| Library / Tipiṭaka / ติปิฎก • Tipiṭaka / เปตวตฺถุปาฬิ • Petavatthupāḷi |
๖. กุมารเปตวตฺถุ
6. Kumārapetavatthu
๗๔๖.
746.
‘‘สาวตฺถิ นาม นครํ, หิมวนฺตสฺส ปสฺสโต;
‘‘Sāvatthi nāma nagaraṃ, himavantassa passato;
ตตฺถ อาสุํ เทฺว กุมารา, ราชปุตฺตาติ เม สุตํฯ
Tattha āsuṃ dve kumārā, rājaputtāti me sutaṃ.
๗๔๗.
747.
ปจฺจุปฺปนฺนสุเข คิทฺธา, น เต ปสฺสิํสุนาคตํฯ
Paccuppannasukhe giddhā, na te passiṃsunāgataṃ.
๗๔๘.
748.
‘‘เต จุตา จ มนุสฺสตฺตา, ปรโลกํ อิโต คตา;
‘‘Te cutā ca manussattā, paralokaṃ ito gatā;
เตธ โฆเสนฺตฺยทิสฺสนฺตา, ปุเพฺพ ทุกฺกฎมตฺตโนฯ
Tedha ghosentyadissantā, pubbe dukkaṭamattano.
๗๔๙.
749.
นาสกฺขิมฺหา จ อตฺตานํ, ปริตฺตํ กาตุํ สุขาวหํฯ
Nāsakkhimhā ca attānaṃ, parittaṃ kātuṃ sukhāvahaṃ.
๗๕๐.
750.
‘‘‘กิํ ตโต ปาปกํ อสฺส, ยํ โน ราชกุลา จุตา;
‘‘‘Kiṃ tato pāpakaṃ assa, yaṃ no rājakulā cutā;
๗๕๑.
751.
‘‘สามิโน อิธ หุตฺวาน, โหนฺติ อสามิโน ตหิํ;
‘‘Sāmino idha hutvāna, honti asāmino tahiṃ;
๗๕๒.
752.
‘‘เอตมาทีนวํ ญตฺวา, อิสฺสรมทสมฺภวํ;
‘‘Etamādīnavaṃ ñatvā, issaramadasambhavaṃ;
ปหาย อิสฺสรมทํ, ภเว สคฺคคโต นโร;
Pahāya issaramadaṃ, bhave saggagato naro;
กายสฺส เภทา สปฺปโญฺญ, สคฺคํ โส อุปปชฺชตี’’ติฯ
Kāyassa bhedā sappañño, saggaṃ so upapajjatī’’ti.
กุมารเปตวตฺถุ ฉฎฺฐํฯ
Kumārapetavatthu chaṭṭhaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เปตวตฺถุ-อฎฺฐกถา • Petavatthu-aṭṭhakathā / ๖. กุมารเปตวตฺถุวณฺณนา • 6. Kumārapetavatthuvaṇṇanā
