīyati; so tatonidānaṃ dukkhaṃ domanassaṃ paṭisaṃvedayati. Evarūpo kho, bhikkhave, bhikkhu na arahati kūlūpako hotuṃ.
‘‘ਯੋ ਚ ਖੋ, ਭਿਕ੍ਖવੇ, ਭਿਕ੍ਖੁ ਏવਂਚਿਤ੍ਤੋ ਕੁਲਾਨਿ ਉਪਸਙ੍ਕਮਤਿ – ‘ਤਂ ਕੁਤੇਤ੍ਥ ਲਬ੍ਭਾ ਪਰਕੁਲੇਸੁ – ਦੇਨ੍ਤੁਯੇવ ਮੇ, ਮਾ ਨਾਦਂਸੁ; ਬਹੁਕਞ੍ਞੇવ ਮੇ ਦੇਨ੍ਤੁ, ਮਾ ਥੋਕਂ; ਪਣੀਤਞ੍ਞੇવ ਮੇ ਦੇਨ੍ਤੁ, ਮਾ ਲੂਖਂ; ਦੀਘਞ੍ਞੇવ ਮੇ ਦੇਨ੍ਤੁ, ਮਾ ਦਨ੍ਧਂ; ਸਕ੍ਕਚ੍ਚਞ੍ਞੇવ ਮੇ ਦੇਨ੍ਤੁ, ਮਾ ਅਸਕ੍ਕਚ੍ਚ’ਨ੍ਤਿ। ਤਸ੍ਸ ਚੇ, ਭਿਕ੍ਖવੇ, ਭਿਕ੍ਖੁਨੋ ਏવਂਚਿਤ੍ਤਸ੍ਸ ਕੁਲਾਨਿ ਉਪਸਙ੍ਕਮਤੋ ਨ ਦੇਨ੍ਤਿ; ਤੇਨ ਭਿਕ੍ਖੁ ਨ ਸਨ੍ਦੀਯਤਿ; ਸੋ ਨ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਥੋਕਂ ਦੇਨ੍ਤਿ, ਨੋ ਬਹੁਕਂ; ਤੇਨ ਭਿਕ੍ਖੁ ਨ ਸਨ੍ਦੀਯਤਿ; ਸੋ ਨ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਲੂਖਂ ਦੇਨ੍ਤਿ, ਨੋ ਪਣੀਤਂ; ਤੇਨ ਭਿਕ੍ਖੁ ਨ ਸਨ੍ਦੀਯਤਿ; ਸੋ ਨ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਦਨ੍ਧਂ ਦੇਨ੍ਤਿ, ਨੋ ਸੀਘਂ; ਤੇਨ ਭਿਕ੍ਖੁ ਨ ਸਨ੍ਦੀਯਤਿ; ਸੋ ਨ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਅਸਕ੍ਕਚ੍ਚਂ ਦੇਨ੍ਤਿ, ਨੋ ਸਕ੍ਕਚ੍ਚਂ; ਤੇਨ ਭਿਕ੍ਖੁ ਨ ਸਨ੍ਦੀਯਤਿ; ਸੋ ਨ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਏવਰੂਪੋ ਖੋ, ਭਿਕ੍ਖવੇ, ਭਿਕ੍ਖੁ ਅਰਹਤਿ ਕੁਲੂਪਕੋ ਹੋਤੁਂ।
‘‘Yo ca kho, bhikkhave, bhikkhu evaṃcitto kulāni upasaṅkamati – ‘taṃ kutettha labbhā parakulesu – dentuyeva me, mā nādaṃsu; bahukaññeva me dentu, mā thokaṃ; paṇītaññeva me dentu, mā lūkhaṃ; dīghaññeva me dentu, mā dandhaṃ; sakkaccaññeva me dentu, mā asakkacca’nti. Tassa ce, bhikkhave, bhikkhuno evaṃcittassa kulāni upasaṅkamato na denti; tena bhikkhu na sandīyati; so na tatonidānaṃ dukkhaṃ domanassaṃ paṭisaṃvedayati. Thokaṃ denti, no bahukaṃ; tena bhikkhu na sandīyati; so na tatonidānaṃ dukkhaṃ domanassaṃ paṭisaṃvedayati. Lūkhaṃ denti, no paṇītaṃ; tena bhikkhu na sandīyati; so na tatonidānaṃ dukkhaṃ domanassaṃ paṭisaṃvedayati. Dandhaṃ denti, no sīghaṃ; tena bhikkhu na sandīyati; so na tatonidānaṃ dukkhaṃ domanassaṃ paṭisaṃvedayati. Asakkaccaṃ denti, no sakkaccaṃ; tena bhikkhu na sandīyati; so na tatonidānaṃ dukkhaṃ domanassaṃ paṭisaṃvedayati. Evarūpo kho, bhikkhave, bhikkhu arahati kulūpako hotuṃ.
‘‘ਕਸ੍ਸਪੋ, ਭਿਕ੍ਖવੇ, ਏવਂਚਿਤ੍ਤੋ ਕੁਲਾਨਿ ਉਪਸਙ੍ਕਮਤਿ – ‘ਤਂ ਕੁਤੇਤ੍ਥ ਲਬ੍ਭਾ ਪਰਕੁਲੇਸੁ – ਦੇਨ੍ਤੁਯੇવ ਮੇ, ਮਾ ਨਾਦਂਸੁ; ਬਹੁਕਞ੍ਞੇવ ਮੇ ਦੇਨ੍ਤੁ, ਮਾ ਥੋਕਂ; ਪਣੀਤਞ੍ਞੇવ ਮੇ ਦੇਨ੍ਤੁ, ਮਾ ਲੂਖਂ; ਸੀਘਞ੍ਞੇવ ਮੇ ਦੇਨ੍ਤੁ, ਮਾ ਦਨ੍ਧਂ; ਸਕ੍ਕਚ੍ਚਞ੍ਞੇવ ਮੇ ਦੇਨ੍ਤੁ, ਮਾ ਅਸਕ੍ਕਚ੍ਚ’ਨ੍ਤਿ। ਤਸ੍ਸ ਚੇ, ਭਿਕ੍ਖવੇ, ਕਸ੍ਸਪਸ੍ਸ ਏવਂਚਿਤ੍ਤਸ੍ਸ ਕੁਲਾਨਿ ਉਪਸਙ੍ਕਮਤੋ ਨ ਦੇਨ੍ਤਿ; ਤੇਨ ਕਸ੍ਸਪੋ ਨ ਸਨ੍ਦੀਯਤਿ; ਸੋ ਨ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਥੋਕਂ ਦੇਨ੍ਤਿ, ਨੋ ਬਹੁਕਂ; ਤੇਨ ਕਸ੍ਸਪੋ ਨ ਸਨ੍ਦੀਯਤਿ; ਸੋ ਨ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਲੂਖਂ ਦੇਨ੍ਤਿ , ਨੋ ਪਣੀਤਂ; ਤੇਨ ਕਸ੍ਸਪੋ ਨ ਸਨ੍ਦੀਯਤਿ; ਸੋ ਨ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਦਨ੍ਧਂ ਦੇਨ੍ਤਿ, ਨੋ ਸੀਘਂ; ਤੇਨ ਕਸ੍ਸਪੋ ਨ ਸਨ੍ਦੀਯਤਿ; ਸੋ ਨ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਅਸਕ੍ਕਚ੍ਚਂ ਦੇਨ੍ਤਿ, ਨੋ ਸਕ੍ਕਚ੍ਚਂ; ਤੇਨ ਕਸ੍ਸਪੋ ਨ ਸਨ੍ਦੀਯਤਿ ; ਸੋ ਨ ਤਤੋਨਿਦਾਨਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂવੇਦਯਤਿ। ਕਸ੍ਸਪੇਨ વਾ ਹਿ વੋ, ਭਿਕ੍ਖવੇ, ਓવਦਿਸ੍ਸਾਮਿ ਯੋ વਾ ਪਨਸ੍ਸ ਕਸ੍ਸਪਸਦਿਸੋ। ਓવਦਿਤੇਹਿ ਚ ਪਨ વੋ ਤਥਤ੍ਤਾਯ ਪਟਿਪਜ੍ਜਿਤਬ੍ਬ’’ਨ੍ਤਿ। ਚਤੁਤ੍ਥਂ।
‘‘Kassapo, bhikkhave, evaṃcitto kulāni upasaṅkamati – ‘taṃ kutettha labbhā parakulesu – dentuyeva me, mā nādaṃsu; bahukaññeva me dentu, mā thokaṃ; paṇītaññeva me dentu, mā lūkhaṃ; sīghaññeva me dentu, mā dandhaṃ; sakkaccaññeva me dentu, mā asakkacca’nti. Tassa ce, bhikkhave, kassapassa evaṃcittassa kulāni upasaṅkamato na denti; tena kassapo na sandīyati; so na tatonidānaṃ dukkhaṃ domanassaṃ paṭisaṃvedayati. Thokaṃ denti, no bahukaṃ; tena kassapo na sandīyati; so na tatonidānaṃ dukkhaṃ domanassaṃ paṭisaṃvedayati. Lūkhaṃ denti , no paṇītaṃ; tena kassapo na sandīyati; so na tatonidānaṃ dukkhaṃ domanassaṃ paṭisaṃvedayati. Dandhaṃ denti, no sīghaṃ; tena kassapo na sandīyati; so na tatonidānaṃ dukkhaṃ domanassaṃ paṭisaṃvedayati. Asakkaccaṃ denti, no sakkaccaṃ; tena kassapo na sandīyati ; so na tatonidānaṃ dukkhaṃ domanassaṃ paṭisaṃvedayati. Kassapena vā hi vo, bhikkhave, ovadissāmi yo vā panassa kassapasadiso. Ovaditehi ca pana vo tathattāya paṭipajjitabba’’nti. Catutthaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਕੁਲੂਪਕਸੁਤ੍ਤવਣ੍ਣਨਾ • 4. Kulūpakasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਕੁਲੂਪਕਸੁਤ੍ਤવਣ੍ਣਨਾ • 4. Kulūpakasuttavaṇṇanā
