| Library / Tipiṭaka / तिपिटक • Tipiṭaka / पेतवत्थुपाळि • Petavatthupāḷi |
५. कुमारपेतवत्थु
5. Kumārapetavatthu
४५३.
453.
अच्छेररूपं सुगतस्स ञाणं, सत्था यथा पुग्गलं ब्याकासि।
Accherarūpaṃ sugatassa ñāṇaṃ, satthā yathā puggalaṃ byākāsi;
उस्सन्नपुञ्ञापि भवन्ति हेके, परित्तपुञ्ञापि भवन्ति हेके॥
Ussannapuññāpi bhavanti heke, parittapuññāpi bhavanti heke.
४५४.
454.
अयं कुमारो सीवथिकाय छड्डितो, अङ्गुट्ठस्नेहेन यापेति रत्तिं।
Ayaṃ kumāro sīvathikāya chaḍḍito, aṅguṭṭhasnehena yāpeti rattiṃ;
न यक्खभूता न सरीसपा 1 वा, विहेठयेय्युं कतपुञ्ञं कुमारं॥
Na yakkhabhūtā na sarīsapā 2 vā, viheṭhayeyyuṃ katapuññaṃ kumāraṃ.
४५५.
455.
सुनखापिमस्स पलिहिंसु पादे, धङ्का सिङ्गाला 3 परिवत्तयन्ति।
Sunakhāpimassa palihiṃsu pāde, dhaṅkā siṅgālā 4 parivattayanti;
गब्भासयं पक्खिगणा हरन्ति, काका पन अक्खिमलं हरन्ति॥
Gabbhāsayaṃ pakkhigaṇā haranti, kākā pana akkhimalaṃ haranti.
४५६.
456.
नयिमस्स 5 रक्खं विदहिंसु केचि, न ओसधं सासपधूपनं वा।
Nayimassa 6 rakkhaṃ vidahiṃsu keci, na osadhaṃ sāsapadhūpanaṃ vā;
नक्खत्तयोगम्पि न अग्गहेसुं 7, न सब्बधञ्ञानिपि आकिरिंसु॥
Nakkhattayogampi na aggahesuṃ 8, na sabbadhaññānipi ākiriṃsu.
४५७.
457.
एतादिसं उत्तमकिच्छपत्तं, रत्ताभतं सीवथिकाय छड्डितं।
Etādisaṃ uttamakicchapattaṃ, rattābhataṃ sīvathikāya chaḍḍitaṃ;
नोनीतपिण्डंव पवेधमानं, ससंसयं जीवितसावसेसं॥
Nonītapiṇḍaṃva pavedhamānaṃ, sasaṃsayaṃ jīvitasāvasesaṃ.
४५८.
458.
तमद्दसा देवमनुस्सपूजितो, दिस्वा च तं ब्याकरि भूरिपञ्ञो।
Tamaddasā devamanussapūjito, disvā ca taṃ byākari bhūripañño;
‘‘अयं कुमारो नगरस्सिमस्स, अग्गकुलिको भविस्सति भोगतो च’’ 9॥
‘‘Ayaṃ kumāro nagarassimassa, aggakuliko bhavissati bhogato ca’’ 10.
४५९.
459.
‘‘किस्स 11 वतं किं पन ब्रह्मचरियं, किस्स सुचिण्णस्स अयं विपाको।
‘‘Kissa 12 vataṃ kiṃ pana brahmacariyaṃ, kissa suciṇṇassa ayaṃ vipāko;
एतादिसं ब्यसनं पापुणित्वा, तं तादिसं पच्चनुभोस्सतिद्धि’’न्ति॥
Etādisaṃ byasanaṃ pāpuṇitvā, taṃ tādisaṃ paccanubhossatiddhi’’nti.
४६०.
460.
बुद्धपमुखस्स भिक्खुसङ्घस्स, पूजं अकासि जनता उळारं।
Buddhapamukhassa bhikkhusaṅghassa, pūjaṃ akāsi janatā uḷāraṃ;
तत्रस्स चित्तस्सहु अञ्ञथत्तं, वाचं अभासि फरुसं असब्भं॥
Tatrassa cittassahu aññathattaṃ, vācaṃ abhāsi pharusaṃ asabbhaṃ.
४६१.
461.
सो तं वितक्कं पविनोदयित्वा, पीतिं पसादं पटिलद्धा पच्छा।
So taṃ vitakkaṃ pavinodayitvā, pītiṃ pasādaṃ paṭiladdhā pacchā;
तथागतं जेतवने वसन्तं, यागुया उपट्ठासि सत्तरत्तं॥
Tathāgataṃ jetavane vasantaṃ, yāguyā upaṭṭhāsi sattarattaṃ.
४६२.
462.
तस्स 13 वतं तं पन ब्रह्मचरियं, तस्स सुचिण्णस्स अयं विपाको।
Tassa 14 vataṃ taṃ pana brahmacariyaṃ, tassa suciṇṇassa ayaṃ vipāko;
एतादिसं ब्यसनं पापुणित्वा, तं तादिसं पच्चनुभोस्सतिद्धिं॥
Etādisaṃ byasanaṃ pāpuṇitvā, taṃ tādisaṃ paccanubhossatiddhiṃ.
४६३.
463.
ठत्वान सो वस्ससतं इधेव, सब्बेहि कामेहि समङ्गिभूतो।
Ṭhatvāna so vassasataṃ idheva, sabbehi kāmehi samaṅgibhūto;
कायस्स भेदा अभिसम्परायं, सहब्यतं गच्छति वासवस्साति॥
Kāyassa bhedā abhisamparāyaṃ, sahabyataṃ gacchati vāsavassāti.
कुमारपेतवत्थु पञ्चमं।
Kumārapetavatthu pañcamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / पेतवत्थु-अट्ठकथा • Petavatthu-aṭṭhakathā / ५. कुमारपेतवत्थुवण्णना • 5. Kumārapetavatthuvaṇṇanā
