| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. бан̃жамаваг̇г̇о
5. Pañcamavaggo
1. гумаарагассабад̇т̇зраг̇аат̇ааван̣н̣анаа
1. Kumārakassapattheragāthāvaṇṇanā
ахо б̣уд̣̇д̇хаа ахо д̇хаммаад̇и ааяасмад̇о гумаарагассабад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇ид̇ваа вин̃н̃уд̇ам̣ баабун̣и. ‘‘гулаг̇зхз’’д̇и бана ан̇г̇уд̇д̇арадтагат̇ааяам̣ (а. ни. адта. 1.1.217) вуд̇д̇ам̣. со сад̇т̇у санд̇игам̣ г̇анд̇ваа д̇хаммам̣ сун̣анд̇о сад̇т̇аарам̣ згам̣ бхигкум̣ жид̇д̇агат̇игаанам̣ аг̇г̇адтаанз табзнд̇ам̣ д̣̇исваа саяамби д̇ам̣ таананд̇арам̣ ааган̇канд̇о бан̣ид̇хаанам̣ гад̇ваа д̇ад̣̇ануруубаани бун̃н̃аани гаронд̇о гассабасса бхаг̇авад̇о гаалз саман̣ад̇хаммам̣ гад̇ваа суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз сздтид̇хийд̇ааяа гужчимхи бадисанд̇хим̣ г̇ан̣хи. саа гира гумааригаагаалзязва баб̣б̣аж̇ид̇угаамаа худ̇ваа маад̇аабид̇аро яаажид̇ваа баб̣б̣аж̇ж̇ам̣ алабхамаанаа гулагхарам̣ г̇ад̇ааби г̇аб̣бхасан̣тид̇амби аж̇аананд̇ий саамигам̣ аараад̇хзд̇ваа д̇зна анун̃н̃аад̇аа бхигкунийсу баб̣б̣аж̇ид̇аа. д̇ассаа г̇аб̣бхинибхаавам̣ д̣̇исваа бхигкунияо д̣̇звад̣̇ад̇д̇ам̣ бужчим̣су. со ‘‘ассаман̣ий’’д̇и ааха. буна д̣̇асаб̣алам̣ бужчим̣су. сад̇т̇аа убаалид̇т̇зрам̣ бадижчаабзси. т̇зро саавад̇т̇инаг̇араваасийни гулаани висаакан̃жа убаасигам̣ баггосаабзд̇ваа сарааж̇игааяа барисааяа винижчинанд̇о ‘‘бурз лад̣̇д̇хо г̇аб̣бхо, баб̣б̣аж̇ж̇аа арог̇аа’’д̇и ааха. сад̇т̇аа ‘‘сувинижчид̇ам̣ ад̇хигаран̣а’’нд̇и т̇зрасса саад̇хугаарам̣ ад̣̇ааси.
Ahobuddhā aho dhammāti āyasmato kumārakassapattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto padumuttarassa bhagavato kāle brāhmaṇakule nibbattitvā viññutaṃ pāpuṇi. ‘‘Kulagehe’’ti pana aṅguttaraṭṭhakathāyaṃ (a. ni. aṭṭha. 1.1.217) vuttaṃ. So satthu santikaṃ gantvā dhammaṃ suṇanto satthāraṃ ekaṃ bhikkhuṃ cittakathikānaṃ aggaṭṭhāne ṭhapentaṃ disvā sayampi taṃ ṭhānantaraṃ ākaṅkhanto paṇidhānaṃ katvā tadanurūpāni puññāni karonto kassapassa bhagavato kāle samaṇadhammaṃ katvā sugatīsuyeva saṃsaranto imasmiṃ buddhuppāde rājagahe seṭṭhidhītāya kucchimhi paṭisandhiṃ gaṇhi. Sā kira kumārikākāleyeva pabbajitukāmā hutvā mātāpitaro yācitvā pabbajjaṃ alabhamānā kulagharaṃ gatāpi gabbhasaṇṭhitampi ajānantī sāmikaṃ ārādhetvā tena anuññātā bhikkhunīsu pabbajitā. Tassā gabbhinibhāvaṃ disvā bhikkhuniyo devadattaṃ pucchiṃsu. So ‘‘assamaṇī’’ti āha. Puna dasabalaṃ pucchiṃsu. Satthā upālittheraṃ paṭicchāpesi. Thero sāvatthinagaravāsīni kulāni visākhañca upāsikaṃ pakkosāpetvā sarājikāya parisāya vinicchinanto ‘‘pure laddho gabbho, pabbajjā arogā’’ti āha. Satthā ‘‘suvinicchitaṃ adhikaraṇa’’nti therassa sādhukāraṃ adāsi.
саа бхигкуний суван̣н̣аб̣имб̣асад̣̇исам̣ буд̇д̇ам̣ виж̇ааяи. д̇ам̣ рааж̇аа басзнад̣̇игосало босзси. ‘‘гассабо’’д̇и жасса наамам̣ агам̣су. абарабхааг̇з алан̇гарид̇ваа сад̇т̇у санд̇игам̣ нзд̇ваа баб̣б̣ааж̇зси. гумаарагаалз баб̣б̣аж̇ид̇ад̇д̇аа бхаг̇авад̇аа ‘‘гассабам̣ баггосат̇а, ид̣̇ам̣ палам̣ ваа каад̣̇анийяам̣ ваа гассабасса д̣̇зт̇аа’’д̇и вуд̇д̇з ‘‘гад̇арагассабассаа’’д̇и. ‘‘гумаарагассабассаа’’д̇и. звам̣ г̇ахид̇анаамад̇д̇аа ран̃н̃о босааванигабуд̇д̇ад̇д̇аа жа вуд̣дхагаалзби гумаарагассабод̇взва бан̃н̃ааяид̇т̇а.
Sā bhikkhunī suvaṇṇabimbasadisaṃ puttaṃ vijāyi. Taṃ rājā pasenadikosalo posesi. ‘‘Kassapo’’ti cassa nāmaṃ akaṃsu. Aparabhāge alaṅkaritvā satthu santikaṃ netvā pabbājesi. Kumārakāle pabbajitattā bhagavatā ‘‘kassapaṃ pakkosatha, idaṃ phalaṃ vā khādanīyaṃ vā kassapassa dethā’’ti vutte ‘‘katarakassapassā’’ti. ‘‘Kumārakassapassā’’ti. Evaṃ gahitanāmattā rañño posāvanikaputtattā ca vuḍḍhakālepi kumārakassapotveva paññāyittha.
со баб̣б̣аж̇ид̇агаалад̇о бадтааяа вибассанааяа жзва гаммам̣ гарод̇и, б̣уд̣̇д̇хаважанан̃жа уг̇г̇ан̣хаад̇и. ат̇а д̇зна сад̣̇д̇хим̣ баб̣б̣ад̇амад̇т̇агз саман̣ад̇хаммам̣ гад̇ваа анааг̇аамий худ̇ваа суд̣̇д̇хааваасз ниб̣б̣ад̇д̇о махааб̣рахмаа ‘‘вибассанааяа мукам̣ д̣̇ассзд̇ваа маг̇г̇апалаббад̇д̇ияаа убааяам̣ гариссаамий’’д̇и бан̃жад̣̇аса бан̃хз абхисан̇карид̇ваа анд̇хаванз васанд̇асса т̇зрасса ‘‘имз бан̃хз сад̇т̇аарам̣ бужчзяяаасий’’д̇и аажигкид̇ваа г̇ад̇о. со д̇з бан̃хз бхаг̇аванд̇ам̣ бужчи. бхаг̇аваабисса б̣яаагааси. т̇зро сад̇т̇аараа гат̇ид̇анияаамзнзва д̇з уг̇г̇ан̣хид̇ваа вибассанам̣ г̇аб̣бхам̣ г̇ан̣хаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.54.150-177) –
So pabbajitakālato paṭṭhāya vipassanāya ceva kammaṃ karoti, buddhavacanañca uggaṇhāti. Atha tena saddhiṃ pabbatamatthake samaṇadhammaṃ katvā anāgāmī hutvā suddhāvāse nibbatto mahābrahmā ‘‘vipassanāya mukhaṃ dassetvā maggaphalappattiyā upāyaṃ karissāmī’’ti pañcadasa pañhe abhisaṅkharitvā andhavane vasantassa therassa ‘‘ime pañhe satthāraṃ puccheyyāsī’’ti ācikkhitvā gato. So te pañhe bhagavantaṃ pucchi. Bhagavāpissa byākāsi. Thero satthārā kathitaniyāmeneva te uggaṇhitvā vipassanaṃ gabbhaṃ gaṇhāpetvā arahattaṃ pāpuṇi. Tena vuttaṃ apadāne (apa. thera 2.54.150-177) –
‘‘ид̇о сад̇асахассамхи, габбз уббаж̇ж̇и нааяаго;
‘‘Ito satasahassamhi, kappe uppajji nāyako;
саб̣б̣алогахид̇о вийро, бад̣̇умуд̇д̇аранаамаго.
Sabbalokahito vīro, padumuttaranāmako.
‘‘д̇ад̣̇аахам̣ б̣раахман̣о худ̇ваа, виссуд̇о взд̣̇абаараг̇уу;
‘‘Tadāhaṃ brāhmaṇo hutvā, vissuto vedapāragū;
д̣̇иваавихаарам̣ вижарам̣, ад̣̇д̣̇асам̣ логанааяагам̣.
Divāvihāraṃ vicaraṃ, addasaṃ lokanāyakaṃ.
‘‘жад̇усажжам̣ багаасзнд̇ам̣, б̣од̇хаяанд̇ам̣ сад̣̇звагам̣;
‘‘Catusaccaṃ pakāsentaṃ, bodhayantaṃ sadevakaṃ;
вижид̇д̇агат̇игаанаг̇г̇ам̣, ван̣н̣аяанд̇ам̣ махааж̇анз.
Vicittakathikānaggaṃ, vaṇṇayantaṃ mahājane.
‘‘д̇ад̣̇аа муд̣̇ид̇ажид̇д̇охам̣, ниманд̇зд̇ваа д̇ат̇ааг̇ад̇ам̣;
‘‘Tadā muditacittohaṃ, nimantetvā tathāgataṃ;
наанаарад̇д̇зхи вад̇т̇зхи, алан̇гарид̇ваана ман̣д̣абам̣.
Nānārattehi vatthehi, alaṅkaritvāna maṇḍapaṃ.
‘‘наанаарад̇анабаж̇ж̇од̇ам̣, сасан̇гхам̣ бхож̇аяим̣ д̇ахим̣;
‘‘Nānāratanapajjotaṃ, sasaṅghaṃ bhojayiṃ tahiṃ;
бхож̇аяид̇ваана сад̇д̇аахам̣, наанаг̇г̇арасабхож̇анам̣.
Bhojayitvāna sattāhaṃ, nānaggarasabhojanaṃ.
‘‘наанаажид̇д̇зхи бубпзхи, бууж̇аяид̇ваа сасаавагам̣;
‘‘Nānācittehi pupphehi, pūjayitvā sasāvakaṃ;
нибажжа баад̣̇амууламхи, д̇ам̣ таана бад̇т̇аяим̣ ахам̣.
Nipacca pādamūlamhi, taṃ ṭhāna patthayiṃ ahaṃ.
‘‘д̇ад̣̇аа муниваро ааха, гарун̣згарасаасаяо;
‘‘Tadā munivaro āha, karuṇekarasāsayo;
бассат̇зд̇ам̣ д̣̇иж̇аварам̣, бад̣̇умаананаложанам̣.
Passathetaṃ dijavaraṃ, padumānanalocanaṃ.
‘‘бийд̇ибаамож̇ж̇аб̣ахулам̣ , самуг̇г̇ад̇ад̇ануурухам̣;
‘‘Pītipāmojjabahulaṃ , samuggatatanūruhaṃ;
хаасамхид̇ависаалагкам̣, мама саасаналааласам̣.
Hāsamhitavisālakkhaṃ, mama sāsanalālasaṃ.
‘‘бад̇ид̇ам̣ баад̣̇амуулз мз, згаавад̇т̇асумаанасам̣;
‘‘Patitaṃ pādamūle me, ekāvatthasumānasaṃ;
зса бад̇т̇зд̇и д̇ам̣ таанам̣, вижид̇д̇агат̇игад̇д̇анам̣.
Esa pattheti taṃ ṭhānaṃ, vicittakathikattanaṃ.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘Tassa dhammesu dāyādo, oraso dhammanimmito;
гумаарагассабо наама, хзссад̇и сад̇т̇у сааваго.
