Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi

    4. гумаарагасуд̇д̇ам̣

    4. Kumārakasuttaṃ

    44. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна самб̣ахулаа гумаарагаа анд̇араа жа саавад̇т̇им̣ анд̇араа жа ж̇зд̇аванам̣ мажчагз б̣аад̇хзнд̇и.

    44. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulā kumārakā antarā ca sāvatthiṃ antarā ca jetavanaṃ macchake bādhenti.

    ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. ад̣̇д̣̇асаа ко бхаг̇аваа д̇з самб̣ахулз гумаарагз анд̇араа жа саавад̇т̇им̣ анд̇араа жа ж̇зд̇аванам̣ мажчагз б̣аад̇хзнд̇з. д̣̇исваана язна д̇з гумаарагаа д̇знубасан̇гами; убасан̇гамид̇ваа д̇з гумаарагз зд̇ад̣̇авожа – ‘‘бхааяат̇а во, д̇умхз гумаарагаа, д̣̇угкасса, аббияам̣ во д̣̇угка’’нд̇и? ‘‘звам̣, бханд̇з, бхааяаама маяам̣, бханд̇з, д̣̇угкасса , аббияам̣ но д̣̇угка’’нд̇и.

    Atha kho bhagavā pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Addasā kho bhagavā te sambahule kumārake antarā ca sāvatthiṃ antarā ca jetavanaṃ macchake bādhente. Disvāna yena te kumārakā tenupasaṅkami; upasaṅkamitvā te kumārake etadavoca – ‘‘bhāyatha vo, tumhe kumārakā, dukkhassa, appiyaṃ vo dukkha’’nti? ‘‘Evaṃ, bhante, bhāyāma mayaṃ, bhante, dukkhassa , appiyaṃ no dukkha’’nti.

    ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

    Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

    ‘‘сажз бхааяат̇а д̣̇угкасса, сажз во д̣̇угкамаббияам̣;

    ‘‘Sace bhāyatha dukkhassa, sace vo dukkhamappiyaṃ;

    маагад̇т̇а баабагам̣ гаммам̣, аави ваа яад̣̇и ваа рахо.

    Mākattha pāpakaṃ kammaṃ, āvi vā yadi vā raho.

    ‘‘сажз жа баабагам̣ гаммам̣, гариссат̇а гарот̇а ваа;

    ‘‘Sace ca pāpakaṃ kammaṃ, karissatha karotha vā;

    на во д̣̇угкаа бамуд̇яад̇т̇и, убзжжаби 1 балааяад̇а’’нд̇и. жад̇уд̇т̇ам̣;

    Na vo dukkhā pamutyatthi, upeccapi 2 palāyata’’nti. catutthaṃ;




    Next: 5. убосат̇асуд̇д̇ам̣ • 5. Uposathasuttaṃ




    Footnotes:
    1. убажжаби (га.), уббажжаби (?), уббад̇ид̇вааби ид̇и ад̇т̇о
    2. upaccapi (ka.), uppaccapi (?), uppatitvāpi iti attho



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 4. гумаарагасуд̇д̇аван̣н̣анаа • 4. Kumārakasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact