| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. гумаарагассабад̇т̇зраабад̣̇аанаван̣н̣анаа
5. Kumārakassapattheraapadānavaṇṇanā
бан̃жамаабад̣̇аанз ид̇о сад̇асахассамхийд̇иаад̣̇игам̣ ааяасмад̇о гумаарагассабад̇т̇зрасса абад̣̇аанам̣. аяам̣ гира бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇о вин̃н̃уд̇ам̣ бад̇ваа згад̣̇ивасам̣ сад̇т̇у санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ жид̇д̇агат̇игаанам̣ аг̇г̇адтаанз табзнд̇ам̣ д̣̇исваа саяамби д̇ам̣ таананд̇арам̣ бад̇т̇знд̇о бан̣ид̇хаанам̣ гад̇ваа д̇ад̣̇ануруубаани бун̃н̃аани гаронд̇о яаавад̇ааяугам̣ тад̇ваа д̇ад̇о жуд̇о д̣̇звамануссзсу сам̣саранд̇о убхаяасамбад̇д̇ияо анубхавид̇ваа гассабасса бхаг̇авад̇о гаалз гулаг̇зхз ниб̣б̣ад̇д̇о д̇асса бхаг̇авад̇о саасанз баб̣б̣аж̇ид̇ваа саман̣ад̇хаммам̣ гад̇ваа суг̇ад̇ийсуязва сам̣саранд̇о д̣̇иб̣б̣асукам̣ маанусасукан̃жа анубхавид̇ваа имасмим̣ б̣уд̣̇д̇хуббаад̣̇з рааж̇аг̇ахз згиссаа сздтид̇хийд̇ааяа гужчимхи ниб̣б̣ад̇д̇о. саа гира гумааригаагаалзязва баб̣б̣аж̇ид̇угаамаа маад̇аабид̇аро яаажид̇ваа баб̣б̣аж̇ж̇ам̣ алабхамаанаа бад̇игулам̣ г̇анд̇ваа г̇аб̣бхам̣ г̇ан̣хид̇ваа д̇ам̣ аж̇аанид̇ваа ‘‘саамигам̣ аараад̇хзд̇ваа баб̣б̣аж̇ж̇ам̣ ануж̇аанаабзссаамий’’д̇и жинд̇зси. саа саамигам̣ аараад̇хзнд̇ий, аяяабуд̇д̇а –
Pañcamāpadāne ito satasahassamhītiādikaṃ āyasmato kumārakassapattherassa apadānaṃ. Ayaṃ kira padumuttarassa bhagavato kāle brāhmaṇakule nibbatto viññutaṃ patvā ekadivasaṃ satthu santike dhammaṃ suṇanto satthāraṃ ekaṃ bhikkhuṃ cittakathikānaṃ aggaṭṭhāne ṭhapentaṃ disvā sayampi taṃ ṭhānantaraṃ patthento paṇidhānaṃ katvā tadanurūpāni puññāni karonto yāvatāyukaṃ ṭhatvā tato cuto devamanussesu saṃsaranto ubhayasampattiyo anubhavitvā kassapassa bhagavato kāle kulagehe nibbatto tassa bhagavato sāsane pabbajitvā samaṇadhammaṃ katvā sugatīsuyeva saṃsaranto dibbasukhaṃ mānusasukhañca anubhavitvā imasmiṃ buddhuppāde rājagahe ekissā seṭṭhidhītāya kucchimhi nibbatto. Sā kira kumārikākāleyeva pabbajitukāmā mātāpitaro yācitvā pabbajjaṃ alabhamānā patikulaṃ gantvā gabbhaṃ gaṇhitvā taṃ ajānitvā ‘‘sāmikaṃ ārādhetvā pabbajjaṃ anujānāpessāmī’’ti cintesi. Sā sāmikaṃ ārādhentī, ayyaputta –
‘‘сажз имасса гааяасса, анд̇о б̣аахираго сияаа;
‘‘Sace imassa kāyassa, anto bāhirako siyā;
д̣̇ан̣д̣ам̣ нууна г̇ахзд̇ваана, гаагз сон̣з ниваараяз’’д̇и. (висуд̣̇д̇хи. 1.122) –
Daṇḍaṃ nūna gahetvāna, kāke soṇe nivāraye’’ti. (visuddhi. 1.122) –
аад̣̇инаа сарийрасса д̣̇осам̣ д̣̇ассзнд̇ий д̇ам̣ аараад̇хзси.
Ādinā sarīrassa dosaṃ dassentī taṃ ārādhesi.