Kumārakassapo nāma, hessati satthu sāvako.
‘‘вижид̇д̇абубпад̣̇уссаанам̣, рад̇анаанан̃жа ваахасаа;
‘‘Vicittapupphadussānaṃ, ratanānañca vāhasā;
вижид̇д̇агат̇игаанам̣ со, аг̇г̇ад̇ам̣ баабун̣иссад̇и.
Vicittakathikānaṃ so, aggataṃ pāpuṇissati.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘бариб̣бхамам̣ бхаваабхавз, ран̇г̇амаж̇жхз яат̇аа надо;
‘‘Paribbhamaṃ bhavābhave, raṅgamajjhe yathā naṭo;
саакамиг̇ад̇раж̇о худ̇ваа, миг̇ияаа гужчимоггамим̣.
Sākhamigatrajo hutvā, migiyā kucchimokkamiṃ.
‘‘д̇ад̣̇аа маяи гужчиг̇ад̇з, важ̇жхавааро убадтид̇о;
‘‘Tadā mayi kucchigate, vajjhavāro upaṭṭhito;
саакзна жад̇д̇аа мз маад̇аа, ниг̇род̇хам̣ саран̣ам̣ г̇ад̇аа.
Sākhena cattā me mātā, nigrodhaṃ saraṇaṃ gatā.
‘‘д̇зна саа миг̇арааж̇зна, маран̣аа бариможид̇аа;
‘‘Tena sā migarājena, maraṇā parimocitā;
барижжаж̇ид̇ваа сабаан̣ам̣, мамзвам̣ овад̣̇ий д̇ад̣̇аа.
Pariccajitvā sapāṇaṃ, mamevaṃ ovadī tadā.
‘‘ниг̇род̇хамзва сзвзяяа, на саакамубасам̣васз;
‘‘Nigrodhameva seveyya, na sākhamupasaṃvase;
ниг̇род̇хасмим̣ мад̇ам̣ сзяяо, яан̃жз саакамхи ж̇ийвид̇ам̣.
Nigrodhasmiṃ mataṃ seyyo, yañce sākhamhi jīvitaṃ.
‘‘д̇знаанусидтаа миг̇аяуут̇абзна, ахан̃жа маад̇аа жа д̇ат̇зд̇арз жа;
‘‘Tenānusiṭṭhā migayūthapena, ahañca mātā ca tathetare ca;
ааг̇амма раммам̣ д̇усид̇аад̇хиваасам̣, г̇ад̇аа баваасам̣ сагхарам̣ яат̇зва.
Āgamma rammaṃ tusitādhivāsaṃ, gatā pavāsaṃ sagharaṃ yatheva.
‘‘буно гассабавийрасса, ад̇т̇амзнд̇амхи саасанз;
‘‘Puno kassapavīrassa, atthamentamhi sāsane;
ааруяха сзласикарам̣, яун̃ж̇ид̇ваа ж̇инасаасанам̣.
Āruyha selasikharaṃ, yuñjitvā jinasāsanaṃ.
‘‘ид̣̇аанаахам̣ рааж̇аг̇ахз, ж̇аад̇о сздтигулз ахум̣;
‘‘Idānāhaṃ rājagahe, jāto seṭṭhikule ahuṃ;
аабаннасад̇д̇аа мз маад̇аа, баб̣б̣аж̇и анаг̇аарияам̣.
Āpannasattā me mātā, pabbaji anagāriyaṃ.
‘‘саг̇аб̣бхам̣ д̇ам̣ вид̣̇ид̇ваана, д̣̇звад̣̇ад̇д̇амубаанаяум̣;
‘‘Sagabbhaṃ taṃ viditvāna, devadattamupānayuṃ;
со авожа винаасзт̇а, баабигам̣ бхигкуним̣ имам̣.
So avoca vināsetha, pāpikaṃ bhikkhuniṃ imaṃ.
‘‘ид̣̇ааниби мунинд̣̇зна, ж̇инзна анугамбид̇аа;
‘‘Idānipi munindena, jinena anukampitā;
сукиний аж̇аний маяхам̣, маад̇аа бхигкунубассаяз.
Sukhinī ajanī mayhaṃ, mātā bhikkhunupassaye.
‘‘д̇ам̣ вид̣̇ид̇ваа махийбаало, госало мам̣ абосаяи;
‘‘Taṃ viditvā mahīpālo, kosalo maṃ aposayi;
гумаарабарихаанзна, наамзнаахан̃жа гассабо.
Kumāraparihānena, nāmenāhañca kassapo.
‘‘махаагассабамааг̇амма, ахам̣ гумаарагассабо;
‘‘Mahākassapamāgamma, ahaṃ kumārakassapo;
ваммигасад̣̇исам̣ гааяам̣, суд̇ваа б̣уд̣̇д̇хзна д̣̇зсид̇ам̣.
Vammikasadisaṃ kāyaṃ, sutvā buddhena desitaṃ.
‘‘д̇ад̇о жид̇д̇ам̣ вимужжи мз, анубаад̣̇ааяа саб̣б̣асо;
‘‘Tato cittaṃ vimucci me, anupādāya sabbaso;
бааяаасим̣ д̣̇амаяид̇ваахам̣, зд̇ад̣̇аг̇г̇амабаабун̣им̣.
Pāyāsiṃ damayitvāhaṃ, etadaggamapāpuṇiṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа жид̇д̇агат̇игабхаавзна сад̇т̇аараа зд̇ад̣̇аг̇г̇з табид̇о ад̇д̇ано бадибад̇д̇им̣ бажжавзгкид̇ваа рад̇анад̇д̇аяаг̇ун̣авибхааванамукзна ан̃н̃ам̣ б̣яаагаронд̇о –
Arahattaṃ pana patvā cittakathikabhāvena satthārā etadagge ṭhapito attano paṭipattiṃ paccavekkhitvā ratanattayaguṇavibhāvanamukhena aññaṃ byākaronto –
201.
201.
‘‘ахо б̣уд̣̇д̇хаа ахо д̇хаммаа, ахо но сад̇т̇у самбад̣̇аа;
‘‘Aho buddhā aho dhammā, aho no satthu sampadā;
яад̇т̇а зд̇аад̣̇исам̣ д̇хаммам̣, сааваго сажчигаахид̇и.
Yattha etādisaṃ dhammaṃ, sāvako sacchikāhiti.
202.
202.
‘‘асан̇кзяязсу габбзсу, саггааяаад̇хиг̇ад̇аа ахуу;
‘‘Asaṅkheyyesu kappesu, sakkāyādhigatā ahū;
д̇зсамаяам̣ бажчимаго, жаримояам̣ самуссаяо;
Tesamayaṃ pacchimako, carimoyaṃ samussayo;
ж̇аад̇имаран̣асам̣сааро, над̇т̇и д̣̇аани бунаб̣бхаво’’д̇и. – г̇аат̇аад̣̇ваяам̣ абхааси;
Jātimaraṇasaṃsāro, natthi dāni punabbhavo’’ti. – gāthādvayaṃ abhāsi;
д̇ад̇т̇а аход̇и ажчарияад̇т̇з нибаад̇о. б̣уд̣̇д̇хаад̇и саб̣б̣ан̃н̃уб̣уд̣̇д̇хаа, г̇аарававасзна б̣ахуважанам̣, ахо ажчарияаа самб̣уд̣̇д̇хаад̇и ад̇т̇о. д̇хаммаад̇и барияад̇д̇ид̇хаммзна сад̣̇д̇хим̣ нава логуд̇д̇арад̇хаммаа. ахо но сад̇т̇у самбад̣̇аад̇и амхаагам̣ сад̇т̇у д̣̇асаб̣аласса ахо самбад̇д̇ияо. яад̇т̇аад̇и яасмим̣ сад̇т̇ари б̣рахмажарияаваасзна. зд̇аад̣̇исам̣ д̇хаммам̣, сааваго сажчигаахид̇ийд̇и зд̇аад̣̇исам̣ зваруубам̣ сувисуд̣̇д̇хаж̇жхаанаабхин̃н̃аабариваарам̣ анавасзсагилзсагкаяаавахам̣ санд̇ам̣ бан̣ийд̇ам̣ ануд̇д̇арам̣ д̇хаммам̣ саавагоби наама сажчигариссад̇и, д̇асмаа звам̣вид̇хаг̇ун̣ависзсаад̇хиг̇амахзд̇убхууд̇аа ахо ажчарияаа б̣уд̣̇д̇хаа бхаг̇аванд̇о, ажчарияаа д̇хаммаг̇ун̣аа, ажчарияаа амхаагам̣ сад̇т̇у самбад̇д̇ияод̇и рад̇анад̇д̇аяасса г̇ун̣аад̇химуд̇д̇им̣ бавзд̣̇зсийд̇и. д̇хаммасамбад̇д̇игид̇д̇анзнзва хи сан̇гхасуббадибад̇д̇и гид̇д̇ид̇аа ход̇ийд̇и.