саа саамигзна анун̃н̃аад̇аа г̇аб̣бхинибхаавам̣ аж̇аананд̇ий д̣̇звад̣̇ад̇д̇абагкияаасу бхигкунийсу баб̣б̣аж̇и. д̇ассаа г̇аб̣бхинибхаавам̣ д̣̇исваа бхигкунияо д̣̇звад̣̇ад̇д̇ам̣ бужчим̣су. со ‘‘ассаман̣ий’’д̇и ааха. саа ‘‘наахам̣ д̣̇звад̣̇ад̇д̇ам̣ уд̣̇д̣̇исса баб̣б̣аж̇ид̇аа, бхаг̇аванд̇ам̣ уд̣̇д̣̇исса баб̣б̣аж̇ид̇аа’’д̇и бхаг̇авад̇о санд̇игам̣ г̇анд̇ваа д̣̇асаб̣алам̣ бужчи. сад̇т̇аа убаалид̇т̇зрам̣ бадижчаабзси. т̇зро саавад̇т̇инаг̇араваасийни гулаани висаакан̃жа убаасигам̣ баггосаабзд̇ваа сарааж̇игааяа барисааяа д̇ам̣ винижчинанд̇о ‘‘бурз лад̣̇д̇хо г̇аб̣бхо, арог̇аа баб̣б̣аж̇ж̇аа’’д̇и ааха. д̇ам̣ суд̇ваа сад̇т̇аа ‘‘саад̇ху сувинижчид̇ам̣ убаалинаа ад̇хигаран̣а’’нд̇и т̇зрасса саад̇хугаарам̣ ад̣̇ааси.
Sā sāmikena anuññātā gabbhinibhāvaṃ ajānantī devadattapakkhiyāsu bhikkhunīsu pabbaji. Tassā gabbhinibhāvaṃ disvā bhikkhuniyo devadattaṃ pucchiṃsu. So ‘‘assamaṇī’’ti āha. Sā ‘‘nāhaṃ devadattaṃ uddissa pabbajitā, bhagavantaṃ uddissa pabbajitā’’ti bhagavato santikaṃ gantvā dasabalaṃ pucchi. Satthā upālittheraṃ paṭicchāpesi. Thero sāvatthinagaravāsīni kulāni visākhañca upāsikaṃ pakkosāpetvā sarājikāya parisāya taṃ vinicchinanto ‘‘pure laddho gabbho, arogā pabbajjā’’ti āha. Taṃ sutvā satthā ‘‘sādhu suvinicchitaṃ upālinā adhikaraṇa’’nti therassa sādhukāraṃ adāsi.
саа бхигкуний суван̣н̣аб̣имб̣асад̣̇исам̣ буд̇д̇ам̣ виж̇ааяи. д̇ам̣ рааж̇аа басзнад̣̇и госало ‘‘д̣̇аарагабарихаран̣ам̣ бхигкунийнам̣ балиб̣од̇хо’’д̇и д̇хаад̇ийнам̣ д̣̇аабзд̇ваа босаабзси, гассабод̇исса наамам̣ гарим̣су . абарабхааг̇з алан̇гарид̇ваа сад̇т̇у санд̇игам̣ нзд̇ваа баб̣б̣ааж̇зси. гумаарагаалз баб̣б̣аж̇ид̇ад̇д̇аа бана бхаг̇авад̇аа ‘‘гассабам̣ баггосат̇а, ид̣̇ам̣ палам̣ ваа каад̣̇анийяам̣ ваа гассабасса д̣̇зт̇аа’’д̇и вуд̇д̇з ‘‘гад̇арагассабассаа’’д̇и ‘‘гумаарагассабассаа’’д̇и звам̣ г̇ахид̇анаамад̇д̇аа ран̃н̃аа босааванийяабуд̇д̇ад̇д̇аа жа вуд̣̇д̇хагаалзби гумаарагассабод̇взва бан̃н̃ааяид̇т̇а.
Sā bhikkhunī suvaṇṇabimbasadisaṃ puttaṃ vijāyi. Taṃ rājā pasenadi kosalo ‘‘dārakapariharaṇaṃ bhikkhunīnaṃ palibodho’’ti dhātīnaṃ dāpetvā posāpesi, kassapotissa nāmaṃ kariṃsu . Aparabhāge alaṅkaritvā satthu santikaṃ netvā pabbājesi. Kumārakāle pabbajitattā pana bhagavatā ‘‘kassapaṃ pakkosatha, idaṃ phalaṃ vā khādanīyaṃ vā kassapassa dethā’’ti vutte ‘‘katarakassapassā’’ti ‘‘kumārakassapassā’’ti evaṃ gahitanāmattā raññā posāvanīyaputtattā ca vuddhakālepi kumārakassapotveva paññāyittha.
со баб̣б̣аж̇ид̇агаалад̇о бадтааяа вибассанааяа гаммам̣ гарод̇и, б̣уд̣̇д̇хаважанан̃жа уг̇г̇ан̣хаад̇и. ат̇а д̇зна сад̣̇д̇хим̣ баб̣б̣ад̇амад̇т̇агз саман̣ад̇хаммам̣ гад̇ваа анааг̇аамий худ̇ваа суд̣̇д̇хааваасз ниб̣б̣ад̇д̇амахааб̣рахмаа ‘‘вибассанааяа мукам̣ д̣̇ассзд̇ваа маг̇г̇апалуббад̇д̇ияаа убааяам̣ гариссаамий’’д̇и бан̃жад̣̇асабан̃хз абхисан̇карид̇ваа анд̇хаванз васанд̇асса т̇зрасса ‘‘имз бан̃хз сад̇т̇аарам̣ бужчзяяаасий’’д̇и аажигки. д̇ад̇о со д̇з бан̃хз бхаг̇аванд̇ам̣ бужчи. бхаг̇аваабисса виссаж̇ж̇зси. т̇зро бхаг̇авад̇аа гат̇ид̇анияаамзнзва д̇з уг̇г̇ан̣хид̇ваа вибассанам̣ г̇аб̣бхам̣ г̇аахаабзд̇ваа арахад̇д̇ам̣ баабун̣и.