Tattha ahoti acchariyatthe nipāto. Buddhāti sabbaññubuddhā, gāravavasena bahuvacanaṃ, aho acchariyā sambuddhāti attho. Dhammāti pariyattidhammena saddhiṃ nava lokuttaradhammā. Aho no satthu sampadāti amhākaṃ satthu dasabalassa aho sampattiyo. Yatthāti yasmiṃ satthari brahmacariyavāsena. Etādisaṃ dhammaṃ, sāvako sacchikāhitīti etādisaṃ evarūpaṃ suvisuddhajjhānābhiññāparivāraṃ anavasesakilesakkhayāvahaṃ santaṃ paṇītaṃ anuttaraṃ dhammaṃ sāvakopi nāma sacchikarissati, tasmā evaṃvidhaguṇavisesādhigamahetubhūtā aho acchariyā buddhā bhagavanto, acchariyā dhammaguṇā, acchariyā amhākaṃ satthu sampattiyoti ratanattayassa guṇādhimuttiṃ pavedesīti. Dhammasampattikittaneneva hi saṅghasuppaṭipatti kittitā hotīti.
звам̣ саад̇хааран̣авасзна д̣̇ассид̇ам̣ д̇хаммасса сажчигирияам̣ ид̣̇аани ад̇д̇убанааяигам̣ гад̇ваа д̣̇ассзнд̇о ‘‘асан̇кзяязсуу’’д̇и г̇аат̇амааха. д̇ад̇т̇а асан̇кзяязсууд̇и г̇ан̣анабат̇ам̣ вийд̇ивад̇д̇зсу махаагаббзсу. саггааяаад̇и бан̃жубаад̣̇аанагканд̇хаа. д̇з хи барамад̇т̇ад̇о виж̇ж̇амаанад̇хаммасамуухад̇ааяа ‘‘саггааяаа’’д̇и вужжанд̇и. ахууд̇и нивад̇д̇ануубааяасса анад̇хиг̇ад̇ад̇д̇аа анабаг̇ад̇аа ахзсум̣. д̇зсамаяам̣ бажчимаго жаримояам̣ самуссаяод̇и яасмаа аяам̣ саб̣б̣абажчимаго, д̇ад̇о зва жаримо, д̇асмаа ж̇аад̇имаран̣асахид̇о канд̇хаад̣̇ибадибаадисан̃н̃ид̇о сам̣сааро ид̣̇аани ааяад̇им̣ бунаб̣бхаваабхаавад̇о бунаб̣бхаво над̇т̇и, аяаманд̇имаа ж̇аад̇ийд̇и ад̇т̇о.
Evaṃ sādhāraṇavasena dassitaṃ dhammassa sacchikiriyaṃ idāni attupanāyikaṃ katvā dassento ‘‘asaṅkheyyesū’’ti gāthamāha. Tattha asaṅkheyyesūti gaṇanapathaṃ vītivattesu mahākappesu. Sakkāyāti pañcupādānakkhandhā. Te hi paramatthato vijjamānadhammasamūhatāya ‘‘sakkāyā’’ti vuccanti. Ahūti nivattanūpāyassa anadhigatattā anapagatā ahesuṃ. Tesamayaṃ pacchimako carimoyaṃ samussayoti yasmā ayaṃ sabbapacchimako, tato eva carimo, tasmā jātimaraṇasahito khandhādipaṭipāṭisaññito saṃsāro idāni āyatiṃ punabbhavābhāvato punabbhavo natthi, ayamantimā jātīti attho.
гумаарагассабад̇т̇зраг̇аат̇ааван̣н̣анаа нидтид̇аа.
Kumārakassapattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. гумаарагассабад̇т̇зраг̇аат̇аа • 1. Kumārakassapattheragāthā