So pabbajitakālato paṭṭhāya vipassanāya kammaṃ karoti, buddhavacanañca uggaṇhāti. Atha tena saddhiṃ pabbatamatthake samaṇadhammaṃ katvā anāgāmī hutvā suddhāvāse nibbattamahābrahmā ‘‘vipassanāya mukhaṃ dassetvā maggaphaluppattiyā upāyaṃ karissāmī’’ti pañcadasapañhe abhisaṅkharitvā andhavane vasantassa therassa ‘‘ime pañhe satthāraṃ puccheyyāsī’’ti ācikkhi. Tato so te pañhe bhagavantaṃ pucchi. Bhagavāpissa vissajjesi. Thero bhagavatā kathitaniyāmeneva te uggaṇhitvā vipassanaṃ gabbhaṃ gāhāpetvā arahattaṃ pāpuṇi.
150. со арахад̇д̇ам̣ бад̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ид̇о сад̇асахассамхийд̇иаад̣̇имааха. д̇ад̇т̇а яам̣ хздтаа вуд̇д̇анаяан̃жа уд̇д̇аанад̇т̇ан̃жа, д̇ам̣ саб̣б̣ам̣ на ван̣н̣аяиссаама. ануд̇д̇аанабад̣̇амзва ван̣н̣аяиссаама.
150. So arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento ito satasahassamhītiādimāha. Tattha yaṃ heṭṭhā vuttanayañca uttānatthañca, taṃ sabbaṃ na vaṇṇayissāma. Anuttānapadameva vaṇṇayissāma.
169. аабаннасад̇д̇аа мз маад̇аад̇и маяхам̣ маад̇аа г̇аруг̇аб̣бхаа г̇аб̣бхиний басуд̇аасаннаг̇аб̣бхаад̇и ад̇т̇о.
169.Āpannasattā me mātāti mayhaṃ mātā garugabbhā gabbhinī pasutāsannagabbhāti attho.
173. ваммигасад̣̇исам̣ гааяанд̇и сарийрам̣ наама ваммигасад̣̇исам̣ яат̇аа ваммиго ид̇о жид̇о жа чид̣̇д̣̇аавачид̣̇д̣̇о гхараг̇ол̣игаубажигаад̣̇ийнам̣ аасаяо, звамзва аяам̣ гааяо навачид̣̇д̣̇о д̇хувассавод̇и б̣уд̣̇д̇хзна бхаг̇авад̇аа д̣̇зсид̇ам̣ багаасид̇ам̣ д̇ам̣ суд̇ваа мз жид̇д̇ам̣ аасавз аг̇г̇ахзд̇ваа асзсзд̇ваа гилзсад̇о вимужжи, арахад̇д̇з бад̇идтаасийд̇и ад̇т̇о. абарабхааг̇з д̇ад̇т̇а д̇ад̇т̇а бхигкуунам̣ вижид̇д̇ад̇хаммагат̇игабхаавам̣ суд̇ваа сад̇т̇аа ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ жид̇д̇агат̇игаанам̣ яад̣̇ид̣̇ам̣ гумаарагассабо’’д̇и (а. ни. 1.209, 217) зд̇ад̣̇аг̇г̇з табзсийд̇и.
173.Vammikasadisaṃkāyanti sarīraṃ nāma vammikasadisaṃ yathā vammiko ito cito ca chiddāvachiddo gharagoḷikaupacikādīnaṃ āsayo, evameva ayaṃ kāyo navachiddo dhuvassavoti buddhena bhagavatā desitaṃ pakāsitaṃ taṃ sutvā me cittaṃ āsave aggahetvā asesetvā kilesato vimucci, arahatte patiṭṭhāsīti attho. Aparabhāge tattha tattha bhikkhūnaṃ vicittadhammakathikabhāvaṃ sutvā satthā ‘‘etadaggaṃ, bhikkhave, mama sāvakānaṃ bhikkhūnaṃ cittakathikānaṃ yadidaṃ kumārakassapo’’ti (a. ni. 1.209, 217) etadagge ṭhapesīti.
гумаарагассабад̇т̇зраабад̣̇аанаван̣н̣анаа самад̇д̇аа.
Kumārakassapattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. гумаарагассабад̇т̇зраабад̣̇аанам̣ • 5. Kumārakassapattheraapadānaṃ
